ophee1003's Profile

黎開觀塘駱駝漆大廈，見到呢間食店之前冇見過，一於入去試一次先！餐牌見到都好多選擇，有麵食仲可以打邊爐添！見咁耐冇打邊爐，一於同朋友試一試先叫左$268超值火鍋套餐！套餐有五款湯底選擇～我揀咗粟米蘿蔔湯清清地❤️套餐都包括好多款食物，有三款牛肉！吊龍、匙柄、三花趾🥩三款都好新鮮，好有牛味～只需要淥幾秒已經熟，非常稔身！唧唧鮮蝦滑🍤呢款都幾新鮮蝦滑好滑！爆汁牛筋丸 🍖我覺得係最好食嘅食物！粒丸號有牛味又多汁！墨魚丸、豬肉丸🍖呢兩款遠都幾唔錯嘅，好彈牙！蟹黃面、烏冬🍜因為冇食早餐，都有啲肚餓，所以自己叫到咗兩款面！只係加$9好抵食😂響鈴🫔一點都有幾多嚿，炸得係好鬆脆嘅！整體呢間簡單打邊爐嚟講都算幾好食，下次如果趕時間啲可以試下佢嘅面食🥰🥰…Read More

將軍澳開咗DONKI之後，都好鍾意黎行街！估唔到同一個商場入面原來有茶飲😍間餐廳，仲要裝修得好別緻，望住海景嘆茶食點心，真係別有一番感受一坐低職員已經好有禮貌，介紹幾款茶俾我哋揀～揀左飲品之後再叫咗好多點心陳皮普洱茶🍵（$15）好香嘅陳皮味，飲落好舒服有汽士多啤梨馬黛茶🥃（$32）好特別既味道！淡淡既士多啤梨味，配落雪凍左既杯，好清爽！焗叉燒包🥯（$38）熱辣辣，好香口！外層皮仲好爽脆！窩貼蝦多士🍤（$68）好鍾意呢款！炸得好脆好香口，蝦肉好足！鵪鶉蛋松露燒賣🫕（$55）入面既鵪鶉蛋係流心！好好味又特山別🥰招牌小籠包🥟（$48）皮薄又多汁，無令人失望既小籠包😍蘿蔔絲酥餅🫔（$42）非常鬆脆，蘿蔔絲好甜好淋！鮮蝦脆米網腸粉🥠（$48）又係好好食推介！入面蝦肉炸得好脆，出面腸粉皮薄，好夾！牛肉球🥩（$38）好大粒！食落好入面，又淋👍🏻蛋散🫔（$38）好有驚喜，個蜜糖汁有桂花味，好香，炸得又好鬆脆😍呢間無論環境同食物同好好，會再一次光顧…Read More

經過佐敦地鐵站附近，見呢間川菜館新開無耐，價錢又合理，就入去試一試自製川菜海鱸魚米線🍜入到間鋪，己經見到幾大樽酸菜，真係自家製造！呢碗米線非常之有特色，酸菜味道適中，唔會太酸，魚好滑好好食！米線嘅軟硬程度都好適中，好味重慶酸辣粉🍲必食嘅菜式之一，呢間都冇失望，酸辣程度適中，肉碎同配料份量都好合適滷水雞蛋干🧈呢款值得一讚，鷄蛋干好入味，厚薄切得好好，用來做配菜一流口水鷄🍗又係必點項目！唔會太辣好又香口，鷄好滑！紅糖糍粑🍢最後黎個甜品，好煙韌好好味！唔會太甜！最鍾意呢款食物埋單都係$200鬆啲，食到咁多款！好抵食下次再嚟過…Read More

去開銅鑼灣，想打邊爐，見到呢間地點非常就腳喺銅鑼灣廣場8樓，裝修有好新淨好靚，於是就入去試一試！湯底有好多選擇，有平有貴，但係見周圍嘅人食嘅湯底都好足料！瑤柱金華火腿冬瓜湯🥘呢個湯底一上果下，嘩左一聲！大大粒元貝又多金華火腿，加埋冬瓜同埋花菇，侍應好細心咁幫我哋切晒所有冬瓜，仲叫我哋滾咗之後先飲啖湯！一飲落去非常清甜，當湯飲到好值得！本地牛頸心🥩手切牛肉有好多選擇，今次揀咗牛頸心，切得好薄，牛好新新鮮！好稔牛味好香😍非常好味！黃金炸魚皮🫔除咗打邊爐嘢食，呢度仲有小食叫！喺啲食物未熟之前叫咗呢款！呢款簡直高度推介！好好味，用鹹蛋炸嘅魚皮！好鬆脆，好香口風沙脆豆腐🫔呢款又係好特別既小食，外面係黑色嘅炸豆腐，識落好滑身好香口手打四寶丸🍡四款遠都係自家手打製造，四款口味都非常之好味，好鮮甜，尤其係牛丸，好有牛味好彈牙！豆腐紙🧈呢款唔係間間都有好特別，真係好薄，一放落水就成為類似腐竹嘅食物，好滑身好鍾意台式鴨血🍖一向鍾意呢款食物打邊爐，呢間都冇失望，好滑！豬粉腸🍖唔係間間有得嗌，見到即刻食！粉腸好好味！好爽口，又洗得乾淨！萵筍🥙好新鮮，好爽口竹蔗茅根🫙叫咗一喳，好足料！成枯有晒竹蔗茅根！唔會太甜正！今日去咗一間好高質嘅火鍋店，下次會約埋多啲朋友一齊嚟食試多啲款…Read More

