乜乜乜's Profile

之前放假就去左接女朋友放工，之後發現左一間新開既泰國野就決定試一試佢。入到去裝潢幾好，夠光猛而且企理。座位之間既空間都好足夠，唔會太逼。最特別係佢個餐牌會教埋你泰文。野食我地就叫左一個椰汁雞湯，咖哩雞，半隻海南雞，軟殼蟹卷同西瓜冰。個湯飲落好滑好奶，夠哂濃味，而且好足料。咖哩雞就唔太辣且有陣陣既椰奶味，好好食。海南雞就最好食，好嫩滑，再配上醬汁簡直一流。最正就係西瓜冰，原個西瓜上，粒粒果肉就哂正。軟殼蟹卷即叫即製，熱辣辣夠脆口整體而言，依到環境好，夠光猛又乾淨企理。食物水準算好，而且份量好夠。侍應服務態度好好，有野唔明都有耐心解釋。…Read More

一到星期六放假就緊係要慰勞一下自己個肚啦，所以今個星期就同女朋友去左食放題lunch。我地就揀左係尖沙咀既極尚大喜屋，方便食完行街呀嘛😆極尚大喜屋既質素一直都保持得好好，刺身我地叫既甜蝦同帶子就最出色，鮮甜爽口係encore之選😋而今次我地去竟然有得食串燒鰻魚，簡直係喜出望外🤩鰻魚燒得岩岩好，入口嫩滑，再配埋醬汁，食4 5串都得呀😋其他既熟食都做得好好，水準有保證。蟹粥夠入味。炸牛奶外脆內軟，甜甜地，必叫之選。牛脷，牛肉鍋等既必叫熟食，佢地都做得唔錯。再加埋必叫既焗扇貝，真係一個豐富既中午😎整體而言，極尚大喜屋既水準一直都咁好，係放題既必然之選。再加上員工服務態度十分好，放題一定係揀佢😍…Read More

之前同屋企人慶祝父親節，爸爸鐘意食台灣野，於是我地就去左銅鑼灣既古早味。入到去環境唔錯，燈光幾好幾務柔和。前菜小食就叫左醉雞卷，手抓餅，滷水拼盤同涼拌黃瓜。味道唔錯，醉雞卷夠嫩滑而涼拌黃瓜同滷水拼盤夠哂入味。主食我地叫左 新竹炒米粉，古早味牛肉麵，豬軟骨滷肉飯，蒜蓉炒油麥菜，鹹菠蘿蒸魚，京葱爆牛肉。 滷肉飯d滷肉肥瘦分明而且豬軟骨做到好淋好有味。鹹菠蘿蒸魚夠新式，酸酸地鹹鹹地夠開胃。牛肉麵湯底夠濃，麵又有咬口😋新竹炒米粉炒得夠哂乾身，再加上d野菌雜菜就十分好味🤤最後仲叫左杯珍珠奶茶同三色芋圓。芋圓十分有咬口，而且味道足得黎唔會太甜。整體黎講，古早味食物味道唔錯，而且員工都會用心解答問題，值得再去😋👍🏻…Read More

今日去左接女朋友放工，於是就係大圍站附近搵下有咩好野食，行行下就見到有間bar有得食埋晚飯，一於就試下佢。一入到去環境幾好，d位夠闊而且有部大電影，正👍🏻頭盤我地就叫左個西班牙蕃茄包，蕃茄酸味岩岩好，十分開胃。小食我地就叫左蒜香一口牛，size岩岩好，而且肉味濃有咬口。意式香腸炒大蝦夠哂新意，但味道不錯，蝦夠爽口。主菜我地叫左西班牙燒法國春雞，半隻春雞份量岩岩好，而且個汁十分正😋酸酸甜甜配燒雞十分之夾。美式卡彊三文魚，煎得好靚，魚皮夠脆但肉質十分嫩滑，配上露荀同自家製既汁，酸酸地鹹鹹地，好好味😋再叫埋兩杯野飲，strawberry colada同Blush成個晚餐就perfect😋😌整體黎講，依間餐廳野食味道唔錯，而且店員好有耐心咁介紹食物，價錢相宜。係大圍黎講既高質餐廳，一定會再去…Read More

