頭盤我哋order咗墨西哥牛肉玉米餅沙律，賣相色彩繽紛望落好吸引，配料亦都好豐富，底層鋪滿羅馬生菜，牛肉碎、芝士、紅石榴、蕃茄及牛油果，配搭埋蕃茄他他同埋乳酪醬，一啖食到咁多款配料，滿足感level up，而且食落好清新唔會好膩，另外仲叫咗份小食 - 玉米片配牛油果醬，玉米片同平時食開嘅唔同，佢係有分紅色同紫色但食落味道係一樣的，質地好薄身食落好脆，配埋牛油果醬好refreshing，兩個人share岩岩好，正啊😄👍～
main方面我哋order咗兩款，當然唔少得豬肉絲加勒比海醬墨西哥酥餅，餡料除咗豬肉仲有芝士，係有拉絲效果的🤤，雖然好fat fat但好滿足🧡仲可以配搭牛油果醬、蕃茄他他或乳酪醬一齊食，估唔到食落味道係咁夾，好清新🤩我係果種冇飯到肚會腳軟嘅人🤣，見到menu有西班牙海鮮炒飯，就一於order埋佢～呢度嘅炒飯係好足料的，基本上你平時食開嘅海鮮都喺齊度，飯粒仲要係粒粒分明，醬汁相對嚟講唔會好多，整體食落好乾身，不錯不錯💁🏻♀️～
