NBettiville's Profile

我坐係窗口位，出面既境係五錢鋪同建築材料車係度搬鐵通，果位着背心的黑實大叔就係我個食早餐個view…..我完全吾明點解九龍城可以收到中環soho價錢，但係你又吾好理，平日都半滿。好非常之普通嘅truffle 炒蛋，其實好多茶記都炒得到甘既texture，完全無蛋香，大陸貨，蕃茄明顯係內地貨，完全吾甜，仲有小小腥味，伴菜幾新鮮，片包淋既…係咪我out,人哋sourdough係淋既，果片吾係toast (呢個係問題，我真係吾知）。cappuccino 不過不失。最大賣點係環境，樓底幾高，間鋪比較大，吾會坐得好迫，空間感非常之充足。我推介坐門口梳化位，雖然坐底左食嘢吾就手，但係自成一角，窗口位係2nd choice 。仲有個好乾淨既洗手間，連去洗手間果幾步室外地方都有裝飾，所以咪中環價。計埋個環境個價位合理既。…Read More

好貴，食左個紅豆toast，飲左杯芝麻飲，要收加一，埋單承惠141大元，從來都無食過甘貴既toast，係好食，但係80蚊一塊包上面加左紅豆，真係超貴，可能我吾識欣賞，我覺得收得甘既價錢，好食係基本吧⋯⋯見到d comment 話外脆內軟，我心諗我係屋企用焗爐焗既toast，焗完即食都係外脆內軟，我諗我既要求太高？定係寫甘既comment既人無親手焗過toast；杯芝麻飲係甜到不行，層芝麻係底，要搞到落底至會撈得勻上面果層超超甜既泡同下面果層都係好甜既芝麻，偏偏served 我果個女仔講野好細聲，我完全聽吾清佢講乜，佢仲要好Green，算啦，我聽到佢講：吾好搞到落個底，結果飲到落底一Pat Pat芝麻果時就知乃左野，應該一開始就搞到落底搞勻兩層。我吾覺得食物同飲品有乜特出，質素合乎返佢個高價位。限時60分鐘，店主見我食片包飲杯野，果日係平日仲要落毛毛雨，都無客，真係夠鐘就請我走，有無搞錯，如果我飲晒杯野仲想坐我都會叫杯茶，自己都吾好意思霸住人張枱甘耐，而且佢杯芝麻飲實在太甜。佢全間鋪本身係賣家具，𠝹左半間鋪做cafe，間鋪大概400呎大，所以得3張4人枱同3張圓枱，我吾知夠吾夠1.5米，但係全部枱都無圍版，係疫情期間真係少見，大家有心理準備。環境暗暗係好chill好正，如果大家吾介意人均150消費坐得一個鐘，可以去打個卡…Read More

全白色環境，不過街境係對住泊車位，所有人行過都會好奇望一望，甘樣環境吾太享受到杯咖啡。蛋糕只有一款，就係4小塊方型好似焗到燶晒既雪芳蛋糕物體，賣相完全吾吸引，所以無打算order 。間鋪長型超細，我坐對住cashier 既位，一有人買野就會碰到我，快快飲完快快走。環境一d都吾chill。兩位店員不停傾計，我真係吾想知佢係邊度識到咩男仔。講返杯咖啡，平日黎講間鋪都有4個客（包括我），其實都幾迫，加埋不停有人入黎買外賣，我杯cappuccino 係吾錯，呢個地方適合買外賣，吾適合坐係度chill…Read More

平日after lunch去，吾多人吾需要排隊。我同事話牛肉餅應該要試下，其他食物佢試過麻麻地，司機都話食過咖哩牛腩飯，個咖哩汁麻麻地。我買左個牛肉餅，外賣，超多汁，大家食既時候真係要好小心，會整污糟件衫。牛肉無牛肉味，我吾覺得特別好食亦吾覺得特別吾好食。可以一試，甘平，不過比預期失望…Read More

個環境好chill，有兩個鋪位地方好大。我地只係叫左咖啡飲，不過飲完杯cappuccino 我朋友就搞肚痛。我就無事，佢腸胃比較敏感，佢話沖咖啡既奶係凍既，所以飲完就搞肚痛。我就飲吾出係凍奶。去chill一次就夠，永不再去…Read More

間cafe既枱係坐位側邊，我地叫左兩杯咖啡一件cheese cake都吾夠位放，店員要拎張櫈俾我地放。佢有賣食物，呢個設計相當奇怪。鋪內有洗手間，大讚，裝潢設計好禪風，適合逃離繁忙的一天。個menu好舊好殘，真係吾太想掂，我叫cappuccino ，店員同問我要邊種杯，因為佢地有一種好似裝清酒甘大既杯，我心諗點沖cappuccino 落個清酒杯度？跟住佢就話cappuccino 就用中杯，點丫～～～真係表達能力有夠差。cappuccino 不錯，件豆腐cheese cake無豆腐味又無cheese味，最好味係落件cake度既芝麻漿，95蚊一細杯咖啡加一件cheese cake，我期望會好食，對食物飲品失望…Read More

係一間做石棺材既石屋，一半做博物館，另一半做cafe，石屋出面仲有一大片空地。環境無敵。食物就好一般，不過價錢超平，一杯cappuccino 加一個egg benedict 只需70蚊，朋友叫左三文魚，話三文魚吾新鮮，有腥味。食環境同chill下，支持下社企。同埋叫野食之前要選定枱講枱號落單，會送餐的，決定左坐邊張枱就吾可以轉，咪送餐會好混亂…Read More

