Tam2612's Profile

難得放假，就約左朋友黎橋底辣蟹食晚飯😊 原來橋底辣蟹近排搬左新舖，但其實同舊舖都好近～行多幾步就到。想黎食既朋友要留意其他分店暫時休業呀。已經好多年冇黎，個餐牌仍然都係多選擇到眼都花😂樣樣都好吸引咁。最後我哋叫左五個餸～潮州蠔餅蠔餅係我至愛，一定要叫啦。啲蛋炒得好香好鬆軟，最緊要係啲蠔認真大隻，份量十足，同埋好新鮮。絕對推介！蒜蓉粉絲蒸扇貝扇貝好大隻，啖啖肉，而且配料調味都值得讚，再撈埋粉絲，口感豐富好滿足。椒鹽九肚魚椒鹽九肚魚真係次次黎都會叫。外皮香脆金香，裡面就啖啖嫩滑嘅魚肉，好正👍🏻豉汁炒蜆炒蜆炒得好有鑊氣，非常入味，而且份量好足。薑汁炒芥蘭最後仲有薑汁炒芥蘭，新鮮香口，好爽口。餐廳仲送糖水，真係認真抵食～下次一定會再黎😍…Read More

上次去過火五太子間分店～無意中發現原來佐敦都有分店😂 就同朋友係到食左個午餐🍚朋友一向走健康路線，叫左個魚翅花膠雞湯河☺️ 佢話湯底清甜，裏頭有唔少魚翅和花膠，非常滋補。雞肉軟腍，整體都幾唔錯，幾啱鐘意清淡同注重健康的人食～我就叫左火五炭燒鰻魚飯😇 估唔到份量咁多，鰻魚勁長條，仲有唔少配料，帶有點酸酸甜甜～撈飯一流。鰻魚都好新鮮，口感細滑👍🏻 另外我地仲叫左兩客小食，有越式炸蝦春卷同埋意大利黑醋汁蒜蓉牛油雞翼。春卷炸得好香口，皮脆肉厚，外觀幾特別（比一般春卷長好多!）～ 而雞翼亦好驚喜，配上意大利黑醋汁同蒜蓉，味道好特別，少少酸甜又有蒜蓉嘅鮮味係到夾雜住，别有一番风味。價錢非常親民，一定會再黎！…Read More

好耐冇黎Urban Cafe! 趁近排得閒，又約左男朋友黎食💛 觀塘店好大間又闊落～坐得好舒服☺️當然要encore水牛城雞翼啦～鐘意佢酸酸甜甜，仲帶有少少辣。幾開胃！仲好大隻添我哋仲叫左個溫泉蛋煙肉野菌配黃金卡邦尼扁意粉。份量好多之餘，賣相都非常吸引。卡邦尼味道濃郁，撈埋溫泉蛋啲蛋汁，令到意粉整體的口感更豐富👍🏻另外仲有日本活性水飼豬梅頭配青檸蘋果醬。呢款第一次叫，又幾驚喜喎。個人幾鐘意佢個青檸蘋果醬汁，配上豬肉出奇地夾～仲有好多塊薯角，超正！Urban Cafe 的另一特色就係有好多貓貓😍真係好得意😍 觀塘店咁大間，有好多空間俾啲貓貓玩同走動～好多人都同佢哋玩到唔捨得走😂次次黎Urban Cafe都令心情放鬆😌一定會再黎💛…Read More

經開太子，同阿媽揀左呢間越式牛肉粉店食午餐。間店唔算大，不過生意超好，keep住坐滿人～阿媽叫左火五生牛肉粉（河）👍🏻 份量大到不得了，好抵食。牛肉新鮮嫩滑，湯底亦好有牛味。再配上青檸、芽菜、香葉等越式配料，整體口感更豐富。十分開胃我就叫左香茅美國黑毛豬扒油香飯。油飯帶有黃姜粉，好香，再配上葱油，更加入味。黑毛豬扒大塊又香嫩。同埋真係好大碗！還有香茅雞翼。大大隻，皮香肉嫩，面頭仲淋上葱油，好好味！仲有黃金蝦球。一共有五隻，炸得好好，皮薄，一咬落去就有好大粒蝦肉，仲好新鮮添。飲品方面叫左港式奶茶和荔枝紅茶。荔枝紅茶幾特別，值得推介！天氣熱飲一杯真係幾爽冇諗過啲食物既份量咁大，食完真係飽到上心口😂 價錢仲要好親民🥰…Read More

