喜馬當先

Open Now

Now Closed

係香港好多人都覺得跑馬等於賭博，但其實入馬場都可以係有趣健康既活動！星期日的約會活動係入馬場，為左開心啲要準備既野就只係book 位，book位唔難，事先打去餐廳就得，佢仲會比翻個給你，入馬場嘅時候show比門口工作人員睇，就可以唔使比馬場入場費。講返食物，呢間餐廳係以半自助餐形式進行。冷盤同甜品等等都係自助形式，主菜就有幾款比客人揀。冷盤方面好豐富，有螺青口刺身等等，但係我覺得冷盤就唔係咁出色，例如青口有啲咸，螺就有啲ung，刺身都算新鮮嘅但係選擇唔多。而甜品方面呢就冇得彈啊，選擇又多又款款都咁好食，我哋每款攞咗一件，可以一邊睇賽馬一邊食，佢哋嘅疏乎里仲係即整嫁，加分！最後用餐環境方面，好牛仔既感覺，成個感覺好舒服好適合一班人吹水傾計，但係地方好大兩個人談談情嘅地方都有唔會話比其他人嘈住，行出少少就有個無敵大露台，可以每一場賽事開始嘅時候先至行出去，係高處見證沖刺一刻，非常之貼心。