harris1438's Profile

之前聽同事推介過位於中環既哩間中華匯館無論環境、服務同食物都好高質，今日終於去左試。內在環境唔算大，全部客人都幾高質，會安安靜靜咁傾計，一d都唔嘈。店員上菜亦會簡介一下菜式既特點，係有一個講野比較唔清晰，長期聽唔到佢講咩...杏汁燉白肺 嗅落杏汁味已經好香濃，飲落杏香甘醇，豬肺仲好滑添！金湯海皇羹 好香濃海鮮味仲帶甜，絕不馬虎👍🏻👍🏻酸辣羹 偏重味，酸酸甜甜好開胃頭盤嗌左金磚豆腐同話梅南瓜，未食過豆腐可以炸得咁滑，帶有椒鹽香味，話梅南瓜口感好爽，不過太酸，男仔未必咁岩食鹿兒島茶美豚叉燒 叉燒黎自日本鹿兒島，豬肉口感嫩滑唔使咬就溶左咁，做得好入味好好食，又香又juicy 剁椒東星班 $280除左水煮，第一次食辣既魚，估唔到味道又幾特別，辣辣地好香口，更能帶出魚既鮮味，魚肉好嫩滑。黃燜汁鱔皇鍋粑 $180第一次食炸鱔，口感好鬆化，鍋粑又脆，加上秘製既汁，味道同口感都好好，幾有驚喜！南瓜汁鮮帶子 新鮮帶子刺身配上特調既南瓜汁加上黑魚子，舌尖既享受！帶子係半生熟好鮮甜八寶鴨 $580內有粟子、薏米、鴨肉、蓮子，烹調過程煩覆係屋企絕對整唔到。鴨肉做得好林又多汁，淨係食八寶鴨都好飽肚唔使嗌白飯。脆肉鮮淮山銀杏 $180淮山養顏銀杏潤喉，岩曬屋企人，脆肉瓜炒得好脆，味道清清地，配上濃味既八寶鴨岩岩好。芝麻卷 芝麻味濃郁，甜而不膩，煙煙韌韌，口感味道都一流。合桃酥 超級鬆化，好香牛油香味，唔會太甜，屋企人都好中意。…Read More

難得唔使OT，約左朋友食飯佢揀左係觀塘既哈豆，餐廳都幾近地鐵站好方便。哈豆係一棟工廈既三樓，環境都幾大，侍應都講普通話，感覺好地道。牆身畫左好多具台灣特色既地方，十分精美👍🏻鮮果茶(左) $49 味道唔錯但對男仕黎講會偏甜，有唔同既生果係入面，橙、蘋果、梨等等鹵水拼盤 份量有d少，有d野得一件，豆腐同蛋反而有4件。味道方面唔錯既，所有野都好鹵得好濃好入味。冰火芝士佐鹹酥雞 🍗 $39 鹹酥雞沾上又多又濃既芝士醬，正！嘉義葱酥雞肉飯 係香港比較少見既台式食物，將雞肉撕成雞絲，葱酥雞肉葱油味香。飯旁加左青瓜、生菜、菜脯，食起上黎無咁油膩，清新好味。五寶雜錦醬乾伴麵 同朋友都一致認同呢個乾伴麵既汁醬做得好好，撈落麵到味道依然好濃，個麵既外貌同口感都有d似刀削麵。五寶中雞翼最好食又入口！鮮果四季巴斐 🍨 $49 有vanilla同朱古力雪糕，應該係普通雀巢雪糕🤔 內有小量雜果同涼粉，整體味道還好無咩特別…Read More

今日放工約左朋友落深水埗食飯...大家好耐都冇打邊爐。 上網見介紹話呢間有海鮮食咪黎試試。位置都幾方面，由地鐵站行五分鐘左右。店鋪唔算好大...不過有個優勢就係人少冇咁嘈服務好😂😂一黎當然係簡湯底簡左蕃茄海鮮鍋$188...估唔到有咁多海鮮。又蝦又蟹又蜆。蕃茄湯又足料。為左可以保證唔會煮太耐...我地兩塊兩塊咁煮😂😂 好有口感，食落就知高級野。呢個響鈴真係推介，好少食到即炸，好脆口再加上紫菜。好正估唔到咁鬼大隻，好鮮好似岩岩釣上黎咁好少地方有得簡竹笙，吸收左個湯底之黎好入味手打丸真係無敵...無論口質同味道都好好。食完唔會想再叫急凍既肉類。叫得蕃茄湯...當然要叫什菜同蜂巢豆腐啦。咁先食到精華嘛…Read More

