阿姐唔係好醒目,個set 無穴子換成兩件三文魚 , 我重複問左兩次唔食三文魚可以換乜佢都聽唔明 。好彩坐bar 枱直接問整果個, 原來無得換其他野,咁唯有散叫。散叫就乜都試少少, 赤身魚白身魚貝類同軍艦同熟食都叫啲。wasabi 又係用粉溝出黎果款 , 唔食都罷白身魚真係好唔掂 有筋 又腥白魚仔軍艦唔清鮮 啲魚仔開始溶咁吞拿魚試咗赤身同魚腩，魚腩唔夠肥，食落同平果件差唔多。
貝類幾好味，食得出新鮮同甜味蒸蛋都夠滑 ，入面無乜料 只得一隻細蝦 一粒菇一粒元貝，不過三樣都唔好食，淨食個蛋算喇。飯質素好好 ，份量適中無散開，醋飯重手咗少少酸過頭。佢件件魚都切得特別長，係舖頭風格，但我並唔欣賞。魚同飯比例唔協調。
新開張所以環境乾淨正齊, 但出品得呢個質量真係好失望。再要幫襯可能只食貝類。
