A Little Love's Profile

I used to enjoy foods without a review (no review for long long time already), however, I must recommend Grissini to all food lovers.Grissini means not only the signature crispy breadsticks by this restaurant (probably the best in town), it means good foods and impeccable dinning experience. We came here to celebrate my dad's birthday.  We were greeted by a warm welcome followed by a very professional introduction of the wine and food menus. Dedicated thanks to the very professional and friendly sommelier for his patient and thorough explanation about various Italian wines and the signature courses.We ordered: Antipasti - 1) seasonal tomato capaccicio; 2) bonito tuna tartar; and 3) cold roast beef. Pasta - 1) Ravioli with carciotta cheese; 2) King crab linguine; and 3) cuttlefish ink risotto.  Main - 1) baked chicken (limited 4 order a day), and 2) veal cutlet.I must say all were very delicious, especially the king crab linguine, baked chicken and veal cutlet.  I learnt that the new Chef came from southern Italy makes a difference.  For the desserts, we had a nice treat, a signature tiramisu and home made lemoncello, from the restaurant and Marcus . We all had a great evening, will definitely come back shortly. …Read More

2009年2月1日晚飯 – 粗菜館(九龍城)一直都希望重拾讀書時代到粗菜館食飯的回憶, 可惜事與願違…是晚與男友到又一城睇完波兒後, 特意到九龍城來幫襯粗菜館, 卻大失所望, 以後一定唔會再去… 只點了兩個餸, 諗住食住先再叫, 點知d食物水準令我地大為卻步, 真係唔再叫得落手…1. 蔡瀾咸魚醬茄子煲 – 咸魚醬完全唔夠味, 唔夠咸亦冇咸魚既香味, 自問都唔算係食野要濃味的我, 都嫌味道不夠, 可想而知真係好差…茄子亦煮得唔夠腍, 唔夠味又唔夠腍, 點算得上叫茄子煲…我地好肯定屋企樓下既茶餐廳或者大排檔 $30/$40既貨色都一定煮得好味過佢, 就算買李錦記既魚香茄子醬料包返屋企自己煮, 都一定會好食過佢, 起碼一定會夠味同夠香… 2. 招牌炒豬什 – 就係為左呢個招牌菜而來的, 同時亦因為呢個招牌菜決定以後都唔幫襯… 對上一次食我想都已經是數年前的事, 但仍然記得當時既鑊氣, 薑蔥的香味, 以及豬什的爽口…我想就算沒有以前的水準作對比, 未食過的人都會食得出而家既水準係有幾差…有薑有蔥但炒唔出它們既香味, 看相片大家都應該睇到豬什炒到濕淋淋, 食落黏口, 怪怪的, 最離譜既係d豬什竟然係凍既, 真係好失敗…唔知係唔係過年關係, 師傅們都仲放緊假…但話明呢個係招牌菜, 點可以隨便炒到咁既樣都照俾客食… 枉我仲滿心歡喜去幫襯, 結果愈食愈唔開心…唔怪之好多人話蔡生的推介食店好多都保持唔到水準, 以前都唔覺得, 但係呢次既經驗正正就係一個好好既教訓, 而家唔到我唔信喇!!!…Read More

2009年1月30日晚飯 – 綠楊村男友另一心水餐廳, 他早已希望帶我去品嚐, 今次終於成功預約並預留了丁香雞…男友點了他的3個心頭好, 我再點了一個回鍋肉, 食飽後再點了馳名的拔絲蘋果… :)丁香雞 – 經常都會好早賣晒, 所以係訂位既時候就要訂埋…雞好滑好香, 雞皮薄得黎爽滑又唔肥, 點埋沙薑醬真係一絕…蝦子冬筍 – 未食過咁香既蝦子, 但仍食到好重既筍味…冬筍燘得啱啱好, 軟硬適中…我地都好鍾意食筍, 所以寧舍覺得好味…鍾意食筍既網友一定要試…清炒河蝦仁 – 有好多款蝦仁的菜色, 選擇了最簡單的清炒…河蝦仔好香, 簡單地清炒反而突出了蝦仔既清香, 再配點浙醋, 更能帶出它的鮮味, 厲害… 回鍋肉配夾餅 – 差唔多我自己一個人食晒…夾餅皮薄又夠熱, 回鍋肉醬汁可以再重味一點…不過自行再加豆板醬亦另有一番風味, 反而更加惹味呢… 拔絲蘋果 – 好多食評都有講過, 佢地既做法係用cream soda過冷河, 令拔絲蘋果更加香甜…可惜唔知係咪因為我地放涼左先食, 皮冇想像中咁脆, 蘋果亦有點腍, 煮過了頭, 個人喜歡較爽口的感覺…而且份量好多, 兩個人真係食唔晒…埋單時忘記了出示coupon, coupon二月尾就到期了…不過唔緊要, 呢個月再去多次都冇問題, 好想再食丁香雞呢… …Read More

