hungryhangry's Profile

今日黎左一間好別緻嘅cafe，感覺仿如置身台灣/日本🇯🇵，令人由充滿壓抑嘅城市暫時舒一口氣💨我地好彩黎到時間尚早，有機會去榻榻米座位，個個位採光極好，好啱影相打卡，而且外面環境令人心曠神怡，超舒服。食物種類都幾廣泛，但每一樣都幾有特色，好有心思，口味唔會得普通朱古力士多啤梨個啲，例如Dutch baby pankcake我就叫左檸檬蛋黃醬 Lemon Curd baby pancake ($78) 呢個德式鬆餅🧇係最後一道後上嘅甜品，熱辣辣送上枱，職員仲好細心叫我地唔好掂個鑄鐵鍋，因為仲好新鮮熱辣，鬆餅外層酥脆，內層柔軟而且充滿蛋香，碗上微酸清新嘅檸檬蛋黃醬同藍莓🫐，可以話係搭配得好好，甜而不膩，加上雪糕，刺激味蕾新層次，外表澎湃嘅Dutch baby pancake超打卡able!另外令人印象深刻仲有蟹肉薯仔沙律($62)外加($15)仲有Parma Ham. 外型可愛，一食就知超足料，蟹肉鮮味超出，所有野配搭一齊超夾😋沙律dressing都好清香微酸好match.除此之外，黑松露蟹肉沾醬配吐司($108)🍞都好出色，truffle好香濃噗鼻，蟹肉都冇偷工減料，又新鮮又鮮甜，用黎點toast超正，而且份量都幾多，個醬同toast嘅比例啱啱好。壓軸嘅係和牛吐司Wagyu Beef Open Toast($124)，外表已經相當吸引，配料有火箭菜、埃文達芝士同焦糖洋蔥，火箭菜一啲都唔落，配落個toast令佢好清新好fresh，和牛油脂分布平均，肉質好爽，牛味超出，成個toast都好出色。黎到呢啲文青cafe，當然一黎到就叫左杯Dirty($48)☕️要整一杯好嘅dirty都唔係咁簡單，唔係咩地方都整得出色，要有夠凍嘅奶同熱辣辣嘅expresso慢慢倒入先形成紋理獨一無二，成為兩者層次對立但又混合嘅layer，飲落衝擊味蕾，超特別。呢啲咁有特色嘅小店買少見少，而且食物高質得黎又唔貴，店員都好有禮貌，環境好舒適寧靜，令人好放鬆。…Read More

Chilli Lime地址:元朗元龍街9號形點一期地下G007號舖試完Chilli Lime有種相逢恨晚嘅感覺! 原來地道嘅東亞菜尤其印度菜🇮🇳都可以咁易食到，唔洗再左搵右搵😋而且餐廳環境富麗堂皇，裝飾雅致有特色，相當有氣派，更設有outside area，帶埋毛孩一齊都得，仲可以觀賞外面景色，心曠神怡。極好嘅採光令食物賣相更上一層樓，感覺好chill!食物味道質素亦有信心保證，蟹肉魚肚羹Grapor Pla Nhue Poo ($118)蟹肉鮮甜，魚肚鮮味出眾，口感爽彈，足料非常，濃綢程度啱啱好，熱辣辣上枱超暖胃。🦀️泰式蟹肉炒飯 Khaw Phad Pro($148)呢個炒飯可以話係MVP，賣相甚好，食落更加有驚喜。蟹肉豐盛鮮甜不在話下，同飯粒混合口感很有咬口，調味恰到好處，食落有層次分明，搭配獨有醬汁，令鮮味昇華，泰式風味十足！馬拉盞通菜($88)亦不過不失，正常發揮。最後仲有個芒果糯米飯作為甜品，椰漿甜度適中，芒果肉厚肉咬落香甜多汁，糯米飯有嚼口，口感煙韌，感覺好地道正宗，賣相都十分好。Chilli Lime仲有好多林林總總嘅東南亞菜式，下次再去試其他款式😋…Read More