呢間清湯腩點都食過兩次，分別係觀塘同埋油麻地都食過味道的確唔錯！今次知道佐敦開咗新店地點非常之就腳，一於再去食多次上次喺其他分店食咗湯麵，覺得啲牛腩都非常之好味，今次豪氣少少食咗最貴嘅牛三寶撈麵😍一次過滿足晒三個食牛嘅願望清湯牛三寶撈麵（牛腩/牛筋/牛肚）一打開個外賣盒，見到三款餸都好多，份量十足，而且啲面都好充足份量！飲咗啖湯先，非常之濃郁嘅牛味！+10幾蚊食個撈麵係值得嘅！牛腩好林，牛肚好爽，牛筋又爽又大條，非常之滿意呢個撈麵整體呢間都係好值得再食嘅牛腩麵店，推介👍🏻…Read More

驚朋友介紹話呢度附近有一間細食，外賣店都好好味，見未試過一於試吓先一共叫咗三款香蔥鯷魚烤北海道魷魚🥓呢款餸都幾特別，魷魚烤得啱啱好唔會太熟，好好咬口，味道都幾好煎北海道帶子扁意粉🍝一打開有三隻大大隻嘅煎北海道帶子，好有驚喜成盒份量都好夠，味道都炒得幾好食，推介意式烤雞香草意大利飯🍲呢款簡直係增肌之選，烤雞係用全雞胸整，一共都有成六舊左右，好抵食，凡係傾向較硬嘅口感，鍾意食呢種味道嘅人會覺得特別好味呢間整體都幾唔錯，下次會再嚟:)…Read More

從朋友口中得知呢間外賣店，領取地方非常之方便，地點就腳，於是就決定試一試！一共叫咗三碟餸慢煮醉雞捲一向好鍾意食醉雞，呢款小食一啲都唔失望，雞卷入面除咗有雞之外，仲有紅蘿蔔等餡料，好夾味，加上酒味咁食，正👍🏻👍🏻柱候蘿蔔炆牛腩邊🥩蘿蔔炆得好淋，有別於一般大大嚿嘅牛腩，呢度嘅牛腩係切片，炆得好林好入味，推介話梅骨🍖酸酸甜甜，好好送飯，份量都幾充足，$68來講，非常之抵食總結呢間都係抵食之選，下次會再嚟…Read More

平時都有去開呢間熟食市場食嘢，識開中菜打冷多，今日留意到呢間泰式越南嘢，見佢鋪面幾乾淨，菜單都多款式揀，同朋友一於入去試一試價錢都好相宜，所以兩個人叫咗好多款菜式試吓越南春卷🫔一入到去已經見到職員包好呢款春卷，放左好多係枱面，好吸引！好彩有叫，好好味！皮薄餡靚泰式蝦餅🍤食泰菜必要之物，呢間都冇令人失望，炸得好脆好香口！蝦肉彈牙！炭燒墨魚頭🍢呢碟餸絕對係最驚喜！好好食，墨魚頭非常之彈牙！又吾油膩，真心推介之選😍😍泰式炒金邊粉🍝份量非常之充足，大大碟蝦又多，非常之抵食泰式炒通菜🥗又係食泰菜必叫，炒得好香，好入味龍眼冰🥤叫咗少甜，好清甜好味！咸檸梳打🍺清涼好飲！另外呢間重可以打邊爐，有三款湯底選擇，下次再嚟，一於試吓叫佢嘅冬陰功湯底先…Read More

行開將軍澳，見到呢間有拉鏈又有日式丼飯食，就被吸引入去試一試同朋友一人叫咗一個拉麵同一個丼飯，加$10仲有沙律同飲品:)博多黑蒜油拉麵拉麵最緊要係個湯底，即刻試咗個湯底先！味道好濃郁，油度適中面軟硬程度適中，唔會太淋或者太硬，配嘅雞蛋同埋叉燒都好好味，推介！札幌香蔥豚肉丼上碟嗰下已經見到超多豚肉好抵食！豚肉好林好入味！飯量都好多！好夠飽！另外值得一讚係一坐低就有一杯熱茶，好體貼！沙律係西式沙律菜配油醋汁…Read More

行過灣仔，係人來人往既莊士敦道經過呢間茶餐廳，見裝修都幾新淨，menu都多選擇，就入咗去試午餐時間有lunch Menu ，50幾蚊有好多款選擇，送埋飲品都幾抵食！Main menu就咩都有得揀，炒面飯、焗飯、鐵板餐都有，價錢都幾合宜:)近排減肥，揀咗個扒餐，汁另上～有成六款汁選擇，吾係間間餐廳都有！黑椒汁香煎鷄扒意粉鷄扒好香口！吾會肥～意粉烚得啱啱好～唔會太淋或者太硬黑椒汁另上都做得好足！凍檸茶走甜少冰，真係做到少冰👍🏻👍🏻茶味好香…Read More

