食日本野就一定要叫刺身睇下新唔新鮮，叫左個三色刺身B試下佢。食落又唔錯喎，幾新鮮而且厚度岩岩好，唔太薄。
之後就再叫左珍寶赤蝦海鮮丼。赤蝦同帶子夠哂大隻，而且食落鮮甜，加埋其他都好新鮮既魚生，冇得彈😋👍🏻另外，黑豚腩燒丼都好正，係用五花腩黎做而且肥瘦均勻仲同d汁好夾😋
小食方面我地就叫左個東京電擊雞翼拼薯條。十分特別，因為係凍既雞翼😱😋口感十分特別，而且有蜜糖係面，肉質好煙韌。三文魚海鮮沙律脆脆卷就夠哂大舊，仲有d脆脆係面，雙重口感又足料👍🏻😍三文魚牛油果沙律就好足料，大大兜，抵食又健康。
最後仲叫左仲芭菲做甜品收尾😋雲呢拿雪糕既牛奶味好濃好正，仲要丸子同蔴薯，一個都夠兩個人食。👍🏻
整體黎講，依到既環境同食物水準都好好。一定會再黎😎
