tiffcc97's Profile

最近同朋友plan緊去越南旅行🇻🇳，由於未成行一於嚟位於荔枝角D2 Place嘅呢間越南餐廳-Chill Vietnam Cuisine and Bar，裝潢門面設計帶點療癒小清新，唔講以為係打卡cafe🤭~🫶🏻海防爆炒香茅雞腎平時好少食雞腎嘅我，睇到menu相望落好似幾惹味咁，就諗住order一份嚟試試，點知食落有驚喜！爆炒香茅雞腎用咗大量香茅炒過，每一粒食落口感都好爽脆，十分香口惹味！🫶🏻煙三文魚伴魚子米紙卷三文魚子爆漿嘅口感好突出，配埋三文魚同生菜食落口感好清新，估唔到呢個清清地都好好食！🫶🏻桔仔芥露燴虎蝦小店選用新鮮虎蝦搭配桔仔芥露調味，口感鮮嫩多汁，味道濃郁好入味，不過食落偏辣，如果食唔到辣嘅朋友仔可以問問小店可唔可以少辣～🫶🏻牛板腱火車頭雜錦牛河一碗入面有齊牛丸、牛柏葉、牛𦟌、牛板腱肉，份量好足料兩個人share食岩岩好，湯底濃郁加埋青檸辣椒，味道level up！🫶🏻越式芋圓椰汁凍鍾意椰香嘅朋友仔一定要order呢個試試！椰汁凍口感綿密，椰香味好出，整體食落層次超豐富！上面嘅芋圓更加用咗浪漫心形砌成，好打卡able，大家絕對唔可以錯過呢道精緻又豐富嘅甜點！🩵…Read More

最近嚟開旺角開飯，朋友話想食一間有齊主食同甜品嘅餐廳，就一於嚟甜牙牙煮意試試🤝，佢哋嘅甜品選擇多元化，有窩夫，鬆餅，心太軟等，有選擇困難症嘅朋友仔一定花多眼亂🤭～🍕海鮮酥餅批薩佢有啲似鹹版嘅拿破侖，食落好酥脆，每食一啖都會跌啲脆脆落嚟🤣，pizza上面嘅海鮮都焗得好入味，呢個pizza真係好特別，同其他地方食到嘅口感好唔同！🦐🍝蝦汁大蝦扁意粉橙紅色嘅大蝦入口鮮甜彈牙，扁意粉軟硬適中，蝦汁係先用蝦頭炒香再煮出來，每條扁意粉都掛滿大蝦醬汁，食落好惹味🤤！🥭芒果拿破侖小店使用嘅芒果好甜，食落酸酸甜甜好開胃，另外拿破侖食落都好酥脆，配埋芒果味雪糕🍦，絕對係為整餐畫上完美句號🩵！…Read More

最近同朋友嚟到炮台山覓食，無意中發掘到間隱藏高質西餐廳🍝絕對係高CP值之選🤝！🍗10oz燒栗飼法式豬鞍伴芒果莎莎醬配法式焗烤忌廉芝士薯及烤雜菜，豬鞍份量好足，大大塊而且煎得好香，肉質半肥瘦食落好Juicy，配以芒果莎莎醬食落味道幾清新，不過就略嫌芒果莎莎醬份量偏少，如果可以多番啲就perfect啦👀！芒果莎莎醬入面有芒果、青蘋果、紅蘋果，食落好清新😗法式焗烤忌廉芝士薯口感綿密，加上有忌廉芝士調味，帶出鹹香味道，食落唔會太膩🫶🏻跟餐有是日餐湯配蒜蓉包，蒜蓉包口感酥脆，表面鋪滿咗蒜蓉+香草+牛油，食落好香口🫶🏻至於意粉方面就不過不失！甜品方面order咗紅豆抹茶牛角酥窩夫同埋Oreo紐約芝士蛋糕，我最鍾意牛角酥窩夫，抹茶粉量太多嘅話一般好容易好苦但佢又唔會，配埋甜紅豆蓉及忌廉中和一下，不錯不錯👍🏻至於Oreo紐約芝士蛋糕🍰表面鋪滿Oreo，蛋糕口感偏厚身，質感好綿密，yum yum😽…Read More

