CoWCY的個人專頁

母親節與媽媽去左東薈城，行左一陣就去左食個午餐先再行過。呢度同好多既商場一樣都有美食廣場。這裡的美食廣場有好多不同國家和城市既美食，除左有基本既日、韓同港式外，仲有台灣、新加坡、雲南，連澳門都有，選擇很多。最後我同媽去食了雲南米線。我要左個辣雞腳牛展雲南米線+蒸蛋。碗米線既份量十分大堆頭，除了雞腳、牛展外，仲有花生、大量九菜同芽菜絲，裝得滿滿。外表是啡啡沉沉的，感覺就有點像藥材湯咁。湯底紅紅夠辛辣，配埋米線就更加好味，因為米線都吸收哂喲湯汁。至於牛展就尚算滿意不會太過硬同韌。鹵水雞腳味道不過不失，最好食係隻鹵水蛋，鹵水汁入味，食落咸咸香香，比主菜更好。不過稍為覺得芽菜同九菜太多，佔左成半碗咁多!減番少少就會好喲。至於個蒸蛋，並冇任何配料，蛋滑滑的而且份量不少。不過個蛋就十分之咁咸，一定加了大量味精同盬去蒸。而媽媽亦說佢整個餐既野食都幾咸，食完有少少唔舒服。總結來說，味道一般，不過份量就十分足夠，而價錢都係$35，算係抵食夾大件之選。不過如果要再試，就會試其他店既野食，因為真係有好多選擇!但個FOODCOUNT環境叫做不錯，涼涼的冷氣、而且位都幾多下而又唔會太逼太嘈。…查看更多

上星期五放學後與家人去BBQ，我地今次選擇了去燒烤王BBQ，貪佢唔駛自己買野食。坐巴士大概半小時就到，而且落車後就有大大個banner係度，十分就腳唔難搵。去到既時候大概六點，人流不多，能夠選擇到有電視睇的位置。不過剛剛是公眾假期前一天，所以收費比平時任食的貴少少，每位$70，不過好耐先黎一次，所以都冇所謂了。之後就去拎野食，首先會比一盤指定既食物同埋麵包，食完唔夠就可以再去拎。呢盤食物裡有豬扒、牛扒、雞翼、雞扒、丸、金沙骨、芝士腸、魷魚、雞腎同多春魚。份量都算很多呢!每款食物都有不同既調味，唔會只得一種味。其中覺得雞腎最好味，大大塊而且是厚厚的，與平時的薄薄雞腎大有不同。其次係雞翼，開頭果盤係得原味雞翼，要自己出去拎先有其他味，其他味包括有南乳味、黑椒味同蒜蓉味。個人覺得南乳味是最好味的，食落有陣陣南乳香，證明醃得入味，但南乳香又不會太過濃，很易入口。金沙骨、雞扒同豬扒都李是推介之選。仲要唔好錯過佢附送既牛油蒜蓉醬，用黎塗係麵包上面後燒黎食十分之正，亦都可以用黎塗落其他食物到。不過千萬唔好塗咁多，如果唔係就會太過辣。小小用來調味已經好足夠。不過亦有部分野食是不好食的，例如牛扒同牛柳，兩款雖然都是啖啖肉但肉質就十分之韌。這裡除左有得BBQ外，亦有遊樂設施同埋夾公仔機。可以比小朋友玩。岩哂一家大細去。而且最緊要夠方便，唔駛自己開爐同帶野食，食完就走得。不過枱椅就比較污糟，最好帶喲野去墊底。總括來說各方面都唔錯，是值得再去的燒烤地方‧…查看更多

