Chechelsea's Profile

1人份［經典］日本A5黑毛和牛(佐賀西冷) $3681人份［肉香之追求］和牛封門柳 $288專登叫左2款好唔一樣既肉，一款系油脂分布比較重既西冷，另一款就系肉味為主既封門柳，上碟後有少少意外和牛系有咁上下厚度，同平時食開比較薄切既和牛有明顯分別🫣會比較似系用黎燒肉多過壽喜燒，所以唔會食到好嫩滑既口感，呢個厚度既西冷用壽喜燒烹調，又會無左平時食燒肉嗰種好油脂感，反而封門柳就依然食得出牛味比較重，不過個人都系比較鐘意薄切大塊既和牛襯壽喜燒多啲！另外每個套餐都包一盤野菜，加一隻生雞蛋，野菜盤一上，有少少驚訝，好少見壽喜燒會跟白菜仔食落同想像既一樣 有種格格不入既感覺🤣而娃娃菜就非常爽口 系煮極都唔會淋如果唔鐘意食淋菜既就應該會鐘意！最後壽喜燒汁味道比較淡，適合清淡派另外注意呢度唔系傳統壽喜燒店，無專人幫你烹調，職員只會幫你開爐～…Read More

哩間餐廳環境寬敞，俾人一種舒適自在的感覺。以席前燒鳥廚師發辦而聞名，每一隻雞隻都選用稀有部位，即叫即燒，保持鮮嫩多汁，風味獨特💕 /叫咗一個廚師發板，乜都有得食又唔洗諗，每位$768，鍾意食雞嘅可以一試🐤慢煮松露雞卷
呢個雞卷真係一絕！雞肉慢煮至極嫩，外面包住香濃嘅松露醬，味道層次豐富，咬落去每一口都充滿驚喜，令人一試成主顧鳥の罕有部位
三串串燒有雞心，雞肝，雞翼💛 全部都肉質鮮嫩，味道濃郁，搭配特製醬汁，簡直係肉食者嘅天堂，食完仲想再來一份！慢煮三黃雞白湯烏冬
呢碗烏冬用慢煮三黃雞熬製嘅白湯，湯底清甜醇厚，烏冬吸收咗湯嘅精華，滑順可口，真係一碗暖心嘅美味🤤…Read More

Terrace in seaside 바다 앞 테라스 🩷佢哋喺香港有好多分店，我一直都未試過！今次就黎試下好唔好食！/首先，呢個「半半炸雞(有骨)」🍗，一半「思考人生的甜辣炸雞」，一半「讓人瘋狂的蜂蜜炸雞」，雙重滋味，一次滿足！甜辣炸雞🌶️甜甜辣辣，非常惹味，令人回味無窮！蜂蜜炸雞🍯香甜可口，外脆內嫩，絕對系必點之選！「芝士請你包容一下辣味的排骨」🧀️🌶️，呢個名真系好特別！芝士嘅濃郁🧀️同排骨嘅辣味🌶️互相交融，味道層次豐富，令人一試難忘！「紅蝦意大利燉飯」🦐🍚，粒粒飯吸收咗紅蝦嘅鮮味，啖啖都充滿海洋嘅氣息🌊！紅蝦肉質鮮嫩彈牙，令人食指大動！「比初戀還要甜的蜜瓜窩夫」🍈🧇，單睇個名就已經令人充滿期待！蜜瓜嘅清甜🍈加上窩夫嘅鬆軟🧇，簡直系完美配搭！甜而不膩，清新怡人！「圓碌碌蜜瓜沙冰」🍈🍹，消暑解渴一流！冰涼嘅沙冰❄️加上蜜瓜嘅香甜🍈，喺炎炎夏日，絕對系透心涼嘅享受！/最後，「初夏青柑柚子梳打(凍)」🍊🍹，青柑嘅清新🍊加上柚子嘅酸甜，再加上梳打嘅氣泡感🫧，令人精神為之一振！總括嚟講，呢餐真系好滿足！食物質素都幾高，而且環境舒適😌，絕對值得一試！👍…Read More

