Milolo911's Profile

鱷魚恤呢度真係好多酒樓，但係呢一間，基本上每次都係我首選嘅酒樓，因為佢嘅水準一路都可以保持到之餘，選擇夠多，價錢亦都唔算貴，所以確實係唔錯嘅今日帶埋個同事過嚟飲下午茶，就算下午茶，除咗下午茶嘅優惠，當然都有平時正常嘅餐牌，選擇都真係幾多，放滿晒成張枱都係餐牌真係有圖有真相，就算下午茶時段，仍然都係咁多人，都要等位先可以入座，所以可想而知佢嘅入座率都真係幾高。枱與枱之間嘅空位都算多，所以都唔會太迫夾睇吓我哋食咩先！第一個嚟有呢個蛋散，蛋散基本上已經唔多地方有得食，仲要份量咁多，成個賣相咁吸引，色澤非常鮮明，呢度確實有驚喜，而且做得好出色，口感非常鬆化，蜜糖食起嚟甜甜的，做第一道菜色，非常開胃之後有呢三樣嘢，最高嘅有豉椒蒸排骨，味道唔錯，正正常常，右邊有蒸黃金糕，呢個又係好少地方，唔係新年嘅時分，都有得食，真係好鬼正！而左邊就係呢度嘅招牌之一，就係叉燒！唔係講笑，果然係招牌，大家見到佢嘅叉燒，雖然份量唔算太多，兩至三個人食，都OK，而佢呢度嘅叉燒就做得非常之靚，有燶邊之餘，都算係厚切，食落口，一啲都唔韌，有大量肉汁流出，確實唔錯呢個你以為係乾炒牛河，不過其實都係佢朋友，係乾炒豬豚肉，啱晒唔食牛嘅朋友，佢同乾炒牛河一樣吵得非常之好，舊乾身之餘，又唔會太油，入面有豬豚肉，亦都有排骨，所以食起嚟，都幾滿足。重點係，非常有鑊氣！呢個係而家酒樓做緊嘅推廣， $30 一隻嘅蟹粉小籠包，由於我同朋友都鍾意食小籠包，同時價錢又唔算貴，即管試吓佢咩料先！蟹嘅味道係有嘅，因為小籠包夠晒大粒，所以食起嚟，口感非常飽滿，入面有蟹粉及豬肉等等，一咬開，啲肉汁就即刻流出，如果鍾意食小籠包，又鍾意蟹味嘅朋友，真係要叫黎試下最後就嚟到今日嘅重頭戲，因為我同朋友都好鍾意食蝦，真係想試吓呢度其中一個非常著名嘅招牌菜，佢就係 名門帝皇蝦球！價值$158，一共有八粒超大蝦球，上面佔有沙律醬給蝦子，感覺其實有少少似飲宴時候食嘅嗰度菜式酒樓利用大大隻嘅匙羹裝住粒大蝦球，除咗夠晒特別之餘，亦都方便食用，咬開之後第一下嘅口感就係，外層香脆，入面仲有肉汁流出，加上外層嘅醬汁，口感非常飽滿，絕對係一道好高分嘅菜式！最後，觀塘呢間分店，甚至乎有外面嘅座位供應，不過都可能係用嚟擺婚宴用嘅，但係環境確實都算係開陽，有天然光進入，飲起茶黎，望一望出去，都唔錯㗎！…Read More

近期經過新城市呢一層嘅呢個鋪位附近，都見到有好多人企喺度等位，再望一望佢嘅裝修，好似真係幾靚幾特別，而幫襯嘅，主要都係女性為主，唔使講，即係又係打卡啦，今日我就同個朋友一齊嚟打個卡！安排入座之後，都真係俾佢個裝修吸引住，因為非常特別，再聽埋佢播住嘅英文歌，就知道呢間餐廳嘅主題係行八九十年代嘅外國風，如果以近年來講，呢一類嘅餐廳真係非常罕見，所以都難怪大家都想來打個卡，試吓箇中感覺睇睇餐牌，呢度都有供應All Day Breakfast類型， cafe類既食物，當然仲有意粉，漢堡，小食等等嘅食物，大部份都有圖片提供輔助，望落都幾吸引㗎事不宜遲，即刻俾大家睇吓我哋今晚揀咗啲乜嘢食！左邊呢個係非常吸引嘅 Cajun Prawn Aioli Chips，本身睇Menu都已經覺得佢好吸引，薯條上面有幾隻大蝦，配上類似龍蝦將嘅醬料，每條薯條都炸到香脆，係一款唔錯嘅小食右邊嗰壺茶我朋友揀嘅 Double mint & Fennel，即係薄荷同埋茴香，飲起嚟非常舒服，飲晒仲可以叫職員再加熱水，繼續飲，雖然啲味淡咗，但係飲落真係好舒服呢個茶所用嘅係茶包茶，但同時呢個茶壺都有茶㗎，所以唔會飲到茶葉，飲得非常方便上面嘅哈經過煎炸，加上醬汁，變得更加香口，就算啲汁沾到啲薯條，薯條都唔會變得好林，反而更加好味同樣都係小食，我哋叫咗呢個 Wild wings，因為我哋太鍾意雞翼啦，所以逢親有雞翼嘅小食，基本上都會叫，試吓佢好唔好味，呢個雞翼相對比較平凡，雞翼本身冇乜味道，但係就係藉住旁邊嘅兩個醬汁，令到佢變得更加好味，呢個可以講係美國風嘅雞翼，食起嚟都幾清新嘅主角終於出場，呢個可以講係都幾抱住風險嘅選擇，呢個係 Sea Urchin & Scallop Linguine，佢主要嘅味道當然係忌廉汁同埋海膽，直接啲講，如果海膽唔新鮮，基本上就完全影響晒成個意粉！不過都好彩，佢海膽嘅味道唔錯，唔會覺得有異味，當然唔係極度新鮮嗰種，但係感覺都唔差，而帶子就煎得非常香口，出嚟嘅賣相唔錯之餘，都仲係大大粒，所以值得加分，整體係一個唔錯嘅意粉另一個主角都嚟埋啦，淨係睇個樣，係咪都已經非常吸引呢，佢就係 Iron Grilled Flank Steak ! 我哋叫咗七成熟，餐廳做到我哋嘅要求，而每塊牛扒上面都有少量香草醬汁，如果覺得唔夠味，可以再點埋旁邊嘅燒汁，味道更佳食落口，就算七成熟，都唔會覺得好韌，食起嚟都幾舒服，而同行嘅朋友對牛肉其實有一定嘅要求，但係佢都覺得好好食，所以絕對過關了最後最後，我哋覺得嚟到呢啲地方，冇理由唔食個甜品嘅，所以我哋就叫咗個 Apple Crumble Fresh Toast，如果以美國風嘅菜式嚟講，呢款甜品就非常有代表性啦，因為類似蘋果批嘅呢一啲甜品，都係美國，或者外國非常著名嘅，所以大家都見到，佢呢個都做得非常出色成個 Crumble 做得好鬆軟，外脆內院嘅感覺，佢帶到俾你，入面有非常強勁嘅蛋香味，配合埋出面嘅蘋果將個蘋果粒，確實非常好食。同時，旁邊亦有雲呢拿雪糕，所以冰火交融，冷熱夾埋一齊食，真係唔錯！俾大家睇吓佢嘅門面，你話我知，咁嘅髒話，又點會唔會吸引到女仔呢，所以大家經過，如果又有位嘅，確實值得一試㗎…Read More