近日愛上了食雲南米線，朋友於是帶我去試下以雲南米線出名既譯仔。除了清湯外，還有酸辣湯同麻辣湯既湯底。這裡仲有土匪雞翼也是很出名的，可惜怕食唔哂於是今次只叫了米線。最後我選擇了食雞肉墨丸酸辣米線同飲涷檸茶。先送上的是涷檸茶，茶的味道調得十分好，酸甜味十足。雞肉墨丸酸辣米線不久就來了，一上枱看見湯底是白色的，還以為弄錯了清湯，一問店員原來酸辣湯也是白色的，同普通的不同。飲一口湯，湯底酸味很強烈，辣的程度只是一般。即使是酸味強烈，但原全不會蓋過辣味，沒有一味死酸或死辣的情況。再說配料，除了自選的雞肉同墨丸外，還有腐竹、芽菜同酸菜。配料十分多。雞肉只是一些一小塊的雞肉絲，雞肉肉質尚算可以，但若果有調味就更加好。墨丸有三粒，只是一般的貸色來的。米線吸收了湯底的味道，令人一食再食，是一個開胃之選。總括來說整體是很好的，價錢在旺角區來說差不多唔。環境一般但算闊落，不用坐到很逼。而且米線份量亦十針大碗，細食的兩人分已經可以了。不過唯一要改善就係店員的服務，眼見我地入黎都冇人招待，只係掛住傾計，要我地擾攘一陣先有人應。…查看更多

雖然住係大埔，但好少去新街市食，一去既話就會黎呢度食野。講環境，呢到就當然比較嘈吵，座位亦唔舒適，感覺就好似去左街邊大排檔。不過好在有冷氣，即使係夏天都唔會身水身汁，比起舊式既熟食中心已經好好多!黎到就當然要黎碗豬扒上海粗麵。仲可以雙拼的，不過一心黎食豬扒既我，單單係豬扒已經夠滿足。麵首先黎到，粗麵比起一般既粗身，麵條彈牙煙韌。若果只食麵，感覺係會覺得好淡而冇味，因為湯底半身都幾淡味。但配上炸豬扒時就唔同哂了，豬扒份量好多而且厚厚既，炸得熱辣兼金黃。食落味道比較咸，但配埋麵食就會岩岩好了，一咸一淡十分配合。豬扒肉質鬆軟而且肉味亦足夠。由於豬扒份量十足，只食豬扒亦足以夠飽，十分抵食。不過唯一唔好係好熱氣姐!總括來說雖然比普通的麵貴少少，但也覺得物超所值。一定會再去食過!…查看更多

當日剛剛考完所有試，當然要輕鬆一下。同媽咪去左旺角行街買去飲既衫，順便用埋之前食評活動所得既cupon!，好好食番餐先!去到既時侯大概兩點半，剛好有下午茶，入到去冇咩人，環境幾舒服。感覺十分良好!最後我地叫左兩個下午茶餐，兩個下午茶餐分別係焗芝士火腿煙斗粉同龍蝦汁野菌長通粉再加一個迷你既什錦pizza。酥皮龍蝦湯賣相已經十分之吸引了。味道當然也好好呢，龍蝦湯香氣撲鼻，飲落龍蝦味道好濃，冇一味太咸既情形，而且仲有幾隻龍蝦仔添。配埋焗過既酥皮連湯食，酥皮吸收哂湯汁，好想再飲多次!其他野食陸續送上，兩款意粉都是配上很濃郁既汁。其中焗芝士火腿煙斗粉味道比較合我心意，芝士汁味道十分之濃但不會很滯很漏。煙斗粉外形彎彎曲曲，外形特別。不過大家食既時候要小心，因為一入口食既時候，煙斗粉內既芝士汁漏哂出黎，好燙口呢!另一款就比較失色，龍蝦汁味道淡淡的，而且野菌既味道太過搶，完全蓋過汁既味道，幸好長通粉彈牙不淋，同埋菇亦冇草青味。其實食完都好飽，唯有頂硬上食埋佢。pizza既配料有青椒、火腿等等既材料，再鋪上溶溶既芝士。食落餅底鬆脆十足，唔會焗得過火。而且因為有好多配料，再加上濃濃芝士，口感係好豐富好滿足。總括來說，味道是可以令我值得再黎既，款款都冇令我失望。講到環境方面，柔和既燈光亦令到人食得好舒服。不過可能本身店既大細比較細，所以侍應經常係身邊走過，感覺有些少不自在。不過侍應既服務都尚算有禮貌。最後，因為用了openrice既cupon，所以只係比$20就可以食了，真係好多謝openrice 呢!…查看更多

