甜甜姐兒's Profile

今次第二次幫襯桐燒, 今次同朋友睇完戲後, 到桐燒食lunch, 星期六既下午, 人不太多, 對我黎講 好好, 因為最怕食飯要等位or太噪~桐燒既環境真係好好, 裝修有特色, 對正維港景色, 確係值得推介~我同朋友分別order左吉列和牛定食同咖喱和牛定食吉列和牛定食:覺得吉列和牛別一番風味, 所以點黎試下, 定食既賣相好吸引, 小食種類亦多, 起初都會擔心失去和牛既牛味, 但食落真係唔錯, 因為佢有吉列左既脆口外層, 但內裡既和牛依然柔軟而且有濃郁既和牛味道, 仲有3款醬料提供 (應該係味噌, 芥辣同沙律醬), 一次過滿足哂3個願望呢~~哈哈~~朋友話咖喱和牛定食都好好味~~價錢都算物有所值, 定食分都差不多$80一份…Read More

男友介紹下黎到cafe muse 食lunch, 位置都幾隱閉, 成日黎尖沙咀都留意唔到有呢間餐廳呢, 入到環境裝修都好靚, 柔和既黃光更令人覺得relax....1:20pm左右坐低, 餐廳內唔算多人, 坐得都好舒服~店內既lunch係semi-buffet, 我同男友分別order左奇尊汁雞扒飯同龍蝦汁龍脷意粉奇尊汁雞扒飯: 個汁好有趣, 酸酸甜甜, 配合埋雞扒都幾好味, 不過白飯略嫌硬左少少 龍蝦汁龍脷意粉: 試左個龍脷, 好好味, 入口香軟, 正!食完後食左少少甜品, 有芝麻糕, 紅豆糕, 楊枝金露糕, 面包布甸, 前面2款都較甜, 後面2款不錯架~~呢餐雖然滿足, 但如果可以慢慢食, 食耐些少就仲好~~埋單$14x…Read More

男友介紹黎到呢間有特色既韓式快餐小店食dinner~估唔到香港有呢類既小店, 本人第一次見, 所以覺得比較新奇~哈哈~~6pm去到, 暫時都無人, 環境幾乾淨企理, 電視一路播住韓國既MTV , 都幾有韓feel呢~~~我叫左一個牛肉辛拉麵套餐: $40既set都幾豐富, 有飯前小食, 泡菜, 白飯, 一碗牛肉辛拉麵, 乜韓國人食咁多野既....聽男友講泡菜係小店自家製, 好好味, 鍾意辣既人一定會覺得好味, 我就覺得叻左少少, 拉麵好有口感, 夠彈牙, 今餐都令我好滿意, 下次有機會一定會再幫襯 ^^…Read More

今日一行6人約左去泰簡單聚餐, 好彩訂左枱6:30pm, 唔係都有排等, 安排左一張近露天既長枱比我地, 環境真係好好, 好有氣氛, 如果天氣不太熱既坐出去都ok~~~我地點左以下既菜式: 柚子沙律: 我覺得酸左少少, 但都ok既~~ 蝦蛹: 好味, 炸得岩岩好, 外脆內彈牙, 配合埋醬汁一流 蟹肉米粉生菜包: 好清新, 不過蟹肉略嫌唔夠多 炒芥蘭: 都唔錯, 好似係用咸魚炒, 唔會太咸, 有少少辣 金枕頭: 睇食評就好評如潮, 所以試下, 夠香又不太辣, 最好趁熱食, 會好味D 架~~ 炒貴刁: 好惹味, 係旁邊仲有3款調味比你揀, 不過加唔加都已經好好味~ 明爐蒸烏頭: 呢個賣相好吸引, 不過味道就麻麻,加上好多魚骨, 要好小心食, 咽左一條魚骨後唔敢再食 >.< 仲要成$160一條, 本人覺得唔多抵食.... 荔枝特飲: 賣相好靚, 有朵花裝飾, 不過甜左少少 (本人飲開少甜飲品).... 甜品: 南瓜糕&椰汁西米糕: 淨係試左椰汁西米糕, 好香好濃既椰汁味~$8一個整體黎講, 今晚既晚餐都算中上~可能星期六晚, 人比較多, 服務略嫌未夠殷勤 ^^…Read More