由於太想去旅行嘅關係，今日我哋決定食台灣火鍋！暫時解決一下，想去台灣之情！今日去咗東港城做嘢，見到應該係新開左呢間台式火鍋店，所以同朋友來試試佢其實喺門口都睇到個餐牌，見到佢每個套餐選擇嘅嘢食都幾多，亦都一共有八款湯底俾你選擇，整體感覺都唔錯，價錢又唔算貴，所以就想試試佢安排咗入座之後，我就梗係行一行個場，睇吓有咩特別，同埋夾啲配料返去個位度啦！大家眼前見到嘅係自助任食嘅配料區，都真係幾多選擇，講緊起碼有20款配料可以自由領取，包括大量蔬菜及丸子等等，同時佢呢啲區域嘅衛生情況都做得好好，感覺非常乾淨，值得加分行過少少，就有呢個台灣地道特色小食區，大家見到呢啲熟食都放得唔錯，有熱燈熱住，當中包括煎餃及鹽酥雞等等，右邊更加有台灣經常見到嘅台灣腸及滷味提供添！淨係睇呢個位，感覺就好似去咗台灣咁啦再行過隔離，就有呢個醬汁區，同樣地都有幾多選擇，而且一樣，佢呢啲位置嘅衛生都做得好好，唔會覺得有好凌亂的感覺，而且醬料供應嘅份量都幾多，唔會令你覺得好似好污糟，或者好稀少咁飲品方面，全部都係無酒精飲品，有支裝有樽裝，亦都有汽水，唔甜嘅就有茶，雖然選擇唔算好多，但係一定有一款啱，所以都OK喺自助任食配料區，我哋就拎咗呢一啲食物返嚟，選擇都真係幾多，而且全部感覺都乾淨新鮮，雖然只係一啲普通嘅食物，可能平時屋企打邊爐都會買來食，但係可能就係食開呢啲嘢，所以呢度有得選擇，都會拎少少嚟食除咗打邊爐嘅配料，頭先講過，一啲熟悉，都非常吸引，有台灣小食，甚至乎連甜品都有，大家見到嘅，分別有台式煎餃，炸芋圓波波，皮蛋豆腐冷盤，台灣香腸等等不過我認為最出色嘅，就係鹽酥雞！確實非常有驚喜，炸到外脆內軟，入面仲有肉汁！完全可以媲美出面幾十蚊一袋嘅鹽酥雞，甚至乎係有台灣嘅味道，確實非常出色！湯底嚟到啦，我哋揀咗個比較溫和啲，但係又好吸引嘅美白凝膚牛乳鍋！就算男人都要美白，所以我哋揀咗佢，哈哈如果以唔辣嘅湯底來講，呢個湯底真係食得好舒服，佢比起清湯更加有味道，少少牛奶味，帶有少少杞子及金針菇作配料，基本上食乜嘢食材都配合牛肉豬肉方面，絕對唔會擔心，因為呢個餐，有一定嘅質素，例如，最吸引，甚至乎連隻碟都比較特別嘅，位於中間位置嘅牛肉就係澳洲黑毛牛肩胛肉，即係呢個餐嘅主打牛肉之一，大家可以見到佢脂肪同肉既比例非常平均，雪花分布非常靚，就算其他款嘅牛肉豬肉，望到都係非常新鮮的呢排就係澳洲黑毛牛肩胛肉！大家見到就算整熟咗之後，仍然非常大塊，見到肉質同脂肪比例非常好，兩者都唔會過多，而且煮完之後，仍然仲有咁嘅大細，確實非常出色，食落，牛味亦都非常出眾，而且一啲都唔韌，非常好意想不到嘅係，海蝦同埋海斑片呢啲都係任食嘅，但係海蝦真係出奇地新鮮，整熟之後，完全食到蝦既鮮味，蝦肉爽口彈牙，配合埋我哋揀呢個牛乳湯底，味道真係非常好，非常有驚喜最後要俾埋大家睇既係其他同樣都係任食嘅配料，例如炸魚皮，魚皮餃，響鈴及鴨血等等，除咗選擇多啲之外，所有食材都幾新鮮，確實值得一讚…Read More