將軍澳哩間平民價日本餐廳CP值好高！價錢唔算貴得黎又好有心機，食物色香味俱全，最近仲有壽司同串燒都買一送一，值得一試🩷二人前（千葉）$528唔想揀食乜就直接揀左哩個Set！入面刺身壽司燒物天婦羅都有！有種什麼都試試既感覺🤭前菜：芒果蟹子沙律芒果好新鮮，沙律醬略嫌有啲多！/四色刺身刺身新鮮爽口，魚生切得厚薄適中，入口滑溜，配埋醬油同山葵，味道更加突出什錦壽司拼招牌卷2本舊飯唔會太大舊，又多款式，仲有佢哋好出名嘅鰻魚卷！法式羊架2件什錦天婦羅一份天婦羅外皮炸得金黃酥脆，內有蝦、番薯、南瓜、秋葵同茄子，咬落仲保持到水分，唔會太油膩，配上天婦羅醬汁更好食迷你牛肉烏冬2碗日本生蠔🦪$78 一隻，買三送一！都真係好大隻，不過覺得有少少腥，可能落多啲檸檬汁會再好啲！…Read More

上網見到網民話呢間唔係即叫即炸，今日就嚟試吓！全部都熱辣辣，Order完即刻製作。佢哋啲地瓜球仲可以加唔同嘅粉，口味有原味、梅子、朱古力、糖粉、胡椒同埋海苔，經過尖沙咀可以嚟試吓，好有台灣嘅味道🩷QQ地瓜球 $28咁多款地瓜球最鍾意呢款！呢款QQ地瓜球係用手壓大鍋每日手炒製作，嚴選台灣雲林嘅57號地瓜，全部都係天然食材，完全冇添加香精！炸得非常香脆有又大粒！蛋黃肉鬆芋頭球 $35用左台灣大甲芋頭、金黃鹹鴨蛋黃同埋手炒粗絲肉鬆，真材實料！一口咬落去，外皮酥脆，芋頭香濃，肉鬆同鹹蛋黃嘅鹹香同芋甜完美交織，口感層次驚喜😆大甲芋頭球 $28每日手工新鮮限量製作，食材用嘅係台中大甲芋頭，手工蒸、煮同搗製，工序繁複，keep到原始嘅芋香同天然甜味，內餡芋頭香濃，食一口就上癮🤩可芋不可球 $35呢款可芋不可球就係QQ地瓜球同大甲芋頭球嘅Combo，兩種口味都可以食到，真係好抵…Read More

呢間韓國小店價錢好親民，喺尖沙咀韓國街搵唔到嘢食食都可以試吓佢！必叫海鮮煎餅，煎得非常香脆，推介🍟🧆牛肉海鮮辣湯湯飯 $119套餐仲有跟四個韓式前菜，分別有泡菜、花生、韭菜、豆腐，全部都係開胃小菜，仲有枝益力多。海鮮味比較出，味道偏淡，唔係好似平時食開嘅韓式辣湯味道🍲泡菜辣豬肉飯 $108辣到剛剛好，好地道嘅韓式泡菜豬肉，味道正正常常都唔錯🧇海鮮煎餅 $98呢個推介！外皮煎得金黃酥脆，邊緣微微焦香，內餡有好多彈牙既魷魚、蝦仁同事蔥段，海鮮鮮味十足。蘸上特製既辣醬汁，更提鮮解膩！…Read More

餐廳的私隱度好高，有啲似隱世小店既感覺💛 價錢吸引，每道菜式都好有誠意，鐵板燒嚟講性價比幾高，會回頭既鐵板燒🫶🏻頭盤有時令有機雜菜沙律，龍珠果、小番茄同埋生菜，加上酸甜黑醋汁，非常開胃🤤塔斯曼尼亞海膽配法國生蠔🦪，法國生蠔非常新鮮肥美，配上馬糞海膽同埋新鮮三文魚籽白松露海膽蘭王溫泉蛋，拌勻後吃，口感豐富秘製海膽醬燒澳洲龍蝦配海膽醬燒半熟帶子，龍蝦新鮮，海膽亦使用刺身級，加上特製的蝦頭蝦膏醬炒龍蝦肉，蝦味發揮得極緻💛推介香煎鵝肝多士，鵝肝煎得好香，很厚很肥美，加上芒果忌廉的酸味及多士，令鵝肝的肥膩感全消澳洲海膽炒極品松本 A5和牛🍖 和牛整到岩岩好，油脂分佈平均，海膽味濃，兩者搭配得好好， 加上配菜酸酸甜甜可以平衡返和牛嘅油膩感最後配上蛋炒飯，每道菜式都好有誠意！👍🏻…Read More