身為日本控嘅我🇯🇵早前去就去咗九龍城一間木系裝修居酒屋食好西😬講到最最最推介嘅絕對係呢道金目鯛刺身！一上枱係會即刻「哇哇哇！」一聲！金目鯛係日本極具人氣嘅白肉魚，食落魚肉好鮮甜，口感好滑，係有種入口即化嘅感覺，鮮魚味完美散發出嚟，而且刺身片切得恰到好處，呈現出紅色同透明嘅質感，搭配醬油同芥未醬，真係好夾🫶🏻餐廳以原條上真係好IG-able💖，難怪係呢間餐廳嘅招牌菜之一！另一推介就係呢道燒花魚一夜干，我係成條食哂嘅😎雖然只係用鹽同少少香料調味，但我想講真係好入味！餐廳更附上檸檬汁，可以增添酸爽嘅口感，令整道菜更加清新。我仲嗌咗午市套餐-生薑豬丼，跟餐附送海鮮味噌湯、前菜同埋可樂，價錢仲只係$68蚊，好抵食啊！！！前菜係沙律，而我最驚喜嘅係海鮮味噌湯，超足料！！除咗平時會有嘅豆腐同海帶之外，仲有蜆有蝦💫！主菜生薑豬丼份量一啲都唔少，男士們食都絕對夠飽！豚肉好入味，同生薑意外地夾，而且佢個汁食落好鮮甜。呢個價錢可以食到捧住個肚走，真心好抵食🤓如果你同我一樣係日本料理愛好者，強烈推薦你嚟試下呢間居酒屋🏮💖。…Read More

💞嚟到下午茶時間，總會心思思想飲番杯珍奶🧋，但又怕肥怕唔健康？！🤨其實飲珍奶又未必唔健康嘅，圓貝 @motherpearl.world正正就以健康茶飲出品，強調以天然甜味劑、自家製植物奶同埋超級食物手工珍珠調製成健康版嘅珍珠奶茶🧋🤓～今次同朋友買咗兩杯特飲，一杯係圓貝茉奶茶，另一杯係黑蜜香芋奶，兩款飲落有甜味得嚟但又唔會話好有罪惡感，加上啲竹炭珍珠堅彈牙，正😎！除咗飲品之外，佢哋都仲有提供小食，我哋就order咗紐約辣芝士素批，同埋英倫伯爵麻糬，兩款都好好食，做嚟做下午茶真係一流✨！圓貝 @motherpearl.world旺角太子道西193號MOKO新世紀廣場MTR樓M31號舖…Read More

最近尖沙咀開咗間新嘅拉麵店，一入到去店舖雖然唔大，但裝修佈置玩味十足，由內到外都好吸睛！✨霓虹燈配日本風漫畫設計，感覺自己好似置身於🇯🇵日本歌舞妓町咁😎店內只有老闆一人負責，喺忙住煮拉麵同時亦招呼周到，會不時問問岩唔岩食、味道如何等等，感受得到老闆嘅用心～餐廳主打日式拉麵同多款小食配料，更有七款湯底比你揀，唔止～麵質仲可以揀軟硬度，十分貼心💁🏻‍♀️！我同朋友一行order咗2碗拉麵🍜同3款小食，🥢大賞絵(豚骨)湯拉麵：湯底濃郁而不膩，有香濃嘅豬骨味，豚叉燒經炙燒後帶油香，半肥瘦剛好，最有驚喜嘅係豚叉燒有4片咁多，單單係配料份量方面巳經贏哂！！朋友點嘅🥢白鳥湯拉麵都唔錯：湯底呈奶白色，帶點奶香味而且雞味濃郁，不過雞件本人就略嫌唔夠入味，對比起白鳥湯拉麵，我較偏愛大賞絵(豚骨)湯拉麵😉小食就嗌咗入味大鮑魚、宮崎人南蠻雞同埋小鋼炮雞卷，鮑魚爽口彈牙，夠哂入味；炸雞配沙律醬簡直係絕配🤩，即使炸雞係過咗一段時間先食都依然外脆內嫩，入面保留住肉汁，反而小鋼炮雞卷就不過不失～📍朝日大勝AV ラーメン @asahivictory_av尖沙咀漆咸圍2-4號金時商業大廈地下5號舖…Read More