海港城成日都嚟，不過實在唔多機會喺度食中菜，因為確實有太多嘅選擇，不過今日有個朋友推介之下，就嚟呢度食lunch，佢話係一間高質嘅種中日式餐廳菜館，仲有海景睇添，咁真係好似幾吸引喎！你間餐廳位於LCX附近，門面非常寬闊，基本上一睇就睇得出係呢間餐廳啦，事不宜遲，我哋即刻入去睇睇唔係講笑，真係有海景！我哋今日兩個人嚟食，咁啱張枱就喺窗邊，淨係呢個景，基本上都值回票價了，仲要咁啱今日嘅天氣都唔錯，真係心情都好啲即刻分享一下，我哋今日做咗啲乜嘢嘢食！第一樣先嚟嘅，有呢個頭盤 鏗魚花醉鮑魚！係咪望落就知已經唔簡單呢，呢個絕對係中日fusion菜既感覺，鮑魚上面放滿晒鏗魚花，下面成個碟都浸滿經過調教嘅紹興酒 ，淨係聞落都已經非常香鮑魚用隻有設計嘅匙羹放住， 除咗方便你食之餘，仲可以一啖就食晒成隻鮑魚，連埋好香濃嘅紹興酒一齊食，鮑魚爽口彈牙，一啲都唔痴牙，非常吸引滿足之後再嚟嘅，有呢度其中一款招牌菜，佢就係 蔘蜜焦香叉燒！我同朋友都非常鍾意食叉燒，所以一上枱，就已經俾佢深深咁吸引住，叉燒燒到有少少燶邊，食落口一啲都唔韌，口感好好，而且燒香過嘅蜜糖味道，都非常香口，鍾意食叉燒嘅朋友，不妨一試呢個時候幫啲嘢食影吓大合照先，左上角一大煲嘅就係瓦煲啫啫唐生菜，瓦煲啫啫真係唔講得少，完全將成個菜嘅味道同埋口感昇華，變得非常惹味，令到你唔鍾意食菜嘅朋友，都可能會食多兩條，最主要係惹味到不得了，上枱嗰陣嘅味道同埋聲音，甚至乎你隔籬枱都會望住你添無花果蜜絲咕嚕豚肉，呢個就真係夠晒吸引啦，鍾意食類似咕嚕肉嘅朋友一定要叫！因為呢個味道調校非常好，配合無花果既鮮甜味，令到呢啲豚肉味道更加鮮甜，蜜絲呢個口感，令到成件事非常有張力，絕對係一個出色嘅小菜厚切原味蘿蔔糕，幾道菜式來講，呢個我覺得就比較平凡一啲，因為佢未到冇話好驚艷，雖然外層煎得非常香口，亦都確實非常好食，四條蘿蔔糕都非常之大大條，但係整體感覺又未去到真係好驚艷嘅感覺避風塘蝦餃！呢個就絕對要介紹俾大家啦，通常蝦餃都只係用蒸籠去蒸，真係比較少用其他嘅烹調方法去處理，但係呢個蝦餃就用咗避風塘去製作，你見到賣相都已經非常吸引香口，上面鋪滿晒避風塘嘅蒜粒辣椒粒等，望到都已經好吸引食落去就更加不得了，完全做到外脆內軟，咬入面，仍然仲有蝦餃肉汁流出，配合埋避風塘非常香口嘅配料，完全係冇得頂，絕對係另類體驗鮑魚燒賣皇！有蝦餃，又點可以唔食埋燒賣呢，我哋就揀咗佢呢度嘅鮑魚燒賣皇！真係有大大隻鮑魚係粒燒賣上面㗎！真係fancy到不得了口感都真係唔錯，鮑魚比較煙韌，下面嘅燒賣比較鬆軟，兩者造成強烈的對比，整體嘅口感都非常好，鮑魚味道融入燒賣當中，食起嚟一啲都唔乾，而且非常濕潤，就為今餐呢個介紹做一個結尾啦…Read More

太古城呢個咁高尚嘅地方，真係要有啲咁上下嘅餐廳先得嘅！本身去尖沙咀食過一次，原來最近佢喺呢度再開咗分店，所以就同朋友黎試吓佢嘅dinner了由於佢係日本餐廳，所以所有嘢當然都係日系，雖然莊秀並唔算好有設計或者非常入去，但係都坐得舒服嘅，特別係佢杯茶，都幾好飲餐牌都幾吸引，基本上都有圖片輔助燈校成本書仔咁樣，有埋日文喺上面，感覺搞到好似去咗日本咁等我介紹一下今晚我哋揀咗啲咩食物先，先有呢個刺身拼盤，佢一共有五款刺身，分別有三文魚，吞拿魚，甜蝦，油甘魚及帆立貝。整體來講，五款刺身都好新鮮，雖然唔算太大塊，或者非常厚切，但係如果想食下刺身做頭盤，都係一個好選擇之後有呢個小食，如果食日本菜， 例如居酒屋果d，我一定會叫呢個，佢係燒雞泡魚乾，佢係一道非常之好嘅小食之餘，如果三五知己傾偈，或者飲酒，呢一款絕對係一款最佳小食之一，做得唔錯，燒得好好食，唔算太乾身，又唔會太硬，味道非常香濃，非常惹味，慢慢食，真係好唔錯之後就有呢一大個 牛肉壽喜燒鍋，我個人都幾鍾意食壽喜燒，因為好似打邊爐咁，再d野滾熟，重點係有隻日本蛋比你沾點黎食！真係好鬼正佢呢個牛肉壽喜燒鍋都唔錯，分量正常，入面有冬菇，豆腐娃娃菜等配料，作為重點既牛肉，食起上嚟一啲都唔韌，雖然味道唔算好香濃，但係點咗蛋汁，完全將牛肉嘅口感提升，係咪望落都好吸引呢跟住就有一系列嘅燒物，成個構圖都非常吸引，我覺得呢度嘅燒物都做得幾好，左邊有燒牛脷，中間有大大條嘅原條汁燒九州槍魷魚，燒沖繩菠蘿及免治雞肉棒免治雞肉棒可以講係有日式串燒，就會有佢嘅出現，我自己非常喜歡呢一道菜，因為冇骨之餘，口感夠晒爽口，加上沾點埋日本可以生食用嘅雞蛋，佢哋嗰種配合嘅程度，真係難以形容呢個粟米都幾有驚喜，佢係蒜香粟米，唔係普通嘅就咁燒粟米，最主要係佢上面灑有蒜粉，亦有少少椰絲，所以食起嚟，比普通燒粟米更加香口，都幾特別另外我覺得同樣出色嘅有呢個牛舌串，大家見到佢係厚燒牛脷，出面燒得非常靚之餘，真係非常厚切，而且仍然有肉汁流出，食起嚟，非常爽口彈牙，而且唔韌，都做得唔錯最後我哋就叫埋呢一個幸福燒雞半隻，可能你會問，點解會喺呢度食好似鵪鶉咁嘅燒雞，其實有乜嘢特別？呢一個可以講係餐廳其中一個招牌菜，如果鍾意食燒雞嘅朋友，其實都值得一試可能你會覺得佢平平無奇，但係如果你將隻燒雞切開，你會發現大量肉汁流出，食起嚟，非常嫩滑，嗰種嫩滑嘅程度，普通嘅燒雞，一定唔會比到你之餘，可以講係外脆內軟，出面嘅皮，燒至金黃色，非常脆口，入面嘅肉質，真係非常滑！其實都幾有驚喜，而且食完之後，感覺都幾難忘…Read More

