dingbu's Profile

最近決定去試下喺銅鑼灣皇冠假日酒店嘅Carver餐廳。Lunch set 可以揀2-4 個course，$238起，可以根據喜好選擇，性價比好高。三道菜午餐$268揀左熱盤暖暖胃先～ 紅蘿蔔香菜湯飲落都幾Creamy，啖淡都係紅蘿蔔甜味，浸咗蒜香麵包粒，每一粒都吸咗湯嘅精華，入邊仲有少少脆卜卜，口感非常豐富主菜係烤春雞，配上日本迷你甜薯同田園蔬菜。春雞皮脆肉嫩，入味又夠Juicy～ 醬汁甜甜地，都好夾日本迷你甜薯香甜，田園蔬菜係長柄西蘭花，烤過之後都保持到爽脆。最後係甜品滑捋捋嘅黑芝麻布丁，黑芝麻味濃郁得來又夠香～ 配黑芝麻脆片增加咗口感層次，加埋香緹鮮奶油，令到整個甜品味道更加豐富。見佢哋擺咗熟成櫃，下次可以試吓佢哋嘅牛扒，應該都唔錯!…Read More

天氣開始涼返少少，又係食辣嘢嘅時候！同朋友約食飯就去咗旺角食老川皇點單都係QR code落單自選選擇非常之多，小辣中辣大辣小麻中麻大麻都有得揀😂脆皮牛奶卷外面酥脆，入邊非常之軟滑，有淡淡嘅奶香，用嚟做前菜或者甜品都唔錯麻辣雞煲（中辣）叫咗半隻嘅份量，份量都唔少，打開煲蓋聞到麻辣嘅香味～ 雞件嫩滑～ 每一件都沾滿咗雞煲醬汁水煮牛肉（少麻、中辣、少鹽）份量超大，佢哋嘅牛肉唔會嗱到無晒口感，有咬口，湯汁重花椒香～ 黃金海中蝦除咗辣嘅嘢之外，仲有唔辣嘅Option～ 海中蝦爽口彈牙，啖啖都係咸蛋黃邪惡嘅味道清炒萵筍絲食完油膩嘅嘢就叫返個Balance吓～ 萵筍絲爽口油柑茉莉茶用嚟解辣一流～ …Read More

餐廳環境非常舒適，時尚日式裝修🎏 好好彩坐吧枱，可以欣賞師傅嘅技術🧑🏻‍🍳  Dinner Set 有好多選擇，我地簡左哩個set 「三日月極上一人前套餐」 ($998/位)鐵板燒主角未到之前，先來一些前菜及沙律~ 前菜有煙鴨胸、日式豆腐、醃青瓜。沙律賣相好精美，配搭海葡萄口感好得意呢🥰然後待應送上極上刺身及時令生蠔，兩款都非常之新鮮。生蠔大隻又高質，邊位爽脆蠔身creamy，帶微微嘅海水味🌊第一道鉄板燒菜式係南非活鮑魚，鮑魚份量都唔細！鮑魚🐚 爽口彈牙，簡單用鰹魚汁調味已經好好食，配菜海苔亦都好味~ 👍🏻茶碗蒸做得柔軟嫩滑，材料豐富有三文魚子、松露油、木耳絲，個汁好配合再來鉄板菜式～ 帝王虎蝦非常大隻！煎得剛剛好，彈牙得黎有肉汁~ 蝦味鮮甜。而鹿兒島黑毛豬肩用慢煮處理過，質感鮮嫩非常Juicy！食到哩到已經好飽~ 不過仲有鐵板炒飯🍚、味噌湯同豆腐雪糕。鐵板炒飯好特別，因為用上日本梅子醬調味，酸酸甜甜配上櫻花蝦、香蔥等材料，非常香口！另外仲可以加入鰹魚湯一齊食，另有一番風味。雖然我好飽最後都食哂～ 豆腐雪糕味道濃郁， 加左D紅莓同脆脆好好味~…Read More

