AH BI's Profile

商場氣氛很好，天氣涼在這個商場係好好嘅，但諗起天熱就真係唔使嚟了，呢度好多餐廳都有室外座位，呢間都唔例外，一行4人本身都想坐室外，最後冇位坐室內卡位，非常細窄，仲慘過迫譚仔，午餐不便宜，平均$100不包飲品，可特價加飲品 。海南雞飯煮得太爛，雞也過熟鞋口，薑蓉冇味，蒜蓉辣醋唔香唔好味，碗湯就幾好飲。蔥油豬面肉煎蛋飯，豬肉好韌，冇乜味，成碟飯靠蔥油填飽肚 。生熟牛肉湯河較為正常，算好食 。如果係帝苑就真係大鑊，敗壞名聲 。…Read More

麵質像蝦子麵、全蛋麵，不似日式拉麵，貝汁湯底只覺得好咸，像浸發干瑤柱的水，豬骨湯也只有咸字，沒有鮮味，餃子也不好吃，味千都好食過佢 。我完全唔識欣賞 。裝修好高檔 。…Read More

坐位唔多，限時85分鐘食嘢，主餐牌食物話要30分鐘製作，連埋order 時間，想慢慢食坐下傾下計都唔敢，都係叫返意粉算數。環境裝修保養一般，要求低的話可以接受，但收得此價錢就唔應該係咁。最唔高興嘅係泊車要$20/小時。食物方面係可以的，係較貴。嚟一次就夠。廁所冇廁紙冇紙巾，乾淨嘅，但似茶記裝修。兩個人$600幾蚊午餐，呢度唔值，去尖沙咀海景高級餐廳、酒店體驗更好。…Read More

數週前經過見到一間新開法式咖啡餅店，裝修優雅乾淨整齊，因剛已吃午飯，見佢新張特價牛角包8元，就外買來試試做下午茶，一試難忘。　今天專程去吃午飯，套餐賣50多至60多，加廿元有甜餅，大角咀區唔算平，但以這店裝修氣氛質素絕對超值，店開左中環分分鐘要百元以上。　飲品因個人關係沒試它們的咖啡，相信不會差的，又會送一塊小甜酥，一啖飲品一啖酥，餐前絕配；主菜要了一個芝士火腿併煙三文魚法包，薄餅製法，外脆內軟，味道不錯，份量足，很飽；另要一個卡邦尼意粉，不太乾，味道也很好；甜點要了一塊焦糖燉蛋味的批餅，完美午餐完成。今天午飯時間只有兩檯客，雖然自私唔想多人破壞氣氛，但都希望佢好D生意；店內播著輕音樂，在這被重工五金汽車業包圍著著竟然有一個這樣好地方閒坐認真寫意。…Read More

新開不久，第一次到此午餐，試試得唔得。餐廳裝修華麗，氣氛唔錯，個人不喜歡那種長方形大檯。　　午餐有A：自助餐湯及沙律吧，B：餐飲，C：主菜；可以選A+B $68，B+C $78 及 A+B+C $88；我喜歡這種自選方式，根據自己的喜好及食量選配；先說A，自助式餐湯及沙律吧是很好的午餐方案，有些女士更是喜愛，可是餐廳只提供一種湯，今日是南瓜忌廉湯，味道只覺得是咸咸地的忌廉糊，一般，並沒有麵包供應；沙律吧蔬菜種類不算少，可是廚師將每一款食物都伴上同一系的蔬菜，變成睇落盤盤都一樣，好似選擇很少，除了蔬菜外，沒有其他沙律種類，醬汁選擇亦不足，取食物位置亦偏窄及小，人多時不方便，個人認為A不合格，不值68元。B沒有特別，都是一般奶茶咖啡。C主菜自己點了墨西哥式雞肉卷配上薯角，份量足味道不錯，見到鄰檯的主菜份量都幾大，算抵食的。另外一提，那種特色的碗碟太厚，碟邊不受力好易反，好看不好用。　　午餐價錢及點餐方式與鄰Simplylife The East The West相似，食物方面Simplylife勝一籌，服務這邊睇得出係老闆們親自落場招呼所以很好；下次試試晚餐。…Read More

見到新張，排長龍，就排埋一份，第一次一定想試多幾種味，但佢只有芝士味混焦糖可選，買包大既，要成70元，我覺得真的幾貴，爆谷始終涼左，芝士味咬落煙韌，好咸；焦糖咬落脆口些，好甜，可以當糖食。比較好既係冇啡色一粒粒好硬個D。下次試埋其他味先。…Read More

一般都去旺角西洋菜街近旺角道那間，近工作地方，食了幾年午膳，水準很好，食物冇咩投訴，係坐得好迫，唔理你肥瘦，一張圓檯都要坐8個人，實在太迫了。　　見到三哥在亞皆老街先達斜對面，舊風月堂個位開左，新裝修，人冇咁多，有好多方檯，兩個人打對面坐，唔使咁迫；真好，諗住以後行多兩步黎呢間，其實譚仔食品來來去去都果個幾樣，都冇咩好寫冇咩好影，但今次非要上來講下不可。　　兩個人叫了兩碗十小麻辣，咩配料分別不大，都係淥熟，主要係個湯同D米線，碗米線到左，外觀同其他店一樣，好大碗，第一件事先飲淡湯，比旺角道那間淡些少，辣度亦較輕，不過都可以接受，但一夾落去就唔對路，成餅米線夾左上來！好明顯係淥麵那職員偷功夫，先淥好多碗米線乾閣在一旁，待有ORDER才放湯及配料，跟本米線就黏埋一舊，成個麵餅咁，要我在個位度打散佢，再食時就會較為淡口，黏得緊那些就要成碌咁食，食粉團一樣。　　冇影相，但呢間店暫時不會來，有待改善。…Read More