係香港好易搵到日本野食，但思鄉必須搵返間有水準既日本餐廳。一出電梯就睇到充滿日本味道既餐廳前菜當然要試下沙律...少少酸又有魚生好開胃然後就試下好特別既海鮮湯，真係估唔到加左青檸會有咁清甜既感覺話明思鄉...當然叫串燒啦。無論肉質，口感，醬汁...都完全好似係日本食咁。同埋係香港都會到呢幾重串燒當然唔少得壽司同卷物啦壽司拼盤全部材料都係日本空運。有劍魚肝，拖羅，海膽，牡丹蝦，穴子，帆立貝，瑩光魷魚同埋金目鯛。樣樣都好鮮甜又吸引。最後點少得甜品，椰子好清新又甜。一個其實都唔夠滿足。…Read More

朋友話太耐冇見，想邊食邊飲野傾下計。最後搵左呢間有特色手工啤餐廳試下....位置幾方便，由荃灣地鐵行過去都係五分鐘左右。 不過鋪頭唔算太大，裝潢有d酒吧既感覺。無論手工啤 或者野食都吸引，不過張台唔算大，店員主動提意慢慢上驚無位擺，好細心👍🏼👍🏼。如果的事 $108頭盤一定係簡 Salmon tartare bruschetta，呢款雖然係西式，而且多數朋友都鍾意食三文魚。牛上南山 $88燒牛，即叫即燒...黎到係熱辣辣，多肉汁唔會好乾身。南瓜溶同個名一樣，成個山咁，味道都唔錯。 軟殻蟹泰式炒意粉 $128軟殻蟹估唔到都幾大隻，又冇加好多炸粉去整，味道唔錯。泰式意粉有少少酸同辣，感覺幾特別。雙重松露熱狗 $88望到個樣都知足料有份量同埋好香既黑松露味，加上有滑蛋..完全唔可以一口咬曬😂。包面有少少脆，食落幾好味。前程錦繡 & 麥之戀人左邊淡色係麥之戀人，小弟鍾意麥味重d，覺得幾好飲。而前程錦繡苦澀味比較重，女仔可能未必鍾意。…Read More

今日係荃灣西交收，所以約左朋友係附近食飯。呢間餐廳由西鐵站行過黎都唔算遠都易搵。位子都幾多同坐得幾舒服。美國頂級肉眼斧頭扒$ 288見到餐牌大大隻介紹同埋見個名幾特別，所以叫黎試下。估唔到真係幾似斧頭哦😂😂肉質幾厚又多肉，食落真係feel到幾多肉汁但有少少油。可能係呢個部位係咁🤔個人覺得唔好要求煮太熟，因為半成都唔覺有好多血水，呢個熟度岩岩好😁特色焗蠔 $ 48我地見餐牌有好多唔同既生蠔介紹，好想試。不過朋友岩岩病好，今次唯有叫焗蠔先。估唔到d蠔焗完之後都幾大隻，芝士味都幾濃，一黎到就襯佢熱熱地就一啖放落口，好滿足😍😍白酒藍青口 $ 88青口都幾隻同肉質幾鮮甜。食之前用匙舀返d白酒落青口上面先食。咁先真正食到個味。煙肉洋蔥芝士焗大蘑菇 $ 58雖然賣相冇咁吸引..但芝士下面真係足料煙肉。 四種食材加埋真係好香同食落好有口感。如果加少少煙肉碎係面，應該會幾靚。…Read More

今日約左朋友去黃埔睇戲，因為未夠鐘就入左黃埔新天地搵下有咩野食。朋友鍾意食日本野，所以簡左呢間拉麵試下。自從黃埔有地鐵站之後，呢到方便左好多。地鐵站行到餐廳唔洗五分鐘。餐廳主要用吧台設計，幾有日本feel，不過都有幾張普通座位，如果想傾計可以簡旁邊座位。呢到無論拉麵或者小食都有好多唔同味道選擇。拉麵方面，落單紙可以跟自己喜好選擇硬度同配料。兩個人都叫左好多野，都係三百蚊到。唔算太貴👍🏼特上日本芥未拉麵第一次食芥末味既拉麵，感覺好特別。沒了刺鼻既感覺但keep到好淡既芥末味同湯底好濃郁。豬肩肉有口感而豬腩肉肉質好淋。特上海老湯拉麵湯底好濃郁但海老味道就唔係太慣😂不過有新鮮感，呢款拉麵重有日子限定唔係日日有得食。日式煎餃子餃子皮厚度岩岩好，咬落好多肉汁同埋冇煎到好油牛肉薯餅 + 栗子南瓜薯餅開頭叫呢兩個薯餅都怕會炸到好多油，點知黎到張隔油紙都冇咩油👍🏼👍🏼好大舊又足料，咬一d餡都冇散。 我個人最鍾意南瓜味😁信洲白提子梳打…Read More