牛駅麻辣火鍋放題地址：尖沙咀加連威老道2-6號愛賓商業大廈1樓102號舖最近係屋企食左好多次藥膳雞煲，好耐冇試過出面啲火鍋放題，估唔到咁有驚喜。呢間火鍋放題認真抵食，令人相當懷疑佢維唔維到本，單單湯底就有我最愛嘅養生藥膳雞鍋，仲有好多唔同嘅特別湯底，仲好足料，一上煲就閒到好濃郁嘅藥材味，超正。我地揀左美國特級肉眼set($168)，都只係百幾蚊，原來唔會expect太多，點知一黎肉眼片牛味超重，肉質爽嫩，一啲都唔肥膩，個人覺得仲拍得上donki買$2xx買嘅火鍋肉，仲可以無限點，上菜準確又快手。值得一提佢scan QR code落單，非常方便，唔洗再用tick tick紙tick。此外，其他食物種類都好豐富，花雕醉雞翼都好入味嫩口，蔬菜類都好多選擇，連丸類我最愛嘅貢丸都好好食😋甜品種類繁多，但唔係一般放題個種好睇唔好食，而係甜度size都味道都做得好好。另外覺得好有心思嘅係佢有支裝自家製嘅冷泡茶，白桃烏龍同玫瑰花茶都好飲。食到超飽，用餐時間都好充裕，等我哋可以慢慢食到飽同滿足，出嚟打邊爐又唔使自己執，而且呢度環境裝修都好日式坐得好舒服，連隔住每張枱嗰塊板都係木製印晒字好靚咁有心思，最有驚喜嘅係，放題通常店員都忙到冇停手，服務態度通常都嘛嘛，但呢度嘅服務態度好到會令你唔好意思🤣仲有圍裙提供相當細心而家餐飲業難做，有心思嘅鋪都值得支持，想打邊爐不仿黎呢度試吓。…Read More

絆 Kizuna Izakaya地址：尖沙咀漆咸道南53-55號嘉芙中心4樓最近去左一間高質新開張不久嘅日式居酒屋🏮，當中令人最驚喜嘅係佢類近omakase形式嘅set lunch，食得超飽滿足之餘味道亦相當有品質，服務態度專業親民，座位闊落舒服，採光極好，裝修雅致，打卡慶祝好推介。講番食物先，打響頭炮嘅首先係🍙九宮合盛🍙店員清晰咁介紹九宮格每一頂小食：分別有醬油漬藤茄、紅酒蒜頭漬、瑩光魷魚🦑、野菜沙律、鹽付枝豆、牛蒡漬、淮山漬、菠菜漬同埋核桃小女子。每道前菜都各有特色，酸甜口感都各有不同，又開胃又打卡able，而且睇得出每個都花費大量心思製作，背後工序繁複。其中最中意瑩光魷魚，微微鮮味散發酸酸地嘅味，咬落煙韌，層次分明。前菜唔止九宮合盛，仲有三宮特盛，認真豐富，味蕾有12種口感轉換，松葉蟹肉沙律、清酒杏鮑菇同牛吞都好出色開胃。食日本野當然少不了刺身，刺身盛5合用料上乘，魚鮮味重，咬落油脂豐富，肥美甘香，油甘魚更入口即溶。壽司🍣5貫壽司店員提醒我地要由左至右咁食，睇得出有層次嘅鋪排，食落有種餘韻，造型精美色澤好不在話下，清新微酸嘅壽司飯配上魚油香濃嘅魚生，配合混合得好好。仲有串燒、火焰鐵板廣島蠔、豚角煮等配菜，廣島蠔仲係上枱後先點火，店員仲提我地準備好影相先點火，相當細心。第一次食豚角煮，腩肉煮得好淋得爽口，油脂分布平均，醬汁超入味。呢個時候仲有碗熱辣辣嘅魚湯，一睇個樣就知足料，一聞已經聞得出個種鮮甜，呢個時刻飲湯真係好好。最後甜品仲有焦糖菠蘿同南瓜白玉小丸子，令整個用餐體驗更完整，估唔到佢兩個甜品都咁好食，菠蘿上面層焦糖啱啱好，比例冇多冇少，外甜脆內酸爽估唔到有驚喜。南瓜白玉小丸子令我發現原來南瓜溶加落雪糕咁咁特別，好食，有少少似冰皮奶黃味月餅再好食啲😋呢度亦值得一讚嘅仲係呢度嘅店員，服務態度真係好周到，細心得黎又親民，好值得支持。夜晚聽講有卡拉OK，chill 住食又得😋…Read More