每次同朋友去旺角都會去輕鬆飲買杯珍珠奶茶飲，上兩星期日去到旺角見到輕鬆飲附近有新開既貢茶，一於試試呢間既珍珠奶茶先！看名稱當然係主打茶類系列，有不同茶款選擇，不過總括的款式比較少。買既時候有不少人排隊，好在唔駛等太耐就有得飲。拎上手杯是硬杯設計，拎得舒服些少。珍珠奶茶叫了半甜。仲有全糖、30%微糖、無糖既選擇，合適不同人既甜度需要。一飲落去，覺得奶茶既味道不錯的，甜味岩岩好，奶同茶份量都唔錯，同輕鬆飲既差唔多。而珍珠大粒而且又多，飲哂奶茶都未食完形珠。最敗筆的係味道飲左一大杯後變左，飲到落底既時候係完全只得苦味，同第一口飲既完全不同，這可能係飲品調得不好所致。另一個問題是水準不穩定既問題，我同同學共買左兩杯，但我同學個杯珍珠奶茶成杯都好苦。總括而言，價錢與輕鬆飲的珍珠奶茶一樣，份量亦差不多。但呢間店既水準同味道有待改善，所以暫時試一次使好了。不過亦有可以讚既係服務同衛生都唔錯。…查看更多

每次經過沙田都想去食,可惜一直都冇機會。到左依家大埔都有分店了,簡直係一大喜訊！於是趁假期未完就拉媽咪去食午餐。店子位於大埔火車站內,裝修同其他分店一樣都是簡約茶座既風格。不過火車站內既設施經常有嘈雜既機器聲,環境氣氛大打折扣,幸好坐位舒適,不過檯就不平衡。我同媽咪叫了焗菠菜龍利柳意粉同芝士吞拿魚意粉,加五蚊就可以有湯／飲品同蒜茸包／沙律。由於係即叫即整,所以等了大概十分鐘才黎齊所有野食,好在野食味道好好味,冇白費等既時間。先黎既既係香薯忌廉湯,味道與一般既白湯不一樣,這忌廉湯沒有好濃既忌廉味,反而味道有點像淡味磨菇湯,而且湯中亦有磨碎既薯仔,湯既口感特別而且好好飲。我要了蒜茸包,新鮮烘好,熱熱的蒹脆卜卜,香蒜味亦好充足,配埋湯食更加美味！至於媽要了沙律,沙律有大量蔬菜同一些麵包粒,配料樣樣都新鮮,不過沙律醬既份量就比較少。最遲上檯既當然係兩碟意粉。兩款意粉既賣相都好吸引,而且一看就知係足料之作。芝士吞拿魚意粉的芝士和吞拿魚份量十分多,芝士十分香濃,配埋咸的吞拿魚,個味道真係一流芝作,最岩芝士迷去試。另一款焗菠菜龍利柳意粉則味道比較清淡,感覺比較冇咁漏,食完都唔會覺得好滯,芝士與菠菜既味道很夾,味道同樣美味。意粉內有四至五件龍利柳,啖啖肉滑滑的,不過味道就咸左少少。但總括兩款意粉都很美味！總括來說食物水準十分好,開頭見到意粉細細碟還怕不夠飽,但食到一半到有點兒飽。價錢ｏｋ,一至五有午市優惠比較抵食。唯一環境比較嘈同埋人手有不足,收銀要一腳踢,客人走後好耐都冇人清理垃圾,有需要改善！…查看更多

