Kiu Kiu UvU's Profile

這間海南雞飯算是海南雞飯介一間挺出名的海南雞飯店☏ 。人人都話好味，所以我就試吓係咪真係咁好味！想去食嘅時候佢又滿咗喎，又要等10幾分鐘，真係鬼死陰公𖠌 。唉，幾經波折終於入到去食。然後選擇困難症發作...又想食海南雞飯，又想食喇沙...當然最後叫咗喇沙喇（我阿媽嗌海南雞飯）...呢間野唔算好食，但係份量太多啦，我個人唔算大食，叫佢俾個喇沙我嘅時候仲叫佢少面，佢就同我講：「好少啊咋，唔使小面啦，就咁話啦！」究竟而家係我食定係佢食？ ！碗嘢我都食唔過一半，覺得好晒囉！我唔係唔想食，而係好飽，知道自己一定食唔晒，而家嗌定佢少面㗎啦，搞到而家內疚感仲多啲諗起都嬲！佢碗喇沙係幾好食嘅，但係個湯底椰汁味可以多啲，而且佢唔係剩係得一種面喺裏面㗎，有兩種面㗎！佢個外表都幾靚嘅，不過一睇個樣就知道兩個人都食唔晒可能。…Read More

我食過N咁多次蛇羹，呢間最貴。我都想知點解，但佢真係好好味。我有一次食飯偶然發現原來佢同隔離嗰間天天海南雞飯係同一間集團嚟㗎 ！見到有啲着住天天海南雞飯集團制服嘅人行過嚟幫手傳菜。哦係呀，我而家講吓究竟每次食飯大概幾多錢先。大概就係三碗蛇羹、兩個蛇凍、藥膳乳鴿等等等等數之不盡嘅小菜（三至四個人食嘅）......佢個蛇羹好好味，仲有啲茉莉花瓣、脆脆地嘅不明物體、同埋蔥花俾你灑喺上面。嗰啲脆脆地嘅不明物體我好鍾意就咁食，真係幾好食嘅，薄薄地。平時食蛇羹（即係其他餐廳）都會比呢啲嚟嘅，不過其他餐廳嗰啲就厚好多囉。雖然我覺得薄啲係好咬D，但唔知點解就覺得好似偷工減料😑然後個蛇凍都幾好味，大家一定要去試！不過佢個味道好難形容，總之係一嚿落咗魚膠粉嘅蛇羹啦。但係又甜甜啲鹹鹹地都好好好味嘅，唉，如果你想知道佢係咩味嘅就快啲試吓啦。個乳鴿嘅藥膳味都好濃郁，如果唔係好鍾意中藥嘅朋友，可能你唔係幾鍾意佢嘅味道。佢肉質唔錯，唔會話係一咬就爛嗰啲，但係佢啲肉都好容易離骨。如果大家鍾意我呢份食評嘅話，請關注我同埋喺下面俾個❤︎我啦(⊃｡•́‿•̀｡)⊃…Read More

This serve manner is very very worse!!!!!!!!!!!!But the food is quiet... I must tell you that it is so tasty!!😋😋開頭入去啦，安心出行都未掃就叫我入去🙄🙄the first point I think is bad。Then, 呢樣無嗰樣無又唔單聲先叫我入去🙄🙄🙄the second point I hate。After that, he told me I can’t choose the 熟成度of the steak🐂🐂🙄🙄🙄🙄the third point I want to scold him。Ok find la... I wait for a long long time such as 恐龍世紀to 現代 lor🙄🙄🙄🙄🙄 and I want to 拍枱走人，but 基於禮貌and 形象 u won’t do that.Many many years later... the waiter give me my steak (the only one in the restaurant), it is fantastic!! I tis not too dry, good! But I rather not to eat the chips, it’s not so good... it is so wet.The lemon tea... I think if I make by myself maybe more better.If you like my 食評 please follow my account and give a ❤️❤️to me thank you ꨄ…Read More

佢新開張嗰日嚟過呢度食，就覺得佢好抵， $88有勁多刺身同埋蟹。而且味道唔錯，好鮮甜。但佢哋個甜品就差啲。佢嘅位置都好舒服，因為係爭櫈，所以就唔會好似其他舖頭咁張凳凹咗落去ʕ •́؈•̀ ₎因為好食，所以想食日本嘢嘅時候都會過嚟食。有一次我隔咗幾個月之後去食，佢啲份量少咗好多，而且又冇咁口，又唔夠凍，又好驚唔新鮮。但係佢啲熟食都可以繼續維持水準嘅，唯獨係嗰啲刺身魚、刺身飯之類嘅食物水準level大大降低😕如果大家都鍾意呢份食評嘅話，請喺下面俾個心心❦我，同埋關注我啦| (• ◡•)|…Read More

