or#Tm65685803's Profile

禮拜六2點幾要喺太子食午餐但又唔想等位，見天氣唔太熱就試下呢間（之前想試但天氣太熱直接放棄）。叫左豬紅肥牛魚肉酸辣粉微辣。整體唔錯，但因為啲餸係就咁加落去，肥牛無乜味，豬紅同魚肉搭住湯汁就幾好食，再食一定唔會叫肥牛。但3餸59蚊以要立食環境又唔特別乾淨嚟講稍為貴少少。立食係佢隔離有間舖仔，靠食客自律，所以未必好乾淨。…Read More

一行三人，訂枱嗰陣預訂埋煎釀鯪魚。原本想訂埋紅酒燉梨但無貨。豬肺湯成日心思思想飲，屋企煮太麻煩，出面又無咩地方有得飲。朋友成日話唔覺得有咩特別好飲，但勝在呢度有得飲，味道正常。蝦多士麵包脆口，少油但唔勁，食一兩件ok。煎釀鯪魚跟大家comments加左孖腸粒，魚皮脆口，鯪魚球款式嘅鯪魚肉加新鮮魚肉加臘腸潤腸粒。3個人食其實幾飽下，加左孖腸粒香同埋無咁寡。松露蛋白炒飯正常嘢。糖水方面，我屋企平時飲嘢少糖無糖開，對我地嚟講杏仁茶有啲甜但ok，但核桃露就太甜。埋單91x, 中餐嚟講我覺得唔平，但可以食啲出面無乜得食嘅嘢，而且餐廳人少安靜又唔趕人，靜靜地食嘢傾下計幾好。…Read More

Super unpleasant experience! If you plan to do paper registration at reception, please confirm when you make reservation as I was not given a choice when my friend was still allowed to do so not long ago and there was no reminder during reservation for the new change.For the food, if you only aim at eating the seasonal dishes then you can go. We ordered chicken thigh and beef tenderloin for the main course but just tried a bit as the food is not that good as the seasonal dishes so we just re-ordered the seasonal dishes. I would say the main course can be skipped.I definitely won't go again, as the overall experience is important but not just the food, not to say the main course can be skipped, and the price doesn't meet my expectation for the experience. It's the worst dining experience that I've ever had.…Read More

禮拜六12點嚟有好多位，唔使等。原本想試莞茜山，但依家無左。睇左成個menu，選擇左食午巿套餐。喺9款入面揀左豬八戒船麵，檬粉辣湯底。加8蚊有幾款小食可以揀，我叫左春卷。飲品方面，可以只加2蚊要普通冷熱飲品，懶健康咁加12蚊叫左荔枝味嘅泰妹蘭香籽飲品嚟試。船麵濃湯底，辣湯OK，唔會太辣。份量都ok，但稍為大食少少嘅未必夠。春卷即炸夠脆，係飲品對於平時好一部分飲品都會走甜嘅我嚟講太甜。價錢我覺得正常，唔貴，但又未到抵食。整體嚟講我覺得ok，可以一食。…Read More

喺openrice買左早鳥優惠，$175一個人，琴日同朋友請半日假5點半去食2小時放題火鍋任食。琴日掛住食無影相，我地2個人，火鍋可以一人一個小鍋，我地叫左個麻辣湯同埋蟲草花松茸。前者用嚟淥肉，丸，菇之類，後者清淡湯底專淥菜同海鮮。麻辣湯底淥完我無再用其他調味，淨係加些小蒜茸䓤莞荽。蟲草花松茸湯底我都無加調味，可以食到海鮮嘅鮮甜。佢湯底加湯係加水，不過我地加左幾次都覺得仲係ok嘅。講完湯底講食物，大部分食物係用手機掃QR code用手機落單。琴日5點半係唔多人食，啲嘢上得好快。飲品，調味料，火鍋啲菜呀，菇呀之類出面自己拎。火鍋肉類入座嗰陣送左一碟牛舌，落單我地淨係叫左極上肥牛同羊肩肉，肥牛ok但羊好肥。其他都有叫啲丸，炸魚皮同海鮮。老實講，我無諗過2百幾蚊嘅放題加火鍋有海鮮叫，對我嚟講係驚喜之選。我地叫左蝦，青口，蠔同埋蜆，見到仲有花膠，不過我地無興趣所以無叫。青口蠔同蜆好鮮甜，我地有再encore。鍾意食海鮮嘅朋友絕對可以一試。放題都係正常嘢，刺身有三文魚，八爪魚，希靈魚，帶子，甜蝦，北寄貝，赤貝，仲有一兩款唔記得。唔算大件同厚切，但又放題又火鍋，咁嘅size對我地嚟講啱啱好，唔夠食再叫。其他壽司熟食都正常。黃金墨魚餅朋友話唔好食，但燒物類唔錯，我地叫左燒茄子串燒雞軟骨同燒波蘿。食榴槤嘅朋友可以叫榴槤炸彈，我同朋友都覺得好食，但甜品個榴槤甘露除左面頭嘅榴槤，杯嘢麻麻地，同埋好多珍珠。甜品仲叫左珍珠伯爵茶奶凍，好濃茶味，可以一試。整體而言，如果期望非常高質嘅食物就梗係同幾百蚊一餐嘅無得比，但又放題又火鍋嚟講，質素唔低同埋CP值非常高，又一次過滿足晒2個願望。係唯一要小心嘅係，我地入座嗰陣嘟左優惠個QR code, 但入座後職員唔知，又走嚟問我地係純火鍋定要埋放題，埋單都係無扣返優惠俾左嘅350蚊，所以自己要留意下。原價218計埋加一240左右，依家用openrice優惠175一位再加返原價加一，埋單2人總供要俾44，除番開一位200左右非常抵食。…Read More

等左好耐想喺香港食上海嗰種薄皮多汁嘅生煎包，而唔係真係一個包嘅生煎包，終於等到。食左幾次，鮮肉生煎包真係同上海嗰啲一樣，熱辣辣食好正。不過鮮蝦同黑松露生煎包就略為失望，試左兩次都唔太熱。生煎包要熱先好食，所以我都係堂食無外賣，舖頭有少量位置可以立食。後來望下可能呢兩款唔太多人食，佢地將個盤放左喺隔離無熱住，下次都係要睇下佢將個盤放喺邊先睇下食唔食呢兩隻款。…Read More

原本是衝著生煎包入去食，因為香港生煎包一般真係一個包，但好想食上海嗰啲薄皮多汁嘅生煎包，所以入左去食。入去叫左普通鮮肉生煎包同擔擔麵。生煎包雖然望落差唔多，但人地啲皮係好薄似小籠皮，呢隻係似水餃皮，所以對我嚟講個皮稍為厚左啲。鋪頭細細，不過我去嘅時候人唔多，所以感覺唔到太迫。…Read More