honeycoin's Profile

最近朋友介紹了去了一個新地方，有得飲、有得食又有得玩，不過佢浄係開逢星期五，夜晚6-10。平時是一間夜場，叫Zentral，依家逢星期五晚上6-10點，有happy hour時段，飲嘢好抵，除咗飲嘢外，仲有嘢食，好似有黑毛豬火腿、西班牙火腿等，仲有芝士拼盤，我好喜歡食芝士，下次要試。Bartender推介呢杯Bangkok Blur($90)，裏面有Vodka、Lime Juice、Lemongrass Syrup、Kaffir Lime、Ginger Ale，仲有一隻辣椒仔on top，除飲到Vodka嘅酒味外，聞到好香香茅味，青檸汁溝埋薑汁汽水，酸酸地又少少汽，飲完好舒服，好好飲。Bar枱同DJ台中間放咗一張beer pong枱俾客人玩，我哋都玩咗1盤，但見人玩得好勁，都得返屋企開張枱自己練下先。…Read More

係香港好多人都覺得跑馬等於賭博，但其實入馬場都可以係有趣健康既活動！星期日的約會活動係入馬場，為左開心啲要準備既野就只係book 位，book位唔難，事先打去餐廳就得，佢仲會比翻個給你，入馬場嘅時候show比門口工作人員睇，就可以唔使比馬場入場費。講返食物，呢間餐廳係以半自助餐形式進行。冷盤同甜品等等都係自助形式，主菜就有幾款比客人揀。冷盤方面好豐富，有螺青口刺身等等，但係我覺得冷盤就唔係咁出色，例如青口有啲咸，螺就有啲ung，刺身都算新鮮嘅但係選擇唔多。而甜品方面呢就冇得彈啊，選擇又多又款款都咁好食，我哋每款攞咗一件，可以一邊睇賽馬一邊食，佢哋嘅疏乎里仲係即整嫁，加分！最後用餐環境方面，好牛仔既感覺，成個感覺好舒服好適合一班人吹水傾計，但係地方好大兩個人談談情嘅地方都有唔會話比其他人嘈住，行出少少就有個無敵大露台，可以每一場賽事開始嘅時候先至行出去，係高處見證沖刺一刻，非常之貼心。…Read More

超級無敵農夫包朋友介紹我黎間冰室食農夫包，果然名不虛傳。其實我本身諗住黎食個下午茶，一聽個名諗住淨係一個包唔會好飽肚，點知一見到農夫包真身，就知今晚可以唔使食飯。我叫咗咖喱牛腩農夫包，個包好明顯係特別訂製，大大個，外脆內軟，同啲咖哩勁夾，個包底因為吸得多咖喱所以有啲林，但係食食一定係食個包蓋，個頂脆到咬落去有聲，啲咖喱又勁重椰汁同芝士味，怕辣嘅人其實完全唔使驚，因為根本一啲都唔辣！你以為咁就完？錯啦！個底仲有飯啊，係炒飯呀！個飯一啲都唔頹，加埋啲咖喱同個包好似世紀絕配咁lol配埋杯白雪公主真係絕配完全唔使食晚飯！…Read More

飲品同甜品係一流其實成日都食呢一間，終於等到裝修好，又可以再食啦！個人必食之選係軟殼蟹凍檬粉，雪山，同芒果乳酸。但係今次冇食到呢幾樣，試咗啲新嘢，分別有泰式拼盤，咖喱牛腩飯，青檸梳打。但係雪山做甜品真係不得不叫，基本上我來冬陰公工食嘢就係為咗呢個甜品，大大個，鍊奶同花生醬嘅比例十分好，又脆又唔頂胃，正！…Read More

貴係有啲貴既，不過幾值，坐得耐冇比人趕，兩個女仔搵地方談心既好去處黎。講返食物，其實唔係第一次黎，不過真係好鍾意飲個抹茶牛奶，真心唔錯。主食方面叫左兩個都係麵，冇咩特別出色炸雞夠脆，湯底濃度剛好，我個人認為下面個碗肉太少有啲唔底。我鍾意食林既麵，所以對鍾意食彈牙麵既黎講可能個麵就差啲。…Read More