1
得知豚王尖沙咀分店開張，都特登等佢RUN左幾個禮拜先，才專誠由元朗駕車到尖沙咀捧場，費事遇到一般新食店新張時會出現的服務混亂及食品水準不穩問題；可惜時與願違，還是我黑仔。
晚上7時半到達，發現門口無人等位，舖內顧客亦不多，絕對是出乎意料。侍應同我們講：今天的湯賣哂，店內只供應一款撈麵?!?!?! 一場來到，唉，照食啦.....，坐低後見到都有好多人來，但一聽侍應講完後，十個有九個都走人；味道不是差，只是豚王最出名的濃湯，現沒有湯的豚王拉麵，怎麼也不值得專誠來捧場。
我覺得，此店已經營幾星期，有幾多坐位、人流量有數得計，竟然在黃金時段賣哂湯底？有點不合道理；現在豚王已實行開分店商業性的策略，並非像以前「每日只賣XX碗，賣完即止」的個性小店；以我估計，可能：
1.總廚劈炮、病左、請假
2.湯底煲燶左，成煲唔要得
3.食材缺貨，準備不足
今次算數，唔比喊面住，下次再幫襯比多次機會你。