我就到呢間冰室附近嘅學校（都幾遠嘅），因為驚唔夠時間食飯，約咗同學一齊去食。因為之前經過睇過餐牌，見到價錢都幾經濟，最多都係五十幾60幾蚊。而且見到都好多人入去食（我覺得如果多人食，應該唔會難食得去邊）。好啦，跟住之後就同同學入咗去啦。入去嘅時間大約下一點啦，入邊呢就冇乜人嘅，但係食吓食吓就好多人。其實裏面鋪位好細，不過啲卡位就幾闊落，中間有兩張枱正中間咁擺咗喺度，就冇位放袋，坐嗰啲位都幾陰公。走廊好窄，肥少少都過唔到。我認為佢個常餐五香肉丁麵同埋沙嗲牛肉麵好值得大家去試。五香肉丁麵佢嗰種辣嘅感覺唔會令你覺得唔舒服，麻麻哋，又有少少刺激咁樣（但我同學食到嘴唇紅晒） （佢淨係可以食到少少辣） （我好食得辣），所以如果唔係好食得辣嘅朋友就唔好去試。跟住個沙嗲牛肉麵個牛肉勁好味，好滑，好林。呢兩個餐仲會配埋一杯熱嘢飲同埋火腿奄列加牛油厚多士。如果大家鍾意我呢份食評嘅話，請一下面俾個心心同埋關注我啦(●’◡’●)ﾉ…Read More

約咗朋友一齊食，就由荃灣嚟到大坑呢度。見到排晒長龍，排到我嘅時候，有個阿叔行埋嚟，問我哋食咩，但係其實我連餐牌都未睇，佢又冇俾我，個餐牌又要喺入面。🙄🙄。而且佢嘅每人最低消費都要$20 ，我不如自己整。🤥😑個阿叔又好唔耐煩啦，就喺度吹💨💨，又揼晒腳咁樣。之後就快快咁嗌左一杯凍奶茶同埋一個油多同奶油多。首先佢就俾咗杯就寫嘅凍奶茶 🧋，「揼」！一聲，好驚佢倒瀉係我身上面。之後過咗陣就嚟咗嗰兩個多士。…Read More

我來過Simplylife很多次。每一次都是食lunch,根本就冇試過tea time過嚟,但係今日順路又想食，見到又抵，所以就入咗去食了。ᕕ( ᐛ )ᕗ企咗喺門口等飛嘅時候，見到麵包部排晒長龍，成條走廊塞個水洩不通。等咗五至10分鐘左右啦，終於入得去啦，我覺得其實呢間Simplylife嘅服務幾好，唔似葵涌嗰間嗌極都唔理你。叫佢點餐嘅時候佢見到即刻行埋你問你食咩，服務態度非常好。我叫咗佢俾杯水我，過咗一陣佢都仲未比我。我叫佢過嚟吹佢俾杯水我嘅時候，佢好誠懇咁講左兩聲對唔住，認真唔係敷衍。下午茶真係抵，淨係$58咋。我嗌左個山羊芝士酸種包配火箭菜烤紅洋蔥 配青蘋果沙律。佢個酸種包配山羊芝士真係一絕。包嗰陣酸味突出山羊芝士嘅濃烈味道。但係佢個沙律真係唔掂，真係成兜菜切碎咁樣俾你，沙律正常有汁，佢又冇比汁，上面啲青蘋果為咗唔好氧化，之前浸住啲檸檬汁先。但係我一擺落口，啲檸檬汁就爆曬出嚟，酸到爆炸（我本身好食得酸） ！佢呢個沙律真係有待改善。如果大家都鍾意呢份食評，記住關注我同埋喺下面俾個心心啦多謝ฅ^•ﻌ•^ฅ❦…Read More

之前同屋企人去食晏晝,行到去路德圍見到呢間火山燒，決定入去試吓, give it a chance(☞ ͡° ͜ʖ ͡°)✌︎︎！ 一入到去就見到滿full哂，等咗一陣（一分鐘左右）就入咗去啦。我嗌左一份牛柳（ 200 gram），等咗大約一兩分鐘之後，其中一位侍應就給我一碗超級細的忌廉湯，個湯冇乜特別，有啲似罐頭湯。又過咗1分鐘左右，侍應終於給我那一份牛柳了。來嘅時候就表面熟咗，裏面仲係生嘅，跟住我叫一位侍應俾一個碟我 ，等咗好耐都唔見佢比我。又過咗陣之後，佢終於比我啦，不過佢係比一個碗我。佢比完我之後閃走咗了，所以都冇理到，照用。不過就梗係碟就實用啲啦。嗰一塊牛柳要自己好好控制火候，如果控制唔到火候，塊牛柳幾靚都冇用，都會好難食。首先要喺佢嚟到嘅時候即刻拎走，放落隻碟度（求其普通一隻），然之後係個碟度切一塊塊，食幾多，燒幾多。切嘅時候唔好咁厚，五mm左右就好了。之後見到佢個面熟咗再燒多一兩秒，反面步驟一樣。之後就食得。雖然塊牛柳係好好食，不過佢有20%都係牛筋，就覺得唔係好抵。我今日嘅分享去到呢度，如果大家鍾意呢份食評嘅話，記住關注我同埋喺下面俾個心心我啦༼༼ つ ◕◡◕ ༽つ❦…Read More

