janicepy's Profile

本身星期五晚上walkin諗住食$168片皮鴨，點知一早已經俾人預訂哂，唯有立即再訂下星期再黎食。職員好有禮貌仲留左間房俾我地一家靜靜地咁食飯。第二次再黎，叫咗片皮鴨兩食，d皮燒得幾脆，又唔會好似出面d皮咁油淋淋食兩塊就覺得好漏咁，d麼麼皮又夠薄夠熱。伴菜如果唔夠都可以追加。第二食要左鴨鬆生菜包，好味，唔會好蘇又食到鴨味，不過唔夠生菜。另外叫左個龍躉二食，其中一個係花雕蛋白蒸，都幾特別，值得一試。…Read More

Koko應該係成個南豐紗廠最受歡迎嘅餐廳... 平日去可以好他調咁慢慢嘆咖啡，好好咁慢活一下。一到咗weekend就人山人海，擠滿人同埋狗狗，不過都係另一番風味😃因為人多狗多關係，都等左好一陣子位。黎koko我都係中意飲filter coffee。今次叫咗杯巴西嘅手沖，d豆經過double fermentation處理。有樣野要讚一讚嘅，就係雖然人多，但係個咖啡都好快沖好。個咖啡一聞落就已經好lemongrass，飲落有lemongrass嘅清新同蜜糖嘅甜，加埋少少spice嘅味道。Koko真係永遠唔個令我失望👍🏼…Read More

深水埗哩條cafe街真係好多人，平日下午去都等咗一陣位。幸運地吧檯有位，可以同咖啡師哥哥傾下計，等佢介紹下有乜咖啡豆。自己中意花香同果香，咖啡師哥哥推介我飲哩杯geisha，實在沖得太出色。一黎到就聞到好香花香味，飲一啖，嘩！好甜嘅甜橙味！連佢自己都不停讚好味😆真係要讚下沖咖啡嘅哥哥沖得咁好飲。除左咖啡，佢哋嘅卷蛋都好出色。今次食左抹茶卷，好濃嘅抹茶味加埋又滑又香嘅cream，下次要試埋其他味道呀…Read More

Bookmark左好耐，終於都試到。果然係人氣小店，星期六下午四點幾去到，前面有兩組人等緊位。等咗半個鐘，終於都有位店入面比較迫，建議坐喺半露天嘅位，鬆動dd，曬住太陽仲增添一位悠閑嘅感覺。店名叫得幸福單品咖啡，當然要試試佢嘅單品手沖咖啡啦。揀咗一隻叫白蘭地嘅咖啡豆，隔咗一陣店員就送上咖啡，果然係出色嘅！一聞就好香酒味，飲落仲有花香，甜甜的。再加一份超幸福三文治，夠哂份量，又足料，三文治入面加紫菜真係好好食！…Read More

星期五晚上訂左位，唔洗等。本身坐Bar台好迫，女職員話９點交到台就俾張大台我地坐，感覺員工都幾Nice。食物方面Ok，個牛舌好味，夠爽口。燒露荀，幼果隻，一客兩串，每串有兩折半條既露荀．．．即係一客有兩條咁多！朋友話，哩個價錢，買到一Pack廿幾三十條啦！咁又唔係咁計既，人地都要賺錢，只不過三十蚊食兩條幼幼露荀又真係貴左Ｄ。雞翼就普通，個白鱔都麻麻，切得太薄身。到埋單，兩個人千一蚊，其實朋友仲未飽。我地見openrice寫HSBC卡有九折就用HSBC卡俾錢，但張單冇顯示個discount出黎，就問下職員啦。埋單個男職員話唔清楚，好似唔係張張卡有。佢走去問個女職員，女職員話暫時未有，算數走人。離開左之後朋友越諗越唔對路，上埋HSBC個網check都係話有九折，食左千幾蚊，九折都慳返成百幾蚊架嘛，就返轉頭再問女職員。佢開頭話，冇呀，張卡未落黎。其實我唔知佢講咩，咩叫張卡未落黎，又唔解釋清楚。然後幾秒鐘後佢又話，唉算啦做埋你啦。嘩我真係多謝哂你咁好心呀，講到我黎Ｒ你個折咁！咁樣真係好唔老實囉！其實你唔想俾優惠既，你咪叫HSBC同openrice拎返走哩個Offer囉。客人唔知有優惠而你唔出聲的話我都唔怪你，但而家係我地開到聲問你，你都可以話冇！講真，Ｄ野食幾好都係假，間店咁唔老實我一定唔會再去！…Read More

買左個團購六人午餐，十一點半黎到，有兩枱客。入到黎一陣煙味，d碗好多乾左嘅漬。d著西裝外套嘅員工全部圍埋一堆傾打牌輸幾錢，得一兩個姐姐真係做野。一坐低就上哂d點心，食都食唔切就凍哂。十五分鐘後，仍然成枱點心，仲上埋個甜品黎。上菜嗰位人，唔知趕住去邊，以九秒九時間派哂d甜品俾人。係要我地自己用手去接住佢嘅。其中一舊係斑蘭馬拉糕，係圓柱體黎，因為嗰位同事做野太迅速，舊糕「打橫左」仲碌埋落枱。然後佢扒睇唔到走左。哩間野我真係唔會再黎，冇下次，服務真係差到極點。…Read More

一行五人訂左位七點半，話九點要交枱，ok啦個半鐘。之前有朋友已經警告過話上菜比較慢，所以我地一坐低未齊人就立即叫左野。個menu其實都唔係好多choice，太肚餓的關係所以叫左好多小食，同埋炒面omlette仲有大阪燒同和牛。小食好快就黎，朋友口渴想要杯熱茶，waitress姐姐話，我地冇免費茶水架喎。fine，我叫一杯熱茶，盛惠十八蚊，仲要係枝裝茶叮返熱果隻。食完d小食，就冇野食黎了。個大阪燒同炒面係喺8點45分上枱的，隔離枱遲我地一個鐘先到但同時間黎炒面，好明顯佢係儲埋幾枱先整，由得d客等。和牛仲係8點50分先到。和牛下面有塊面包墊住，隔離枱食完d牛後會拎返塊面包去整芝士多士，好吸引。和牛一上枱，個侍應已經要我地立即夾哂d牛走等佢拎塊包去整多士，佢話因為仲有五分鐘就要交枱。我地話咁你拎塊包走先我地再食個牛，佢死都唔肯，堅持要我地夾走d牛，塊包連隻碟一齊拎走。我唔明點解要連隻碟拎走囉，你咪拎第隻碟黎裝走塊包囉，d牛我地慢慢食，都要等你塊多士返黎架啦。我地話係你d野食耐，點解要催我地，佢竟然話，都冇辦法，下一枱客已經到左😱哩個係咩logic😡😡你廚房慢仲要係咁催我食野！個芝士多士都未到，就隊張單叫我地俾錢。我都算，哩d地方都唔想留咁耐。埋單後一分鐘，我地已經執緊野準備走，個侍應又走黎話已經夠鐘交枱叫我地走！哩間餐廳真係打死都唔會再黎！服務態度真係差到冇人有！…Read More