mensa's Profile

無論裝修，食物，都有華麗感。特色是海膽，新鮮。很多菜式也有海膽。金酒杯是這裡的特色，有海膽和拖羅。很細的一杯，已經$168。價錢是略高的，但你和omakase比，又不算什麼。這個丼，實物是細碗的，但比金酒杯顯得性價比高。只是和金酒杯有種重覆的感覺。也是拖羅，海膽為主，感覺食物很重覆。這個是和牛，入面脆脆的，口感最好！配上金碧輝煌的裝修，是值得去吃，比很多高價omakase值得去。每人平均消費四百多便可以打卡。…Read More

Ig 廣告照片相當吸引，價錢便宜，但每一道菜都是迷你版，而且是不值錢的食材。我7:30入座，到8:45才上第三道菜，速度之慢令人側目。本身是吃世界8大，但佢哋冇食材，轉了另一個套餐，有10品。所謂10品，第一道一個前菜已經算成3品，豆腐，蝦，番茄。味道是很好，酸酸甜甜很開胃。然後呢，一塊拖羅，之後再無任何刺身壽司。個蟹蓋相當迷你，個蟹粉烏冬又一品，一蟹兩用。之後是麵鼓湯一品，冬姑天婦羅一品，豆腐一品，盡是一些很普通的東西。埋單$13xx兩個人，吃這些東西，完全不值，仲要飽得一半。同樣價錢尖沙咀有些中菜二人套餐，又魚翅又有龍蝦。…Read More

百幾蚊一碟意粉，細碟到女仔都嫌少，真係2啖可以食晒，一般人可能食3碟先飽。lunch唔包野飲，叫一杯五十幾蚊，又唔係特別好飲。工廠大廈入面，難揾，價錢卻一點也不便宜。食物味道還可以，最大賣點可能是個露台。應該不會再去。…Read More

這是我第三次來，好耐之前來過兩次，是覺得ok的，而今次是晚餐，有難食的感覺。今次是晚餐，叫了3個set, 期間限定望月set, 三文魚set, 火炙 set, 首先餐點來得好慢，等了超過半小時，但這不是重點，而是壽司的質素。壽司是大件的，但食入口就有難食，食唔落，好飽既感覺。初時覺得，問題出於舊飯，但其實不止於此，見師父在壽司的表面涂一陣油，懷疑是這油令佢好漏。從圖中所見最後係食唔落，唔要舊飯。壽司出水，唔知係擺得耐，刺身唔新鮮，還是其他原因。總結是難食，經過今次後不敢再來。…Read More

注意‼️ 此餐廳絕對不適合任何聚會。為咗揾個位舒服d傾計，訂咗平日5點就係想慢慢傾，點知佢去到先知限時90分鐘。你估你係放題？ 食既野又唔係平，西餐廳非繁忙時間學乜野人限時90分鐘？諗呢個規矩既經理，應該立即解顧，永不錄用。我朋友遲到，佢遲左點菜，個菜式上左5分鐘就同我講話要收枱。你話出面排緊隊我理解，明明冇人，大把空枱，你收我張枱做乜？我又唔係唔叫野食，仲要岩岩上菜5分鐘，逼我浪費食物，食左兩啖就收我張枱。永冇下次。…Read More

雖然交通有點不方便，但是綜合環境、食物款式、食物味道，價錢來說，是最好。九龍城有極多泰國菜，有便宜有貴的，黃珍珍是偏貴的，但比它貴，又不特別好食的也有不少。椰汁算是泰國菜特式，而它是有啫喱，而且夠大杯。傳統冬陰功湯，不過不失。蝦片+泰式燒肉，燒得有水準，價錢亦ok. 小食併盤，見到款式是比較豐富。岩岩炸起，又不會太油，外脆內嫩。波羅炒飯，份量夠多，亦炒得有水準，好新鮮的大波羅，但冇乜料，也冇海鮮。坐位比較寬敞，適合一大班人去，但環境很嘈雜。…Read More