最近試咗一間新開嘅日本餐廳，喺大圍站行過去幾分鐘左右, 刺身、燒肉、串燒、炸物同鍋物都有得食! 燒物係自己用日本燒烤爐燒，餐廳抽風做得唔錯，即使有燒肉食都唔會有好大油煙味，啲衫唔會吸晒d味。燒虎蝦燒表面微微焦香，肉質彈牙，用少少鹽吊味就可以雞串盤有雞翼、雞腎同埋雞肝等等，自己燒可以好好玩下同控制火喉。三點刺身盛:有三文魚刺身, 吞拿魚刺身, 帶子刺身, 夠新鮮又鮮甜雜錦魚生沙律魚生新鮮加埋清新蔬菜幾fresh環境舒適，安排坐卡位，唔會擠迫。整體氣氛好放鬆，坐低飲杯酒啱晒！…Read More

Lunch 諗唔到食乜見到平時收工經過嘅火鍋店，原來午市有做米線套餐，所以就入咗去食～ 晚市就做火鍋，午市有唔同嘅午市套餐，有米線或者有肉燥飯等等老鍋田園米線朋友話清清地想食多啲菜，所以佢就揀咗呢個田園米線，入邊有冬菇菜仲有木耳～ 極尚和牛餃子拼松葉蟹棒米線我就揀咗和牛餃子同埋蟹棒米線，餃子煎到脆卜卜配埋鮮甜嘅蟹捧☺️湯底方面我哋都係揀咗冇咁邪惡嘅養生湯，如果想重口味啲可以揀麻辣或者酸菜味嘅養生湯，養生湯湯底鮮甜唔油膩士林一口生煎包我哋仲追加一啖食得晒既生煎包，入口爆汁又熱辣辣，大家食嘅時候要小心啲…Read More

今日約咗朋友過嚟西營盤因為早咗到嘅關係，所以就自己食嘢先行過高街見到呢一間Cafe，就諗住入去試吓閒日嘅中午都有啲人飲緊啡～ Home Office時落嚟扮下工都係good choice🤭是日Ding's Choice ～Italian ComboRiva $82+ Latte $25有好幾款三文治，今次就揀咗用法包夾住火腿肝醬同Brie Cheese組合成嘅Riva🙂一口咬入口係脆卜卜～ 入邊嘅餡料係鹹香幾惹味Latte 入口有淡淡咖啡香～ 拉返靚靚仔仔，睇得又飲得Croissant $20先焗熱～ 香口得來酥脆，咬開見到一層層嘅酥皮，有層次見到仲有Gelato ~ 但係今日已經好飽，唯有下次再過嚟試吓😌…Read More

行完花墟搵嘢食，見到有間潮州菜就入咗去試。裝修感覺幾優雅，新派嘅潮州菜館。老藥桔潮州特產，入口少少酸飲完感覺幾潤喉。魚露浸花甲花甲肥美鮮甜，加咗魚露提鮮。夏天食呢款冷盤一流。鵝三寶三寶：鵝肉、鵝肝、鵝腸鵝肉肉嫩，鵝肝入口即溶，鵝腸爽口。三款都夠入味。潮州紅燒魚翅湯汁香濃亦足料每一啖都食到翅。入口仲食到瑤柱同金華火腿。汕頭煎蠔烙屋企人一個想食蠔烙一個想食蠔仔粥😂最後煎蠔烙贏咗。上枱時熱呼呼的，脆口但唔油膩，每啖都有蠔仔，點魚露吊一吊味更好。碧綠川椒雞搞唔清碧綠係咩菜😂但炸脆咗好好食川椒雞香口嫩滑，甜中帶辣。清燉荷包鱔鱔件燉至軟身，吸收咗荷葉同陳皮嘅香味，感覺幾特別。反沙芋頭邪惡嘅手工菜！每件芋頭都比糖同蔥包住，甜得嚟帶蔥香。…Read More

