mmiumiuchan's Profile

以前好中意食鬼金棒，尖沙咀分店都食過幾次，但今次真係超級失望！辣味噌拉麵我每次都會嗌，今次小辣都太油，厚厚一層油係面，目測至少有4mm厚！油得太誇張了吧！好勉強地食咗4分1，真係油膩到食唔落。。。湯底好油好咸，沒有層次，係咁飲水都搞唔掂！舊豚肉好厚，但一大半都係肥膏脂肪，應該無人食得落。。。平日晚上店裡只有幾個客，鋪頭亦充滿好大陣消毒清潔味，真係唔開胃估唔到隔咗一排，質素已經差咗咁多，難怪無生意，亦不會返轉頭，真係好失望！…Read More

我真係好中意食台式火鍋，湊湊火鍋一直都想試好耐，今次終於食到啦！🍲湯底方面，一定要試麻辣湯，辣度溫和，湯頭易入口，重點係可以無限追加鴨血同豆腐，超抵👍而另一個花膠雞湯都非常足料，開筷前先飲湯，非常濃郁鮮甜~食材方面都好新鮮，特別推介美國特級牛小排，份量足，抵食✨自家製丸類都有好多選擇，粒粒爽口彈牙，值得一試另外最值得欣賞係有大大杯台式飲品🧋，我試咗大紅袍珍珠奶茶，茶味唔錯，勝在夠大杯，好滿足呀🥳🥳…Read More

近年油尖旺開到成巷成市嘅任食火鍋，個個都趕頭趕命想用盡時間食最多，好似大家已經遺忘咗火鍋可以慢慢食、慢慢歎嘅感覺，到最近幫襯咗一間尖沙咀新店，俾我重拾呢種慢活感覺。呢間新店開業幾個月，主打日本A5靚黑毛和牛，當日叫咗個招牌花膠響螺雞金鍋配野生竹生松茸野菌鍋做鴛鴦鍋，呢個鍋湯甜好味，湯底超推介。大家不妨落食物前，飲番兩碗湯底先。話晒今次要Chill下，未食之前點咗支盛田尾張男山大吟釀720ml嚟飲，支清酒清醇、香氣四溢，用嚟等上鍋上菜前嘅前奏的確唔錯！今次火鍋目標係試試黑毛和牛，Menu上多達17種和牛部位，如果你胃大就係可以試晒，我就試咗其中4款，牛頸、三筋肉、牛肩胛肉同封門柳，封門柳係我去邊度食都好，都一定點嘅部位，因為呢部份係好𡁻口又牛味濃，其餘幾款都好好味，會分別試到唔同厚薄、切法而不同嘅口感。今次試新店最大得著，亦係最大想分享嘅心得，就係記得唔好抱住以往「任食火鍋搶食快吞軍轟」心態，你就會feel到enjoy火鍋嘅感覺。…Read More

知道北角開左新酒店hotel vic ，一直都好想來拜訪下，今次終於有機會約埋成班朋友一齊來食自助餐！要食自助餐一定食晚餐，因為晚餐最豐富，可以一次過試到多款食物~首先要讚下個view，望海，環境舒服。食物選擇多，性價比高。海鮮基本野都有，抵讚係即場即劏吞拿魚，新鮮生蠔，唔係度度都食到，所以一定要食，值回票價。另外，中西式食物都非常齊全，我反而欣賞佢個海南雞飯，雞肉嫩滑，入味，油飯香濃，仲配清湯一碗，抵讚！雪糕同甜品種類多，都係必食啊~ …Read More

估唔到旺角都有咁浪漫嘅地方！今次想食紀念晚餐，所以特登揀左間浪漫啲嘅地方食飯。一黎到已經好驚訝，比睇相更靚，仲望到出面嘅夜景，都幾好feel~頭盤係吞拿魚沙津，係我最中意食嘅吞拿魚啊！有四大片，正呢！平時飲嘅mojito加入熱情果，好清新，都幾岩女仔飲。炸魷魚圈估唔到咁大份，四人分享都ok，所以我地兩個人來講都真係大左少少，不過味道唔錯。和牛貝殼粉，和牛蓉藏係大大粒貝殼粉裏，估唔到有咁嘅食法，都幾得意。燒春雞肉算嫩，值得一讚係個汁，辣辣地幾正！最後甜品檸檬泡沫作結，豐富一餐。…Read More

