芊芊's Profile

諗住叫個飯盒，喺屋企欣賞奧運，見到呢間餐廳喺Openrice食評都係幾好，於是用Keeta叫外賣，送遞員準時到達，滿懷希望諗住一邊食飯一邊睇奧運，點知一打開盒海南雞飯，真係嚇死人！見到啲雞全部都係有血，胃口當然完全冇晒😱😱😡😡，只有一兩件雞係可以放入口，雞肉嘅肉質係嫩滑，不過其他全部吃不到，而且碗湯嘅份量只有一兩啖，個人認為實在太少了，非常失望！有圖片為證，如果食咗血淋淋嘅雞，然後令到客人唔舒服，又於心何忍呢？ 希望食店可以留意一下🙄！ …Read More

今日同班朋友喺附近玩完劇本殺，於是就訂咗呢間私房菜，其實之前都想訂位，不過佢哋訂座成日都好爆，今日終於有機會試到喇！佢哋嘅裝修有啲清朝掛畫，環境幽雅，令人感覺好舒服！小食：冰梅涼瓜：用冰梅製成嘅涼瓜，一啲都冇苦澀味，清甜爽口😋白玉葡萄：酸酸甜甜嘅冬瓜粒，非常開胃😋八味金條 ：豆腐炸到外脆內滑，非常香口😋主食：黑松露芥末南非鮑：黑松露芥末原來同鮑魚係好夾架，大大隻鮑魚，大家都話各人只得一隻唔夠喉呀😜花雕蛋白虎蝦皇：虎蝦爽口鮮甜，蛋白嫩滑，配上香濃嘅花雕酒，而蝦頭炸到香脆可口，非常好味😋蜜燒黑豚肉：黑豚肉配以蜜汁燒得鬆軟可口😄花膠濃雞湯：雞湯味濃，淡淡花膠好似注入滿滿骨膠原呀😜蒜蓉粉絲蒸聖子皇：聖子新鮮彈牙爽口，粉絲吸收咗蒜蓉汁，非常惹味😋啫啫時蔬：芥蘭苗非常嫩，未上菜已經聞到香氣撲鼻😜瓦罉蔥油雞：呢煲蔥油雞非常入味，雞肉仲好嫩滑😜甜品:西米焗布甸配桂花糕：布甸裏面有豆沙，桂花香氣撲鼻，兩款甜品都唔係太甜，真係完美😋今晚呢個私房菜套餐果然冇令大家失望，個個都食到舔舔脷，最後我哋仲加咗個櫻花脆米炒飯，炒飯足料十足，炒到粒粒分明，不經不覺又清晒碟呀😜…Read More

好朋友生日，想為佢安排一餐特別嘅私房菜，於是就揀咗煮宮，由於佢哋預先安排我哋揀咗每一道私房菜，所以我哋好快就有得食，真係好窩心🥰首先前菜係糖醋青瓜雲耳，食落口有少少麻辣，雲耳完全入晒味，餐前食令人非常開胃！懷舊蝦多士：蝦多士炸到外脆內軟，連個蝦頭都炸到脆卜卜架😋青橄欖陳皮燉豬肺：燉湯足料，每一羮都充滿淡淡陳皮香氣，飲完之後喉嚨好舒服😋XO醬蘿蔔糕煮蟹：原來蘿蔔糕配肉蟹個味道係非常之夾嘅，因為肉蟹新鮮，蘿蔔糕吸收咗蟹肉嘅鮮味，非常好味😋鮑汁花膠燉花尾躉：大大隻花膠炆得好林，花尾躉索晒濃濃嘅鮑汁，非常入味😋乾坤鮮茄：大大個蕃茄，原來內裏有乾坤，切開之後係藏住啲菇菌，呢度菜式非常健康😋瓦𦉘罉豉油雞：大家一齊分享半隻豉油雞，肉質非常嫩滑，豉油味道調校到啱啱好，放入瓦𦉘可以保持溫度😋霹靂泡飯：呢個霹靂炮飯真係不得了，個濃湯非常鮮甜，將炒過嘅飯粒倒入湯裡面，「炸」一聲，完全製造聲音效果，朋友讚不絕口，每一羮都非常好食😋棗皇燉桃膠：呢個甜品非常滋陰養顏，對女士們最正😋大家非常滿意我今次嘅選擇，個個食到捧住個肚出門口，非常大大滿足😜喺呢度祝各位好朋友身體健康，事事如意😘😘…Read More