同男朋友黎到四季日本料理食晚飯, 閒日既夜晚人唔多, 侍應帶我地去窗邊既卡位坐低, 環境好好, 坐得舒服, 唔知係咪人唔多既關係, 侍應既反應都比較遲鈍.....我地點左個餐, 裡面包括有: 海鮮沙律: 好好味~~個汁好開胃, 有蝦, 三文魚同八爪魚 天婦羅: 有蝦, 茄子, 冬菇, 芋頭, 蕃薯, 蝦天婦羅超好味, 新鮮彈牙大大隻 蒲燒鰻魚: 又好好味, 鰻魚肥瘦適中, 又夠入味, 口感一流 天婦羅蝦卷: 好味, 發現呢間既蝦真係好得~ 蒸籠牛肉: 開頭睇名以為山竹牛肉, 同成個餐都好格格不入, 黎到時個買相真係影響哂成餐飯既食慾, 就算諗住可以醜樣d, 應該會好食, 點知一放落口真係唔掂, 全部料就咁放上去蒸熟, 都無味既!!d 牛肉仲要硬架, 問個侍應係咁啦, 佢幫我地拎入廚房問, 問完到經理出黎同我地講, 話呢籠野個味真係咁樣....咁我地唯有無奈接受 =.= 雜錦壽司: 不過不失~可能已經食到飽同開頭太好味, 再比山竹牛肉搞到無哂癮... 甜品: 綠茶&雲呢拿雪糕, 一般啦~今餐如果無左個山竹牛肉就真係perfect~~~不過都唔錯 ^^埋單: $ 4xx…Read More

上次同朋友係度食桑寄生蛋茶, 味道普通, 唔算太有特色, 我覺得旺角既浩記比佢出色得多, 相信正街既源記都一定比佢好食, 同朋友坐底後好耐都無人理我地, 等左一陣, 終於叫到阿姐幫手落單....今晚諗住再去可可店買幾碗糖水返屋企同家人一齊食, 入到去, 見到3,4個阿姐企係門口係度吹水, 我企左係佢地隔離一陣, 佢地繼續吹水, 完全無視我, 咁唯有走埋去佢地身邊叫野啦, 但佢地竟然扮聽唔到, 照吹水, 唔知呢間咁不知所謂, 服務奇差既"老店"係咪真係咁唔愁無生意做, 最後我都無買到糖水走左, 無諗過去一間糖水鋪, 好似要求佢地賣比我咁....以後都唔會再幫襯!!…Read More

今日同好朋友慶祝生日, 一行3人約左係阿拉麵館食lunch, 事前先去左樓下cova 買生日蛋糕放定係餐廳先~ 到約定時間見到另外2個朋友就一齊上去, 人唔算太多, 裝修後都係第一次幫襯, 開頭安排我地坐窗口位, 但當日正係烈日當空, 真係好熱, 所以要求坐返入大堂, 環境舒適, 幾好坐, 唔會太噪適合三五知己傾下計, 我地一共點左6個菜酸辣湯: 朋友咁岩有coupon, 所以免費, 都好碗, 每人都可以食到2碗, 辣左少少, 用料豐富, 都算唔錯! 素鵝: 原來係油炸既, 太肥膩, 本人唔多喜歡, 加上佢要點醋食, 雖然我鍾意食醋, 但點完d味道都唔夾..... 蝦海鮮冷麵: 原本諗住叫石頭海鮮炒飯, 但侍應推介冷麵, 咁就一試, 但真係大失所望, 除左冷之外無優點可取, 麵太硬, 蝦只係數粒蝦米仔, 料太少..... 阿拉湯包: 即係小籠包, 唔好食, 皮太厚, 夾時就已經穿, d汁瘺哂出黎, 味道一般, 太重豬肉味..... 腰果炒牛肉: 牛無牛味, 好似食緊肉片咁, 食落又唔入味, 好似分開炒完撈返埋咁....雖然食物味道麻麻地, 但賣相都呃得下人, 而且勝在環境, 服務好, 最後食完野, 我扮去洗手間搵人幫手拎蛋糕出黎, 過左一陣拎個蛋糕比我地, 仲拎左部即影即有既相機出黎幫我地影相, 真係有d估佢唔到, 轉頭仲附送一個紙製既座枱相架比我地, 張相當然比左主角啦~~買單一共$240^^…Read More

夜晚要上堂, 又好想飲珍珠奶茶, 5點幾黎到麵軒食tea, 呢個時間人唔多, 坐得好舒服, 侍應服務態度唔錯, 經理都幾靚仔叫左個鹵蛋甜酸豆腐飯+珍珠奶茶 鹵蛋甜酸豆腐飯: 雖然係下午茶, 但份量唔會特別少, 可以當埋晚餐呢, 抵食, 味道ok! 冰鎮珍珠奶茶: 珍珠粒大小及軟硬適中, 好好飲!…Read More

