籽樂廚房 (Closed)

我地一行五個人想搵一間可以坐得耐嘅餐廳敍舊搞生日。睇到唔限時又闊落（唔駛聽到隔離枱講咩又唔會嘈到其他人）就去了。叫左斧頭扒意粉餐，鹹蛋黃芝士薄餅。價錢就唔算平啦，但係職員會熱心推介同幫我地諗埋食量，仲安排埋等遲到果個人黎到先上菜，所以我地都覺得服務好細心，又會指導我地基本手語；平時食開medium rare今次叫五成，斧頭扒嘅話覺得啱啱好啦。佢啲嘢好食得黎唔會太鹹，食完感覺唔會好口乾，值得一讚，個蒜蓉包唔會好硬，唔浸湯都好食。基本上除左食到太飽之外我樣樣好滿意。