2009年1月28日晚飯 (年初三) – 謙記今年係第一次同男友過年, 我地亦都差唔多日日都係埋一齊…年初一二都唔係太多舖頭開, 冇啖好食…年初三係放假最後一日, 決定食得豐富d…幾經辛苦先搵到久仰大名的謙記, 原來已經搬左做樓上舖…一試之下, 果然名不虛傅… 一向大食的我倆, 點了7樣野, 哈哈食到捧住個肚走…1. 酒煮西蜆鍋併四川麻辣湯底 – 一向都鍾意食酒煮蜆, 估唔到可以用黎打邊爐…個鍋一送埋檯, 香氣四溢, 蜆肉亦很嫩很新鮮, 好大隻…麻辣湯底亦唔錯, 夠香夠辣, 不過我就唔係太敢由頭到尾係呢邊烚黎食, 都係蜻蜓點水式點下d辣就算… :)2. 本地手切肥牛 – 好好味, 脂肪分佈好平均, 牛肉切得有少少厚度, 咬落有口感之餘亦充滿濃郁的牛肉味, 如果唔係叫左其他野食, 真係好想叫多碟黎食… 3. 雪花肥牛粒 – 原本對呢個好有期望, 點知反而口感同肉味都唔及手切肥牛, 我覺得 “厚福館” 的肥牛粒做得比佢出色好多…4. 日本螢光魷魚 – 好得意, 原本細細隻, 但係一烚起黎個身會立即變得脹卜卜, 裝住滿滿的 “羔” (其實唔知係咩黎), 如果烚得太耐, d羔更加會走晒出黎…d羔會有少少腥, 不過味道又幾特別, 唔怕腥的話值得一試… :) 5. 澳洲雪白帶子 – 唔使講, 夠新鮮既一定好味, 而且好大隻, 好似出面珍寶帶子壽司的size, 好滿足… 6. 腐皮牛肉卷 – 係金菇牛肉卷同腐皮牛肉卷之間揀了後者, 估唔到味道咁好, 厚厚香脆的腐皮, 包住用免冶牛肉搓成的涵, 只要輕輕烚一烚, 加埋d湯汁一齊食, 牛肉味一樣係咁濃郁好味… :) 7. 四寶丸 – 有牛, 豬, 蝦同墨魚丸, 份量雖然小又細粒, 不過樣樣都好彈牙又新鮮, 認真好味… 8. 唐好菜 – 配酒煮湯底, 梗係寧舍好味…好開心好滿足的一餐, 之前搵極都搵唔到, 搵到之後又唔肯定係咪呢間, 好彩最後我地都膽粗粗試左, 如果唔係就走寶lu… …Read More