之前食串燒見到同集團嘅呢間就mark低咗要嚟試試。入鋪已到聞到浸湯底藥材味，同職員吹開水佢話浸味入晒鋪😂入座店員就會奉上調味盤，炸蒜/ 蔥花/ 辣椒、炸蒜呢啲邊少得，仲有麻醬同醬汁等等，撈完一輪對面已經揀好湯底。蜂巢豆腐白湯拼台式古早沙嗲麻辣兩款都有蜂巢豆腐、鴨血（唔夠可以追加）。白湯湯頭清甜滋補，沙嗲麻辣由店家研發，巧妙地將港式沙嗲融入台式麻辣，比一般麻辣湯更香。留意番，佢哋加湯嘅話就會加返同樣嘅湯底，咁樣味道就唔會越打越淡。平時打邊爐多數都係食墨魚滑或者蝦滑，今次見有多啲種類就叫咗瑤柱干貝滑，爽口Q彈！仲點咗黑木耳，即炸響鈴同埋炸芋件，都係食麻辣湯底吸湯汁嘅好配搭。好多配料都可以揀半份/一份，細食又想試多啲款都可以滿足到。打邊爐點少得牛肉…叫咗份大嘅火鍋撚御用手切肥牛，有啲油花。牛肉就兩邊湯底都夾。飲品有常見嘅竹蔗芋根、五花茶之外仲有沙洗冰。食到最後店員話有細杯嘅腐竹糖水沙冰送，用古代酒杯上，打卡一流。甜甜地解辣又解膩。…Read More

一秒穿越來講，呢間餐廳真係做到啦！一入門口就覺得自己去咗日式居酒屋！裝修非常到位🏯 非常之有氣氛岩手縣生蠔🦪口感爽脆帶微妙嘅海水味，廚師加左青檸、酸汁、蔥、辣蘿蔔蓉黎提升層次鮮味！🔥揀咗兩款燒物，蟹味噌甲羅燒 🦀 同 鮑魚殼燒☺️  甲羅燒滿滿濃郁嘅蟹膏味！如果加塊餅乾更加開心😂 鮑魚仔軟冧得黎有咬口鑫炸雞🐓 炸雞個名好得意，外皮 脆卜卜，內裡肉質軟腍咬落去juicy😍 雲丹海苔芋天婦羅，芋蓉好好味，值得一試另外仲叫咗 蟹子蟹肉薯仔沙律同北海道海鮮炒飯，都係水準之作👍🏻…Read More

鱷魚恤中心3樓極尚大喜屋👉🏻是日Mission：飲飽食醉✅都幾大間，近門口嘅位置係自助區有熟食、飲品吧、沙律吧、甜品櫃。熟食見到有炸餃子炸雞同八爪魚丸，飲品嘅種類多，有支裝嘅茶，汽水同啤酒等等。甜品櫃有唔同嘅糕點，唔同嘅雪糕雪條。點單食物方面有刺身、壽司、手卷、卷物、炸物、天婦羅、串燒、燒物、一品料理、煮物等等。而點餐系統用QR Code 落單，叫咗乜到咗乜一目了然，冇漏單嘅情況，出餐快。大路嘅日式放題食品之外，仲有一啲估唔到嘅食物，例如泰式軟殼蟹，中式嘅花膠都有。整體質素👍🏻，作為放題係一個唔錯嘅選擇…Read More

今日跟屯門牛搵食！地方闊落裝修，落地玻璃望到出面嘅環境，令人感覺都舒服啲。$168 - Signature Steak/ Daily Steak with French Fries （Flank Steak)是日廚師發辦牛扒 - 牛側腹肉牛肉味偏濃嘅部位，生熟程度掌握得好好🫡炸薯條仲可以免費添食$78 Lunch Menu/ Wild Mushroom and Truffle Spaghetti with Cream Sauce (Veg) 忌廉黑松露雜菌意粉黑松露醬夠香，每一啖都係滿滿嘅松露香味。+$18 配是日餐湯 + 麵包忌廉蘑菇濃郁，麵包烘過，係有Heart嘅餐組合+$19 Iced Latte+$18 Caramel Foam Chocolate套餐本身包Set Drink，我哋加咗錢轉其他。Latte 咖啡同埋奶味恰到好處。焦糖朱古力幾特別，朱古力味幾出加上面果層燶燶地焦糖出奇地夾。+$28 Add On: Daily House Cake是日蛋糕唔算太甜，有淡淡的熱情果味道 …Read More