🇰🇷韓國真係百去不厭！除咗有我最愛嘅Kpop之外😌，就連韓食都係咁吸引！勁掛住路邊攤嘅魚糕串同埋炒年糕😗，weekend就同朋友嚟咗Yadllie Plate 야들리애플래이트解解思鄉之愁🤎～🍖莫索里拉芝士排骨一上枱見到海量芝士巳經流哂口水🫕店員會先熱溶芝士再捲落排骨到，將每一件排骨都卷滿拉絲芝士🧀️，而排骨就用咗甜辣醬醃製夠哂入味，香辣味都幾重，食得好過癮！🥩🍗驚喜二重奏一次過可以歎齊牛扒同炸雞～牛扒放喺熱石板上面可以自己控制幾多成熟，不過牛扒較薄身好容易煎到過熟，要時不時反一反佢，呢點就要留意番！至於炸雞真係冇得輸，外皮金黃酥脆面內部鮮嫩多汁，食肉獸朋友仔必點啊❗️不過食完的確會有啲膩，幸好有配備沙律可以一解膩感👍！🍜 水冷麵 一向對冷麵都冇咩興趣，但見到成枱都係較重口味嘅食物，就想點番份清清地嘅菜式。味道酸酸甜甜好開胃，用佢嚟解膩一流！麵條食落都好彈牙，仲配埋溏心蛋、白蘿蔔同梨，老老豆豆我都係第一次食，估唔到清清地又幾好食喎😆！🍢魚介湯鍋呢個鍋份量有啲料到，我哋一行兩個人係絕對唔會食得哂😂魚蛋、年糕、娃娃菜、金菇、冬菇、蘿蔔、豆腐，材料勁豐富🤩，就連湯底都好好飲，每一口都充滿海鮮風味，飲落好鮮甜～🥣淑女辣醬炒年糕提到韓國小食點可以唔食年糕啊～醬汁帶有少少玫瑰香氣，魚糕同年糕食落煙煙韌韌好有咬口，食落唔算太辣，就連唔太食辣嘅同行朋友都食得到～🍈蜜瓜雪冰🍧呢個甜品勁吸引！蜜瓜味牛奶雪冰搭配蜜瓜果肉同雪糕，單望都巳經覺得好吸引啦😍牛奶冰底本身夠哂滑又唔會死甜，有濃濃奶香味，鮮蜜瓜仲要係勁甜勁甜果種，質感好軟綿綿唔會有冰渣口感，呢個我係會encore的😎！本身仲想試埋紫菜手抓飯，不過果日去到咁岩賣哂，唯有下次去再食番😛@yadllie_plate #yadllieplate #yadllieplatehk #韓式烤雞 #香港美食 #香港韓國菜 #旺角美食 #香港探店 #旺角探店 #香港必食餐廳…Read More

位於中環黃金地段都有咁超值嘅石燒餐廳，所有套餐都已包肉、飯、任飲靚湯、任食沙律同埋甜品🍮～🔸石燒扒餐 — 西冷(100g) + 一口牛(100g）一放舊扒上鐵板，熱石好夠力燒到 jarjar聲，啲油彈到周圍都係，記住一定要帶圍裙啊💕！我係就咁放咗喺鐵板上煎到熟曬，表面煎得好香脆但食落一啲都唔乾，肉質嫩骨，一口牛仲正，入口即溶，簡單加啲鹽同黑椒已經好好食🥩！石燒扒餐仲會配一碗飯，可以揀日式咖哩飯、紫菜飯或白飯～PS如果食到咁上下鐵板唔夠熱，可以叫店員換一塊新鐵板。至於是日靚湯就係椰子豬肉湯，飲落好清甜，忍唔住飲咗3碗，哈哈～🔸黑蒜油藍青口配黑蒜油一定唔會唔好食，無論聞落定食落都好香！仲要係估唔到咁大兜，勁抵食呀！😍整體黎講係中環呢個黃金地段，呢個價錢絕對係超值，唔使HK$400食到捧腹走！滿滿食堂📍中環皇后大道中58-60號振邦大廈地庫…Read More