今日同朋友係Apm睇完戲，就搵左呢間日式cafe試下。估唔到都咁近，由後門過對面就係果座工廈。由於電梯只上到十四樓，要行多層樓梯先到餐廳。轉彎已經跟有banner指示路線，好細心👍🏼👍🏼餐廳入面全部都係日式裝潢，完全忘記左係工廈入面，好舒服。呢個座位都唔算多，唔會台貼台可以靜靜地咁傾計。所以大家記住book左位先。我地等左一陣就有位，見到每台都有火鍋而且天氣咁凍。當然都要叫一個試試。北海道3.7牛乳皇帝蟹腳鍋 $ 156上菜之後，店員幫我地點左火等佢慢慢到煲滾，由於用左3.7牛乳，未打開已經嗅到香味。一打開鍋就見到成隻蟹同好大舊蟹肉😍非常足料，足夠兩個人份量。因為用左3.7牛乳，湯底好簡奶味較濃，令蟹肉更加鮮甜，最後配菜吸曬湯既精華，食落得好好味。左口魚邊裙芥末忌廉沙律 $72左口魚本新鮮甜同口感嫩滑，好適合用黎配沙律。加上蟹籽，非常有口感，好開胃。7味軟殻蟹 $82呢個軟殻蟹唔算炸得好脆，可能用較少炸粉。 反而感覺冇咁油較健康，味嘗到軟殻蟹果到質感雞翼串 $32/串牛脷串 $37/串和牛串 $39/串雞翼..肉質好滑同皮有少少脆。好好味一人一隻有d唔夠喉。牛脷..肉質柔軟完全唔韌和牛..加左香蒜更加入味...咬落去充滿肉汁紫番薯串 $36/串好少機會食到串燒紫番薯，燒得岩岩好唔會好乾身。…Read More

今日約左舊同學聚舊，大家都好耐冇食日本野就簡左呢間日本餐廳。位置都幾方便，由K11出口行幾分鐘就到。黎到得返吧台位，都幾好可以靜靜地吹下水。估唔到平日都坐滿。好彩我地有book 位。當有太多野簡就出現選擇困難症😂所以直接簡左二人前就唔洗諗。秋葵西柚野菜沙律配甘荀酢 + 三式前菜呢個前菜有小弟最愛既芥末八爪魚，好正😍第一次試味噌紫菜，估唔到幾特別。如果鍾意食酸味重既朋友，應該好鍾意食個沙律，加埋幫助清化既秋葵。 完全可以增加食慾。日本真蠔估唔到有成隻手掌咁大，原本諗住好滿足咁成隻放入口。不過失敗左😂好新鮮冇怪味。刺身盛5點中拖羅，油甘魚，帆立貝，牡丹蝦，薄切左口魚每種刺身都好有分量，油甘魚同左口魚點另上既醬汁，感覺比點豉油好味好多。中拖羅好有口感😍壽司盛8貫島池魚-魚質出名爽口，個人好喜歡厚切食。加拿大海膽- 估唔到入口即溶😍赤身-口感甘甜，賣相好吸引。松葉蟹肉-蟹肉好新鮮，食落唔會有好粉既感覺。蒜燒西班牙豬肋骨第一次係日本餐廳食豬肋骨，估唔到幾香同燒得岩岩好，咬落去果下已經feel到肉汁。大家食之前記住拎定紙巾😂松葉蟹味噌豆腐鍋一望落去就知好足料，成隻松葉蟹好多肉。味噌份量岩岩好唔會蓋過蟹味，其他配菜吸曬d湯味後簡直一流，食完成個人暖曬...非常岩冬天食。魚湯野菜稻庭烏冬黎到最後一道菜，其實都好飽😂。好彩呢個野菜鳥冬份量唔算多...魚湯味道好濃郁好鮮甜。甜品 綠茶栗子蛋糕 + 豆腐雪糕當然唔少得甜品，蛋糕款式每日都唔同。 今日係綠茶栗子蛋糕，綠茶味唔算好濃加埋栗子甜味，容易入口。小弟去親旅行都會食豆腐雪糕，既然有得簡當然簡豆腐味成個二人餐都好多野食同幾豐富，呢個價錢唔算貴。…Read More