大件又抵食今日同女朋友行完觀塘就搵下有咩好野食啦，之後行行下就見到依家LM Cafe，原來係龍門冰室既高級版。點解咁講？因為座位同環境都好d，而且野食又正d👍🏻我同女朋友就分別叫左爵士西冷拼香草腸同all day breakfast，餐係跟野飲，湯同沙律。餐湯係羅宋湯，飲落個味幾濃有少少酸，岩哂用黎開胃😋西冷扒有兩大塊，食落肉質幾好，有d咬口但又唔會太韌，岩岩好😋👍🏻配上龍蝦汁，鮮味同肉味一齊黎😘再加上大大份薯菜，簡直就係男士天堂女朋友既all day breakfast都一樣咁大份。有茄汁豆，煙三文魚，烤大啡菇，薯餅，腸同炒蛋等等。炒蛋就滑，食落feel到有牛油味👍🏻大啡菇焗得岩岩好，夠哂juicy 😋🤤小食我地就叫左個蜜糖雞翼。即叫即整，一出都黎勁熱。味道岩岩好唔會太甜👍🏻最後我地仲叫左個waffle做甜品收尾。waffle都係即叫即做，再配埋雪糕一齊食，冷熱即感覺實在太正😍整體黎講，LM cafe雖然價錢係比出面既冰室貴，但環境好同坐得舒服，而味道唔錯，份量又足。有機會一定再黎🤩…Read More

上星期放假同女朋友食飯，咁岩行過間日本野，開左一排都冇機會試，今日就一於試下佢啦。一入到去環境唔錯喎，幾大又光猛，乾淨企理👍🏻食日本野就一定要叫刺身睇下新唔新鮮，叫左個三色刺身B試下佢。食落又唔錯喎，幾新鮮而且厚度岩岩好，唔太薄。之後就再叫左珍寶赤蝦海鮮丼。赤蝦同帶子夠哂大隻，而且食落鮮甜，加埋其他都好新鮮既魚生，冇得彈😋👍🏻另外，黑豚腩燒丼都好正，係用五花腩黎做而且肥瘦均勻仲同d汁好夾😋小食方面我地就叫左個東京電擊雞翼拼薯條。十分特別，因為係凍既雞翼😱😋口感十分特別，而且有蜜糖係面，肉質好煙韌。三文魚海鮮沙律脆脆卷就夠哂大舊，仲有d脆脆係面，雙重口感又足料👍🏻😍三文魚牛油果沙律就好足料，大大兜，抵食又健康。最後仲叫左仲芭菲做甜品收尾😋雲呢拿雪糕既牛奶味好濃好正，仲要丸子同蔴薯，一個都夠兩個人食。👍🏻整體黎講，依到既環境同食物水準都好好。一定會再黎😎…Read More

又到左星期四，就要叉足電迎接happy Friday，所以就同朋友去左食個放題慰勞下自己。我地就去左銅鑼灣既極尚大瀛喜試下😎。入到去一眼就見到有個自助吧可以自己拎野食，甜品同野飲。款式都唔少架，仲有d壽司可以拎tim。例牌一開波叫野食就一定有刺身。我地就叫左甜蝦，帶子，劍魚腩，三文魚。刺身味道整體唔錯😋夠鮮，而且帶子同甜蝦仲好鮮甜。我地仲叫左壽司同埋熟食。依到既壽司唔太大米，唔洗驚一食就飽左，但味道都一樣咁正👍🏻。最令我驚喜既就係依到既熟食有得叫鰻魚，大小適中，個日式醬汁都好正。再黎既沙爹雞串都唔錯，個沙爹汁做得好好，夠哂惹味😋而我最滿意既就係黑松露炒野菌同牛乳海鮮鍋。前者黑松露味好濃，岩哂鐘意食黑松露既我🤩而且仲有牛油去一齊炒，好惹味。後者食落個湯好滑，好重牛奶味而且海鮮都算多😋而其他既熟食水準都不錯，味道幾好👍🏻整體黎講，極尚大瀛喜既野食水準不錯👍🏻物有所值，而且員工既服務態度好好，值得再去😚…Read More

