MagnusFA's Profile

我地一行五個人想搵一間可以坐得耐嘅餐廳敍舊搞生日。睇到唔限時又闊落（唔駛聽到隔離枱講咩又唔會嘈到其他人）就去了。叫左斧頭扒意粉餐，鹹蛋黃芝士薄餅。價錢就唔算平啦，但係職員會熱心推介同幫我地諗埋食量，仲安排埋等遲到果個人黎到先上菜，所以我地都覺得服務好細心，又會指導我地基本手語；平時食開medium rare今次叫五成，斧頭扒嘅話覺得啱啱好啦。佢啲嘢好食得黎唔會太鹹，食完感覺唔會好口乾，值得一讚，個蒜蓉包唔會好硬，唔浸湯都好食。基本上除左食到太飽之外我樣樣好滿意。…Read More

午餐時間叫左角切魚生飯拎走，等左勁耐之後，半路先發現比錯左咖哩炸雞，唔怪之得整咁耐啦，已經無時間再返去換過；拎到上去發現炸到好嚡根本食唔到。下次（未必有下次，趕時間買外賣點知等咁耐）要睇清楚比左乜先好走…Read More

四個人去，叫左一個海鮮大軍燜鍋。同大陸分店唔同，係香港一個燜鍋係唔會夠飽既，所以叫左肥牛/丸/菜等等之後再做涮涮鍋。肥牛好好味，D手工丸都好正，環境清幽枱亦都坐得舒服，慢慢食傾足三粒鐘，埋單每位220，算係幾好。…Read More

5/6年前試過一次，印象幾好；琴晚再去，2位朋友叫火焰牛柳我叫西冷。西冷正正常常，但係果兩個火焰牛成碟都係酒精，根本好似無燒過咁凍凍地，酒精太多直情擺唔到入口。以為係特色夾硬擺左舊入口都係吐返出黎。叫侍應幫我地換，佢都應付開呢個問題無問乜野就拎左去換，但係已經等左一個鐘（第一輪等左40分鐘再換加多廿分鐘），肚餓真係唔好黎，而且咁樣煮法真係浪費晒材料。樓下派飛姐姐做野好上心好Caring，待應忙得黎都算好態度。卡位好逼好窄（香港嘛），所以坐係度等一個鐘真係好折磨，尤其隔離枱遲過我入座但佢地食完我D野都未黎，200蚊位落樓真係無下次。…Read More