2009年1月25日下午茶 (年卅十) – 珍寶海鮮舫經常都聽到親友提及從前其中一項家庭日活動, 就是到珍寶海鮮舫一遊…對童年無甚記憶的我, 真的對珍寶亳無印象…幸得男友帶我到此一遊, 否則就無緣品嚐到這些高水準的中式點心了…1. 蝦餃 – 皮做得真得薄而通透, 蝦唔會只係大隻而冇蝦味, 反而新鮮又爽脆, 絕對係即刻用新鮮蝦包既, 坊間酒樓既招牌蝦餃皇都不能相比美… 2. 蛋撻仔 – 好耐冇食過蛋撻仔了, 已經唔係好多酒樓有做, 是預期的味道...3. 香芒糯米糍 – 好好味, 芒果好甜好香, 糯米皮薄得黎夠煙韌, 係珍寶的推介點心之一, 果然冇介紹錯… 4. 义燒包 – 一般, 男友話之前既水準好D…可能今次唔夠熱, 影響左質素…不過內裡既醬汁都幾香幾濃郁, 亦唔會好似有D坊間的义燒包咁甜…5. 鴨胸明蝦角 – 呢個配搭幾新穎, 不過味道唔算好特別, 都係預期之內…6. 海鮮明蝦筒 – 超好味, 黎珍寶真係要食海鮮, 就算點心內既蝦都係咁新鮮既, 配埋蝦筒米紙做既外皮, 再加少少沙律醬, 好鮮味… 7. 五柳炸雲吞 – 雲吞既涵都係蝦肉黎, 涵少少, 最怕大大舊肉個D炸雲吞…配襯炸得恰到好處的雲吞皮, 係我所食過既炸雲吞最好既…不過個汁就一般, 如果可以配多D五柳就仲好… 8. 紫菜墨魚餅 – 好香口, 墨魚餅彈牙又香脆, 下次黎都一定會叫… 9. 帶子腸粉 – 好難得會用咁新鮮既帶子做腸粉, 都係個句, 黎珍寶食海鮮一定冇錯, 真係好好味…男友話蝦腸都係一樣咁好味, 下次要試埋蝦腸至得… 真係令我回味無窮, 多謝男友咁遠水路車我去…返到屋企問媽咪, 究竟細個既時候有冇帶過我去珍寶, 佢話珍寶係我地細個家庭日其中一個常去既地方…我同媽咪都好鍾意飲茶, 下次要輪到我車媽咪同爸爸去… …Read More

2009年1月22日晚飯 – 巨龜莊(利園)是日與男友一同到維園行年宵, 原本想去食中餐, 但近年尾, 好味的中式餐館大都已全被預約食團年飯, 結果揀了應該唔使點等位的巨龜莊, 當然都係男友喜歡的餐廳之一…點了3樣野…1. 燒帶子套餐 – 帶子份量多且非常新鮮, 就算燒既時候火喉控制得唔係咁好, 出現燒過頭的情況, 都冇損帶子的鮮味…配菜的泡菜同芽菜, 味道亦調較得不俗, 唔會太濃味, 亦唔會只係食到辣味…跟既白蘿蔔湯, 有淡淡的胡椒味, 很清香, 係男友所愛的…2. 紅炆牛助骨(5小時以上) – 食親韓國菜我都會點的一個餸, 個人認為如果間餐廳煮得好呢味菜, 其他的食物都應該會有返咁上下水準…雖然餐牌標明牛肋骨會炆5小時以上, 但我覺得唔係好夠腍, 而且味道唔夠濃唔夠甜, 撈飯都差D…可能食開 “秀” 的牛助骨, 又甜又腍, 個人都係鍾意 “秀” 整既牛肋骨多D…3. 泡菜炒飯 – 有D失望, 味道太淡, 結果我地要再加辣椒醬撈黎食先夠味, 叫得泡菜炒飯梗係想食佢既香同辣, 估唔到兩樣都冇, 得少少泡菜既酸味, 唔知係咪傳統既煮法, 不過我就真係唔識欣賞…呢餐算係我倆既第一次既團年飯, 不過不失啦, 龜背燒套餐可以值得再試…但係牛肋骨都係 “秀” 整得好D, 下次要帶男友去試下……Read More