一年四季都心思思好想打邊爐，果日碌IG碌到一間好有氣派嘅打邊爐店，充滿中國傳統宮廷古典風格，除左沿用清朝皇宮嘅裝橫外，更有氣派十足嘅龍紋鍋爐、青花瓷器、聖旨餐牌等，好IGable！🤩湯底方面有康熙花膠雞湯鍋、鳳梨冬陰功湯鍋、四川茶皇麻辣鴨血湯鍋、椰子藏雞湯鍋可以揀，而我哋就揀咗康熙花膠雞湯鍋，半隻雞同花膠係分開上嘅，一上枱見到大大碟花膠即刻心心眼😍！花膠雞湯飲落味道鮮甜又濃郁，雞肉食落好嫩滑，雪白色嘅花膠好厚身食落仲好彈牙，店員提我哋打邊爐前要先嚐嚐個湯底！😬打邊爐除咗一個靚湯底之外又點少得一盤靚牛肉呢？店員就推薦咗我哋食手切本地牛頸脊(細)，每片牛頸脊切得厚薄均勻，放入鍋底來回燙幾下就食得，食落牛味夠哂濃，一片接一片真係食到停唔到口！🤤當然唔少得滾得囍宮廷餃子拼盤，一盤就可以試哂5款口味🥟，包括：芝士一口餃、芋泥豬肉餃、韭菜豬肉餃、黑松露野菌餃、菜苗帶子餃，全部都大大隻又餡料勁豐富！my pick：黑松露野菌餃，黑松露菌香好濃好突出🍄！打邊爐打到咁上下一定要食番啲蔬菜中和一下油膩感，🥬滾得囍豐盛雜菜拼盤就岩哂啦，一盤巳經有齊時令蔬菜、粟米、蕃茄、蓮藕片、木耳等，份量仲要好多！最後仲order咗黃金雙拼配上秘製鹹蛋黃醬，黃金炸魚皮配黃金響鈴呢個組合真係冇得輸⭐️！鹹蛋黃醬均勻掃上炸魚皮同響鈴表面並呈流沙狀態，每舊都充滿咸蛋香味，食落好酥脆，雖然邪惡感十足但呢個係必點啊！✨滾得囍宮廷火鍋小炒📍北角馬寶道33號寶馬花園1樓116-125號舖…Read More

天氣一入秋就好想打邊爐🍲，最近就移師到太子附近覓食。見到有間火薈中日火鍋店，店內裝修以紅黑中國風為主，設計甚有格調。一打開個menu有多款湯底可以揀，由於太多款式花多眼亂，我哋最終揀咗兩款湯底：鮮茄薯仔濃湯同埋馬來沙嗲湯，鮮茄薯仔濃湯入面有好多蕃茄同薯仔喺入面，仲有紅蘿蔔同粟米，湯底飲落好清甜；基本上唔知揀咩湯底果陣嗌沙嗲湯底一定係最穩陣，味道好濃郁，沙嗲味都好突出👍🏻！重點嚟啦！肉方面就嗌咗頂級安格斯牛頸脊同埋西班牙黑毛豬，牛頸脊真係好有肉味，相對肥牛冇咁油膩，肉質相對嚟講較嫩口同時油花分佈較細密，肥瘦均勻又有咬口，輕輕一碌就食得，真係打邊爐必嗌！💗另外仲嗌咗魚皮餃同埋牛丸、蝦丸雙拼，全部都真材實料，口感爽口彈牙！單食肉同餃唔夠飽，最後仲嗌多個辛辣麵同埋稻庭烏冬，烏冬吸收哂鮮茄薯仔濃湯精華，每條烏冬都好掛汁，食落有濃濃番茄味；至於辛辣麵當然係配番沙嗲湯嗌，沙嗲牛肉麵絕對係絕配😍！…Read More

極濃雞白湯拉麵 --- 呢個拉麵係店長推介😎！湯底以日本赤雞、素菜、鰹魚等熬製而成，入口鮮甜、骨膠原十足！旁邊有炸牛蒡可以蘸湯汁一齊食，配埋慢煮赤雞胸同埋火炙黑豚肉叉燒，入口即溶，食落剛剛好，唔會太肥膩；赤雞肉食落都好柔軟嫩滑，正👍🏻！黑蒜醬油拉麵 — 重口味必點😙！呢個黑蒜醬油湯底用咗店舖自家製黑蒜油🧄，單聞都已經覺得好香，食落濃而不膩，同樣配上慢煮日本赤雞胸同埋火炙黑豚肉叉燒，加埋黑木耳絲、蔥花、紫菜等配料，諗起都流口水🤤！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿金鶴拉麵 📍旺角通菜街110號利民大廈地舖…Read More