Urban Cafe💛地址：旺角彌敦道566-568A號僑建大廈2樓樓上cafe黎講呢間貓貓cafe都算高性價比，野食好食之餘又可以做下貓奴☺️，服侍咁多位貓主子，非常治癒，久唔久都可以黎一次。講番野食方面，平均賣單每人$200，食得超飽超滿足。🍳滋味小食拼盤：雞翼、法蘭克福腸、唐揚雞塊同薯角。炸物都炸到金黃香脆，炸粉份量適中，內裏juicy爆汁，尤其係唐揚雞塊，令人胃口大開。🥯即磨芝士黑松露野菌大啡菇忌廉意大利飯好耐冇食risotto，職員一上菜已經聞到超香濃黑松露味，食落口感creamy香濃幼滑，燉飯軟硬恰到好處，一啲都唔膩，令人一試愛上。🍕挪威煙三文魚拉絲水牛芝士手工薄餅薄短堅係有拉絲🧀🤤，超多芝士，加上煙三文魚咸香味十足，食落有唔同層次，薄餅餅底香脆，適合三五知己一齊share。甜品心太軟有朱古力味同抹茶味，符合大聚口味，外脆內爆漿，超香濃，完美作結☺️Cafe黎講呢間真係唔錯，而且衛生措施做得好足，好適合同朋友或者情侶黎放鬆relax下👍…Read More

今次呢間餐廳好有驚喜，估唔到係旺角呢個鬧市之中，都搵到一間咁高格調嘅餐廳。最近就黎Halloween🎃，見佢除左本身一啲型格壁畫之外，仲加插左唔同萬聖節元素，相當有氣氛。我地大概6點幾去，正值日落時份，嘩，估唔到呢度個境都迷人，睇到香港繁華鬧市嘅美🇭🇰1.黑水欖餐包一間好嘅西餐廳，餐前包一定不容小覷，呢個餐前包咸香味濃，烘烤得剛剛好，裡面鬆軟，外表鬆脆，熱辣辣上枱，好有水準。難得咁有feel，梗係叫杯cocktail chill下，呢杯Blue Hawaii($88)有rum,malibu, blue curacao,pineapple juice& fresh pineapple. Blue Hawaii屬於熱帶調酒，口感香甜帶點酸，藍藍綠綠加菠蘿🍍嘅顏色拼合不禁令人諗起夏威夷風情，即刻係呢個繁忙鬧市放鬆落黎。香煎北海道帶子拌雜菌忌廉汁($188)帶子一上枱，立刻聞到濃濃鮮甜香味撲鼻而來，咬落軟嫩多汁，非常鮮甜肉厚，大大粒好爽口彈牙，盡吸收左雜菌汁嘅精華，進一步帶出佢嘅鮮同香，食完帶子，湯汁我都忍唔到飲埋。鮮蠔濃湯($128)一直都好期待蠔湯，果然冇失望，濃郁嘅蠔味鮮甜味，texture好creamy，飲完仲有陣淡淡鮮味係口中。烤緬因州 龍蝦尾伴龍蝦汁扁意粉($238)🦞龍蝦煎至金黃焦香，龍蝦肉質清爽鮮甜，龍蝦汁香濃又creamy，扁意粉口感彈牙，爽口煙韌，整體黎講，係正宗又高質嘅main course.呢間西餐服務態度可謂我食過咁多餐廳嘅頭三位，服務員非常專業敬業，值得一讚，亦令客人有賓至如歸嘅感覺，環境設計有心思又舒適寬敞，不論情侶、家人或者朋友聚會都好合適。…Read More

