呢間店係小巷內，靜靜地，氣氛好好，感覺幾有情調。個職員仲好友善又親切地同我地傾下計:)
頭盤小食
呢款脆片香脆香口，仲帶有少少辣味，仲有啲胡椒味~ 配上綠色薄荷醬，非常開胃。
瑪莎拉燒汁咖喱雞
正宗印度咖哩真係唔同啲。味道獨特，個汁好濃香，辣度適中，伴呢個鮮嫩嘅雞肉，認真超正。最後我地連啲汁都食埋😂太好味
香辣薯仔花椰菜
印度菜當中薯仔同花椰菜都係不二之選。好特別，平時食中菜絕對食唔到呢類煮法的蔬菜。薯仔香口軟腍，花椰菜都十分鮮嫩。
印度薄餅
我地香港人喜歡食飯，印度人就喜歡食薄餅。上次黎都有試過呢個Naan印度薄餅，今次要encore😂個薄餅咬感好煙靭，配上咖喱汁黎食，真係相當一流。
感覺又平民又地道嘅印度咖喱餐廳真係唔多，呢餐絕對係超值選