今次經朋友介紹，黎到呢間串燒店試下，點知有驚喜喎！估唔到呢係巷仔入面嘅呢間串燒店咁得意！見到佢賣緊一系列嘅粗口手工啤，緊係要啤啤佢～ 味道特別，入口較濃，不過為影張相都要試下嘅。串燒方面都唔錯，我每次食串燒都一定要食牛舌，呢度嘅牛舌係薄切，所以都容易入口，我幾中意。個人黎講，特別中意食燒秋葵，好似出面都比較少有。仲有燒韮菜，都係賣飛佛！大大份燒茄子都好正，茄子上面鋪滿木魚，味道加分不少呢！呢間鋪頭嘅位置都幾入下，所以我覺得都幾適合朋友聚餐，一齊啤啤佢，食串串～…Read More

見到太安樓對面開左間新嘅火鍋店，我鋪邊爐癮突然發作，好想打邊爐！夜晚見到門口好多人，我諗都係有原因嘅，因為呢度嘅一人一鍋真係好抵食一個餐$72，有個小火鍋，主食同飲品我嗌左個卜卜蜆鍋鍋仔都唔算細，入面嘅材料好豐富，蜆嘅份量都有翻咁上下，無空殻，粒粒脹卜卜，都算唔錯我幾中意個湯底，有啲冬瓜，清清地咁，唔怕肥膩，配埋少少蟲草花，感覺都幾養生主食都有好多選擇，我揀左我最愛嘅烏冬，正！另外，升級左個特飲，夠大杯，爽啊！呢餐真係豐富抵食！…Read More

喺旺角成日經過都見到呢一間烤魚店都好想試下，今次終於有機會可以同朋友一齊試吓啦！烤魚有三款口味可以揀，包括麻辣、香辣、豆豉，雖然我好想食辣，但係因為朋友唔識得辣，所以今次就試吓豆豉，下次有機會一定會食辣！不過估唔到豆豉都幾好味！我哋今次諗住食好啲，帶咗一條沙巴龍躉魚，條魚預先煎好，所以上枱時已經可以即刻食，魚肉又香又脆又滑，好惹味。魚又夠大條，啖啖肉，好滿足。其實食烤魚就有啲似打邊爐，食完條魚之後可以揀唔同嘅配菜放落個爐上煮。咁又點少得手切安格斯牛肉呢？牛肉都幾靚，加埋薯粉一齊食，索晒啲豆豉味，正。…Read More

想食放題都係想同食餐豐富又好食，所以食物種類一定要多。不過估唔到依家放題都有得自己燒章魚燒，哈哈！我第一次自己燒，竟然順利燒好，無燶，好有成功感呢。店員好好，係隔離一路教我燒。唔知係咪因爲自燒，所以覺得特別好食，哈哈！刺身款式多，我都係最中意食基本野，三文魚刺身夠肥美，厚切。甜蝦都好新鮮，鮮甜，我同朋友都食左好多。之後嘅芝士龍蝦好有份量，勁大隻。放題都食到龍蝦，抵啊壽司都好有質素，最中意食花之戀牛柳粒即炒，熱辣辣，正啊。炒雜菌同野菜都好好味，值得encore…Read More

估唔到黎呢度可以一次過食到刺身、放題、蒸氣鍋、火鍋，實在太豐富喇！因為太多野食，又想留肚食蒸氣鍋，我同朋友分別嗌左啲刺身同燒物，我特別中意燒雞翼同多春魚，好香脆重頭戲開始喇！三層高嘅蒸氣鍋都好多海鮮，生蠔、扇貝、青口都有，好新鮮。全程都有店員serve我地，幫我地計時，所以我地都食得好舒服食完蒸氣鍋，海鮮精華流哂落下面個湯底，正。湯底本身已經有唔少材料，有大大舊三文魚呢！火鍋配料方面，真係應有盡有。有我中意嘅響鈴，仲可以繼續食海鮮！牛肉都食左好多碟啊，今餐真係大滿足呢！…Read More