Omakase有心思真係好重要，而且都好考功夫同技巧。最近有朋友介紹呢間新開冇耐嘅omakase，位於酒店入面，質素絕對有保證。師傅會講解每一道料理基本上都做到，其他侍應都親切有禮，而且食材都好新鮮，配搭同流程感覺上都好滿意。今次試左午市$880 set，呢個set總共包括沙律、刺身6款、壽司6件🍣、迷你海鮮丼、霜瀛日式蒸蛋、麵豉湯同甜品🍮首先出場嘅係田園沙律🥗有濃濃嘅芝麻香，配上新鮮沙律菜，相當開胃。然後係鮮蟹肉茶碗蒸，千奇唔好睇少呢個日本common嘅精緻小食，要整出特別好食嘅茶碗蒸，雞蛋、高湯、配料嘅比例要好精準，今次加入濃厚嘅鮮蟹肉湯汁，好鮮好嫩。3. 前菜：醃秋葵+海藻+慢煮八爪魚海藻食落比較脆爽，八爪魚亦因為慢煮比較爽口。值得一提嘅係，所有餐具同擺盤都頗有心思，匙羹係一個魚嘅形狀，幾有趣。4. 🐟刺身：包括左口魚&裙邊(中)、深海池魚(右) 同平靜魚 左口魚裙邊尤其出色，裙邊係成條魚最肥美嘅地方，微微燒過更濃郁甘香，濃郁魚油香瘋狂滲透口腔每一處，入口即化，加上自家獨調酸汁，好夾口感層次分明。深海池魚肉質細緻爽口，魚油香肉甜美，深海深魚用作刺身最能帶出個種魚香鮮味，令人一試難忘。平靜魚上擺滿魚子醬同金箔，調味更能帶出魚的鮮味，口感亦是豐富有嚼勁，很是爽甜。5.緊接出場嘅有鰤魚刺身配 鮑魚鋪面嘅鮑魚仔切粒飯撈上新鮮海苔鰤魚又名油甘魚，火炙後更令人齒頰留香鮑魚新鮮彈牙，調味啱啱好，鮮味十足，海苔撈飯帶出第2重香味，但十分match，絲毫唔覺壽司飯多餘。6. 燒帶子配松露帶子新鮮大粒不在話下，質地厚實，鮮甜美味可口，光是用鼻子聞都芬香撲鼻，食落非常滑溜，黑松露同帶子簡直係天作之合，更帶子鮮味更上一層樓😋7. 🍣壽司環節包括(I)真鯛、(ii)銀雪魚+鮮海苔、(iii)車海老、(Iv)天然拖羅、(v)海鰻魚、(vi)北海道海膽壽司不詳述，但絕對高質食材、物超所值，有興趣就自己親身黎試下啦8. 吞拿魚蓉加新鮮根子呢個幾有驚喜，吞拿魚蓉肥美香滑，鋪係飯上面剛好中和魚生嘅油膩感，作為第8道料理都啱啱好最後黎個蜆肉麵鼓湯同雪糕，成個omakase非常圓滿。🍦雪糕有益力多、栗子、海鹽三種口味揀😋整體用餐體驗都十分滿意，師傅友善，料理鋪排有心思，食材用料新鮮，環境舒適，十分值得推介…Read More

温泉蛋牛肉石鍋飯（$66）依個石鍋飯我覺得性價比極高。首先佢個飯真係都幾大份，食完佢其實你都會幾飽下。二嚟佢都真係幾足料下，啲牛肉都幾多，足夠令你啖啖肉咁食完嗰飯。同埋嗰石鍋夠熱俾你整到啲飯焦。我覺得依個飯完全對得起嗰價錢。車打芝士醬配韓式炸雞（$28）依個我覺得非常驚喜，老實講，我完全唔expect依間餐廳可以做到咁有水準嘅炸雞。嗰炸雞炸到熱辣辣，咬落去重有肉汁。嗰芝士又係好邪惡嘅，但兩樣嘢夾埋又係好難輸嘅🤤。唯一缺點就係炸雞嘅份量唔算多🥺。人蔘雞湯配娃娃菜（$48）講完咁多又肥又熱氣嘅嘢，咁就講下依間餐廳嘅一啲健康之選啦🤤。依個人蔘湯真係好濃人蔘味，同埋味道又唔會好咸，都真係幾適合想食得清淡嘅人㗎。同埋佢啲娃娃菜都幾多。如果唔想食啲主食嗰啲，其實叫一個人蔘雞湯系列嘅菜式都夠哂喇👍🏻👍🏻。柚子雞翼(4隻)$32柚子味雞翼外皮香脆，滲透柚子味好fresh，好開胃，雞肉好juicy。韓式牛肉炒粉絲($66)粉絲爽口軟身，咬落口感煙煙韌韌，整體更唔會太油，調味好夠，牛肉惹味多汁，韓式風味十足。藍荳花檸檬茶($22)柚子薏米水($26)飲品種類豐富，要養生有養生，要打卡有打卡，唔錯！呢間餐廳性價比都幾高，食物種類港式韓式西式都有，有創意而且有A.I.人工智能機械人幫手送餐，超級可愛！睇得出有用心經營，值得一讚。…Read More