上個星期同朋友行完銅鑼灣，就係附近搵下有d咩好食又唔太貴既選擇。行到去南華會附近見到有間平平地食豬扒飯既就入去試下啦。一入到去地方唔太大，但贏左整潔同有個吧枱位，可以好似食鐵板燒咁睇住佢地整。叫野食個時我同個frd就叫左個招牌豬扒飯，豬軟骨飯+厚切午餐肉同滷水雞翼。先講下個招牌豬扒飯，塊豬扒大大塊唔講，炸完之後仲好嫩滑多汁，完全唔會老😋豬軟骨飯同樣多汁，而且豬軟骨都煮到好”林”好入味。另外加既厚切午餐肉真係好大塊，而且係炸既方式去整，食落別有一番特色😋滷水雞翼食落都好入味。整體黎講，依家間就非常值得再去，大件夾抵食唔講，員工服務態度都幾好。抵讚👍🏻抵食😋…Read More

之前自己一個去食飯，途經佐敦見到間西餐，出面聞到好香，見落又新淨就入去試下啦。入面裝修都好新，夠大，而且燈光柔和，好有feel☺️因為自己一個人食，就唔諗咁多叫左個ste dinner就算。我就叫左個龍蝦蟹肉意大利飯，餐跟湯，蒜蓉包同餐飲。餐湯係羅宋湯，個湯唔太酸，味道岩岩好👍🏻飲完好開胃😋而蒜蓉包都係烘完先拎出黎仲熱既😌龍蝦蟹肉意大利飯十分之濃味😋，食落去就覺得個汁好足料。個半隻龍蝦都好鮮甜。而最後叫左杯熱奶茶，味道不過不失。整體黎講，依到既環境同燈光都好好，好有feel，大家可以帶埋另一半黎食😂而且食物味道幾好，唔會話太貴。之後一定會再約埋朋友一齊黎食😚…Read More

今晚同個朋友想去食越南野，見到有間比較新既越南野就走左入去試。一入到去就一見望哂間鋪頭，不太大，但贏在裝修幾新同白色既主題顯得好光猛。由於我地食左個下午茶，所以就叫左兩樣野share食同兩杯野飲。我地叫左越式燒豬頸肉，招牌老闆娘炒米，咸檸梳打同滴滴咖啡。燒豬頸肉都幾大碟，而且好爽口。最正係佢地唔會燒得太老，所以仲好嫩滑多汁😋老闆娘炒米就夠鑊氣，用紅椒，青椒，黃椒，銀芽同洋蔥去一齊炒，十分之惹味。除此之外仲有豬頸肉同蛋係入面，而碟邊就有酸蘿蔔絲同青瓜伴碟，令人更加開胃😋👍🏻滴滴咖啡就係傳統既越南做法，係個壺仔滴落個杯到。而且服務員都好細心👏🏻，叫我地唔好掂到個壺仔，因為好熱。由於我地叫左杯凍既，所以要等滴完先再倒去有冰既杯到。而咖啡入面係有煉奶，所以甜甜地不太苦。而咸檸梳打就不過不失食到最後既時候，原來食晚餐係會送甜品😋👍🏻就係每人一杯布甸，有朱古力味同芒果味揀。食落去兩杯既味都好重，而且好滑好好食👍🏻整體黎講，依間餐廳d野食都做得唔錯，而且服務態度好好，裝修都幾新幾舒服👍🏻有機會我都會再黎食…Read More

係香港近年食日本野越來越貴，但經朋友推介之下，就去左黃埔既德美壽司食個lunch試下。入到去地方幾大又乾淨👍🏻。佢地既set lunch完全唔貴，50蚊至130蚊，平貴都有，而且set lunch menu既野唔洗加一👏🏻。今次我就叫左鰻魚定食、壽司定食配牛肉烏冬、帶子鵝肝卷、三文魚刺身同埋鯛魚刺身😋全部set lunch會跟埋味噌湯同沙律👍🏻先講下鰻魚定食，鰻魚都算大條，但勝在肥美，食落口感好好仲有少少魚既甘味😋。壽司定食配牛肉烏冬就不過不失，烏冬都算彈牙而且壽司大舊得黎連魚生都大塊，唔會淨係得舊飯大👍🏻。帶子鵝肝卷上面有脆脆既炸條，配合埋帶子同鵝肝既口感，十分之夾，層次豐富。帶子都幾甜😋最後既刺身都算大塊，厚度適中而且新鮮👍🏻總括黎講，德美環境唔錯，而且價錢同質素都成正比。員工態度都ok，值得再去食😋👍🏻…Read More