平時非常少去跑馬地食嘢，因為覺得唔係好方便，亦唔係住嗰度附近，但係今日經一個朋友極力推介之下，專登嚟咗呢間Cafe試一試，我本身知佢喺西環都有分店，其實都幾出名，但係朋友就揀咗跑馬地呢一間，佢話環境更加有feel，所以絕對值得一試當日我去嘅時候，係傍晚六點幾，餐廳基本上都坐滿人，就算炎炎夏日，大家見到呢間位於街角嘅Cafe餐廳，大家好舒服好Chill咁樣坐喺餐廳門口傾偈飲嘢進食，係咪都幾正呢餐廳入面嘅環境都幾舒適㗎，而且擁有非常有個性嘅設計，唔係普通嗰啲Cafe咁樣。大家睇吓呢張圓台仔，家產小枱燈，再睇埋呢一個classic cocktail selection menu，感覺到已經夠chill了喺呢個Menu當中，我就揀咗一杯好特別嘅Chocolate Martini！一陣再介紹俾大家呢個係嘢食嘅餐牌，大部份都有圖片輔助，而且都幾吸引，雖然佢係英文餐牌，但係食物名下面都有一啲細小嘅字去講吓嗰度菜係包含乜嘢飾物喺入邊事不宜遲即刻介紹吓我哋所揀咗嘅飲品先，左邊就係個杯Chocolate Martini，我係第一次飲呢杯野，感覺都幾特別，本身以為佢成杯都帶有朱古力味，但係原來佢最主要係杯麵佔有大量非常濃厚嘅朱古力粉，每當飲一啖，就舔一舔啲朱古力粉，先再飲入面嘅Martini，真係夠晒特別！Martini 嘅味道亦都調得非常香濃真係忍唔住要再影多張相，因為太有feel了，而右邊個杯就係 Hojicha Latte，唔好睇佢細細杯，但係焙茶嘅味道非常香濃，成杯都調得好好飲，咖啡，焙茶同奶嘅比例非常分明，呢兩杯飲品同埋成間Cafe都非常配合第一個食物有佢，佢個賣相正常，同平時普遍嘅差唔多，但係原來暗藏驚喜，呢一款食物為呢間餐廳加上好多嘅分數佢係 Avocado Egg Crostini，簡單啲，即係牛油果炒蛋法包，包係 Sourdough，食過嘅朋友就知道呢隻包，如果配上呢啲配料，非常好味，因為包比較硬，硬得來，又有少少外脆內軟，但有少少酸嘅味道，非常開胃，配上炒得非常香口嘅炒蛋，加上牛油果嘅口感，確實做得非常出色！第二個食物就有呢個 Duck Ragu，入面包括 Pacherri Pasta，Confit duck and red wine sauce。呢款意粉嘅口感非常出色，佢比起長通粉更加大條更加豐富，所以食起嚟，完全將所有醬汁都收藏喺條意粉入面，非常出色！另外，大量嘅鴨肉連同芝士碎，都混合左喺意粉當中，所以食起嚟，香口之餘，亦非常有口感，感覺一啲都唔油膩第三個有呢個肉丸，佢叫 HV Meatballs，係自家製嘅肉丸，其實一食就食得出，當中仲包括豬肉同牛肉在內，因為肉丸經過香煎，出面硬硬地嘅外層，有入去，竟然有肉汁流出，非常有驚喜同樣地圖食起嚟，唔會有種加工嘅味道，或者並非普通嘅肉丸，而係非常香口，肉質豐富，完全感受到自家製嘅肉丸，你完全會食得出呢粒肉丸嘅誠意！絕對係一個唔錯嘅小食最後，來得到呢個地方，冇理由唔叫個甜品啦，我哋就叫咗個 Basque Burnt Chesscake，呢個芝士蛋糕曾經喺2019年被譽為最受歡迎嘅甜品之一，見到呢度有，真係冇理由唔試吓啦！芝士蛋糕上面面頭比起平時用嘅芝士蛋糕，焗得更耐更大火，好似燒過一樣，所以食起嚟，會有少少焗出嚟嘅香味喺度，當中嘅芝士口感非常軟熟，味道非常龍口，食起嚟，真係非常滿足最後補多一張相俾大家，呢個就係由餐廳閣樓，影反落嚟餐廳嘅位置，其實真係好有feel，因為樓底非常高，呢個裝修亦都好有外國嘅風格格調，雖然舖頭細小，但係因為樓底極高嘅過去，加上整體嘅裝修，令到你感覺舒服之餘，亦都好有空間感，再涼少少，再嚟呢度打卡，飲杯嘢，食吓嘢，都真係好唔錯㗎！…Read More

我個人都幾鍾意食餃子，特別係煎餃子，因為夠晒香口，而且味道又唔錯，呢間餐廳我喺西環分店食過，性價比幾高，咁啱去開將軍澳，佢又有分店喺度，所以就帶個朋友去試吓呢間分店嘅座位數量唔算多，不過我見大部份人都係叫外賣為主，拎返屋企食，其實都幾正呢度主要當然係食餃子，但係仍然有其他前菜小食供應，價錢同其他分店差唔多，可以按照你個人嘅口味去選擇食物安排入座之後，望一望枱面，見到有一堆醬汁，放得都幾整齊，而且乾淨，有豉油，醋，辣椒油等等，都幾唔錯，轉頭一定要試試佢先來嘅係我哋嗌咗兩個冷盤，第一個係四川涼寬麵，第二個係辣皮蛋。Send俾大家睇吓呢個四川涼寬，都幾特別，味道有少少酸辣，但係整體味道唔算好強烈，涼寬粉係室溫嘅溫度，食落口，一啲都唔Heavy，所以都幾舒服開胃第二個前菜小食，我哋叫咗呢個辣皮蛋，呢個皮蛋同平時喺出邊食嘅，味道都係比較淡一啲，主要係食皮蛋嘅味道，下面嘅辣油豉油醬汁，唔會完全蓋過晒皮蛋嘅味道，皮蛋食落去非常有口感，都唔錯餃子方面，我哋今晚叫咗三款餃子，一款湯餃子，另外兩款煎餃子，加埋一齊，係咪成個畫面都好吸引呢喺介紹啲餃子之前，一定要推介大家用呢兩個醬汁，左邊係豉椒辣菜脯，右邊係四川辣椒油，兩個食落口都非常惹味，無論配湯餃子，定係煎餃子，都完全能夠提升餃子嘅味道，非常惹味呢個湯餃子我就叫咗龍鳳松茸湯餃子，因為感覺好似比較養生之餘，亦都配合餃子入面嘅配料，食落口比較溫和之餘，仲可以飲埋餐廳特意調製嘅湯底不過老實講，就算睇相，定係真係食，煎餃子一定係比較吸引，因為煎到金黃色，外脆內軟，非常惹味之餘，口感更加出色煎餃子我分別叫咗韭菜餃同埋豬肉芫荽餃，如果煎餃子來講，我覺得永遠最出色嘅，一定係韭菜餃，唔知點解，韭菜餃，煎到外脆內軟，經過香煎，韭菜嘅味道完全能夠揮發出嚟，完全係完美配合煎餃子呢樣嘅製作最後飲埋杯凍豆漿，呢度嘅豆漿唔係好甜，所以飲落去好舒服，配合埋呢一啲北方小食，完全係非常滿足…Read More