孖啡 Double Cafe☕️地址：旺角彌敦道577號高氏大樓4樓💛香蒜白酒煮蜆($108)蜆肉鮮味十足滲出微微酒香，大大粒好足料，蒜味香濃，好惹味😋🦀軟殼蟹黑松露意大利粉($142)Dinner set 性價比都幾高，種類都算多，軟殼蟹炸漿恰到好處，炸得好酥脆，同時內裏蟹鮮香味甜，咬開爆汁鮮甜，而且足料一大隻蟹，一啖蟹一啖黑松露意粉，口感層次分明。Dinner set($25)加配龍蝦湯🦞, 龍蝦湯質地好濃稠，好鮮好creamy ,加少少錢就飲到高質龍蝦湯好抵。($28)仲可加配蛋糕🍰Cheese cake 口感好smooth, 甜度正合我意，作為一餐最後飯後甜品做到畫龍點睛之用，令餐飯更完滿。環境都幾清幽，坐得幾舒服，侍應態度都好友善，同朋友傾心好地方…Read More

🇯🇵宏鮨芯 Hiro Sushi Shin地址：屯門仁愛堂1號麗日閣地下3-4號鋪🍣刺身：油甘魚4切($58)+三文魚4切($48)刺身種類都幾豐富，有啲仲講到明係豐洲直送，食落都幾新鮮，而且都幾肥美，咬落去魚油香都重，好味😋🦀宏蟹噌甲羅燒($78)甲羅係蟹蓋咁解，蟹噌即係味噌或者麵豉調製嘅蟹膏，非常鮮甜美味，入口口感好豐富，熱辣辣上碟，賣相亦好吸引，蟹味好重！配上酥脆多士一流。活鮑魚($88)鮑魚煙煙韌韌口感好爽口，好清甜，而且份量都幾多，又預先切好一塊塊，處理得當👍角切魚生丼配面豉湯($108)魚生丼材料非常豐富，超抵食，對比平時一大塊刺身拼埋嘅魚生丼，切左一粒粒mix埋唔同種類魚生又有另一種風味，有海膽、三文魚、玉子、三魚魚籽、油甘魚，吞拿魚𦞳等等….海膽味好出，伴飯一流。壽司飯粒粒飽滿，絕對唔會偷工減料用普通米，麵豉湯仲有蜆肉，鮮甜解膩。地理位置唔算難去，係杯渡輕鐵站對面行幾步就到😼服務態度都好好，係可以支持嘅小店。…Read More