2009年1月16日晚飯 – 碧濤意國漁鄉 (Portofino)與男友拍拖的第18日, 頑皮的我倆決定放下所有的世俗繁囂到澳門一遊, 到達氹仔已經是4點幾, 食完大利來記既豬扒包, 回頭再到官也街, 食出名的大菜糕及木糠布甸, 再食誠昌的水蟹粥, 再到威尼斯人逛了一圈, 已經是9點有多了…隨意挑選了一間較有情調的餐廳, 估不到帶給我倆無限的驚喜…甫進店即被環境氣氛所吸引, 相當有情調的一間餐廳, 無論裝潢或擺設, 都相當有心思…由於之前已食了很多東西, 故只點了2 appetizers及1 main course…1.Carpaccio – 水準不俗, 生牛肉切得薄薄的, 配上我的心頭好芝麻葉, 兩者皆新鮮味美2.Mussels with white sauce – 份量相當大, mussel很鮮味, 烹調時間可以再減少一點就perfect, 不過已經好好味3.燉煮牛膝with番紅花Risotto – Risotto好味, 軟硬適中, 以前好怕食番紅花既味道, 不過呢度煮得啱啱好, 味道唔會太搶…不過牛膝煮得唔夠腍, 要扣分 4.Dessert – 唔記得叫咩名, 不過幾好味, 好清新, 好香lemon味5.Dessert wine – 隨便叫左款, 都唔記得叫咩名, 酒精唔算太高, 如果可以再甜一點就好, 不過個酒杯好得意, 加返分 整個餐廳的服務都很周到, 還記得最後搵了一waiter幫手映合照, 他並非隨便了事, 大玩構圖, 並捕捉了餐廳最美的角落, 大賣廣告, 公司請了他真的有福…一定會再去, 雖然要搭船過海, 但係都值得, 好開心可以與男友一齊發掘到一間我倆都喜歡的餐廳… …Read More

2009年1月14日晚飯 – 池記(朗豪坊)與男友到旺角購置電視機, 到達朗豪坊後男友想食個快飯早點回家, 因為他早已在我們的家預備了無限驚喜待我回去發掘, 我當時當然是不知情啦…結果選了池記, 原先本想點選它的招牌雲吞麵, 但被其他餐牌所吸引, 最後點了,1.金衣蟹皇粥 – 只有雞粥底既味道, 完全沒有蟹既鮮味, 失敗之作 2.炸鯪魚球 – 炸得剛剛好, 蜆蚧醬亦很惹味3.蛇羹 – 不俗, 料足, 夠味, 味道很香且沒有腥味, 推介之選 4.臘腸膶腸飯 – 賣相冇得彈, 膶腸味濃, 食落相當有層次感, 男友第一次食膶腸亦讚不俗…不過膶腸迷的我當然嫌份量不夠, 如果可以2x膶腸 + 1x臘腸或3x膶腸就perfect 雙腸飯的賣相真的令我滿心歡喜, 如此價錢如果座位及環境可以鬆動一點就較好, 冬天又袋又大褸攬住食飯, 真的食得不太舒適呢… :(…Read More

2009年1月13日晚飯 – 泉章居(銅鑼灣)已經很久沒有幫襯泉章居了，實在太懷念它的招牌菜梅菜扣肉… 當晚與女友添置新家具後，便決定來大刷一頓。我們點了以下幾個菜：- 蛇羹 – 有點失望，用料不夠，沒有甚麼味道。- 梅菜扣肉 – 巧手招牌菜果然沒有令我們失望。熱辣辣，肥瘦均勻，吃落一點也不覺得油膩。梅菜既香且惹味，用來送飯一流，為必試之菜式。- 西檸軟鴨 – 掙扎了很久，決定放棄叫鹽焗雞，來個美味新嘗試。結果，又有另一驚喜。西檸汁做得十分好，不太酸亦不太甜，十分惹味醒胃，軟鴨真的十分香軟，必定會再試。哈哈.. 女友還幾乎單人匹馬把它清碟tim - 椒鹽中蝦 – 另一極品，惹味程度100分，連殼都要食埋，蝦亦相當新鮮大隻。客家店處理椒鹽真的有一手，不知道是否自己也是客家人，吃落份外有親切感。十分不錯的客家店，價錢亦相當抵食，一定會再去。…Read More