嚟到土瓜灣區，實在有太多嘢食，今日有朋友就帶我簡簡單單咁樣食個炸雞同Pizza，我覺得都幾正，簡簡單單得來，嘢食都唔錯，重點係唔貴，性價比都幾唔錯黎到餐廳門口，大大個招牌寫住Pizza Monster，而門面嘅設計同呢一區都幾融為一體，所以冇好強勁嘅違和感餐廳唔算大間，但係入座率都幾高，我7:15左右嚟到，都差唔多坐滿晒成個場，感覺呢間餐廳，都幾受年輕人嘅歡迎，而且餐廳嘅環境設計帶有少少工業風，相對地冇咁老土我哋今晚無叫啲乜嘢套餐，主要都係散叫，我同朋友都叫咗凍檸茶，味精正常，唔洗下下飲可樂！第一樣先嚟嘅有呢個檸檬糖雞翼，一共有四隻，佢同蜜糖雞翼有少少分別，因為檸檬味比較突出，蜜糖嘅味道相對比較少，但係甜甜地，作為一個小食或開胃菜，都幾唔錯主菜都嚟咗啦，我哋分別揀咗一個細pizza，同埋一個意粉，呢個係加州風情細批，細批一共有四件，加州風情嘅配料包括菠蘿，煙肉，火腿及芝士等等意粉我哋就簡簡單單，叫咗個肉醬意粉，味道都唔錯，蕃茄同肉醬嘅比例啱啱好，整體嘅味道唔錯，不過如果食到落下面，醬汁更加多就更加好啦口感方面，佢完全做到外脆內軟，薄餅皮做得非常香脆，時間控制非常好，而且呢個細批一共有四件，如果兩個人食，就真係啱啱好啦我佢哋嘅薄餅雖然唔算大件，不過都幾厚身，而且上面嘅配料都幾足，整體都唔會勁油膩，所以薄餅再配埋其他嘢食，基本上都一定飽肚最後我哋仲叫咗每人一件炸雞，炸雞同樣地都係外脆內軟，咬落去，入面非常Juicy，口感極度香脆，上面矖有少少香草，真係邪惡到極點！整體來講，如果想喺土瓜灣區，食啲熱氣，而且邪惡啲嘅嘢，呢間餐廳，簡簡單單，會係一個幾好嘅選擇，而且回頭率都幾高，其實值得一試…Read More

早幾個月因為疫情，完全冇食過好嘢，就算普通堂食，都完全冇機會，而家情況好轉返啲，就梗係食下好西啦！呢個商場我成日都去，但係就未食過呢間餐廳，因為淨係睇門面，都知道佢唔係野少，今晚就同一個朋友去試吓佢嘅晚餐啦！呢間日本餐廳嘅門面相當大，仲門口望入去餐廳內部，基本上都望唔到盡頭，門口位置擺放左一啲特色嘅清酒及擺設，成個感覺都好寬闊，感覺係好舒服的由於餐廳佔地非常大，所以唔講唔知，原來餐廳一共分開咗三個主要部份，第一係清酒Bar區，就係一入門口，大家而家見到嘅位置，另外仲有 Omakase 及 天婦羅鐵板燒區，真係不得了事不宜遲，即刻俾大家睇吓今晚我哋叫咗啲咩食啦，由於樣樣都想有啲，所以今晚就決定叫咗一個二人套餐，當中包括壽司，特色菜式，串燒 及 熟食等第一個先到嘅就係呢個前菜，佢係和風柚子水牛芝士沙律，本身可能你以為佢係一款平平無奇嘅沙律，但係我覺得佢成個調味都非常好食，除咗有羽衣甘藍呢啲特別嘅蔬菜喺度，佢成碟沙律都非常新鮮，而且水牛芝士口感非常特別，望落就好似一粒鵪鶉蛋咁，食起上嚟，有淡淡芝士嘅味道，但一啲都唔膩！夠曬特別同開胃餐廳係按着套餐嘅次序去上菜嘅，第二樣就有呢個三文魚子鮑魚天使麵，本身又係覺得，點解咁搞笑，會有pasta呢啲嘢食，但係原來餐廳都有好幾款日式嘅Fusion意粉供應，夠曬特別由於我個人非常喜歡三文魚子，佢呢度嘅三文魚子非常鮮甜，完全為呢個天使麵做咗強大既點綴，鮑魚切片呈現，爽口彈牙，而天使麵嘅口感亦非常出色，醬汁屬於忌廉汁，調校得非常適中，承諾都好舒服，成個麵既份量會令你感覺到滿足，但又唔會太飽，覺得唔錯一睇就知呢個係壽司五貫，一共分別有五款壽司，有赤身，左口裙邊，甘海老，真鯛及深海池魚呢一道壽司就係由 Omakase 區既師傅製作，淨係睇賣相都已經夠晒吸引，而且唔係三文魚嗰啲普通嘢，我自己個人就最鍾意 左口裙邊 同埋 甘海老，非常新鮮之餘，特別係 甘海老，口感非常濃厚豐富有張力，完全唔係一般普通嘅平價甜蝦款式，同時壽司嘅飯底都做得好好，整得都好好食之後有 清酒煮蜆，可能呢度有清酒賣，而且對清楚嘅要求都有一定嘅水平，所以呢個清酒煮蜆嘅味道非常香濃，就知道所投放嘅清酒並非極普通平價嘅類別，蜆都算係大隻，並無空殼，而且全部都已經吐沙，所以食起嚟，非常舒服冇雜質，會令你有驚喜如果你飲清酒，當然都會建議你食埋串燒，因為呢個可以講係絕配，呢度有三款串燒，左面嘅係炭燒免治雞肉棒，中間係炭燒紫蘇牛油蝦，右邊係炭燒冬菇我個人認為最出色，一定要叫嘅，就係呢個炭燒免治雞肉棒，同時都係月見模式，即係有日本蛋俾你沾點，日本蛋非常鮮甜，雞肉棒亦燒得外脆內軟，同埋由於餐廳確實真係用炭去燒，所以口感同味道都更加出色喺甜品之前，就有呢個美國肉眼稻庭烏冬，其實食到嚟呢度，基本上都已經開始飽，再加埋呢碗烏冬，已經非常滿足其實佢最特別之處，除咗佢用咗美國肉眼，識落牛肉嘅味道香濃，一啲都唔韌，口感好好；同事會用上稻庭烏冬，基本上係烏冬加入味道最好食嘅烏冬，同樣地，都係口感好好，本身嘅清湯， 混合埋牛肉汁喺度，所以，整體嘅味道都好清新，唔會令你拒之門外最後最後，當然唔少得甜品，佢嘅甜品就係每人一個雪糕球，呢個雪糕球嘅味道係提子冧酒，唔似得平時普通朱古力或者雲呢拿嗰啲普通味道，令今餐咁特別嘅一餐，畫上一個完美嘅句號左邊晚市套餐A，就係我哋叫嘅套餐啦，如果兩個人嚟食，如果唔係非常大食，基本上都一定足夠如果想食好啲，或者再食多啲，就可以選擇右邊嘅套餐B，我覺得佢啲內容都非常吸引總括而言，由於荃灣區有咁高質嘅日式餐廳，絕對非常罕見，同時滿足晒你想食壽司，串燒，鐵板燒嘅願望，再加埋真正嘅環境及服務都非常高水準，所以如果去開荃灣區，又想食高質素嘅日式餐廳，真係絕對值得一試！…Read More