朋友推介呢間餃子店~ 終於得閒黎試下！見餐牌有好多有特色的餃子，眼花繚亂，每樣都好吸引咁！仲可自行選擇煮法（煎/灼）和size （大碗/中碗）。可惜我地得兩個人，試唔到咁多款，就叫左兩款餃子 + 小食。⭐️龍鳳松茸雙灼餃原來龍鳳係黑白松露~ 感覺好新穎。白灼更突出了松露的味道，好濃郁，一上台已聞到陣陣香味。餃子皮薄餡靚，好足料。絕對值得推介！⭐️至尊松茸豬肉煎餃食完較為健康的灼餃，也要嘆下煎餃~ 賣相十分精美，外皮煎得剛剛好，非常鬆脆香口，而裏頭的豬肉鮮甜，和龍鳳松茸雙灼餃相比係另一種風味~隨餃附上的狀元九鼎湯認真不得了。見餐牌的介紹，原來材料十分豐富，有粉葛、順德活鯪魚、紅蘿蔔、扁豆、赤小豆、新會陳皮、蜜棗、鮮排骨等，絕無味精，可提升免疫力、滋潤腸道、養顔保健。飲落都幾清甜，感覺好健康。另外還點了四川涼皮。涼皮配上花生碎和青瓜絲，和有少少辣的醬汁，口感超爽口，非常開胃。蜂蜜檸檬薏米水都幾正! 有點酸酸甜甜，幾滋潤。食完真係飽到上心口！…Read More

感恩節～同男朋友黎左呢間好高質既餐廳食川菜😊呢間蜀客位於K11 Musea ，裝修高貴，燈光柔和，而座位相當闊落，坐得非常舒服。餐具也十分精美。首先一上枱就有一碟前菜，比大家開開胃。⭐️鮮椒海鮮匯呢道係經典的成都涼菜，由鮮椒雞演變而成。而家用左川菜同粵菜方式混合烹調，以由二十種新鮮香辣蔬菜調制而成的成都傳統醬汁，加入粵菜最俱代表嘅海鮮，主要有黎自南澳爽滑嘅帶子、緬甸白蝦和迷你八爪魚。再配埋醋、醬油、辣椒同韮菜，完全帶出海鮮嘅鮮味，同時溢出微微辣味，既清新又有豐富口感。非常滿足。⭐️宮保蝦球蝦球選用緬甸香蝦，肉質爽脆鮮甜，還非常大隻！配上石柱紅辣椒乾、茂玟紅花椒呢等特色配料，令到蝦球更加有光澤仲增加個椒香味，食落酸酸辣辣，又開胃又爽脆肉滑。裏頭仲有腰果添😋⭐️蒜泥白肉賣相好精美，用白肉卷住啲蔬菜，另外有埋涼麵配搭辣醬，肉質嫩滑配合清脆嘅蔬菜，口感清爽～⭐️紅燒皇子鴿隻鴿燒得火喉剛好，皮脆肉嫩，配埋香辣配料，好正！⭐️乾鍋手撕包菜蔬菜方面叫左個乾鍋手撕包菜。幾特別！啲菜新鮮嫩滑、配上肉片和少少辣椒，食落有啲微辣而又幾清新，咬感都好爽脆。⭐️辣炒花甲又係一道川粵混合菜式，花甲當然係海鮮必選之一。份量好足！花甲肉質飽滿，裏頭仲有芹菜，又鮮又甜又香辣👍🏻非常滿足的一餐。絕對值得再黎！…Read More