呢間係係荃灣既板燒吉列牛。位置都幾方便，由西荃灣西西鐵站行過去都只係五分鐘左右。 大概係荃灣廣場附近同門口有大招牌都幾易搵。鋪面唔算好大唔算多位， 但都坐得幾舒服。如果兩個人去通常都要坐四人位搭台。坐低見到大部分人都叫吉列牛，當然要叫定依黎試下啦。吉列牛厚度適中，容易燒又唔會覺得份量太少。秘之素食都幾特別，有紫菜同調味料開胃好多。但櫻花昆布湯就唔係咁岩口味。最後流心蛋就穩穩陣陣。我地係餐牌見到呢個朴葉味噌牛肉幾特別。好似名古屋既飛驒牛，叫左黎試下。店員都提左幾次好重口味😂 不過都想試試。一黎就見到好大塊葉🤦🏻‍♂️ 成間鋪都望過黎。要一路攪一唔燒都幾累下，怕唔熟燒左好耐。出黎味道係幾好，味噌味幾特別。大家想試下新野 可以試試😂比個瓶吸引左我地叫佢...我幾鍾意薑啤...😁…Read More

平時食米線都好少聽人話會飲埋個湯，呢間位置鼓油街既米線，位置都幾方便易搵，主打係用鮮雞湯湯底既米線。佢有好多唔同既雞湯底，大家可以按自己既口味簡正常，酸同辣既湯底，另外可以再加唔同既配料。今日小弟就叫左椰子雞湯加芝心丸，另外再叫左碟芥蘭。湯底都幾清，湯面有少少雞油，飲落真係唔覺有味精。雞肉都幾大舊同煮得幾淋，不過米線就好似少左少少。芥蘭佢都係用雞湯煮，唔洗點蠔油都好夠味。鍾意食米線既朋友可以去試一試。…Read More

今日返工要去太子交收，太累唔想行返去旺角食飯。行下行下就去左旺角警署後面一條小街搵野食，呢到估唔到都幾多選擇。 不同我同朋友都有唔同既野想食，最後入左呢間多國菜。環境黑白為主...鋪頭唔係好大但唔會坐到好迫。位置都近地鐵站只係行五分鐘左右。海南雞飯賣相好吸引阿...海南雞都幾滑幾大舊, 不過份量少左少少。 小弟都幾鍾意食比較硬身既飯，個油飯 完全滿足到我同埋冇好層油係飯面果種感覺。黃金忌廉汁豬扒焗飯開頭諗住叫套餐最平果個😂貪佢有湯有沙律😆估唔到幾好味...完全意料之外。 小弟見識少阿...我就食完覺得個汁係用忌廉湯加咸蛋黃整， 味道好特別好好味。而豬扒焗到好淋...唔會好un。…Read More

今日放工黎左佐敦試下呢間熊拉麵，一出地鐵站行幾分鐘就到，位置好邊方便。呢到空間唔算好大，只係得一張大長枱同圍住廚房既吧台。 如果想慢慢傾計就未必咁岩。我地叫左招牌熊拉麵配 火炙叉燒 同黑熊拉麵配角切叉燒。招牌湯底係豬骨湯底麵幾濃最好味而黑熊係黑蒜油湯底比較重口味😂 唔係幾岩食。火炙叉燒比較有口感，而角切叉燒好唔慣咁細舊😅，雖然都係同一樣野。餃子就正正常常。…Read More

今日ot到好夜...公司附近既餐廳都收曬。唯有行遠少少去住宅區附近搵下野食啦...最後成條街得呢間鋪未關，就入黎食個麵。其實平時係隔離食lunch，都唔覺有呢間野。位置唔近地鐵同鋪頭唔算好大...但台既位置都分得幾開。坐低就直接簡左套餐同埋雙拼餃子韭菜同白菜，可以試多隻味😁佢既餃子都幾大幾足料，不過重點反而係個湯，幾濃魚湯同應該冇味精。再加一杯羅漢果甘草，好少夜飯會咁健康😂…Read More

最近發現屋企附近開左間馬來西亞菜小店，今日早左放工就黎試下。鋪頭入面只有一張四方台...外面設計左個類似吧台既空間。不過太熱同冇帳篷，應該都唔會有人會係到食，所以大部分人都係外賣拎走。大部分辣椒icon既菜色都有少少辣我就叫左巴東雞柳飯 同 怡保白咖啡。落單之後要等大約十五分鐘到，如果唔係樓上樓下既話。考慮入惠康行個圈有咁熱😂😂。拎到返屋企估唔到咁香，肉質好淋同好入味。小弟本新唔食辣，但少少辣味又幾好食。醬汁唔會酸同埋佢有配薯仔粒，好滿足。好少地方會有白咖啡...大家想得閒轉下口味 可以試下😁…Read More