　　得知豚王尖沙咀分店開張，都特登等佢RUN左幾個禮拜先，才專誠由元朗駕車到尖沙咀捧場，費事遇到一般新食店新張時會出現的服務混亂及食品水準不穩問題；可惜時與願違，還是我黑仔。　　晚上7時半到達，發現門口無人等位，舖內顧客亦不多，絕對是出乎意料。侍應同我們講：今天的湯賣哂，店內只供應一款撈麵?!?!?!　一場來到，唉，照食啦.....，坐低後見到都有好多人來，但一聽侍應講完後，十個有九個都走人；味道不是差，只是豚王最出名的濃湯，現沒有湯的豚王拉麵，怎麼也不值得專誠來捧場。　　我覺得，此店已經營幾星期，有幾多坐位、人流量有數得計，竟然在黃金時段賣哂湯底？有點不合道理；現在豚王已實行開分店商業性的策略，並非像以前「每日只賣XX碗，賣完即止」的個性小店；以我估計，可能：1.總廚劈炮、病左、請假2.湯底煲燶左，成煲唔要得3.食材缺貨，準備不足　　今次算數，唔比喊面住，下次再幫襯比多次機會你。…Read More

有朋友剛搬進附近住, 在虹橋晚飯完, 朋友話有間甜品唔錯, 就試試.我叫了小丸子芒果撈, 做得幾好, 夠凍, 甜度適中, 小丸子起了點綴作用.幾個朋友都話飽, 只點了果汁, 見佢地都係即叫即榨, 朋友話西瓜汁都可以, 而家天氣熱, 最緊夠凍, 另外芒果汁都係ok的。見佢地以生果甜品為主, 聲明冇罐頭野, 好過B仔呢; 另外都有D港式糖水,同D咸小食, 今次太飽, 下次楂車黎試多次, 門口有車場停車都好方便.新裝修, 原來在鄰廈搬來, 應該掂既呢間野, 如果冇生意都摺埋費事搬啦, 裝修費唔少野嘛.…Read More

人好多, 好迫, 不過預左, 呢d食店係咁架啦, 幾十蚊貨仔.要左小小麻辣, 都好辣, 要左豬閏及牛肉, 豬閏太熟, 有d鞋, 牛肉都幾滑, 其實D餸要咩都冇咩所謂, 反正都係"6"熟, 不過唔好太過火就得, 湯底同米線至重要.凍寧茶一般貨色, 另叫左土肥雞翼三隻, 外脆內多汁, 好味.三哥唔三哥都差不多, 始終都係廚房D師傅水準, 三哥一行開咪一樣差D, 好似元朗果間咁.…Read More

剛經過, 本來想食川居, 不過近來成日食米線, 食到厭厭地, 係時候食番碗本地偉大發明- 港式車仔麵, 見佢第一日開張, 就試下.午飯時間, 舖不大幾百呎, 位子不多, d姐姐在門口拉客, 都算友善.叫了牛腩,豬皮,蘿蔔,菜,粗麵要辣, 都幾大碗; 牛腩係一舊舊切到長方型肉果隻(唔識點講)總之唔係碎濕濕又根又肉果d, 味道唔錯, 可能第一日開張, 炆得唔夠耐, 唔夠稔; 豬皮ok; 蘿蔔冇渣幾好味,菜都可以, 麵普通不過不失, 湯底是白色(唔計比腩汁及辣汁後), 味精梗有, 不過起碼食完唔算口渴; 辣汁基本上同極之好的味道差不多,可能d 師傅響果邊做過都唔定.價錢比極之好平, 呢間我會再幫襯…Read More

同家人一起食飯, 細路至鍾意呢類自助烹調, 自己燒幾過癮, 網燒第一次, 味道唔錯, d用料係高級野, 每碟分量不多, 價錢唔平, 初初唔敢叫得多, 點知唔夠飽, 要再叫. 抽氣佳, 唔會一身油煙味.…Read More

一年會有2,3次同一家人11人在此晚飯過節, 環境衛生一般, 但食物質素好, 一般廣東酒家菜色, 味道極好. 一定要試下佢地自製既蒜蓉辣椒豉油, 極"野"味, 點乜都好食.…Read More

今日聖誕節, 去國際展貿睇完騷, 原本想去隔離既"豐膳", 但冇位(都預左), 惟有黎呢間, 一入門見得小貓三四檯心知不妙, 重話一定要食聖誕節套餐, 每位$188, 跟住見有幾家人入黎話唔想食套餐都唔比, 請人走, 好心得果幾檯客就將就下啦. 套餐先黎煙三文魚沙律, 都過得去, 跟住個忌廉湯太咸了..., 主菜有6-7款選, 我們要了牛扒,魚柳及羊架, 牛扒5成熟都好韌及又是太咸, 其他不過不失.甜品有cake及麵包布丁都算美味.招呼都唔錯, 不過今餐算麻麻但埋單6百幾, 裝修氣氛一般, 唔抵食.…Read More

我去過日本食過好多次拉麵, 香港呢間算係似樣, 一坐底係比一杯水, 日本果邊拉面店都係咁, 綠茶要另外比錢; 湯底係勁咸的(所以比杯水), 初初味千的都係好咸的, 但而家已淡左; 食物唔錯, 係貴左d, 如果改為門外付錢先憑票入座, 同埋搬走部電視, 就更有日本feel…Read More