上星期同朋友黎左尖咀諾士佛台食晚餐，揀左呢間好有格調既樓上Bar & Grill ☺️上到黎嘅感覺又真係好似佢個名Oasis一樣，門口有雀仔聲，加上花草園林擺設都感覺好green，真係幾似去左綠洲遠離市區咁🏝餐牌選擇好多，有好多有特色的菜式。我地叫左一個頭盤，一個主菜，一杯cocktail同埋一個甜品。芒果蟹肉牛油果塔🥰呢個頭盤認真不得了！上面係有層好厚嘅蟹肉，中間就係新鮮芒果粒，最底底就係牛油果蓉。蟹肉好鮮甜，加埋芒果粒甜甜酸酸，再有牛油果的清新感覺，非常開胃。主菜方面叫左個菠菜芝士意大利雲吞伴蕃茄芝士汁，菠菜泡沫😋好精緻和特別，連個賣相都好有綠洲的感覺😆個雲吞以菠菜泡沫綠色為格調，入口有淡淡的菠菜味，而雲吞皮薄餡靚，仲伴有蕃茄和芝士味，口感超豐富。Cocktail “Mr.”🥃呢杯酒係用威士忌調製出嚟，對男仕嚟講真係幾啱晒口味。杯酒好特別，一開蓋就有白霧出嚟，味道亦好特別，雖然有威士忌嗰種酒種烈味，但飲落感覺唔會太厚，反而好滑又幾清新，仲有少少橙嘅甜味。食埋兩塊伴碟dry food，更加別有一番風味。最後仲有意式特濃咖啡配雲呢拿雪糕😍作為咖啡發燒友，一見到個甜品menu 就睇中呢個甜品。一上碟就有一shot espresso 同一杯雲呢拿雪糕，將espresso倒落個雪糕到就食得！真係勁好味！…Read More

Encore 韓屋🥰上年黎過一次，天氣凉左，就又約左個朋友黎呢到食飯😇 呢到生意真係好好，平日都有好多人排隊。想去的朋友記得要提前book位呀！上次黎冇食到石鍋飯，今次絕對要試下！見OpenRice 有唔少人推介呢到啲石鍋芝士拌飯，我地就叫左個醬炒牛肉石鍋芝士拌飯😊米飯上放上各種蔬菜、野菜和牛肉，撈埋芝士和辣醬拌匀。熱辣辣～超好味！加入芝士比我想像中更好味，每啖都食到半溶的芝士，而且剛剛好，不會太漏😍仲有蔘雞湯😍 第二次食了🥰 小雞腹中填入了人蔘、大棗、板粟、松子仁、糯米、大蒜等身材，仲經長時間熬煮而成。充滿了人蔘香味的雞，香醇美味，絕對係健康之選。亦係韓國傳統的夏季養生飲食🇰🇷 好滿足🥰 叫左兩隻泡菜餃子王🥳第一次食泡菜餃子，感覺好新穎～ 同埋好特別的係每隻餃子係分別放係細蒸籠裏面，賣相十分精美，仲好大隻添！泡菜味濃郁，開胃又好味😋 好正😍…Read More

德福、淘大就成日去，趁今日冇乜野做就同男朋友行遠啲，去啓業邨搵野食😊 見到有我鐘意的越南野～座位都好闊落舒服，就決定試下呢間！前菜黎返碟泰式鳳爪，賣相同味道都十分正。酸酸地，非常開胃～主食方面有越南排骨飯！個飯好香軟，而且夠大碟。排骨配上椰菜、西生菜、洋蔥同埋紅黃綠椒，和特別的調味帶出越南風味，口感層次豐富，十分推介👍🏻食越南嘢又點少得火車頭。我地叫左個金邊粉底的火車頭，裏面有生牛肉、牛腩、牛丸和牛柏葉。牛肉新鮮，湯底都好入味。另外我地仲叫左幾款小食。春卷炸到好香脆，堅係好滋味，而雞翼都好香口，皮脆肉嫩，相當juicy 😋最值得推介的絕對係蝦餅！呢到蝦餅係標誌手打嘅，一試就真係覺得同之前食嗰啲蝦餅好唔同。好多其他店都有好厚的炸粉和好少蝦肉，但呢到啲蝦肉真係多到好驚訝。層次分明，咬感彈牙，好好味。飲品就叫左熱檸茶和凍奶茶～整體真係認真抵食！老闆都好好人，態度服務好好～係好有人情味的小店❤️…Read More