5-2-2009今天搭火車返到大埔既時候,覺得有些少肚餓。於是走左黎Snack Experss買炸魷魚鬚食。剛好賣完了一批炸魷魚鬚,於是要等店員即炸先有得買,幸好只係等了5分鐘就有新一批出爐了。一盒大概有七至八條,而且魷魚鬚係用盒裝著,不用拎到成手油,店員亦都好細心咁為個盒整穿一小角,令魷魚鬚不會焗到淋哂,抵讚!等巴士返屋企時食了一條,脆卜卜很香口,加了淮鹽的魷魚鬚味道不會過咸而且令魷魚鬚更加惹味,同埋脆漿亦不會過厚,唯一係稍為多油了少少。即使係返到屋企都仲係暖曖地,依然都係咁好味,所以話咁快就比人食哂了。買既時候仲見到炒麵同埋煎釀三寶既賣相好像很美味,下次也要試下先。不過最緊要地點就腳,好方便就可以買黎食。…查看更多

附近的店鋪差不多已經試過了，見這間店鋪係新開張又未試過，一於去試試。記得係年初三定四去，所以沒有下午茶時段(平時有的)，但價錢都是合理的，而且不收加一添。這店係主打泰國同星加波食物，海南雞飯、冬蔭功湯等等食物都有，選擇都算十分多。等了一陣就有位，安排了卡位比我地坐得舒服，因為不是卡位的座位係比較迫的。最後我點了冇綠咖哩咁辣的紅咖哩雞飯，媽同姐點了無骨海南雞飯。可能這些食物不需要即炒，所以好快就有了，幸好還是熱熱的。我的紅咖里賣相不錯，紅紅的咖哩上鋪左少許青豆同菜，不過奇怪的是雞肉是綠色的，可能只係想賣相特別喲!這個紅咖哩味道不錯，一入口就有陣陣辣味，不過辣味是我可以接受，個咖哩都有少許椰汁香味，甜甜辣辣，胃口大開呢。至於雞肉就冇咩特別同平時既一樣。至於媽同姐的無骨海南雞飯我亦有試。油飯外表金金黃黃，食落香飯就整得不夠濃入味，濃味少少就好了。至於個雞是無骨的，啖啖肉很方便，不用吐骨，而且雞肉滑滑的，連雞胸肉都不會很鞋，推介之選呢!總括而言味道不錯，可以再試呢!不過要埋野飲熱飲要加$3，涷飲$5，有點不值呢!不過好在不用加一。…查看更多

24-1-2008早前在寫食評活動得到了Freshness Burger 的cupon,一於去契媽屋企食飯前去用左佢先。今次係我第二次食，去到時候大概三四點，人流不多，安靜又坐得舒適。雖然這裡係賣日式漢堡包，但環境就裝修成美式餐廳，究竟這間是日式還是美式店鋪呢？除左有基本既漢堡包餐外，仲有新出的西餐供應，而價錢還較漢堡餐便宜。叫了FRESHNESS BURGER配芝士煙肉焗著皮加七喜。至於妹、姐同媽則分別點了牛扒意粉、雞扒意粉同芝士磨菇意粉。由於係即叫即整的關係，都要等一段時間，本以為漢堡包最快整好，但偏偏卻係最遲先黎。雖然個包係最遲黎，但拎上手一點兒也不熱，成個包完全係涷冰冰的，這個是即製的包嗎？:(包的配料有牛肉漢堡、茄汁肉醬、蛋黃醬再配上新鮮既番茄。包是南瓜包，甜甜的，整體既感覺比較健康同清新，蛋黃醬不會太過酸，肉醬的洋蔥份量岩岩好，不會過多，整得比ＭＯＳ　ＢＵＲＧＥＲ好，不過牛肉就冇咩特別。始終都係MOS BURGER好味喲，較岩我口味。相反個人認為個芝士煙肉焗薯皮做得出色，焗得香口而且個調味亦不會太咸，薯皮上既芝士十分濃味，熔熔的鋪係薯皮上，令薯皮味道更加美味，值得再試。至於家人叫既意粉看上份量小，但佢地食完都覺得夠飽。意粉既質素普普通通，扒就冇試過，不過每份餐都有大量蔬菜伴碟，健康感大增。而值得一試既係隨餐既粟米湯，飲落粟米香味濃，而且有好多粟米粒，不過就冇很ＣＲＥＡＭＹ的感覺。總括來說漢堡包不出色儘管係味道不錯但涷冰冰既感覺就令個包失色左好多，反而小食比到驚喜，不過這店係以漢堡做主打的，連漢堡都做得唔好。所以要改善！ＯＫ是比芝士煙肉焗著皮的…查看更多