位於荃灣寶石大樓嘅呢一間上海餐廳，佢唔算係一個大集團，但係就有好幾間分店，食過其他分店，我覺得佢都幾有水準，但係原來呢一間分店，我可以講係食過最好食嘅呢間餐廳嘅門面都幾清晰，而且面積都幾大間，所以應該都坐得幾舒服，環境唔會迫夾，而餐廳嘅位置都唔算偏僻，都算係位於荃灣嘅市中心附近，所以都易去嘅餐廳嘅Menu其實都幾多選擇，當然係全部都屬於上海菜啦，蒸炒煎炸，都角色俱全，大部份嘅菜式都有圖片輔助，大家仲可以發現，佢嘅價錢非常大眾化，絕對會令你有驚喜事不宜遲，首先先介紹今晚我哋所叫嘅菜式，呢度有兩款，分別係上海排骨菜飯，以及蟹黃蟹粉豆腐鍋排骨菜飯嘅份量都幾多，一大碟菜飯，加上炸得非常香脆嘅上海排骨，本身都已經好吸引呢個蟹黃蟹粉豆腐鍋非常吸引，雖然佢嘅味道唔算好濃烈，但係就食到非常清新嘅蟹味，大量嘅豆腐，非常白滑，將所有味道同埋口感融於一體，撈埋飯一齊食，絕對冇得頂！由於有多款小食都想叫，所以我哋就叫咗呢個自選小食拼盤，一共叫咗五款，大家可以見到，中間嘅係雞絲粉皮，另外有糖醋骨，醉豬手等等我個人對於糖醋骨就較為喜歡，因為味道比較香濃，而且唔係度度都整得好食，但係整體來講，呢度嘅小食都做得好出色，所以大家一定要試！ 叫到成枱都係嘢，係咪好吸引呢，淨係望到，都垂涎三尺啦！真係非常吸引，大家仲可以見到我叫咗炸饅頭，同埋上海小籠包！小籠包可以講係必食，絕對係上海菜嘅代表者之一，喺呢度一籠有四粒小籠包，每一粒都差唔多大細，完全睇都係人手製造，四粒都係脹卜卜的咬開之後，你完全感受到咩叫皮薄餡靚，外層嘅皮唔算厚，但係入面就用上新鮮嘅豬肉，食落好舒服，而且大量嘅醬汁都係入面，一咬開，就已經流晒出嚟，要小心熱啊！我本身唔係太鍾意炸饅頭，因為怕佢好油，但係呢度就剛剛相反，除咗唔油之餘，炸得非常鬆脆，完全係外脆內軟，再點埋煉奶一齊食，口感好唔錯，如果鍾意食嘅朋友，一定要叫呢個！最後最後，一個咁完美嘅晚餐，點可以冇甜品㗎，我哋就揀咗著名嘅高力豆沙，呢個亦都係上海菜中，我有代表性嘅一道甜品，因為非常教功夫，感覺就好似莎翁咁樣，外層甜甜地，咬落去，非常鬆軟，入面有紅豆做餡你以為佢好實，脹卜卜咁，點知一咬落去，非常鬆軟，呢一個就係高力豆沙嘅特別之處，就算小朋友，或者老人家都非常啱食，而且成件糕點，都係甜甜地，所以一定啱你口味㗎！…Read More

知道銅鑼灣開咗間新嘅泰國餐廳，好多朋友食過之後都話唔錯，今晚我都同一位朋友過嚟試下，地理位置都幾方便，就喺銅鑼灣廣場二期上面，同時，原來佢係Mini Friday，日本嘢同一個集團，所以食過嘅朋友可能都知道了搭lift上到嚟，一開門就會見到呢個位置，其實呢度一共有三間餐廳， Mini Friday，日本野，原來都係同屬一個集團，都好似幾好喎，一個集團，有三個唔同菜式嘅餐廳！事不宜遲，即刻介紹吓我今晚食咗啲乜嘢，第一個係有泰式生蝦，同埋柚子大蝦青木瓜沙律，兩碟菜式嘅賣相都好唔錯，分量大大碟，第一眼，都幾有驚喜生蝦都幾大隻，而且都幾厚肉，呢個係有驚喜嘅，因為出面好多生蝦都非常薄切，感覺一般，再連埋上面嘅蒜頭，辣椒及餐廳調配嘅醬汁，更加惹味呢個柚子青木瓜大蝦沙律就更加有驚喜，你以為佢平平無奇，點知佢嘅味道調教得非常出色，唔算太辣，但係大量柚子夾雜喺青木瓜入面，非常有口感之餘，味道真係一流，甜甜地，辣辣地，真係非常開胃呢一個唔算係一道菜色，係我哋額外加嘅印度薄餅，佢另外附送咖喱汁，你可以當佢係一個小食，亦都可以係襯托我哋嚟緊介紹嘅一道菜色，就係咖喱軟殼蟹，因為咖喱軟殼蟹，大量咖喱汁，沾點呢啲印度薄餅食，確實非常好味呢個咖喱軟殼蟹就不得了啦，分量非常大份，雖然佢賣相冇乜特別，基本上，軟殼蟹都俾佢遮住晒，但係大量咖喱汁，連佢嘅香味，都非常吸引大家可以見到，將軟殼蟹夾起黎，非常厚肉，而且大大件，就咁食又得，或者夾埋頭先嘅印度薄餅一齊食又得，如果有叫飯嘅朋友，直頭可以將佢撈飯添，鍾意食軟殼蟹嘅朋友，絕對值得一試軟殼蟹肉質豐富，食起嚟，口感外脆內軟，連埋成碟嘅配菜，例如泰國嘅四季豆，西椒等等嘅配料，食起嚟就更加有口感，雖然隻手會污糟啲，但係成件事真係非常吸引㗎！最後，我就揀咗佢做最後嘅甜品，佢係非常有代表性嘅椰汁糕，基本上，佢係著名泰菜嘅甜品之一，由於佢冇芒果糯米飯咁飽，所以我就揀咗佢，一份有六件，其實都唔少，不過食起嚟，相對舒服，所以都OK呢度嘅椰汁糕都幾正宗，因為佢入面包含粟米，唔係度度都有呢個粟米㗎，我認為有粟米先至係正宗，當中仲包括西米，所以食起嚟，非常有口感，帶有咬口，相對比較出色，完全為今餐畫上完美句號…Read More