上年有黎過一次，見天氣又凉左又想起呢度😍 就約左朋友黎打邊爐～今次仍然係叫鴛鴦😂 普通辣湯+山珍菌湯辣湯好正！睇落有好多辣椒但我都仲接受到😂近排午市仲做緊湯底免費，好抵！今次encore左唔少上次食過既野！建議大家如果係第一次黎的話，一定要試下”曉宇必點”啲菜式，因為真係好有特色，係香港食火鍋真係好少有得食呢啲。我個人最推介的就係重慶耗兒魚、稻田毛肚、鮮黃喉、手打蝦滑！同上次黎食一樣，非常新鮮同好味😍 可能因為香港人少食呢類火鍋配菜，都唔係太了解要煮幾耐，餐廳好貼心咁會係碟邊插張細牌仔，寫上煮食時間俾客人參考～葷菜方面我地仲叫左曉宇嫩牛肉、黑䐁腩肉、鴨血。素菜就有功夫莴笋片、海帶頭、凍豆腐。認真每樣菜都覺得好好味，我地一共加左三次單😂估唔到兩個人可以食到咁多野！👆🏻耗兒魚、黃喉、嫩牛肉👆🏻手打蝦滑👆🏻毛肚👆🏻曉宇茗粉👆🏻莴笋👆🏻鴨血、冬瓜👆🏻海帶頭👆🏻黑豚腩肉👆🏻凍豆腐真係超正！！等天氣凉啲一定會再黎😍…Read More

幾個月前已約了朋友黎呢到食烤魚，點知疫情反反復復，延期了幾次...依家先終於黎到！呢間烏蠅館係另一位朋友介紹的，話啲烤魚好正😍 呢到有三款魚可以揀～有多寶魚、三刀魚同龍躉，我哋就揀左價錢居中的三刀魚☺️ 就連烤法都有好幾款選擇，有招牌香辣、麻辣、豆豉、蒜香等。雖然自己係麻辣控，但由於朋友唔食得辣，今次就揀左蒜香味～ （諗住下次先拉男朋友黎試下個招牌香辣烤魚😛）首先個賣相已經超讚，一上台就聞到濃郁的蒜香味。烤魚旁仲有雲耳、蘿蔔、雞髀菇。條魚亦比想像中仲大條，既新鮮、啲肉又好厚實👍🏻食完條魚就可打邊爐啦～ 我地叫左個四川寬粉，放落個湯底勁惹味，好正！最後仲叫左兩杯烏蠅館的自家特飲～好凉爽真係好耐無出街嘆番餐好，今日真係盡興而歸😆…Read More

去過旺角分店，近排發現觀塘都開左分店！仲要大間好多，我就帶左男朋友黎試下～我地都好掛住啲貓貓呀🐱之前幾次都係單點，今次黎到就決定試下佢個2人套餐😙首先有清甜開胃的南瓜湯和新鮮爽口的沙律滋味小食拼盤呢個拼盤都幾大碟（仲好邪惡添）。裡面有紐西蘭魚柳、爆谷雞塊、脆薯。非常香脆，幾過癮日式青蟹籽藍青口芥未忌廉扁意粉個意粉賣相十分吸引，有綠色嘅蟹籽伴以忌廉汁扁意粉，仲有兩隻好大的青口。意粉味道亦好特別，蟹籽帶有芥末味加埋濃厚嘅忌廉汁，幾好味！巴馬火腿拉絲水牛芝士手工薄餅個pizza勁大塊！餡料豐富，有好正的巴馬火腿，而水牛芝士濃郁。兩個人食真係好飽😂最後我地仲加錢要左個自家製香滑奶凍。絕對值得一試仲有兩杯飲品😛啲貓貓真係好得意😍 呢間分店成三千呎，🐱多左好多活動空間😌…Read More