2009年1月4日晚飯 – 強記(河畔)離家出走後, 與男友一直在河畔遊蕩, 晚飯揀了在附近的強記, 當然少不了要食招牌雞粥, 但原來其他野食都幾有水準, 出乎意料之外…兩人點了4樣野,1. 招牌鮑魚雞粥 – 一般, 粥唔太有雞味, 不過粥底好綿, 淨食粥底都夠2. 朱膶田雞粥 – 較雞粥出色, 朱膶很入味, 田雞有點煮過頭, 不過都好味3. 豉椒聖子皇 – 推介, 火喉控制得好好, 肉質鮮嫩爽甜, 我地只點了3隻, 如果再點個double或以上都仲食到, 因為真係好好味, 一流4. 乳鴒 – 唔錯, 細細隻, 肉夠嫩, 皮脆肉多汁未幫襯時都擔心強記會是那些名過其實的名牌老店, 想不到食物水準有如此驚喜, 價錢亦很相宜, 我倆食得很滿足, 值得再去……Read More

2009年1月2日晚飯 – 陳記(深井)很難忙的一夜，我倆一同出走至黃金海岸… 當晚拖著女友（終於得咗 ）來到附近已經是十時多了… 想都不用想便來到陳記，因為美味的燒鵝在呼喚著我…因為很肚餓，點了以下幾個菜：- 西湖牛肉羹 – 香茜味十足，牛肉份量亦剛剛好，是我最愛既湯羹。- 燒鵝（半隻）- 主角出場，雖然已經很夜，水準也是不錯。燒鵝的肉味豐富，皮okay脆，只是有少少肥，整體來說是隻美味的燒鵝。不得不提是陳記的酸梅醬，酸甜度調校得天衣無縫，諗起都流口水。- 椒鹽中蝦 – 很惹味，連殼都要食埋，d蝦大隻d就更加好。- 瑤柱豆苗 – 相當大碟，瑤柱份量亦適中。陳記好的地方就是除了燒鵝外，其他小菜也做得不錯，值得再去。…Read More

2008年12月30日晚飯 – 和三昧心裡滿是感激當時還未是女友的友人為自己做翻譯工作，於是滿心歡喜的帶她來到自己另一家心水餐廳以作慰勞… 哈哈，其實也是另一次約會的藉口 和三昧的鐵板燒做得好人所共知，但其實它的和食也做得不錯。當晚一早預訂了海景卡座，畢竟想浪漫點吧，我們點了以下食物：- 芥辣八爪魚 – 友人很喜歡的前菜，但是晚水準不足，弄得不腍，所以有點失望。- 壽司set – 叫了個松的set，用料十分新鮮，水準一貫出色。- 牛油焗蠔 – 做得相當好的菜色，牛油份量處理得相當好，沒有蓋過蠔的鮮味。而且十分大份，有6-7隻，十分肥美，我倆皆覺得十分滿足。- 薑蔥鹽燒池魚 – 可以做得更好，因為係一件件上，叫個時以後係全條鹽燒tim，因為之前係度食過，又滑又甜，下次一定要再叫過。整體來說，這是一家好的餐廳，下次會再來幫襯鐡板燒，當然希望再與這位友人來啦 …Read More

2008年12月19日晚飯找藉口與當時還未是女友的友人逛街，之後便介紹她到這家我最愛餐廳之一的酒家食飯，雖然應該到一些較浪漫的餐廳，但我知道它一定不會令我失望 :)當晚點了五個菜：- 芝麻雞（半隻）- 蒜蓉開邊蒸中蝦- 蒜蓉粉絲蒸扇貝（2隻）- 酥炸軟殼蟹（2件）- 臘腸芋頭蒸多寶魚（送）木瓜雪耳糖水芝麻雞 - 其中一味得獎招牌菜，果然名不虛傳。鹹鹹香香的芝麻與皮脆肉嫩的焗雞竟可如此匹配，配上爽口入味的雞腎，人間美食莫過於此！蒜蓉開邊蒸中蝦 - 看似平凡的菜，實為另一顛峰之作。本人是蝦愛好者，這裡的蒸中蝦比甚麼地方都好。新鮮的中蝦，上佳的蒸煮時間，還有鮮甜的蒜蓉、豉油，簡直是一絕。蒜蓉粉絲蒸扇貝 – 友人說蒸煮的時間剛剛好，味道口感一流。酥炸軟殼蟹 – 友人說或許是被其他菜的風頭蓋過，這個顯得相對普通，但我覺得油控方面處理得不錯。臘腸芋頭蒸多寶魚 – 臘腸跟芋頭的香完全滲透至魚肉中，即使是較為多骨，我們也覺得十分滋味。臘腸芋頭也相當好，冬天吃份外覺得滿足。喜歡這家酒家的原因，除了好味不在講外，服務更是一流的，我常常說待應會排隊替你換“骨碟”，這大概大部份也是老伙計吧。會不會再來，這裡從來都是我的飯堂… 這時我在想，會不會有機會變成我們的飯堂呢 …Read More

