ChrisNg5320's Profile

以前有幫襯過將軍澳店，印象中係幾好食，最近重開在旺角所以去支持吓。 點知中大伏，糖水居然可以差成咁。 一坐低聞到陣好刺鼻裝修味，已經唔開胃，做食肆好心你就吹散下先好做生意。叫咗熱杏仁合桃露，完全集合所有可以鬧嘅元素。質地好稀好水，唔係中式甜品磨出嚟果種糊狀。無任何合桃味我唔知佢合桃露咗去邊。杏仁果部份好多粉黐喉嚨 ，如果用杏仁磨碎做就係隔渣隔得唔夠細。但我直頭唔覺得佢唔係用杏仁自己造，食落似好少杏仁霜溝好多水再加白砂糖就拎出嚟比我。唔建議其他人去！…Read More

由於腸胃炎要食清d 所以㨂左食粥叫左肉丸鯇魚腩粥鯇魚煮的時間剛好鯇魚幾滑但係豬肉丸 就出事 落左好多味精 即刻要問阿姐拎水飲點知個粥底仲衰，又係落左大量味精搞到非常咁難食咁樣質素收五十幾蚊真係離哂譜…Read More

下午去ssp試下呢間無乜人彈的黑岩拉麵唔駛等位，得兩個客食緊我自己一個所以坐bar枱望下佢煮麵Bar枱好高,坐得唔算舒適叫左黑蒜拉麵 ,㨂厚叉燒 ,麵就普通硬78 蚊唔覺得好平 ,屬於正常價 ,所以我對佢都用返一風堂果d出名店的要求碗麵煮好 ,係要我接 ,而唔係擺我面前咁樣幾危險,亦都感覺唔好無紫菜無蛋 只有一片叉燒同葱有木耳絲撈埋首先試一口湯 ,好咸好重味精嘅感覺個碗唔夠熱,湯底太差 飲多啖都唔想跟住試麵, 麵偏幼但硬身 ,唔似舖頭賣的質素水準一般最後叉燒 就幾好 夠厚夠肥夠林 食完飲兩杯水出門口都仲覺得條脷有味精好口渴的感覺唔駛再幫襯第二次了…Read More

從未食過當歸鵝價錢唔貴就係去試下叫左碟鵝脾飯免切唔係新鮮出爐所以唔夠熱皮唔脆不過味道仲係幾好鵝油好香但食左好幾啖都食唔出當歸味淨係飯上淋左汁 有藥材有當歸味撈飯唔錯送左碗味精例湯唔比好過 影響食品質素杯茶幾香 阿姐好醒目keep住添食完咁油的鵝飲啖熱茶非常滿足…Read More

無乜人唔駛等位的下午茶質素非常普通去油尖旺是但搵間麵舖都好食過佢唔知點解可以賣咁貴叫左碟豬手淨食夠林但味道咸到苦，食一舊已想放棄牛筋夠林,麵底都合格,煮的時間適中湯底好重鹼水味總括黎講已經下午茶價都仲覺得唔值呢個價錢可以唔駛再幫襯…Read More

以星期六中午又新開張黎講 ，排9個字係可接受。叫左雙層鰻魚飯,鰻魚飯三食,豆腐，玉子鰻魚。飯底幾好，一粒粒無太硬太爛，米都係日本靚米。鰻魚夠肥，真係用炭燒，所以幾好食。玉子鰻魚蛋味太重，蓋過哂鰻魚味，問侍應拎左一碟仔鰻魚汁點少少黎食，味道就平衡返。總括黎講，可以再幫襯。…Read More

阿姐唔係好醒目,個set 無穴子換成兩件三文魚 , 我重複問左兩次唔食三文魚可以換乜佢都聽唔明 。好彩坐bar 枱直接問整果個, 原來無得換其他野,咁唯有散叫。散叫就乜都試少少, 赤身魚白身魚貝類同軍艦同熟食都叫啲。wasabi 又係用粉溝出黎果款 , 唔食都罷白身魚真係好唔掂 有筋 又腥白魚仔軍艦唔清鮮 啲魚仔開始溶咁吞拿魚試咗赤身同魚腩，魚腩唔夠肥，食落同平果件差唔多。貝類幾好味，食得出新鮮同甜味蒸蛋都夠滑 ，入面無乜料 只得一隻細蝦 一粒菇一粒元貝，不過三樣都唔好食，淨食個蛋算喇。飯質素好好 ，份量適中無散開，醋飯重手咗少少酸過頭。佢件件魚都切得特別長，係舖頭風格，但我並唔欣賞。魚同飯比例唔協調。新開張所以環境乾淨正齊, 但出品得呢個質量真係好失望。再要幫襯可能只食貝類。…Read More