今次試咗觀塘嘅法國小店，老闆係法國藍帶出身，價錢適中，但係以觀塘嘅樓上鋪嚟講，呢間餐廳嘅裝修好新淨好靚，重點係main course都好高質又好味，附近返工嘅朋友仔可以嚟食個Lunch & Dinner🍽️ 夜晚有時仲有Live Band睇🤩/🥗西班牙伊比利亞火腿水果沙律前菜不過不失，係伊比利亞火腿沙律，以健康健康、開胃為主🫕南瓜雜菜湯精選餐湯係南瓜雜菜湯配麵包，有絲絲的南瓜肉及碎蔬菜，好有香草味/🥩美國封門柳配墨西哥醬封門柳肉質鮮嫩，油脂分佈平均，亦都唔會太熟！加埋墨西哥醬超夾又Fresh！想Encore👍🏻🍝 蒜香海蝦意大利粉有兩隻炭烤大蝦，微辣惹味，蒜香味都算幾重！略嫌份量唔算太多！不過幾好食！推介呢個💛甜品擺盤都幾靚，焦糖蘋果蛋糕面層係香滑既慕斯，中間夾住蘋果，底層就係海綿蛋糕🍰再配上精緻的Macaron 同士多啤梨，都幾有特色，同埋唔算好甜！…Read More

呢間韓國嘢已經encore 左好幾次啦～見呢排搞緊醬油蟹任食咁瘋狂既推廣，二話不說衝左黎食，想睇下質素有冇變！/要值得留意既系無論你系選擇食雄蟹$298定雌蟹$348，第二轉之後任食既都只系提供雄蟹，而且系並唔包括蟹殼嫁🦀之前都有黎食過呢度醬油蟹，覺得好好食 ，甚至比尖沙咀金馬倫道好出名果間覺得更好食！雖然任食既質素有稍微下降，相比散叫黎食無咁鮮甜，但蟹膏依然好夠！同埋呢個價錢可以任食醬油蟹加其他食物，點講性價比都算系好高🙊/另外值得一提既系，佢地除左醬油蟹任食，仲有既燒既蒜香牛油蟹，比起醬油蟹咁出色👍🏻 牛油香好重，而且唔算好膩！/任食仲包左炸雞、腸仔、年糕串、炒年糕同紫菜飯，熟食方面反而更出色！炸雞即使放左一陣，都仲保持到香脆，粉亦唔算厚，雞肉滑一啲都唔柴！年糕串炸到表面有少少脆身，加上左甜辣醬，食落外脆內軟，非常軟糯🥰除左任食之外，呢度仲有好多散叫單品，食過好幾次都好唔錯…Read More

食過川味香好多次，今次第一次打食評🫶🏻 佢哋系重口味系列，串燒全部都超多辣椒粉同椒然粉，之前食過佢啲炒麵都好有大陸串燒既味道，特別推介俾鐘意食重口味嘅你！新鮮蒜蓉美國生蠔 $70/2只美國生蠔每只都有手掌咁大只！上面鋪滿左好多蒜蓉，食落更加惹味香濃。生蠔口感適中，容易撕開，絕對唔會燒得太耐而導致縮水👍🏻串燒好似平過以前！而家有$120 十串，都真系幾抵食土豆片（串）：土豆片切得薄厚適中，都算幾大塊，超多辣椒粉同椒然粉！蒜蓉娃娃菜 $45份量十足嘅娃娃菜，配上大量蒜蓉，雖然蒜香濃郁，但系有少少咸食物味道就相當唔錯，但環境就一般，仲要收加一服務費，建議住附近嘅話可以嗌外賣返去食會再抵食啲！…Read More

唔講唔知原來ChaTraMue泰式奶茶店系有一間Cafe，仲要有熟食既🙈🍝泰式冬陰功蝦意粉 $108冬陰功意粉嗰醬汁酸酸甜甜幾開胃，不過略嫌少咗啲誠意，就咁將啲醬汁放上意粉面 ，如果炒會更好！🥬泰式生菜包 $88系泰式肉碎，比正常出面既肉碎辣！就算平時食開譚仔中辣大辣都會覺得辣🙊 如果唔食得辣嘅唔建議叫！但炒得幾惹味，雖然好辣，但都忍唔住一啖接一啖咁食！連生菜食會中和少少冇咁辣😊🥞泰茶梳乎厘pancake $88甜品個人比較推薦泰式奶茶梳乎釐pancake！蛋香味好重，空氣感唔算系超重嗰啲，會有少少質感，而且泰式cream唔系好甜🧇最後當然唔少得佢地既招牌泰式奶茶！不過有少少可惜系不設走甜，即使叫左少甜都系太甜，如果可以好似泰國咁有走甜呢個選項會更加貼心🫶🏻…Read More