香港主打墨西哥菜嘅餐廳唔多，果日咁岩同朋友行開尖沙咀，經過天文臺道見到有間酒吧 - 8Five2 Restobar，入面有個超靚嘅打咭酒吧位，整體感覺好chill，好岩收工同同事/朋友飲番兩杯🍻～頭盤我哋order咗墨西哥牛肉玉米餅沙律，賣相色彩繽紛望落好吸引，配料亦都好豐富，底層鋪滿羅馬生菜，牛肉碎、芝士、紅石榴、蕃茄及牛油果，配搭埋蕃茄他他同埋乳酪醬，一啖食到咁多款配料，滿足感level up，而且食落好清新唔會好膩，另外仲叫咗份小食 - 玉米片配牛油果醬，玉米片同平時食開嘅唔同，佢係有分紅色同紫色但食落味道係一樣的，質地好薄身食落好脆，配埋牛油果醬好refreshing，兩個人share岩岩好，正啊😄👍～main方面我哋order咗兩款，當然唔少得豬肉絲加勒比海醬墨西哥酥餅，餡料除咗豬肉仲有芝士，係有拉絲效果的🤤，雖然好fat fat但好滿足🧡仲可以配搭牛油果醬、蕃茄他他或乳酪醬一齊食，估唔到食落味道係咁夾，好清新🤩我係果種冇飯到肚會腳軟嘅人🤣，見到menu有西班牙海鮮炒飯，就一於order埋佢～呢度嘅炒飯係好足料的，基本上你平時食開嘅海鮮都喺齊度，飯粒仲要係粒粒分明，醬汁相對嚟講唔會好多，整體食落好乾身，不錯不錯💁🏻‍♀️～…Read More

傳統嘅火鍋店巳經滿足唔到我打卡嘅心，上網睇到有foodie介紹❤️‍🔥去滾 - 呢間主打邊爐，但裝修係帶點懷舊感覺，四周圍都有霓虹燈招牌做裝飾嘅火鍋店，一入到去濃厚嘅港式風情出哂嚟，讓人彷彿置身於90年代嘅街頭巷尾，認真夠哂gimmick🤩，滿足一眾打卡人士～menu有好多款選擇，有各式各樣嘅食材揀，無論係鍾意食海鮮定係肉佢哋都有，同時仲有多款超超超足料嘅湯底揀，真係心多眼亂，一時三刻真係揀唔到食咩好，見到有好幾款打咗星星嘅廚師必點推介⭐️，有選擇困難症嘅我哋就一於跟住order👨‍🍳！🥘密密翻啅沙嗲湯火鍋湯底我哋揀咗招牌沙嗲湯，果然係招牌出品名不虛傳，直頭可以用濃稠惹味嚟形容，食落唔會太甜/太鹹，濃濃嘅沙嗲湯配牛肉超夾！唔止係湯底正，原來仲內有乾坤，鍋入面有豬皮、蘿蔔，愈煲愈入味，份量十足，果然係必食推介😋！🥩安格斯肥牛食火鍋又點少得一盤靚牛肉啊～由其係我哋嗌咗沙嗲鍋，沙嗲＋牛肉係絕配🤩！安格斯肥牛脂肪同肉嘅分佈平均，肥瘦適中，滿佈油花，輕灼至半生熟食落更有口感，再加上濃郁嘅沙嗲湯，完全唔需要另外再點任何醬汁，就咁食都夠哂惹味😋！🍤哈波子 手打蝦丸蝦丸比想像中彈牙，口感唔錯，而且食得出蝦嘅鮮味～🍄🥟黑松露餃呢個係有驚喜的，餡料豐富，除咗有豬肉嘅鮮味，仲有濃濃嘅黑松露香，每啖都散發住陣陣黑松露香味，而且餃子皮又夠薄，推薦大家試試👍🏻～唔想只係打邊爐咁dry🍲，我哋仲另外嗌咗碟蒜片牛柳粒🐮，份量一啲都唔少，每一粒牛柳都沾了滿滿嘅蒜香味🧄，十分惹味～🍉繽紛鮮果涼粉鍋夏天食涼粉就最合適不過啦～所以甜品我哋就揀咗呢款打卡able嘅涼粉鍋，上枱果陣乾冰效果，打卡一流⭐️！上面有西瓜、芒果、火龍果，份量十足，食果陣連埋涼粉、椰絲＋紅豆撈埋一齊食，甜而不膩，為整餐畫上完美句號❤️～⭐️不過要留意番～呢度嘅醬料係要另外收費的，佢哋有提供一般醬料：蒜泥、麻醬、香蔥、沙茶醬、炸蒜、香油等，可以根據個人喜好調配醬料💁🏻‍♀️～…Read More