之前同阿媽黎食過，幾好味，今次就帶男朋友黎食～呢間店係小巷內，靜靜地，氣氛好好，感覺幾有情調。個職員仲好友善又親切地同我地傾下計:)頭盤小食呢款脆片香脆香口，仲帶有少少辣味，仲有啲胡椒味~ 配上綠色薄荷醬，非常開胃。瑪莎拉燒汁咖喱雞正宗印度咖哩真係唔同啲。味道獨特，個汁好濃香，辣度適中，伴呢個鮮嫩嘅雞肉，認真超正。最後我地連啲汁都食埋😂太好味香辣薯仔花椰菜印度菜當中薯仔同花椰菜都係不二之選。好特別，平時食中菜絕對食唔到呢類煮法的蔬菜。薯仔香口軟腍，花椰菜都十分鮮嫩。印度薄餅我地香港人喜歡食飯，印度人就喜歡食薄餅。上次黎都有試過呢個Naan印度薄餅，今次要encore😂個薄餅咬感好煙靭，配上咖喱汁黎食，真係相當一流。感覺又平民又地道嘅印度咖喱餐廳真係唔多，呢餐絕對係超值選…Read More

呢間居酒屋🏮已經黎過好幾次😗上次黎食過個三重芝士吉列千層豚肉，一直念念不忘，所以趁五一假期就又同男朋友黎幫襯下😙作為香港人當然要支持啦💛三重芝士吉列千層豚肉呢個芝士豚肉絕對係必點之菜。豚肉勁厚切，一咬落去外脆內嫩，仲好juicy添。最正係啲熱溶芝士！！好邪惡不過認真好味😍挪威三文魚洋蔥卷食完較肥膩的芝士豚肉，嘆返個三文魚洋蔥卷真係最恰當不過。三文魚非常新鮮，配上卜卜脆的洋蔥條🧅，既清新又爽口。汁燒蒜片牛柳粒汁燒煮法，令啲牛柳好𣺉好入味。牛柳大舊，份量好多！申子飯團這是賣相非常新穎的申子飯團🍙～外皮有飯焦好脆口，內裏還加了三文魚粒，上面仲有勁多魚子，入口即溶😋 個飯團細細舊唔算太飽肚，不過好滿足！巨峰乳酸梳打男朋友的最愛～佢話好凉爽～～～喺咁熱嘅天氣嘆一杯乳酸梳打係無得頂😂西尾抹茶凍鮮奶(3.6牛乳使用) 上次黎飲過西尾抹茶熱鮮奶🍵，依家天氣太熱，我就試下杯凍的😂 同樣，抹茶味濃郁但又不會太苦，抹茶控一定要黎試下呀～餐廳仲送上口罩套❤️一定會再來幫襯❤️💛…Read More

近排因為疫情既原故少左出街😷 見呢幾日情況好啲，終於忍唔住，決定落街買炸雞食😂最後去左買繼光香香雞。好耐冇食過啦! 佢係台式炸雞權威黎架～之前係台灣都有食過☺️近排仲有優惠 (4月10-5月10購買香香炸雞大份，第二款小食可享半價!) 好正!最後買左三款野，拎埋返屋企食☺️台嗑三塊雞好大塊又入味，口感好有彈性，超juicy~ 面頭仲有啲辣粉，啱晒重口味的我☺️香香炸雞香香炸雞細件啲，不過同樣十分香嫩，係另一種風味😌 穌炸魷魚正！以前真係成日食！魷魚好煙靭、彈牙，好有咬感。最正係呢到所有野都即叫即炸，所以拎到手時仍然熱辣辣👍🏻…Read More