上OpenRice見到呢一間餐廳食評唔錯，同埋真係想探討吓呢一個秘密花園係點樣，於是今晚Happy Friday就相約兩位朋友一齊去食吓嘢飲吓酒！由於佢哋屬於酒吧牌照，所以我哋預先都要做好24小時快速檢測先可以入去，呢間餐廳職員態度個個都非常友善，俾人覺得好有親切感、好舒服！佢哋話自從五月重開之後就改咗Menu，依家主打係泰菜，不過佢哋都有意粉同薄餅可以選擇！我哋首先叫咗幾碟小食送酒，炸雞軟骨好鬆脆，炸蝦餅亦都好彈牙 ，然後職員介紹烤焗鮮魷魚筒，呢個真係要特別介紹，配埋泰式辣汁，真係好有泰feel，另外仲叫咗泰式焗魚同泰式燒牛小扒，兩碟主菜都好好味，焗魚係用好多香茅同其他泰國香料烤焗，食落口肉質好鮮嫩，仲有啖啖嘅泰式風味，真係唔錯，牛小扒肉質好Juicy，配合佢哋特別嘅泰式醬汁，真係別有另一番泰式味道！唔經唔覺傾吓飲吓，都不知不覺去到十點幾，但係大家都意猶未盡，繼續叫咗一個海鮮薄餅同炸薯條，海鮮薄餅個餅底好薄，上面鋪滿海鮮，焗得香脆可口，好好食！時間過得好快，又係各自要歸家嘅時候，今晚大家真係好開心，我哋今晚將自己心中嘅秘密隱藏咗喺呢一個秘密花園裡面，大家永遠都係對方嘅聆聽者，所以以後無論開心或者唔開心，我哋都會去呢一個秘密花園度放鬆心情、真情流露呀！…Read More

其實真係都已經有一段時間冇去南丫島，難得今日陽光普照，咁就一於跟班朋友去郊遊！講起南丫島一定俾人聯想到要食海鮮，而朋友極力推薦富記海鮮酒家，佢哋真材實料，火喉十足，每一道海鮮都超新鮮，超好味，而且服務態度真係非常友善！冰鎮芥辣鮑魚：真係令人回味無窮！生拆蟹肉雞蓉冬瓜羮：冬瓜清甜解暑，配合生拆蟹肉，口感非常鮮味！椒鹽鮮魷：鬆脆可口！上湯鮮海蝦伊麵：蝦汁帶出伊麵嘅鮮甜！薑蔥炒藍蟹：鑊氣十足，蟹肉彈牙！清蒸海班/陳皮蒸金古：真係新鮮到唔使多講！炸子雞：食得出係用新鮮雞吊燒，皮脆肉嫩！其他小菜：菠蘿咕嚕肉、黃金茄子、椒鹽豆腐、蝦醬通菜亦都水準十足！今次南Y島之行，品嘗到呢個海鮮餐，真係大大滿足！…Read More

最近真係好鍾意睇「尋人記」！好認同婆婆話「多一份相聚就多一份珍惜」，所以現在一有時間就約朋友出嚟傾吓計食吓嘢！今次揀到呢間餐廳位於大廈頂樓，景觀開揚，U字型吧枱加上開放式廚房，客人可以觀賞到廚師的功架！我哋今日選擇食lunch set嘅Omakase（$500），包括前菜、茶碗蒸、刺身三点盛、壽司五貫、串燒三杖、湯物同甜品。全部都好新鮮！前菜胡蔴沙律令人開胃，茶碗蒸加入咗墨魚汁，入口比普通蒸蛋濃味，款款刺身壽司都係好新鮮，馬屎海膽鮮甜無比，入口即融，雞翼串燒火喉啱啱好，最鍾意食個柚子Sorbet，真係令人感覺非常清新，呢個價錢可以喺中環食到Omakase真係超值！…Read More

友人突然話想食串燒，但是在大埔去那裡找到好味的串燒呢？於是上Openrice查一查，就找到這一間隱世串燒小店。地方雖然狹窄一點，但是所有食物都用心去燒，味道的確不錯，還有很多手工啤酒供大家選擇。我們二人點了芝士焗廣島蠓、半殻開邊元貝、燒鰻魚、燒西冷牛扒、蒜蓉蔥花燒虎蝦、燒茄子、燒雞肉棒、燒牛舌、燒蜜糖雞翼、燒雞軟骨、燒菠蘿，總之包羅萬有，全部都好好味，假日可以與友友輕輕鬆鬆享受一頓美味晚餐，真的一樂也，明天再繼續努力工作。不過一間用心經營的小店真是值得介紹給大家。…Read More