快到農曆新年，麥當勞又推出板燒雞腿包同扭扭薯條。今年的包更加入了麻辣的口味。除左有麻辣板燒雞腿包外，亦有麻辣板燒雞腿扭扭粉、麻辣麥樂雞，一於辣起個農曆新年。今次試麻辣板燒雞腿包，外盒既賣相很令。其中盛裝著扭扭薯條既盒旁更有靚靚既生肖圖案，若果唔係用黎裝左薯條，我一定會收藏起黎。雖然是外賣番黎，但包和薯條仍然係暖暖的。一打開包裝紙,麻辣醬汁就成紙都係，加上包的賣相整得不好，成塊雞扒飛出黎，生菜亦搭得不好，散開的。拎起包時配料經常跌出黎，食既時候十分狼狽。說回味道，麻辣醬的確有辣味，而且會愈食愈辣，但對我來說辣既程度依然是可以接受。不過麻既感覺就欠奉了，只有辣味係口腔徘回。所以正確來說這個是辣味板燒雞腿包。雞扒大大塊而且肉質滑滑的，食落啖啖肉十分好口感，不過可能麻辣醬味太過濃烈，原全食不到雞扒是經過燒烤的。不過整體既感覺還是滿意的，只係個包夾得唔好，成日食食下跌材料。薯條是扭扭薯條來，外形像以前哈迪斯既脆薯圈，彎彎曲曲的。炸得干身不會太油，味道比上年的沒有咁咸，較為好食。不過始終認為普通既薯條較為好味，所以試完一次便算了。總括而言味道OK，我還有興趣試試麻辣板燒雞腿扭扭粉。期望下年可以再出新既食物。…查看更多

近排愛上了食火鍋，平時知道呢度都有日式火鍋食，而且午間都有供應。於是在前排放聖誕假既時候與媽媽黎品嚐一番，食個與別不同的下午茶。去到既時候大概係下午兩三點，人流較少，不會太過嘈吵。店內亦播放著音樂，環境輕鬆。日式火鍋有不同款式，例如扇貝火鍋、海鮮火鍋等款式，分別有醬油同豬骨湯底可供選擇。最後我地選擇了肥牛火鍋配醬油湯底。火鍋上檯都等候了一段時間，幸好我們不是趕時間。火鍋內有很多材料，有粟米粒、大蔥、豆腐、烏冬、金菇菜、冬菇、嗚門卷，鍋底有大量紹菜。當然亦有主角肥牛，肥牛有九片，數量比我預期的多。而且塊塊被卷成圓形狀，賣相吸引。牛肉肉色新鮮紅紅有雪花，肥瘦適中，食落牛味亦足夠。醬油湯底是甜甜的，牛肉與醬油湯底亦十分合襯，令牛肉更加肉味特出。除了肥牛外，每樣材料都被醬油湯浸住，甜甜的很有風味，特別是紹菜啊!紹菜浸過湯後味道特出，十分之爽甜。不過要注意火鍋鍋身比較淺，火鍋滾既時候湯汁好容易溢出，要小心啊!而火鍋兩個人食都飽飽地，所以只要配多三四碟壽司已飽肚十足。壽司我地只食了三文魚壽司，三文魚壽司是剛剛新整出來的，大大塊而且很肥美。剛從雪櫃拎出來的三文魚還是十分冰涷，口感十分正呢!總括而言火鍋雖然不知是否如真的日本火鍋正宗，但味道絕對好好。而且價錢都是三十三元，想過下小小火鍋癮既就最岩黎試。服務態度都OK的，不會有些無禮貌既行為出現。共約$86…查看更多