Plato Cafe & Bistro☕️地址：佐敦吳松街186-188號地鋪💛☕️：Hazelnut Chocolate (iced) ($48)呢杯榛子朱古力🍫甜度適中，唔會有一鼓死甜，飲落去好smooth，+ $18仲有超打卡able 嘅有棉花糖，超多人問我係邊度飲😆Dinner set有餐湯餐包main dish同野飲，價格相宜，可以加$28升級至法式龍蝦湯🦞。🫕：龍蝦湯好creamy好濃郁，淡淡龍蝦鮮味，感覺好足料。🥖餐包更加係自家制，誠意十足，而且口感特別鬆軟，濃厚嘅黑糖甜味有別於平日硬梆梆又需要配牛油🧈先好食嘅麵包，就咁食都好唔錯，唔鍾意食包我都食咗幾啖。香草味淡淡迷人香氣，啱晒澱粉質控🍞👑香煎法國鵝肝多士🥪$(108)：鵝肝煎封效果做得出色，表層微微焦香，裏頭微微顫抖，質地細嫩，油香四溢，油香滲透出色配上多士正好可以做到油而不膩嘅效果。🥩西班牙黑毛豬胺🐷Spanish Iberico Pork Chop ($278)Main dish好食先係重點，黑毛豬用料上乘，肉質鮮嫩多汁，好juicy，薯菜搭配得宜，擺盤美觀，性價比高😋性價比高cafe，仲要係黃💛，見到都幾多人去，service都唔錯，食物種類繁多，仲有🍺，可以一試🤤…Read More

INN - I’m Not Nothing地址：元朗鳳攸南街9號好順利大廈地下60號舖餐廳名字好有意思😈，原本已經有好幾間分店，最新一間就座落元朗市中心，鋪頭裝修簡約、清新有格調，坐落幾舒適。🍳Fish and chips($68)英式炸魚薯條炸到金黃色，麵糊份量剛好，調味咸味適中，熱辣辣送上黎，裏層軟嫩濕潤嘅魚肉同外層新鮮炸好嘅麵衣形成強烈對比，層次轉變形成豐富口感，薯條炸到酥脆香口，搭配炸魚一流，英式風味重！🫕是日餐湯($28)餐湯好creamy好smooth，淡淡黑松露味，香濃！🥩澳洲牛柳8安士配薯菜燒汁($158)牛柳好嫩滑，大大份只係$158相當抵食，醬汁都配搭得好好，值得一試！🍪香蕉朱古力班戟($68)Pancake賣相相當吸睛，pancake皮唔會過厚，餡料非常多，咬落去充滿甜絲絲嘅朱古力香蕉，cream奶味好香好重，好食！餐廳性價比都幾高，環境舒服，想搵人一齊坐下cafe可以試下去chill下☕️…Read More

一向都對日式居酒屋情有獨鍾，今次難得搵到一間性價比高嘅黃店居酒屋，我地當然就專攻佢啲串燒啦😋日本雞皮Torikawa($38@串)居酒屋就梗係要試下佢啲雞皮，雞皮唔係度度都整得好食，如果雞皮都整得出色，咁其實食物都一定有一定質素👍呢度都冇令我地失望，雞皮好鬆脆，調味超惹味，但仲保留住雞油juicy香味，讚！京蔥雞髀肉($38@串）京蔥比到少少驚喜，估唔到燒京蔥口感爽口亦都幾清香，日本大蔥外型同大蒜🧄十分相似，啲葉呈管狀，咬落去好有嚼口，少少甘甜，好fresh。雞髀肉超滑超juicy，日式醬汁好match玉子燒Tamago($28@份）玉子燒蛋味超香濃，口感鬆軟，甜味啱啱好，咬落去好似古早味蛋糕一樣，外層燒過更香。燒鰻魚($55@份）鰻魚比想像中肥美甘香，魚油四溢，咬落去啖啖肉而且肉質嫩滑，鰻魚醬汁濃稠度剛剛好，又入味，周邊燒得焦香，連唔中意食鰻魚嘅朋友都覺得好味！燒鱈魚乾($28@份）黎到居酒屋，梗係要食燒鱈魚乾配清酒啦，唔好睇燒鱈魚乾好似樣子好普通，當中都涉及好多工序去整，都係一樣好考技巧嘅日式小菜。Good清酒($38)呢間小店保留日本傳統，用兩個大小容器黎斟滿杯酒，店員首先將入面嘅細杯斟滿，直至產生表面張力，直至倒滿埋外面個杯，據說係表示鋪頭的盛情款待，店員仲教我哋細細啖飲咗細杯入邊嘅酒先，飲晒後可以選擇將大杯嘅酒落細杯或直接問大杯，風味十足，FF下自己真係係日本居酒屋入面都好。🇯🇵大燒蠔($88@6隻）燒蠔清甜新鮮，燒完更香，而且隻隻肥大多汁，$88有6隻超抵食我地仲叫左磯煮鮑魚($78@3隻）菠蘿($38@份)秋葵($28@份）同日式香菇($28)呢啲查具日式風味嘅串燒，水準十足。Chi Tachinomi裝橫極具日式風味，環境清幽，喺屯門市廣場一期地下，記住一期地下都有分兩邊，唔好去錯啦😛…Read More