屋企樓下商場開咗一間HABITŪ,所以就去試吓。不過環境有啲細。。。佢嘅價錢講唔上親民，但係就覺得有少少唔值，特別係嗰個PIZZA。佢個樣望落去係幾靚（見圖一），上面啲料就真係有啲少。我叫的是水牛芝士薄餅，上面真係得幾舊水牛芝士，少少蕃茄。不過味道尚算唔錯，酸酸甜甜。我仲嗌左一樣就係椰菜花菇菌飯（見圖二），椰菜花就係飯，味道唔錯，不過唔係好受得菇味嘅朋友不要試了。因為真係好濃菇味。不過真係幾好食，減緊肥嘅朋友都食得。最後仲帶咗個好似係燒豬扒咁嘅嘢，肉質好食，多肉汁。幾唔錯枱面仲有少少生果可以解膩。設計細心。如果大家鍾意呢份食評，記得喺下面俾個心心同埋關注我呀！（＾Ｏ＾☆♪…Read More

今日嚟呢間餐廳係因為屋企人結婚紀念日。我哋嗌左一份魚、黑毛豬，同埋兩份牛扒。好多肉汁，我提議大家叫五成熟，因為我認為七成熟太熟了，五成熟又不算太生，可以叫五成熟。而且仲有另一份薯條喺同一個餐度，佢嘅味道很難忘，總之一試難忘。魚幾好食，今次食嘅係唔知咩咩鱸魚。肉質好滑，食得出幾新鮮。佢嘅醬汁係酸酸甜甜嘅蕃茄肉碎醬，配埋有檸檬汁嘅菠菜同埋珍珠意粉，份量啱啱好。黑毛豬都唔錯，肉質唔硬，好香口。不過我下次去嘅話就會帶第二種，因為佢真係唔係太特別。如果大家滿意今次嘅食評，唔該喺下面俾個心心我，同埋關注我啦！多謝╰(*´︶`*)╯♡…Read More

有一日放晏晝飯，一個人睇吓有咩食。行行吓就行咗過嚟呢間餐廳。睇吓個餐牌好多食物揀，價錢又夠抵，所以走咗入去。我嗌左一個火車頭河粉。送上嚟嘅時候個碗大到我不能形容。仲大過我塊面。個湯好濃郁，而且仲有豬軟骨，好正。俾錢嘅時候都淨係要40幾蚊。再有一日放晏晝飯又走咗嚟食。今次就叫菠蘿炒飯。顏色金黃，好靚。紅蘿蔔一粒粒好得意。擺落口酸酸甜甜，好開胃，食完都仲想繼續食。俾錢埋單都係50幾蚊。呢度啲奶茶都好好飲，大家可以試吓。…Read More

我是第一次嚟幸福鳥。一入去，我覺得好眼瞓，因為個燈光好暗。我今次係食午餐定食。待應俾咗一張餐牌我，睇完第一版，諗住揭去第二版，點知，已經冇。。。最後，我叫咗一個烏冬餐，雖然幾好食，不過食得唔係幾開心。…Read More

其實呢間餐廳真係唔錯，價錢平。而且用料都好多。但係問題嚟啦，間舖位好細，座位窄，服務態度差，想叫清潔EE幫手抹一抹張枱，淨係顧住咁電話，都唔理人。想叫收錢嗰位先生比多對筷子我，好冇禮貌咁答咗我一句，然之後就大力地將筷子放落枱。臨走之前，發現佢比多左個匙羹，俾返嗰位收銀先生，先笑口話多謝。如果大家唔介意服務態度差，環境差，其實呢間都好值得大家去。起碼我認為佢嘅食物真係唔差，而且價錢真係好親民，如果想食日本菜，又想平，不妨嚟試吓一。…Read More

呢間餐廳幾好食，我食過兩次，第一次食有驚喜，第二次食就唔係幾好。我第一次食雜菌意大利麵，感覺唔錯，菇味好濃。第二次食墨汁意大利飯，一擺落口就覺得好鹹，應該加咗好多味精。如果想食健康啲嘅朋友，就唔好去啦。…Read More

第一次嚟到呢間餐廳，喺門口見到好多等緊位嘅人，睇嚟E間餐廳都幾受歡迎。不過好彩訂咗位，所以先唔使排隊。待應張我安排咗係室外一個位置，好好風，不過就因為太少傘，所以有少少曬。我同我嘅屋企人嗌左三樣嘢食，包括：蜂蜜一字骨、慢煮燉牛臉、汁燒雞扒。其中我最推介大家食呢一個蜂蜜一字骨，個一字骨醃得好入味，開頭一擺入口嘅時候有好濃厚嘅一字骨味，未食到蜂蜜味。咬耐啲嘅時候，你就感覺到有少少甜甜地嘅味係你口中劃過。呢間餐廳嘅午餐價錢一般，大家不妨可以試吓。（不過晚餐好貴）…Read More