我同屋企人好喜歡去呢間小菜館食飯的，雖然係鋪子細細，但整既小菜都不錯的。其中有幾樣特色食物如什菌黃金豆腐、桶骨大白菜湯、大良炒鮮奶。琴晚我地七點幾黎到已經好多人，好在都有張細檯可以即時坐，不過以四人來說就逼左少少了。環境都係一般小菜館格局，空間細細，多人既時候會好嘈吵。勝在有部大電視可以比人電視送飯，不用錯過睇某些節目。一入座每檯都會有一碟酸蘿蔔既前菜，有白同紅蘿蔔兩款，咬下去爽口，酸蘿蔔十分入味，酸酸的很開胃。今次我地叫左桶骨大白菜湯、羊腩煲、賽螃蟹同蠔仔前蛋角。1) 桶骨大白菜湯每次黎都會叫，有大煲同細煲，四五個人飲細煲已經十分足夠。湯是白白的，飲落味道有豬骨香味亦有少許牛奶味，整個感覺很特別，與平時既豬骨湯好唔同。雖然係豬骨湯，但飲落一喲都唔肥膩。除左有湯飲，亦有大白菜同豬骨可以食。白菜吸收左湯既味道，更加鮮甜好食。豬骨就好似平時食豬骨煲既樣，肉不多但有骨髓可以啜黎食。2) 羊腩煲大部份檯都有點，味道同普通酒家的差不多。三個人食每人都可以有四舊食，份量都合理。不過枝竹既分量就好似太多，變左好似枝竹先係主角。羊肉油香十足而且沒有太勁既蘇味，不過在我個人而言，食羊多喲蘇味先夠好味。利用附送既生菜浸入湯汁，吸收哂湯既精華，正啊，不過當然就較為唔健康。3)賽螃蟹另一款每次都會食既菜式，蛋白炒得香滑而不會很散。撈埋生蛋一齊食就更加美味，仲可以配埋醋，不過個人認為不點醋已經好好味。賽螃蟹除左有少少蟹肉絲外亦有些帶子粒。口感更加豐富。4)蠔仔煎蛋角蠔仔既數量合適，蠔仔冇太重腥味同沙，不過整體煎蛋角感覺好濕好油，冇左平時食果種干身同香脆既感覺。所以覺得不太好食。總括而言味道不過不失，不過都是招牌菜較為出色，其他就比較普通。呢度既服務唔錯，同客人有講有笑同親切。不過人多既時候手腳較為不足。但價錢就算是便宜，大部分小菜都只係四十至五十多元，不失為一個平價之選。共$224…查看更多