因工作繁忙，已經很久沒有執筆寫食評，但仍然是OPENRICE的忠實FRIENDS，每天一定CLICK進這裡看看有什麼好介紹！:)故勿論有很多新的日本餐廳開業，本人始終覺得這間食肆的魚生刺身是最好！試想想，只需要用一個超值價錢吃到北海道的魚生水準，真的不是處處可以找到！這間餐廳我不是第一次來，也不記得來了多少次，但今晚因為那些入口溶化的中拖羅和大拖羅實在太出色，所以不得不提起筆來，把師傅為我親手用心打做的一餐晚膳寫下來！這盤魚生，每一次我帶不同的朋友來吃過之後，人人都食到讚不絕口，他們說 ：「一口SAKE，一口魚生，真是世上最幸福的感覺。」還有那些壽司，大大隻牡丹蝦，入口爽甜， 金目鯛的鮮，真的令人回味無窮！ 最後要提一提這條「喜知次 ﹣ GINKI」，師傳巧手將其燒到皮脆肉滑，叫人難以抗拒！現在還有很多很多朋友排著隊， 要我陪他們來這裡嘗一嘗什麼是人間極品，下一次約會已經鐵定在元旦之後一日，真的再期待師傳為我炮製另一個驚喜！ …Read More

最近睇咗一本飲食雜誌先知呢度有間車仔麵店, 於是梗係又去試吓啦.....我點咗咖哩魚旦, 豬皮, 豬大腸, 牛栢葉, 唐生菜跟油麵, 咦? 點解要清湯底味道都咁濃嘅? 原來佢有加腩汁, 都OK好味! 聽講佢地D辣汁好出名, 不過個人食唔到, 所以冇試到! 咖哩魚旦：彈牙！豬皮：辣辣地，過癮！豬大腸：炆得幾稔又幾入味！ $7.00一個餸都算貴架，總括嚟講, 都係一碗車仔麵囉!:)…Read More

聽聞呢個農場嘅雙皮奶同芒果布甸都好味都不得了, 於是山長水遠都要嚟試試! 哈! 原來好方便架咋, 喺元朗大榮華隔離條街搭往雷公田嘅專線小巴就到, 落咗車就行一陣, 呢D涼涼地嘅天氣, 咪當遠足囉, 吸收吓D新鮮空氣對身體都好D呀!:)行吓傾吓, 好快就到! 咦! 呢度打理得好乾淨喎! :) 原來可以餵羊咩咩呀! 真係好玩!一坐底見到隔離食緊碗餐蛋麵, 好似好好味咁喎, 一於叫碗試吓先! 嘩! 兩大塊煎到香噴噴嘅午餐肉, D麵煮到時間啱啱好, 真係唔錯, 由於太肚餓, 一口氣就食完, 所以唔記得影相!到主打甜品, 我叫咗芒果布甸, 一入口, 超多芒果, 超甜, 超滑, 超好味! 正! 雖然, 呢度遠就係遠咗D, 不過如果邊位朋友有興趣, 我可以做領隊, 帶佢地嚟試吓架! 有得食, 有得玩, 一樂也!…Read More

依家食嘢，真係要「重質不重量」，要喺香港食到高質素嘅日本菜真係要俾D時間搵搵，見到Openrice介紹呢間日本餐廳，個個食評都唔錯:)，於是決定去試試，咦! 真係「得」喎! 如果食 Lunch Set ，仲好抵食添! 牛肉火鍋定食：前菜係蒸蛋，有雞肉、銀杏、冬菇、蟹柳，個蒸蛋滑到不得了，仲好清甜，一定係用雞湯秘製嚟蒸！ 到主菜牛肉鍋，牛肉OK，最得係個Sukiyaki汁，Ｄ菜、豆腐、同芋絲索晒Ｄ汁，非常好味！自選壽司定食：大Toro、中Toro、熟蝦、鯖魚、帶子、油甘魚、赤貝、深海池魚、三文魚籽和油甘魚十款，大Toro入口融化，赤貝爽甜，全部魚生都好新鮮，Yummi Yummi!跟住散叫咗個燒牛舌，雞軟骨，都好有水準！最特別係呢個菊花大根，將蘿蔔做主菜，砌成一朵菊花放中間，用蔬菜圍碟，不失為一款健康菜式，好有創意!飯後仲送上芝麻雪糕同兩片香橙，雪糕芝麻味濃郁，橙香甜冰凍，正! 可惜兩片太少喇!:)老闆好友善架! 佢介紹我地下次去試Tailor-made Course，佢地會視乎我地嘅口味，為我地度身訂造嘅魚生同壽司SET，全部都係當日新鮮空運到港架! :) 好! 好! 咁正嘅日本餐廳，我點會去一次咁少呃! 好快就會成為佢地嘅熟客仔架喇!…Read More