今次同朋友去左長沙灣搵野食，見到有間Burger又唔太貴就試下。一入到去見到鋪位不太大 可以坐到6枱左右。廚房係open kitchen可以睇到佢地點煮，但係完全冇油煙，抽煙做得好好。我同朋友就分別叫左大烤菇牛肉漢堡同美式牛肉漢堡再加左個Buffalo Wings😋。依到d burger好juicy，而大烤菇就好爽口👍🏻。而跟餐既雙色薯條都係依到既特色，因為其中一款就係用蕃薯做既薯條，甜甜地好好食。Buffalo Wings都幾入味又大隻，幾抵食。😎整體黎講，依一間Burger大件夾抵食😎，唔似出面食親都200幾蚊先埋到單，不過位置有d遠，得閒經過可以再食😋…Read More

之前一直聽朋友講依間粥底火鍋好好食一直想試，今次終book到。一定要book位，walk in 9成冇位。我地book 8半點個輪，d人8點已經圍住哂個門口等入，十分多人。入正題，依到198/位免加一，好抵👍🏻有7款新鮮海鮮 3款蔬菜粒 同5款自選火鍋料(係每枱5款 份量就隨人數而定)。 我都個次食有蟹 鮑魚 貴妃蚌 2款蜆 海蝦同魚。每樣食材都好新鮮，鮑魚同蝦都仲係識郁既😋👍🏻蜆同貴妃蚌好鮮甜😋食完海鮮就會上粟米 南瓜米同芋頭粒俾你熬甜個粥底。而自選個5個餸，我地揀左 黑毛豬梅頭肉 黑毛豬腩肉 響鈴 芝心獅子狗 同金菇。梅頭肉同腩肉都好正，但個人建議叫其中一款就夠 因為去到最後已經飽飽地同要留少少肚食個粥😋😎當食哂d野之後職員就會拎個粥膽同d配料黎幫你整個粥 十分細心😋個粥煮完出黎十分之鮮甜 食唔哂可以仲攞個外賣盒打包走😋總括而言，鍋心真係十分抵食，200蚊位食到13樣野又免加一👍🏻環境都算乾淨企理 員工都好有禮貌👍🏻…Read More

平時食得熱氣野多，我同女朋友就會去食下齋當清下肚胃。但講到食齋，黎黎去去都係個幾款都幾悶下，所以今次就聽朋友介紹食依間比較有特式既日式fusion齋😋夜晚7點幾去到已經要等位，因為鋪頭比較細，都要等左一陣先入得。一入到就叫左d比較多人食既軟殼蟹卷同牛油果鰻魚卷。 軟殼蟹卷口感一流炸得好好冇油"益"味，做得好似，再加上千島醬，唔講真係唔知其實係紫菜黎😋而牛油果鰻魚卷就比較一般。我地之後仲叫左個味菜鱔絲生根煲😋鱔絲同生根都好入味，非常適合送飯😋而且鱔絲係炸冬菇絲而成，食落爽口😋最後埋單都只係百幾蚊但都食都好飽，幾抵食，職員態度都好好，非常值得再去😎…Read More

每次同frd想食邊爐，都會揀shabubu，因為全男班大家都係食肉獸😂今次就同班frd揀左去食牛涮鍋。去依d地方食最緊要睇有咩配料。依到既配料有成10幾種咁多，最仲要既係有沙律俾夾黎食😋最抵讚係佢地有個平板電腦俾你用黎加單，唔洗好似其他鋪咁要叫人落，慳番唔少時間又可以食多幾碟。特別推介就係依個芝士魚豆腐，佢其實好似芝士丸咁，但d芝士就唔係係個心入，唔洗驚"辣"親。總括黎講，牛涮鍋真係必去既shabubu之一，食物質素唔錯，又唔洗叫人黎落單慳番唔少時間👍🏻…Read More