2008年11月28日晚飯再一次相約食飯, 今次食飯的目的是為當時還未是男友的友人慶祝生日, 雖然遲了一點, 但我們的興致沒有因而退減…由於是為他慶祝關係, 今次由我負責挑選餐廳及菜色…到openrice搜尋, 發現Pierside的環境一流, 用作友人相聚談天之地相當不錯…且當時dl openrice的coupon惠顧set dinner可獲買一送一優惠, 真的不作他選…Pierside分上下兩層, 上層室內景觀都已經不錯, 不過下層有露天座位, 雖然當天氣溫都較低, 但我始終鍾情室外, 結果都選了最開揚的一張檯…甫坐下點了2份set dinners, 友人亦都慣常自攜澳洲 Shiraz 紅酒,1. 4款麵包 – 不夠熱, 反而4款sauce較吸引2. 頭盤三小碟 – 以沙律為主, 味道一般3. 青豆湯 – 冇特別驚喜, 可能我一向不太喜歡西湯非煲煮而是攪爛出來的口感4. 主菜1 – 聖子天使麵with冬陰公sauce – 味道出奇地夾, 估唔到天使麵配冬陰公汁是如此好味, 雖然天氣凍, 好快就凍左, 但係都無損它的味道5. 主菜2 – 厚切豬扒with Apple sauce – 又一水準之作, 豬扒軟硬適中, 而apple sauce味道一流, 真係想再叫多一份6. 甜品 – Blueberry Cheesecake – 一般, 意想得到的味道, 且略嫌cream太多, 蓋過了cheesecake既味道7. Dessert Wine – dinner過後, 唔想浪費樓上室內景觀及氣氛, 結果再到上面飲酒談天, 點了支南非的dessert wine, 忘了名字, 但味道不錯, 友人認為適中, 我認為可以再甜一點紅酒溝甜酒, 結果使得我醉到在酒店梳化上睡了15分鐘…以為冇事之際, 我倆一離開酒店範圍, 可能是因為溝酒飲, 或是在外吹了風的關係, 我即嘔吐大作, 最心愛的靴子即告遭殃…幸好有友人相助, 及時清洗了, 靴子現在即如新買回來一樣…如此難忘的經歷, 為我倆在此餐廳添上了無限的回憶, 就算正價, 都值得再去品嚐… …Read More

2008年10月29日晚飯因公事關係, 是晚要到金鐘出差, 正好當時還未是男友的友人亦在附近, 故相約一同食晚飯… 一直都是“鍾菜”的擁躉, 本想到銅鑼灣, 但想起太古城當時剛好開了新舖, 故特意到該店試一試…兩人各點了一個一位餐,1. 頭盤沙律 – okay, 新鮮, 沙律汁很開胃2. 龍蝦湯 – 一般, 略嫌味道不夠, 亦較稀3. 蠔皇鮑魚扣遼參 – 不俗, 兩者口感及味道俱佳4. 桂花BB鴿 – 很香口, 如果份量大一點會更好5. 上湯鮮菌菜苗 – 夠清淡, 用作最後一道菜效果唔錯6. 特大炒飯 – 我倆均是大食之人, 用餐至尾聲經理埋檯詢問我們對晚餐的意見, 我倆異口同聲說份量不夠, 經理立刻安排廚房即席炒了兩大碗蛋炒飯給我們, 味道不錯, 服務亦體貼一流7. 甜品 – 或許經理知道我倆還未滿足, 本應每人一份既甜品, 經理額外送多了兩款, 不記得名字是什麼, 不過味道不俗, 經介紹下才發現他們有註店的西餅師傅如此價錢, 如此服務及食物質素, 真的很超值, 最愛他們免茶、免芥、免加一… 不用多說, 一定會繼續捧場… :)…Read More