嘩! 辛苦咗5DAYS, 終於等到星期五喇, 一放工就跑去擦餐勁嘅! 咦? 又有新嘢試? 好呀! 大蝦柚子沙律 : 大蝦爽口, 柚子酸甜多汁, 好醒胃! 泰式蝦刺身 : 由於我地消費滿$300, 所以可用$28叫一客, D蝦刺身好爽, OK新鮮! 海南雞 : D雞肉好嫰滑, 剛剛熟, 好味道! 泰式鮮魚爐 : 條魚都幾滑, 唔係好多骨, 配埋D汁撈飯, 好好味喎! 蝦醬通菜 : D菜比較老, 不過用蝦醬炒都幾有鍋氣!餐廳服務唔錯, 所以我地食得好舒服, 仲有兩部大電視睇, 可以乘機追劇呀！…Read More

又有好朋友生日喇, 梗係要認真咁請佢食餐好架啦！呢度環境舒服, 傾偈一流！　赤貝SASHIMI,　係我嘅至愛！　生蠔,　即日空運抵港,　好鮮甜, 友人嘅至愛！ SUSHI SET d 魚生好新鮮！兩個人SHARE真係夠喇！　燒茄子,　一食就知係日本貨啦！由於我地飲咗HIGH TEA, 所以唔係ORDER咗好多嘢,　不過友人都好滿意,　仲話「多謝晒喎」！…Read More

本來打算去花墟逛逛年宵花市, 剛啱路經蔡蘭介紹過嘅大記攦粉, 於是走入去試試!豬腩肉攦粉(酸辣湯底) : 攦粉形狀似米線, 好彈牙, 好有口感! 豬腩肉爽口, 加埋酸辣湯底好醒胃!炸魚腐, 炸蝦卷, 炸荾魚球 : 一食就知係用新鮮材料! 好香! 咬落口好有積感!桂花榚, 芝麻榚,, 馬蹄榚 : 個人比較喜愛馬蹄榚, 其他普普通通, 都OK嘅!服務態度就麻麻地喇, 總括嚟講, 只係攦粉同炸物比較有特色! …Read More

:)好朋友生日, 梗係要擦餐好架啦! 兩星期前, 上OPENRICE搵到呢間食店, 咦! 佢個食評都唔錯喎, 於是拉大隊一行十三人嚟試吓, 雖然細細間, 不過門口都貼咗好多名人嘅相片!嘩, 大家都好肚餓呀, 一坐低就不停咁落ORDER, 老細好好人:), 仲話送兩枝藍妹俾我地啤啤佢喎! 話咁快就上菜喇!豉椒炒蜆 ~ 味道唔錯, 雖然細隻咗D, 不過冇沙架! 炸豆腐拼芝心蝦丸 ~ 豆腐好滑呀, D芝士夾喺中間, 一咬落口, 好JUICY! 胡椒蟹煲 ~ 一揭開個蓋, 香噴噴, 隻蟹好新鮮, D蟹肉都好彈牙! 避風糖炒蟹 ~ 都幾辣喎, 我試咗少少已經噴火! 但係見D朋友就食到津津有味! 薑蔥油雞 ~ D薑蔥將成隻雞覆蓋住, 雞肉好滑, 個個都用D薑蔥送飯, 話太好味咯喎! 芝士焗田雞 ~ 哈, 咁樣煮田雞法幾特別, 味道唔錯呃!沙拉骨 ~ 用沙拉汁配搭, 甜甜酸酸, 好開胃! 涼瓜肉碎煎蛋角 ~ 煎得火喉啱啱好, 唔錯! 炒菜款式都叫咗四碟 ~ 椒絲腐乳唐生菜 (ENCORE咗兩碟), 清炒九菜花, 蒜蓉炒芥蘭, 清炒油麥菜! 款款都好好好好味! 班朋友仲話唔夠喉, 再嚟一碟豉油皇炒麵同埋一窩炸菜肉碎粥! 豉油皇炒麵 ~ 一個字「正」! :)人多食飯真係好喇! :)可以試多D唔同款式嘅菜, 今晚個個真係飲飽食醉! 咦, 埋單睇吓, 原來唔駛加一架喎, 好抵呀!冇辨法! 今次我又俾人讚喇, 揀咗一個好地方可以俾大家食個痛快! CHEERS! …Read More