IsaacShek's Profile

年初六立春開市，開工吉日，諗住大家同事食餐好啲，首選聘珍樓；官塘區呢間算係高級啲嘅酒樓，點知衰過稻x。叫咗8款點心，蝦餃，燒賣，蝦腸，蝦多士，完全唔熱，腸粉痴埋一舊，蝦多士好硬；所有點心的蝦好似食塑膠。鮮蝦湯伊麵竟然冇湯，得一pat獻汁。真係估唔到會差到如此地步。…Read More

午餐套餐點了拖羅魚生丼，$78+10% 呢個價錢預咗唔會係靚野，亦唔會俾好多拖羅你。但估唔到係完全沒有拖羅，係完全沒有，連少少也沒有，只有三文魚粒粒。好明顯係違反商品說明條例，擺明係欺詐。管理層應該好好檢討下，收費多少平貴唔係問題，問題係做生意要老實，唔好老點人， 呃到一次呃唔到第二次。…Read More

中環確實好多好野食，但價格唔會平，貴野好食梗係理所當然啦。無意中發現呢度古蹟中，新開咗呢間酒吧餐廳，樓下有餐牌，價錢不會太離地，一於試下。 上咗樓梯經過一條長走廊， 有啲似去鬼屋探險咁一，入到去餐廳裝修好靚，好有格調，有啲Blue Jazz feel; 古董吊燈好吸睛。 坐低嘅時候仲係 happy hour， 叫杯cocktail飲下先, 仲有啲happyhour bite 小食, Cocktail好特別, 用日本燒酌, 梅酒… 特別調校的，出面飲唔到。 小食都做得好出色， 炸魚薯條食得多， 呢度用tempura嘅炸法， fusion好味；明太子pizza 味道好；炸雞 lollipop，醃得入味，炸得香口。Happy hour 飲下cocktail 食下小食, 都可以唔洗再食飯! 但一場嚟到 都要試下佢啲 appetizer同main course: 個platter 有：帶子 carpaccio， 生牛肉他他，肝醬，牛油果沙律； 一次過滿足曬我嘅願望👍 海膽 risotto 好邪惡， 但好好味，佢哋話用咗四分一版 日本海膽 撈成， 所以有好濃郁嘅海膽味。明太子鮮蝦烏冬，正👍 仲有 嗰件 A4和牛西冷扒, 油花均勻，廚師煎得好靚, 表面香口, 內裏好嫩滑, 入口即溶!食物質素高， 唔係一般行貨。聽講佢哋個廚師係喺 Robuchon 同 zuma 做過, 大有來頭. 唔怪之得啲出品有番咁上下。…Read More

叫了一碟涼拌豬耳，份量比正常的較少得可憐，店員推介烤鴨，上菜時是微暖的，二食叫了津白粉絲湯，只有幾條粉絲和幾條零碎津白，份量不成正比。但味道是可以的。出菜慢，到你催佢，就攞碟已經凍哂嘅炒麵出來。服務非常混亂。同場食客都話冇下次，有一枱客人話食了3個鐘，另一枱客人催埋單時話食了4個鐘。管理層全部是普通話人，及大部分員工都是操普通話的。…Read More