今日約左3個朋友黎到allay cafe食tea~本人叫左cheese cake tea set, 朋友們就叫左司華力腸沙律tea set, 沙律賣相不俗, 但無試到, 所以只可以寫cheese cake 既食評:cheese cake: 藍莓cheese cake, 好濃既cheese 味, 亦唔會太甜, 軟硬適中, 好鍾意佢咬完仲可以慢慢嗒既口感~哈哈~cuppacinno: 意外既驚喜, 本人好喜歡, 一向不太喜歡喝coffee既我, 飲完呢杯凍cuppacinno覺得唔夠喉, 好想再飲多杯, 因為佢用左碎冰, 並唔係一舊舊既大冰塊, 唔想咬到碎冰可以由底吸, 但我鍾意連埋碎冰一齊吸呢, 好好味!…Read More

今日1pm幾同2個朋友諗住係筲箕灣食lunch, 朋友提及有關好食既咖哩屋, 但又唔記得實質地址, 所以本來諗住去食安利 or 王林記算數, 但點知行左一陣後, 就巧遇朋友口中既恆河咖哩屋呢, 大家即刻走埋去幫襯啦~~~門面算唔錯~入到去都好彩即刻有位, 我地3個人叫左3個set lunch, 分別係咖哩羊仔腩, 咖哩牛仔腩同埋鐵板雞卷 (1份set包左湯, 主菜, 飯or烤餅, 一杯飲品)忌廉湯, 我覺得麻麻地, 太"結"比較膩....咖哩羊仔腩係3個裡面最辣既一款, 我食左一舊, 肉不多, 但就一定唔羶, 鍾意辣既朋友應該會鍾意呢個菜咖哩牛仔腩好好味, 牛仔腩夠"淋", 唔會"痴"牙, 亦唔會太辣, 內裡既薯仔經油炸, 所以無散開or 變薯蓉, 都好妹味~鐵板雞卷味道都唔錯, 仲有個咖哩汁另上, 呢個咖哩汁味道比較酸~各有特式~烤餅有4大塊, 要趁熱食, 黎到時有煙出, 仲係脆卜卜既, 都非常唔錯呢~臨走時見到真係印度人係度整~ 白飯都係選用珍珠米, 可惜凍左, 比較硬身.....佢既凍飲大大杯, 真係超值~~…Read More

今晚同朋友本來諗住食糖百府or石磨坊, 但去到糖百府已經停籌, 而可磨坊就要等十幾張枱, 所以最後轉陣去浩記, 好彩朋友有記性, 記得有間正野係附近, 去到唔駛等~~一直都無試過桑寄生蓮子蛋茶, 之前聽到個名覺得唔慌係好食既野同埋覺得係d苦茶之類, 但後來聽朋友講係對女性好補, 所以都要一試~~~我地一行4人全部都係叫桑寄生蓮子蛋茶, 真係無介紹錯, 蓮子唔硬, 每一啖既桑寄生都覺得好滋潤, 隻蛋色澤夠, 味道好~…Read More

今日同朋友去久違的阿拉丁吃晚飯, 4,5年前已經食過, 都係朋友帶去, 都已經覺得好食~~今次朋友提議呢度都二話不說話好~~大約6:30pm黎到餐廳, 都有1,2枱客, 我地叫左一個$158既2人set dinner:有薯角, 烤餅, 咖哩羊, 鐵板烤雞, 印度飯, 薯蓉椰菜花, 芒果乳酸, 甜乳酸~薯角漲卜卜, 好有內涵, 味道唔錯~烤餅一般, 可能放耐左, 唔夠熱咖哩羊不俗, 唔羶唔太辣, 岩哂我呢d鍾意小辣既人~鐵板烤雞好香口, 不過對我黎講就辣左d.... 印度飯既口感好得意呢, 真係一粒粒, 唔會痴埋一齊, 味道又同白米飯唔一樣, 值得一試~薯蓉椰菜花都係一般蔬菜, 無咩大驚喜芒果乳酸好好飲~唔會太甜亦有陣陣芒果清香去到7pm左右, 已經開始客滿, 好彩我地有book枱同早到, 服務都唔錯, 侍應都好有耐性解說餐牌~總括今晚既dinner都係好滿意~ …Read More