九龍灣果頭食野一向都係以貴命名，有時想食平啲啲選擇都唔多🥺果日無意中發現得寶商場新開咗間性價比唔錯嘅日式餐廳，人均HK$100就可以試齊壽喜鍋、拉麵等，見咁抵就即刻約埋frd子去試下啦😌🍲牛肉壽喜鍋 (轉配烏冬)麻雀雖小但五臟俱全，以HK$78呢個價錢就有齊牛肉、娃娃菜、金菇、冬菇、粉絲等，可以話係相當足料💁🏻‍♀️湯底食落甜甜地，好容易入口，每條烏冬都吸哂啲湯汁，我哋係連啲湯都飲哂lol🤣🍜醬燒雞扒拉麵有豬骨湯同地獄湯底兩款揀，因為怕出到嚟太辣食唔到就order咗豬骨湯，但拉麵湯底略淡味，不過不失🙂雞扒反而有驚喜，佢係燒得好入味，但又唔會太濃，剛剛好～🍢雞軟骨小丸子串醬汁調得岩岩好，食落脆卜卜，加埋木魚絲層次感即刻豐富咗好多，呢個推👍🏻🥟炸餃子餃子皮相當較厚，比較有咬口，但又唔會話炸到好乾，一咬開粒餃子係有肉汁噴出嚟，jengss🤤～…Read More

上個星期心血來潮想打邊爐，就同frd子嚟咗呢間位於牛頭角嘅「為食火鍋公司」，佢主打無限時火鍋盛宴，有好幾款火鍋套餐揀🥘今次我哋就嗌咗$288/位嘅套餐，一睇個餐牌就覺得umm幾得意喎，上面寫住Round 1- 4，每Round都會提供唔同種類既野食，重點係任食，真係非常抵食🔥！🚨不過去咗下一Round就冇得番轉頭，所以記得要食夠一輪先去下一輪啊🚨～👨🏻‍🍳Round 1 - 餐前小食有炸瘋薯條、甜蕃薯條、唐揚脆炸雞🍗、蟹籽沙律、酸甜炸大腸、鮑汁雞腳，六款餐前小食係無限添加，但我哋唔敢點太多，因為後面仲有3 Round，所以只係點咗唐揚脆炸雞同埋甜蕃薯條，要留肚🤭～👨🏻‍🍳Round 2 - 前菜令人食指大動嘅新鮮刺身，赤蝦又肥大又晶瑩剔透，厚切三文魚都好肥美，食落好鮮、好彈牙💟～👨🏻‍🍳Round 3 - 頭盤可以[任食]竉寵雞煲或(一次性)為食酸菜魚二揀一🧡我哋就揀左雞煲，整體嚟講偏濃味，未開始食巳經聞到陣陣香味～食落雞肉好嫩滑，每一舊雞都沾滿醬汁，味道好惹味。辣度係可以自定，因為怕太辣會食唔到就揀咗bb辣，估唔到個辣味都已經好出，鍾意食雞煲嘅朋友必試💁🏻‍♀️！👨🏻‍🍳Round 4 - 火鍋盛宴 (揀咗高湯牛尾湯底，清清地都唔錯🤩)(一次性)為食海鮮拼盤有齊鮮蝦、蠔、蜆、半殼元貝、脆肉鯇、白鱔片，同埋(一次性)為食牛肉拼盤有齊潮汕吊龍伴、黃喉、手切牛頸脊、熊本雪花一口牛・SRF和牛肩肉眼芯，jengs🤤！海鮮拼盤整體嚟講好新鮮，牛肉拼盤每款牛肉都幾好食，肉質鮮嫩口感柔軟，不過黃喉好似比較少見🤔，我都係第一次試，不過食落又唔錯啵，煮10秒左右就食得，入口好爽脆，未食過嘅話可以一試～其實食完兩個拼盤都已經好飽😂，不過呢度係無限時，食完唔夠喉可以繼續叫自己想食既火鍋配料慢慢食，有多達40款嘅火鍋配料任叫任食，用手機掃QR code落單就可以，唔使自己行出行入攞野食，蔬菜類配料同埋飲品就可以喺出面自助區自己拎～$288/位可以無限時小食👉🏻刺身👉🏻任食雞煲👉🏻任食邊爐，實在太豐富啦，絕對可以捧腹而回！！😎…Read More