喺香港要食一餐好食嘅燒肉，好多地方都好貴，但呢間真係性價比高，又有質素，又抵食牛肉選擇多，和牛、西冷、牛舌，全部都切得好靚。最中意食佐賀和牛，始終日本嘅牛肉都係信心保證。和牛油脂分布平均，燒一陣已經食得，肉質好林，入口即溶，好正啊，岩哂食肉獸！繼續食牛，嗌多碟牛柳粒炒飯，蛋香十足，配埋啲牛柳粒，真係炒得唔錯。同朋友再share個雜菜烏冬，份量夠多夠大，烏冬彈牙，湯又甜，好快就比我地清哂。仲有燒菠蘿啊，多汁又甜，好味…Read More

同朋友打邊爐都係想坐得舒舒服服，傾下計，一於book呢間試下！見到個咁靚嘅風景真係乜都抵哂喇食物選擇多，味道唔錯，大部分都好特別，喺第二度食唔到。四格湯底一次過可以試到四款味道，唔錯丸類竟然有熊本熊，勁搞笑！丸類都好多選擇，手打特別彈牙！海鮮試左大蝦同大蜆，好新鮮牛肉好靚，肥瘦適中仲有我最中意食嘅烏冬同魚皮，正食埋啲菜，真係好滿足呢店員服務都好唔錯，上菜又快，同朋友食得好舒服，好開心，真心唔錯，抵讚啊！…Read More

今次同一大班朋友黎呢度食左一餐好豐富嘅私房菜環境靚又舒服，好有屋企嘅感覺！頭盤係花膠青瓜，青瓜估唔到咁爽脆，仲好嫩滑，花膠配黑松露，夠特別因為多人食飯，一定要飲湯，材料豐富，完全無味精，好味大蝦一人一隻，黑椒味重，太好食嘅關係，我連蝦殻都食埋，哈哈紅燒腩肉製作好用心呢！配饅頭，食落無咁濟蟲草花菜清一清胃口，個湯都好好飲啊！雞煲上台仲係滾住，好夠熱！個汁都調得好好，雞就肥瘦適中整體上今餐都非常滿意，好好味，適合同一班朋友或者屋企人黎食…Read More

今晚親戚請我去港島小西灣道富臨皇宮食晚飯 ， 估唔到喺呢度都有間環境咁裝修優雅嘅富臨，好美觀，飯廳又大， 招呼都可以。今晚呢餐晚餐，經濟又實惠， 餸菜仲非常特色。我哋坐低第一個餸就叫左花膠北菇鵝掌煲， 煲仔裏面材料十足，味道不錯。第二味就係豉汁蒸大鱔， 魚肉質感好鮮味而且好滑。再嚟多一個BB豬半隻，食落皮好脆， 下次再嚟都會再叫。我朋友叫咗姬松耳花膠燒豆腐 ， 都幾好食，再嚟多一個生煎菜肉包六隻， 皮薄餡靚， 最後再添多一個天麻魚王燉湯， 湯裏面材料十足、 燉得非常出味， 推介燉湯！…Read More

呢排好似好興食丼飯，依家香港都有好多食丼既鋪頭不過我覺得要食好味既丼飯最容易不過最緊要係刺身夠新鮮，如果唔係，乜都係假呢度既丼飯整體都好新鮮，唔係擺到出哂水果種，而係無腥味，chill得剛好。而且剌身種類多，有海膽，拖羅，都係我的最愛，所以好有私心甘幫佢加左唔少分！而且刺身全部厚切，咬落啖啖肉，好實在。我就最中意拖羅，都幾夠肥美但又不油膩，肉質幾靚，食得過。玉子好有心思甘印上餐廳名，好有代表性呢！飯的份量剛好，始終刺身先係重點，哈哈！…Read More