Dreamix廚

今次同一大班朋友黎呢度食左一餐好豐富嘅私房菜
環境靚又舒服，好有屋企嘅感覺！

頭盤係花膠青瓜，青瓜估唔到咁爽脆，仲好嫩滑，花膠配黑松露，夠特別

因為多人食飯，一定要飲湯，材料豐富，完全無味精，好味

大蝦一人一隻，黑椒味重，太好食嘅關係，我連蝦殻都食埋，哈哈

紅燒腩肉製作好用心呢！配饅頭，食落無咁濟

蟲草花菜清一清胃口，個湯都好好飲啊！

雞煲上台仲係滾住，好夠熱！個汁都調得好好，雞就肥瘦適中


整體上今餐都非常滿意，好好味，適合同一班朋友或者屋企人黎食