經過荔枝角地鐵站附近，肚餓想食個午餐或者午餐，見到呢間餐廳好闊落，報置都有啲心機，我再睇埋Menu可以揀一啲西式嘅嘢食，就入咗去試一試呢間餐廳乜都有得食，我叫咗個燒味雙拼飯，朋友叫咗個炒飯，再一齊叫咗個西式沙律，西式中式都試晒燒味雙拼飯叫咗叉燒同燒鴨，叉燒一啲都唔肥膩，好香口入味！燒鴨嘅皮都好脆，又吾會肥👍🏻Chill級炒飯炒得好香，啲飯一粒粒，有好多配料，份量十足喺呢度嘅特色炒飯之一！Chill級沙律三重奏有三文魚、鴨胸同埋薯仔，好特別嘅沙律拼盤，沙律同醬料都夾得幾好總結呢間幾啱食，下次會再嚟！…Read More

今晚去食川菜😋 叫左三個小食，試多d口味。涼拌萵苣: 面頭淋左好多麻辣醬，食落吾太辣，好野味，萵苣夠爽口，正👍🏻川式豬手🐷: 豬手個皮好淋身，易咬，加埋個汁好香口，仲有骨膠原的感覺😍泡椒鳳爪: 個皮好夾脆，酸酸辣辣泡椒味，好食😋最後叫個乾鍋，揀左5樣野:芽菜，椰菜花，蓮藕，肥牛，肥腸。揀左孜然味小辣，個味道真係好香，啖啖孜然味，真係好好食😋😋個鍋仲係熱辣辣keep住温度，岩晒今日凍冰冰的天氣。蓮藕好爽，芽菜份量都好多，肥牛夠晒肥美，好飽肚，所以吾使食飯都得。…Read More

凍凍地想打個邊爐，寶林新都城有好多唔同食店選擇，見依間門面是是正正，火鍋套餐有三款選擇，價錢都合理所以就入去試一次中價位嘅牛頸脊好似都幾新鮮幾靚，就揀左呢個套餐，$398/人呢間有好多湯底嘅選擇，左揀右揀之下最後決定咗食藥膳椰子雞湯底！材料都好充足，成個打邊爐嘅過程都好食到湯底嘅味道，吾錯！一嚟就叫咗牛頸脊同埋黑毛豬，兩款都冇失望，唔會太肥同埋好薄身！入口即溶之後不停追揀咗好多碟🤣我都鍾意佢嘅是日海鮮，今日係花蛤都算大粒，又新鮮！蝦、魚片、墨魚滑都叫左，都好好味！佢嘅響鈴都做得幾出色，炸得好脆！仲叫左有骨魚皮、吾錯！另外餃子丸類蔬菜類都好選擇！值得一提嘅係佢嘅飲品係任飲，好多本台式飲品咖啡奶茶都有，呢啲喺其他舖頭比較少見啲最後仲有Häagen-Dazs，movenpick或者dryers雪糕揀一款食今日真係滿載而歸…Read More

平時去開佐敦食嘢，因為嗰度都好多嘢食，今日行完永安附近，見到呢間日本食店裝修非常精緻，新開無耐，於是就被吸引入咗去幫襯成間店嘅外型格局都設計得好有日本感覺，而且都幾高尚！但一望餐牌一啲都唔貴，午餐時段有四個set揀，全部$88好抵食！套餐分別由金、銀、銅、鐵，四款揀！今日想食壽喜燒，所以我揀左銀餐！一共有五款食物！仲要送埋麵豉湯飲月見飯，即係有紫菜喺面嘅白飯，飯嘅質地幾好，又夠熱！牛肉壽喜燒牛肉大大塊，燒汁都非常之入味！可樂餅及炸鷄塊最鍾意就係佢嘅炸物！炸得恰到好處，好鬆香和風牛蒡葉得好爽口！好入味呢間無論環境同食物都唔錯,價錢又唔貴,之後行過都會再食…Read More

見到土瓜灣呢間茶餐廳新開張冇耐，決定入去試一試呢間地點非常就腳，轉彎一出已經係土瓜灣道，好食嘅話下次再嚟都非常方便一坐底，侍應姐姐就送上一杯暖水，好細心🥰餐牌都多選擇，有唔同嘅粉麵飯餐，常餐有四款揀，c餐既豆豉鯪魚非常特別😆不過今次想試咗更加特別嘅自家製燒焗腩叉先其實炸雞髀、蔥油撈飯都想試架，個肚食唔到咁多下次先講返自家製燒焗腩叉先！我揀左配天使面一上碟已經覺得啲叉燒燒得好靚，係腩叉😍好香口！食落又淋身，非常特別，冇揀錯！常餐配嘅炒蛋都好滑！同埋係配丹麥多士😍都好脆身！熱咖啡多係好飲嘅👍🏻下次再去食其他款先😆…Read More