性價比：⭐️⭐️⭐️⭐️回頭率：⭐️⭐️⭐️⭐️今晚約咗好朋友食飯🫶🏻見食過呢間幾好就encore 啦！Book咗7點鐘，入到去都好多人，環境依舊舒服，店員安排左我地坐係窗邊位置，邊食邊望住出面嘅街景，感覺幾爽😌鰻魚定食 $480Omakase Sushi - $480包埋茶碗蒸、主食、吸物同甜品。前菜係牛蒡／生薑／蕎頭茶碗蒸雞蛋口感滑滑的，入面有酸酸地嘅菜，幾開胃鰻魚飯鋪面嘅鰻魚色澤幾靚，食落軟淋，魚油香同鮮味，醬汁又夠惹味，成盒飯好快就清哂 Omakase Sushi Set一個Set有12件：障泥烏賊，活赤貝裙邊，深海池魚，間八，火炙太刀魚，車海老，馬糞海膽，左目魚，櫻鱒，穴子，黑目同拖羅，整體都幾新鮮，特別鍾意障泥烏賊同拖羅，障泥烏賊肉質肥厚帶黏糯口感，拖羅夠肥美入口即溶麵豉湯麵豉湯味道不錯，味道適中唔會過咸開心果雪糕竟然係開心果味！驚喜😋濃郁嘅開心果味…Read More

位置喺正朗屏站下面，真係幾方便。舖頭唔算大但座位舒適～ 同朋友嚟傾偈唔錯舖頭得兩個Staff，睇落好忙不過佢哋都好nice嘅。 💛+852黑松露野菌雜菇意粉：足料、上碟夠熱、啲意粉烚得啱啱好～ 掛晒啲黑松露醬汁汁，味道調較得剛好，好香黑松露味，加少量黑胡椒吊味。🧡扮cup cup 冬蔭功大蝦意粉： 個辣味都幾搶，有啲似 tabasco 嘅香辣有茄嘅甜酸味。蝦肉爽口彈牙同份量多！❤️菠蘿梳打：甜度適中，飲完覺得清爽，飲到打碎嘅菠蘿肉🖤凍Mocca：朱古力味濃，咖啡香…Read More

太耐冇嚟過九龍灣MegaBox，開咗呢隻豬仔都唔知，同家人嚟晚餐，貪佢地方大同埋坐得舒服。👉🏻瘦豬豬菠菜藜麥沙律有西柚、菜頭、烤杏仁同埋藜麥沙律。用微酸帶甜嘅橘子汁做醬汁嘅沙律，清新又夠醒胃👉🏻手撕豬肉配墨西哥芝士粟米薄脆濃濃嘅芝士加埋少辣嘅手撕豬肉，夾埋粟米薄脆，香口又惹味👉🏻腸遊世界拼盤有六款唔同嘅香腸，包括德國香腸、南非香腸、煙燻牛肉腸、同雞肉芝士香腸等等。大份啱晒一班人分享食！款式多每樣都可以試少少👉🏻慢煮醬燒豬肋骨喺豬扒同埋豬肋骨之間我哋揀咗肋骨，外邊係一層BBQ醬，容易切得開肉質有彈性，唔會霉晒/ 散開晒。配菜有椰菜沙律、粟米同薯條。沙律可以用來解一解膩，薯條香脆都停唔到口👉🏻蒜辣欖油大蜆意粉意粉爽口彈牙，蒜味香濃有少少辣。大蜆大隻又鮮甜。整體味道都唔錯同埋份量都幾大，大家都食到好飽咁離開…Read More

一個人喺旺角買完嘢，百無聊賴😌 咁就喺而家冇乜人行嘅女人街，周圍行搵嘢食啦。其實女人街都收埋咗好多人世美食❤️今晚一個人，最後決定夜探十三姨！十三姨真係風采依然☺️ 都係咁好食，同埋咁多人！一坐低，首先十三姨就會請蝦片你食🤩 然後再慢慢諗食乜。個個都鍾意食佢嘅粉麵類，我就比較欣賞「大三元」☺️ 喺呢度少見嘅飯類！大三元會有炙燒雞叉燒、糖心蛋同埋手撕雞伴雞油飯，味道好惹味㗎！食咗咁多次都係覺得佢最好食！…Read More