工廠大廈內的餐廳，地點非常隱密，首先裝修相當一般，冇鋪地板，一般工廠大廈的水泥地。但是真正出事的，是那木櫈，坐久了一點，屁股便痛。好硬的木櫈，坐得人唔舒服。不合理的價錢，這裡的lunch set普遍是$168-$198. 附近賣$45-$55的海南雞飯，這裡賣$178。自助沙律bar, 是加分的地方，比你任食，但即使加了這個，我也不認為lunch set值這個價錢。主菜雞卷，幸好有沙律任食，不然沒可能夠飽。這雞卷外脆內嫩，味道相當好，為餐廳加了不少分數，但這份量….平均$174 一個lunch set, 食物不是差，只是這類食物，這地區，這硬櫈配上這價錢，便出事了。個人認為這質素應該在$70內。…Read More

強調handmade既意大利餐廳，位置方便，裝修也不錯，加上一些燭光，比人感覺舒適，但，張枱太細了，扣左少少環境分。先來3隻生蠔，原價$168，特價$98，但感覺上很「簿肉」，很細隻，像營養不良。一個dinner set, 3course, $388或$488，第一course, 前菜，他他牛肉配魚子醬。味道是相當不錯，我比5星。服務員的態度很好，手腳也快，而且每上一道菜也有換餐具。第二個course, 就是這個是日餐湯：第三個course, 我是雞胸肉蛋黃pasta，感覺份量偏少，味道亦一般。我朋友揀的是黑松露pasta，感覺味濃d.咁就完左3個course,盛惠$388或$488一位，未計加一，偏貴。兩個人連埋其他小食，好易過千。過千的晚餐，其實可以更豐富。handmade pasta方面，尖沙咀附近有比它好吃而且價錢相宜的。最後佢額外送多一個甜品。…Read More

壽司有平有貴，近來爭鮮外帶壽司也大幅加價。而一件合格的壽司，是取決於食材，飯的温度，手握的形狀。逸 壽司我已經幫襯過好幾次，雖然價錢算不上很便宜，但在質素方面，好過一些自稱omakase又吊高來賣的壽司不少。Lunch set 有湯有烏東有沙律，但價錢不及同在尖沙咀的德美和八海山抵，因為後兩者多了一個水蛋，而且價錢較便宜。雖然如此，但論壽司的質量，逸 壽司是稍勝的。較為大件，而且刀工較好，比較厚切一點。另外逸壽司也是較多元化，在lunch set以外還有十件/十二件自選壽司配搭。及一些較上乘的壽司在午市也可選。另一重點是bar枱，看見師傅即叫即整，感覺新鮮，似omakase, 這些是德美和八海山稍有不及的地方。在刺身飯方面也不錯，兩個重點，厚切、新鮮。圖片已經說明了一切。多了bar枱優勢，加上選料上乘，令我近期一去再去。…Read More

位於太子比較靜的一條街，但近地鐵站。門口看見$38一大杯hoegaarden, 於是試吓。有樓上樓下，但樓上沒開放，樓下只有一枱客，開放式廚房。我點了一個白汁海鮮意粉，只有兩種配料，蜆肉和魷魚圈，雖然配料少，但味道不錯很多酒巴賣$108/$98一大杯，這裡賣$38，真的很平了。香腸併盤，即叫即煎，要$148，價錢少少貴，但份量足夠，味道豐富，略嫌沙律菜不夠多。還有其他調酒飲，價錢也是偏實惠的。這店的最大優點是價錢偏抵，還有易拎位，不用排隊，夠清靜，值得再去。…Read More