間鋪好細，約廿個位左右，門口有一張枱但係對住泊滿車的馬路周圍既鋪又係五金鋪有大叔係度講粗口其實一點都吾chill。平日一早見入面都9成滿，甘多人吾洗做真幸福。決定買外賣試下佢杯cappuccino 。估吾到有驚喜～～～ 不過間鋪實在太細太焗促。等外賣時本來都坐係counter等，個店員叫我出去等，等一杯咖啡要沖好耐嗎？…Read More

打卡cafe，本身無期望，價位係soho價，咖啡叫左dirty，做吾到dirty效果，蛋糕款式好特別，山楂莓，賣相都靚，打卡一流。內裡係一間舊式藥材鋪，有百子框，保留大部分裝修，都可以去打次卡既…Read More

午餐係超平，48蚊，仲送罐裝可樂。叫左海南雞，雞超肥，個油飯勁硬。寧願俾多十零蚊過返隔離食。吾知點解weekend 晚餐會甘多人等位。上星期日晚飯時間經過見到勁多人等位，試完至知原來質素甘垃圾。個餐牌又寫得吾清吾楚，冷熱飲品都要加3蚊，淨係飲汽水吾洗加錢，個個客都問，好心黎左香港甘多年就學好中文啦…Read More

1）個cashier 連我要咩咖啡都吾知，你英文吾好就吾好咖啡果part就淨係得英文啦⋯⋯最後我係指住個menu 話佢知我要邊杯咖啡；2）叫左杯espresso dirty ，一間賣咖啡既鋪連一個espresso 杯都無？用膠杯裝，又要講句：what’s the rave about this place???…Read More

Masala加豬頸肉其實好吾配，我諗係個人口味。個賣相又吾得，無諗過cafe會用膠碗…個sauce遮住晒啲豬頸肉，一Pat 野甘上菜，好似嘔吐物甘，再加上黑色膠碗….茶記presentation 但係叫cafe….啲飯煮到一舊舊。60蚊我覺得隔離MOS burger 會係比較好既選擇…Read More

超靚景超靚裝修，我吾太喜歡去cwb，不過好喜歡個rooftop bar，食物不過不失，呢度係食景，飲野，一定要預早book選窗邊位。我哋兩個人叫左4杯酒，1個appetiser 2個main courses 埋單一千多小小，晚飯，甘既景，我個人覺得fair deal。同埋佢吾夠人手（好多餐廳都係）所以service 有點lag，不過咪慢慢等，睇景lor…Read More

心理作用，梗係覺得有韓人坐陣地道啲。黎過兩次，第一次叫左熟食，豆腐湯，大醬鍋，蛋餅，覺得中左招，第二次淨係叫燒肉，燒肉係cp高，有爐邊蛋，啲待應又打扮得好韓。不過燒完由底到面既衫都要徹底甘洗乾淨，好大陣燒肉味。第二次我着左條白色裙去，張櫈嘅cushion 有小小luk色，搞到我條白色裙染左小小淺藍色…Read More

原來只有14張枱，所以瘋狂難book，透過staycation butler 封電郵，仲要早兩個月book，餐廳至留左張枱係我staycation 果日食晚飯（其實我想食另一日，我真係覺得好似要求佢俾我入去食飯甘）結果等左兩個月，利申，我完全吾喜歡食印度野，只因呢間餐廳瘋狂難book，所以點都要試一次。一開始果個脆片，點果個sauce 係酸甜balance 到完美；我哋只有兩個人，仲要係兩個女仔，試到既野吾係甘多，一定要點枱枱都會點既samosas ，我印象中既samosas 係油到爆，呢個cone presentation ，IG’able又吾油，又係個sauce取勝，佢啲sauce真係重中之重。跟住叫左個special，酥皮焗雞飯，個酥皮係好好食，crispy 又夠質感（夠厚）超脆，入面既雞有4/5舊左右，鞋到呢….好入味既（咖哩味，印度野係咪所有野都係咖哩味？我真係吾知）個咖哩味咪一般既印度咖哩味，個飯乾到好似未煮熟甘，睇食評有人話waiter recommended 叫個yogurt sauce 送飯食，幫我寫野果個waitress無recommend，佢淨係不停sell lamb（我哋得兩個女仔點食得晒，佢自己都話大份）sell lobster （吾好傻啦，我係屋企自己整南澳龍蝦，龍蝦係食鮮味，用甘多spices浪費左隻龍蝦，而且睇個價位，598大元，應該隻龍蝦係一斤以下，太細啦⋯⋯）最後佢就sell個special啦，但係又吾sell sauce wor….我食完個酥皮，個飯甘乾，我咪碌下食評睇吓點算好，原來要order sauce，甘同個sauce食就無問題。我問另一個waiter有無sauce賣🤣🤣🤣，當然係無，又當然係homemade sauce 。最後原來啲waiter好識做，一上main course就會幫你執乾淨張枱，用枱上面既燈仔打燈影相，每枱客都會幫手甘做，其實間餐廳無景，有窄窄的窗口，出面放左枱做outdoor seating（for同場另一間餐廳） ，真係浪費左出面既海景。最後食吾落甜品。我完全吾知個餸名係咩，所以post埋張單出黎。我真係吾好印度野，可以一試，價錢都接受到，可以入去打個卡…Read More