呢度嘅串燒種類非常多，所以就揀咗嚟乾杯試嚇！值得一贊，所以串燒好夠熱，即使影左陣相先食，都仲keep到好熱，唔似坊間大部分串燒放一陣就已經凍曬🙊🦐燒紫蘇葉雞皮蝦 $42推薦燒紫蘇葉雞皮蝦，好創新既配搭，好有層次口感，雞皮唔系燒到乾脆卜卜嗰種，系外脆內軟，口感非常有趣！再有紫蘇葉作點綴，令到成件事無咁油膩🙂🌽粟米天婦羅 $88粟米天婦羅半份都超級大份，系粟米粒加炸粉炸，粟米好多甜。不過略嫌沙律醬多左少少，如果另上自己點會更好👍🏻🍗燒自家制芝士免治雞肉棒 （2pics) $78另外大推免治雞肉棒，比系出面大份好多，而雞肉一啲都唔鞋唔霉，加埋醬汁同蛋黃，相當出色！🍘明太子日式飯團 $68明太子日式飯團都相當特別，好少見會外加一塊紫菜比客自己包。不過紫菜唔算好脆，但飯團本身表面燒得好脆口，而個飯本身都已經有調味，就咁食都唔會覺得乾。上面再配上明太子沙律醬，令成個飯團生色不少。不過因為系鋪上面，所以唔系好均勻，會有啲食到沙律醬有啲食唔到。…Read More

呢間太子人氣餃子店每次經過都大排長龍，半年前由一間擴張到兩間，喺正隔離，新店裝潢光猛又闊落咗，食物質素不變，難怪咁多回訪客🙈椰菜鮮肉 & 白菜鮮肉湯餃招牌菜既椰菜鮮肉同白菜鮮肉都系經典搭配，餃子大大嚿，好抵食！而嗰椰子海帶鮮豬骨濃湯飲落清甜可口，賣點系無落味精！我覺得呢個配搭都幾適合減脂人士😀麻辣白菜鮮肉 & 芝士粟米鮮肉煎餃餃子即叫即整，全部大大粒，超級飽滿。煎餃皮唔算好厚，微微焦香，外脆內飽滿！鐘意食餃子嘅你一定要試下佢哋嘅煎餃😆…Read More

🐔 招牌三色拉麵（豚肉・雞肉・A4和牛）配濃厚雞白湯 $138推介！可以一次過試曬三種肉💛 雞肉慢煮嫩滑，A4和牛粉嫩入口即溶🤤 佢哋既肉全部都有烤過，個人認為佢哋既肉系認真出色既！而湯底系用日本薩摩雞熬左20個鐘，同出面既雞白湯有少少唔同口感，偏淡少少🤏 同埋湯底可以再熱啲就更好🧏🏻‍♀️🍜味自慢炙燒豚肉拉麵 配濃厚味噌蝦湯（偏咸） $88豚肉灸燒到焦香爆油，鐘意食濃味嘅一定要揀呢個湯底，比起雞白湯呢個湯底再咸少少，可能自己偏重口味，我鐘意食哩個湯底多啲🥰而溏心蛋有用醬油醃過，味道好出😋🥔流心芝士薯餅 整體都唔錯，芝士好流心，咬落去有大量芝士推介俾鐘意芝士嘅朋友🧀…Read More

今次黎到位於灣仔船街既後花園，餐廳採用白色、木為主調，感覺清新。主打中西式Fusion料理，賣相都幾精緻🩵🌶️麻唔辣四川蜆 $168蜆肉肥厚多汁，蜆湯幾鮮甜，微辣！幾夾又好特別，味道各有特色又無衝突👍🏻🍝冬蔭公大蝦意粉 $198大推！意想不到咁好味！大蝦彈牙，冬蔭公醬味道濃郁又唔會太辣，好掛汁！好好味🩷🦆千層脆窩夫油封鴨脾 $298油封鴨腿皮脆肉嫩，唔會太乾，配塔埋流心蛋令肉質更嫩滑。配菜方面餐廳選用左千層窩夫取代薯菜，口感酥脆又無薯條咁膩👍🏻…Read More