泰國菜來講，佢價錢偏貴，但k11係好難平，佢裝修亦都唔錯。首先我想講杯野，係我飲過最難飲既飲品，苦、咸。到最後我都飲唔到一半，而呢杯野竟然要加$58（未計加一）貼錢買難受都算係我飲過最難飲既飲品，完全感覺唔到檸檬既清香味道。呢碗粉要$108（未加一），似星爺食神既雜碎麵，湯ok, 肉有3粒，粉唔得，最後全碗粉剩低，只食了配菜。炒金邊粉，冇剝蝦殼，粉既份量太少，食完半飽，但味道比上兩個好，合格水平。$128（未加一）唔值。咸蛋黃單骨雞翼，少地方有得食，係好食既，但唔脆，少少淋。但我覺得總合都係好食。另一杯野飲，同行朋友叫，影相打卡ok, 味道一般。總合來說性價比低，$58杯野飲又貴又難飲。湯河失敗，金邊粉份量太少，唯一可以食既係雞翼，埋單$466不會再來。…Read More

$368-$888一碗麵，好多人都話貴，但重點不在這裡，而是味道和口感。鋪頭雖小，但裝修尚算不錯，一入去好大陣蟹腥味。然後是食物，我和同事叫了一個湯，一個飯，一碗麵。蟹肉要處理，要拆肉拆豰，所以貴一點我是理解的。而這麵的味道，感覺腥，什至有點臭。蟹肉是重點，但感覺像蟹溶，吃起上來口感很奇怪。同事用難食來形容，我自己試了，覺得冇佢講得咁差，但唔識欣賞。飯感覺好好多，可能熱上感覺冇咁腥，但是都有蟹溶的感覺。這碗湯價錢不便宜，份量也偏少。很差嗎？ 不是。但會再來嗎？應該不會，我知道拆蟹肉是麻煩，但我真的不懂欣賞，主要原因是感覺肉碎太溶了。…Read More

我知我好唔環保，但呢間野既翅真係好抵食。尖沙咀周圍附近起碼賣三四百蚊一碗潮州翅，有d地方仲賣到六百幾。而佢同樣質素只賣二百幾。今個月已經第四次去食，其他小菜/海鮮都抵食又有水準。可能新開張，所以午市晚市都大平賣，又唔洗等位，招呼做到足。推介菜式：潮州翅、濃湯翅、芝士焗龍蝦、蝦餃、黃金炸南瓜呢碗翅只需$288，如果嫌貴，佢午市有碗$48版本，平絕尖沙咀中西合璧？ 芝士龍蝦和蒜容麵包。這裡晚市主打新鮮海鮮，這是花雕鮮蟹飯。鮮味濃郁。午市和晚市也有的黃金炸南瓜，用咸蛋黃炸成，本人不喜歡吃南瓜，但這個可以試。可能是新開張，地方又隱蔽。所以大平賣也什少人幫襯，一張枱幾個侍應輪流招呼。…Read More

好耐冇食中菜，呢間在鬧市之中既中菜館，好大間，貪佢唔洗等位，大把位，就入左去。睇菜單，都係一般傳統大排擋炒小菜，但佢海鮮多，而且有新鮮雞。招牌菜，脆雞。唔覺得脆，但食到係新鮮，肉夠彈性。聖子，幫你起埋肉，夠細心。一斑兩尾。蒸既不過不失，而蚊既見到夠鑊氣，睇相見到白煙。蟹肉冬瓜湯，我飲左3碗，都幾足料。食物價錢ok, 味道也ok. 但廁所太窄，地下有水，而且廁格明顯不足，得兩格，令環境扣分。侍應招呼周到，上菜快。…Read More

一大堆人去食午市，每位都唔洗兩百，又牛肉又海鮮。但是環境有幾個大問題。首先張枱太細，太近爐，令到飲品好易變熱。抽油煙機吸引力好差，我一路比煙煙住雙眼，好辛苦。張椅冇椅背，坐得唔舒服。然後拎鼓油，得一個角落，好多人排隊，我等左15分鐘先成功拎到醬油。燒既野食外，另外有熟食，上菜上得都快。除了上菜快，侍應動作都快，人手都夠，好快咁幫你換鐵板。然後是衛生問題，睇個廁所，簡陋同時清潔不足。7個人任食係飲，每位唔洗$200，食物整體質素也ok, 不能要求太多。…Read More