第一次食呢種自助燒烤，見到啲串燒放落去個爐度就會自己識轉覺得好amazing！同埋超治癒❤️一坐低店員就送上一盆唔同種類嘅拼盤，然後好詳盡咁介紹店入邊嘅玩法😛、調味料、燒汁等，服務態度好到加零一，真係大大加左分。餐牌仲有張係教你每一樣食物要燒嘅最佳時間，相當貼心。個爐係無火用電發熱嘅，一啲油煙味都冇，值得一讚。醬汁不單止種類繁多，而且感覺到小店嘅用心。店員會教你燒到差唔多就掃上日式醬汁，燒完仲有多種調味粉/醬，有孜然粉、味椒鹽、辣粉、泰式魚露同韓式梨汁燒烤醬，當中我覺得韓式梨汁燒烤醬最為出色😋調味架嘅擺放同中式醬汁個樽都feel到鋪頭嘅細心同心思。另外覺得別出心裁嘅係擺放食物嘅架，一方面好打卡able,另一方面都十分方便好用，店員會教你每層最多可以放12支，5層所以叫60串就啱啱好，而且串住食物嘅鐵支比起竹籤更加容易起到啲肉出嚟，但又唔會燙親。食物出得好快，而且質素都意外地高汁，一開始燒牛以為比較韌，後來發現係我哋燒得太耐，原來啲牛牛味都幾出，肉質鮮嫩，好juicy,而且調味好足好惹味，另外牛舌好爽口，燒冬菇、菠蘿、燒蘆筍同燒貢丸我都非常欣賞🤤食物高質而且種類豐富，飲品任飲不在話下，臨尾仲有杯Haagen-Dazs雪糕，真係令人感動流涕。呢間黃店唔單止超級黃，服務態度好到不得了，一定會再黎！😋…Read More

今日黎到呢間Time Park Lounge,係一間係地庫嘅bar restaurant , 淨係門面氣氛都覺得好唔錯，行落去個條樓梯都好有feel,可惜影唔到個種feel出黎，去下就會知😉入到去感覺更加chill, 環境燈光同background music比人感覺都好好，番完工啲壓力即刻relax左唔少☺️裝修同餐牌餐具都有花心思，食物質素亦都好高👍啤酒味🍻炸薯條(配黑松露醬)第一樣小食已經令我地食唔停口，薯條炸到金黃色，一啲油膩感都冇，而且極度酥脆，薯條粗幼度都啱啱好，一啲多餘嘅薯仔味都冇，點埋醬汁個種淡淡嘅黑松露醬，雖然份量超大份，但我地都食唔夠喉差啲想再叫多份😋精選風乾火腿拼盤($178)Parma Ham油香豐富，肉味重，柔軟多汁又唔會太油膩，咸味點到為止，開胃一流，伊比利亞火腿（Iberico)甘香油潤，口感好結實，肉同脂肪比例啱啱好，油香四溢。燒美國安格斯頂級肉眼扒12oz($378)店員推介我地食三成熟就最好食，所以我地都聽左店員suggestion，外面燒得微微焦脆，肉質細緻，陣陣濃郁牛味慢慢散發出黎，愈咬愈香，脂肪分布均勻，幼嫩而多汁juicy,中意食牛不容錯過😋飲品叫左杯whisky sour($128), bulleit bourbon egg+egg white+syrup&fresh lemon juice. 黎本簡簡單單嘅經典酸酒，酸甜適中，有種返璞歸真嘅味道，好適合係度chill下😎本身一黎到已經好中意呢度嘅環境，點知嘢食都咁高質，服務態度都好好，一定會再嚟…Read More