:)趁假期還有兩日，加上妹妹經常要嚷著燒烤，於是係琴日特意同屋企人去韓燒。今次係我地第三次係呢間食。選擇呢間既原因是因為佢午市並不限時，可以坐到五點半。當然我地唔會坐咁耐，不過起嗎唔駛要趕住燒，可以慢慢燒兼傾下計。店內環境以紅黑為主，坐位數量夠多，即使即興上黎都冇問題。而且有卡位坐，可以望到街境，咁岩對面大廈係健身室，可以見到人地做健身，都幾特別呢!食物方面除左有燒烤食物外，仲有好多款熱盤選擇。黎到當然係主食燒烤，大約有十多款食物，除左有幾本既牛、豬、雞扒外，仲有牛脷、羊肉、魚柳、多春魚、芝士腸等等食物。想燒得健康亦有茄子、冬菇同洋蔥可以燒。雖然食物檯上冇標明係咩食物，但都可以好清楚分辨到係咩肉類來的。樣樣肉都有不同既調味，有些係黑椒味，有些係辛辣味，不會食到次次同一款味。我自己就主要燒魚柳、牛脷、雞扒，其他就試一兩件。牛脷是最好味的，薄薄的不會太厚，但唔駛燒犬耐，如果唔係會好韌。雖然牛脷冇任何調味，但已經好好味，充滿油香，我自己食左唔少。魚柳係鱈魚柳，啖啖肉，肉質滑滑，不過就比較難燒，好容易痴底。雞扒就係普通既燒汁味道，細細塊較容易燒，口感當然冇bbq成大塊燒咁正。我仲燒左芝士腸，燒完咬果刻芝士就爆出黎既感覺很正，但可惜芝士就不夠濃香。除左燒既食物，仲有熱食、壽司同飲品。熱食既就有碗仔翅、咸菜豬肚、湯等食物。咸菜豬肚味道整得岩岩好，豬肚洗得干淨冇異味。另一推介係人參雞湯，雖然不知係味真係用人參，但飲落就有好香參味，不過就比較油。仲有豬腳薹食，我試左隻蛋，汁味道同出面整既差不多，甜同酸味均衡，但就炆得不夠入味，炆耐些少會好喲。至於壽司係青瓜卷同加洲卷，味道就一般，可以見到佢整壽司既情況，可以放心食。飲品有豆漿同酸梅湯，不過唔飲都得，因為十分之甜。最後係甜品方面，有涼粉、豆腐花、沙律。另一邊雪櫃有一些涷糕同生果(橙、西瓜同火龍果)。可惜我太飽了，我只係食左雪糕同橙。雪糕有朱古力味同雲呢嗱味，其中朱古力味係推介，有粒粒朱古力碎粒係入面，而且朱古力味好濃，望一望個雪糕盒，叫做朱古力大王，果然冇改錯名。生果涷冰冰而且新鮮，可以消下熱氣同消滯。總括來說，韓燒既質素不過不失。服務態度都算ok。最緊要係無限時呢，可以慢慢食唔駛急。除左韓燒外，亦有普通午餐、免烤自助餐(只食熟食)可以選擇價錢:$68加一…查看更多

薯條熱殺入香港，我當然也要趁下熱鬧，一齊感受下呢股熱潮呢。店內薯條可以配搭好多款不同既醬汁，有些醬汁都幾特別，好似玉桂蜜糖咁估唔到可以用來做薯條既醬汁。最後選擇左最熱賣既招牌酸忌廉醬同pizza醬汁。因為太多人買了，加上係即叫即炸，所以要耐心等一等，等期間見到店員會用個磅磅薯條，應該係磅緊每杯既分量，係既話咁就唔會比多或比少左了。好在店鋪效率都算快，等左大約10分鐘就有得食了。拎上手既感覺真係十分滿足，一杯我好想食好耐既薯條終於係我手上了。急不及待地咬一口，薯條熱熱辣辣好燙口，薯條長長筆直的企在杯內，每一條都炸得好金金黃黃，雖然係即炸，但食落口一喲都唔油，粗粗既口感真係十分令人一食再食，薯條內既薯仔蓉很多很密，不會食到空心薯條的。薯條淋上醬汁又有另一種味道，本以為酸忌廉醬汁會好酸的，但其實冇我想像中咁酸兼且同薯條出奇地配合，酸酸咪咪很開胃，有食上癮的感覺呢!至於另一款醬汁pizza醬汁八較酸忌廉汁失色。有磨菇，味道不是太突出，感覺還有些怪怪的。本以為會同薯條很夾，但反而不是。其實呢間店鋪仲有好多小食都好吸引我，特別係薯皮同雞粒。下次一定要再食呢，不過要提一提雖然薯條既份量看似好少，但食完都有少少飽，可以當係一個輕盈午餐。不過唯一就係店舖太細，茄若果有座位可以比人坐係到食就更加好了。…查看更多