一鍋堂真係出名難book位，難道可以稱得上搶演唱會飛咁樣，佢連訂位都有自己一個應用程式去做，真係不得了。今日我同朋友就有機會可以喺荃灣食到佢，即刻享受呢一餐咁正既 Dinner hot pot先！喺門口見到有呢個宣傳牌，見到佢係一鍋堂聯盛金寶湯去打造呢兩款湯底，分別係忌廉周打蜆湯及蕃茄羅勒湯，都未試過用金寶湯來做火鍋湯底，絕對值得一試！要我所知，本身呢間一鍋堂並唔係喺呢個樓層，都係之前搬咗上嚟，全新裝修，全新環境，感覺都幾好，因為都加入咗好多新潮元素，例如呢一啲霓虹燈，用嚟打卡，甚至乎整體來講，環境都變得舒適，都幾唔錯原來叫呢個湯底，會有嘢送添㗎，我手上揸住紅色呢個，就係金寶湯送出嘅環保餐具一套，真係估唔到你打邊爐，有禮物收，而且叫呢個湯底，有嘢送！喺疫情之下，有呢個舉動，其實都唔錯介紹返呢間一鍋堂先，大家可以見到佢全新環境設計，乾淨得來又整齊，呢個係裝嘢飲嘅雪櫃，所有飲品都整齊排列：而且選擇都幾多，有甜有唔甜，而且仲有自家製造嘅茶飲，味道都幾唔錯添，真係可以飲多幾支叫我上叫我一起上火鍋配料自助區，都已經有好多食物選擇，除咗一啲基本嘅打邊爐配料，另外仲有眼前呢一個冷盤前菜小食區，大家可以見到有沙律，白雲鳳爪及泡菜等等嘅冷盤小食，選擇都幾多，都唔錯一路食住冷盤錢財小食，一路飲住嘢，就可以用餐廳指定嘅程式去落單叫主要嘅火鍋配料，其實都幾方便，清晰得來又夠環保，而且落單速度更快，都幾唔錯㗎呢個就係金寶湯既忌廉周打蜆湯，一啲都唔馬虎，入面真係有大量嘅蜆，成個湯底嘅味道都幾香濃，感覺都幾適合所有嘅火鍋配料係等緊水滾嘅時候，我偷偷地出咗去再睇吓有冇其他嘢食，原來除咗冷盤前菜小食，仲有熱食區！我個人覺得最有驚喜嘅，就係呢一個黃金炸魚皮！唔係講笑，佢係自助任取的，平均喺出面餐廳食一點，起碼$80啦，而且佢呢度仲要做得好高質，非常多嘅鹹蛋蓉喺入面，用嚟點湯食，真係一流，非常有驚喜呢度只係一小部份，攞咗少少嘢，就已經放滿晒成個枱面，呢度仲有提供出前一丁，所以話，呢度食物嘅選擇真係非常多，而且亦有好高嘅質素呢度就真係不得了啦，唔經唔覺，我哋用手機叫咗咁多嘢食，當中有牛肉，豬肉，少量海鮮，仲有大量其他火鍋配料，由於地方不足，所以唯有疊高佢咁樣放住先，場面都非常壯觀再一次要講，呢度除咗有質素，食物選擇嘅種類都非常多，攤開少少啲碟嚟睇，所有食材都非常新鮮，在而且好公整咁樣放，有啲需要特別處理得好嘅配料，呢度都有得選擇，例如有新鮮嘅豬潤，鵝腸，鮮蝦等等，甚至乎連花膠都有得你食！花膠都有得你食，女士基本上一定會選擇，雖然大家都知道，佢花膠嘅質素一定會好好，但係識落，都絕對唔錯，吸收晒火鍋湯底嘅精華，食起嚟有口感之餘，味道都好唔錯，絕對有驚喜整體來講，呢間一鍋堂非常出色，除咗食物選擇夠多，環境舒適，而且佢價錢亦都非常大眾化，難怪佢真係咁難book位，大家都試吓啦…Read More

今日lunch黎試新野！本身以為佢係 cafe，點知原來係食好似 川菜 既餐廳黎，有 lunch set，環境都好似坐得幾舒服，所以就入去試下了見到餐牌，佢係食中式野既，招牌係豉油雞，口水雞 同埋 貴妃雞！另外重有酸菜魚食添，真係都幾得意，lunch佢係便當形式黎，價錢都合理且可接受晏左黎，豉油雞已經賣曬，所以我地叫左其他，係下面就比大家睇睇！因為唔想飲甜野或者可樂，所以我同朋友分別叫左白桃烏龍茶及陳皮普洱茶，兩者都係茶葉茶包黎既，所以就算雪凍左，味道都係強烈，飲落幾舒服第一個要介紹既係去骨貴妃雞配䈮篛麵，其實佢份量都算多，䈮篛麵望落似炒麵，賣相都幾吸引，食落有d口感，少少煙韌，都幾正雞果然係出色，望落白滑，食落嫩滑，有花生同蔥花做點綴，同䈮篛麵好襯，絕對值得一試我同朋友都覺得呢個䈮篛麵好食，因為食落有口感，感覺都好似幾健康咁，真係值得一試既另外一個便當我地就叫左呢個 紅酒雜菜豬軟骨，豬軟骨既份量都算多，醬汁偏甜，伴有紅蘿蔔，食起黎都幾舒服，醬汁令個麵無咁乾身添整體黎講都幾好，因為夠特別，唔算常見，間唔中黎食都真係唔錯，不過如果想食豉油雞口水雞果d，就真係要早d黎啦，賣曬就無了！…Read More

