swanyy的個人專頁

特價燒鵝$68半隻，完全冇品質，凍冰冰，皮又唔脆，肉質又鞋，非常靭！集團式都要有品質先可以留住客人㗎！還要叫一碟正價食物才可以叫特價菜，正價食物最平也要$88，清炒菜。我哋叫咗豉汁帶子蒸豆腐，帶子也是完全沒有誠意，急凍帶子肉4粒分開了切成一半，唔怪之香港美食天堂消失了！大多香港人北上消費做貴賓式招待，雖然大陸有食物安全問題，但服務及環境可以彌補！…查看更多

門口見到掛住係玻璃的雞好黃油，以為係與正宗的泰國水門雞一樣，睇嚟掛住嘅係陳列品，實際與陳列不同。叫咗半隻雞，全部都係白色的，肉又白皮又白，全部雞胸，雞髀雞翼都冇？唔知點解啲人話好食，醬料只有一碟黑色的汁，沒有三種醬料，個人喜歡食泰國水門雞因為有三碟唔同嘅汁，特別喜歡酸汁！其他食物的質素也不太喜歡，泰國的豬手是冷盤，但這裡是淋淋的黑色豬手，完全沒有泰國風味！…查看更多

下午茶算係平的，但味道太鹹，肥男侍應服務太差，可以講係完全沒有服務，仲會俾說話及面色客人聽，是否不願意做下午茶的顧客生意呢？關門不營業就不用做吧，要老闆在場睇住才可以嗎？…查看更多

朋友試過旺角東新開的火鍋店有午市前點心優為，下午茶也有相同優惠的。今日放假專程去試吓，大廳係卡位佈局，有房可以多人聚餐，環境舒適，可惜卡位申腳的位置太窄，坐得較為不舒適，可能擺放了火鍋用的爐在枱下吧！新張期間，12點前入座落單也可以有點心優惠，燒賣正常味道，肉質不會太實；煎魚餅略為過火，但不會太厚粉；啤梨鹹水角，綠色皮的迷你啤梨，趁熱食較為好些，但餡料略小，外型太圓不像啤梨的形狀。新派的蕃茄濃湯鮮竹卷，無論擺碟及味道也值得加分；最後是欖菜肉鬆炒飯，可能我不喜歡欖菜的味太濃烈，炒飯不夠乾身及稍為多了油。優惠時間內四碟點心一個炒飯，兩位茶錢，及+1，埋單只需$130，還可以碌卡，實在超值，服務態度也很好，值得推介，有待改進少量的空間！希望可以定期更新優惠套餐，下次再品嚐其他點心！…查看更多

試過豬頸肉、串燒牛很香口，即時製作的，有品質保證，小小的小店，用心製作，叫餐後付款，由主廚、落單、送餐一手包辦，不介意門面的裝修，午市多學生的時候可能要坐街開枱才試到有品質的手工製作。…查看更多

有味精的胡椒湯底，豬什無特別，無豬的味道，唔知是否急凍貨，豬潤太過火，只有粉腸，沒有大腸，其他普通，我叫了細碗，如果要排隊就唔值得試了！明星真係有效應，早上10:30 開門，11時已經滿座！…查看更多

訂咗枱12點， 網上要求提早15分鐘到，11:45已經到沙田牛大人，但為何12點才可以進入？同職員講已經Like 左FB是否有「黑糖珍珠珠鮮奶」送，點知職員話無貨，點解一開市已經無貨，又做網上宣傳，每張枱上也有宣傳，咁嘅手法欺騙消費者點得，結果我哋本來想食貴價的套餐，影響了我們的決定，食平價60分鐘定食，其實90分鐘都係食得好急的，何況60分鐘，坐下等鍋到已經冇咗10分鐘，出去攞嘢加埋放入煲內滾熟都10分鐘，食到最後10分鐘，即12:50職員會叫你埋單，埋完單另一職員又話10分鐘要收枱離開，咁你計下正式食咗幾多分鐘？食得咁大壓力，無下次！…查看更多

有蝦味的湯底，但看不到橙色的蝦油，喝完很口乾，味精太重吧！麵身似乎跟普通的沒有分別，薄薄的兩片原味叉燒，蛋不是溫泉流心的，整體沒什麼驚喜，好彩早上特價時段，否則更加不值！…查看更多

鮮蝦雲吞是用新鮮的蝦，沒有放肥豬肉，感覺不是細粒的鮮蝦雲吞，有魚味的湯底，食完不太口乾，似乎不是加太多味精。蠔油蝦子撈麵，沒有鹼水味的幼麵，灑上蝦子，食到有豬油撈的，可惜份量太少。實力派不講究裝修，也不講究上碟食物器皿，只是識得食物原味的人才會欣賞！…查看更多

沒有賣糖水，只賣茶果、砵仔糕及其他糕點。堂食只有1張枱，賣糕的男士再三講堂食只可本店食物，不可叫其他食店食物坐這枱，非常無禮貌再三講。試了茶果，好細粒，芝麻花生味，皮厚。砵仔糕正常大仔，小豆。現在的經營方式已是今非惜比，相信已經不是以前大埔街市出名的茶果店了！…查看更多

初試拔絲咕嚕肉，用了桃肉代替菠蘿，少了甜酸的味道，令菜式沒有吃咕嚕肉的感覺，炸皮脆口，但略硬，好似脆皮還脆皮，肉還肉的感覺，沒有混合為一體。也是初試的大良縐紗炒魚肚，買相似賽螃蟹，味道略為濃了一些，所以有一碟黑醋微調食慾，可能用大紅切醋較好些。最後叫了砵仔豬油撈飯，但感覺不到年幼時吃的豬油味道，未知是否豬油加工了呢？飯後送了糖水，很重的薑味麥米粥及有陳皮味的少甜紅豆沙，再食最多人叫的奶黃馬拉糕，完結了沒有驚喜的一餐！…查看更多

買相非常精緻，不太甜，買了兩個味道，玫瑰及士多啤梨，第一口有很重的玫瑰味道，另一個士多啤梨也是第一口才感受到，戚風未夠最理想的軟度，但可以接受的！下次有慶祝活動會在網上訂試吓其他味道，或者試吓慕絲巴伐利亞。…查看更多

荷里活店差差差，自助沖水機，用蒸餾水的，沒有食水沖茶的感受，完全不用服務客人。食物：生煎包凍冰冰，牛肉石禁硬，油条真係食緊油，鯪魚球粉多過魚肉。價錢還很貴，杯碗滿油，枱面還有小強自由出入呢！怕怕😱…查看更多

環境可以，帶位的服務員態度極差，似乎完全無培訓的，沒有禮貌。點心不精緻，太大量，完全沒有擺設，味道普通，一碟放幾款點心，影響了食慾，在高尚的環境之下，本想食啲精緻點心，可惜太失望😞…查看更多

買了黑糖鮮奶桃膠及黐飯，沒有黑糖味及鮮奶味，桃膠沒有膠質。最不滿的是黐飯，用普通米加油條加炸菜，D米一D都唔黐，重好似生骨，未熟，一口食落去就鬆散，油條應該係即食油條，都唔知係唔係淘返來的，重有D炸菜，硬骨的。食到我一肚氣，我真係變狂人，狂罵人！…查看更多