千金火鍋 (Closed)

去開銅鑼灣，想打邊爐，見到呢間地點非常就腳喺銅鑼灣廣場8樓，裝修有好新淨好靚，於是就入去試一試！湯底有好多選擇，有平有貴，但係見周圍嘅人食嘅湯底都好足料！瑤柱金華火腿冬瓜湯🥘呢個湯底一上果下，嘩左一聲！大大粒元貝又多金華火腿，加埋冬瓜同埋花菇，侍應好細心咁幫我哋切晒所有冬瓜，仲叫我哋滾咗之後先飲啖湯！一飲落去非常清甜，當湯飲到好值得！本地牛頸心🥩手切牛肉有好多選擇，今次揀咗牛頸心，切得好薄，牛好新新鮮！好稔牛味好香😍非常好味！黃金炸魚皮🫔除咗打邊爐嘢食，呢度仲有小食叫！喺啲食物未熟之前叫咗呢款！呢款簡直高度推介！好好味，用鹹蛋炸嘅魚皮！好鬆脆，好香口風沙脆豆腐🫔呢款又係好特別既小食，外面係黑色嘅炸豆腐，識落好滑身好香口手打四寶丸🍡四款遠都係自家手打製造，四款口味都非常之好味，好鮮甜，尤其係牛丸，好有牛味好彈牙！豆腐紙🧈呢款唔係間間都有好特別，真係好薄，一放落水就成為類似腐竹嘅食物，好滑身好鍾意台式鴨血🍖一向鍾意呢款食物打邊爐，呢間都冇失望，好滑！豬粉腸🍖唔係間間有得嗌，見到即刻食！粉腸好好味！好爽口，又洗得乾淨！萵筍🥙好新鮮，好爽口竹蔗茅根🫙叫咗一喳，好足料！成枯有晒竹蔗茅根！唔會太甜