估唔到你終於都進駐銅鑼灣，等你好耐啦， $10一隻蠔我嚟啦！不過要加插一下，呢間餐廳嘅地方喺銅鑼灣黃金廣場，真係每次嚟呢度，都諗起陳奕迅嗰首歌。。。黃金廣場內分手，在時代門外再聚。。。。每間分店都一樣，佢哋嘅餐牌，成張報紙咁樣㗎，夠晒有特色，有圖有文字，都方便大家睇，當然除咗生蠔，都仲有好多其他嘢食，例如飯，意粉，薄餅等等都有㗎唔係講笑，一開始梗係主角出場先啦， $10 一隻，我哋兩個人就叫咗一打12隻，平均每人六隻，呢個擺盤，雖然正正常常，並唔係啲乜嘢特別嘢，但係淨係咁樣打個卡都夠正啦！雖然只係$10一隻，但係質素一啲都唔算差，比起有啲買成$20,$30 一隻嘅，都重要好，當然，冇得同一啲著名，或者好有質素嘅生蠔相比，不過呢個價錢，仲可以要求啲乜嘢呢！作為頭盤，或者主食，呢12隻算係唔錯，雖然唔係太大隻，不過勝在夠新鮮，而且味道比較淡身，所以食起嚟都好易入口，又唔會太過強烈，配埋白酒，真係唔錯呢個係意大利肉丸，呢隻碟幾得意，其實佢純粹只係一隻碟，當然並唔係嗰啲鑄鐵pan黎，都幾有意思。一共有六粒肉丸，蕃茄醬汁，上面仲配有一啲西椒做配菜，呢一個作為前菜或者小食，都係唔錯，冇飯同意粉咁Heavy我哋叫咗另外一個小食，佢係炸魷魚圈，呢個小食唔使多介紹啦，如果飲酒，呢個係其中一個最佳嘅佐酒小食，因為夠晒香口，又夠咬口，我覺得好食過炸薯條添！不過主食都要嘅，我哋就叫咗一個芝士黑松露配大啡菇意大利飯，呢碟嘢都有擺盤㗎，大大隻嘅大啡菇擺喺最面，有少少香草做點綴，下面就係黑松露蘑菇芝士融為一體嘅意大利飯呢個飯夠晒香，意大利飯個質感就係，佢嘅飯係比較硬嘅，所以食起嚟，其實好有口感，鍾意食嘅朋友，真係好鍾意，如果唔鍾意偏硬身嘅，其實就唔會揀意大利飯，所以鍾意食嘅朋友，就可以揀下佢最後，我都係忍唔住，自己叫多咗六隻自隊！估唔到呢六隻仲更加好食，比頭先嗰12隻，更加肥美，仲大隻少少添，真係為我今餐畫上一個完美嘅句號！下次再嚟過！…Read More

因為朋友住大埔，所以耐唔耐，都會入嚟大美督食飯，今次就比兩個朋友帶咗嚟食呢一間餐廳，呢一間餐廳，真係好隱世，除咗佢間餐廳唔係喺大馬路出邊之外，其實完全係自家餐廳咁樣，我覺得直頭係西餐私房菜黎添！唔好講咁多，即刻同大家介紹吓我今晚食咗啲乜嘢，呢個係頭盤，如果以頭盤來講，絕對有驚喜，因為淨係個擺盤，都已經加分，雖然唔係啲乜嘢，但係就令人感覺好有誠意佢係巴馬火腿包哈密瓜，呢個作為頭盤，真係好唔錯，因為可以令口腔更加清新，同時食起上嚟感覺又唔膩，確實係一個幾好嘅設置之後再嚟第二個頭盤，就係煙三文魚，再配上巴馬火腿，除咗有擺盆，佢嘅味道都好好，食起上嚟，成個感覺，真係好正宗西餐嘅感覺及質素，同時配上法包給蔥油脆片，呢啲就可以配合埋餐湯一齊食呢個湯亦都係自家製嘅，佢係蕃茄甘荀濃湯，雖然佢個顏色偏向橙色，飲起上嚟，味道比較酸，但係因為完全有真材實料，完全冇添加其他配料去做，所以味道比較天然，整體口感比較強開始正式進入欺辱，呢一個係香煎鵝肝，完全冇估到今晚有鵝肝食，因為呢一個並非普通嘅食材，而且唔係所有地方都煮得好，除咗有擺盤，鵝肝嘅份量都幾大，大大件，而且香氣撲鼻，望到已經覺得好吸引鵝肝嘅時間控制得非常好，除咗入口即溶，可以講係外脆內軟，完全顯到廚師嘅功架，因為鵝肝確實唔容易做得好，控制時間非常考功夫，但係佢呢度就做得非常好，而且呢個鵝肝嘅質素好好，食完都仍然有餘香喺口腔入面，非常高質再嚟有呢個藜麥配香煎日本帆立貝，簡簡單單嘅一道餸，再一次掀起廚師嘅功架，大家都知道帆立貝嘅時間控制非常重要，要煮得好食，除咗食材新鮮，另外就係時間嘅控制，廚師又係將粒帆立貝做到外脆內軟，而且仍然可以保留當中嘅水份，食起上嚟好有質感，非常出色出面經過香煎，變得非常惹味，而且好有口感，入面帆立貝嘅肉質好實在，配合藜麥，煙煙韌韌，更加提升口感，而且感覺仲幾健康添！正式進入主菜部份，呢一條係香煎智利魚，一句講晒，在一次係一道外脆內軟嘅菜式，因為廚師將呢條魚嘅外層煎至金黃色及非常香脆，入面保留住水份，食起上嚟，非常 Juicy 一啲都唔乾身，食起上嚟，感覺佢只係用咗一啲簡單嘅調味料去做醃製，所以仍然能夠保持魚嘅鮮味再嚟為大家帶上香煎日本豬！非常有擺盤嘅佢，令到呢隻豬更加不平凡，旁邊嘅蘑菇汁做點綴，豬扒上面放上一啲配菜做裝飾，呢一件日本豬，食起上嚟非常有口感，食得出，廚師先將日本豬沾上蛋汁，其後再煎，令到件豬扒可以鎖住水份之餘，亦有蛋汁嘅香味雖然喺出面食西餐，相對比較少會將豬扒沾上蛋汁再去煎，但係正正咁樣，我個人覺得就好有自家屋企嘅感覺，其實都幾唔錯最後為大家帶上呢隻走地雞，雖然雞唔係好大隻，但係同時佢有擺盤之餘，佢嘅肉質鮮嫩，脂肪唔算太多，食起上嚟好香口，都係一到色香味俱全嘅菜式其實呢間餐廳絕對值得支持，因為同一般嘅大餐廳唔一樣，大家可以見到佢嘅感覺，絕對係家的感覺，就好似私房菜一樣，同時佢呢間餐廳其實都遠離繁囂，可以講係身處喺村屋住宅之中，既然佢開放比大家消費，俾大家體驗到佢嘅嘢食，大家都不妨支持一下，支持多啲呢啲自家小店！…Read More