sandyma00000的個人專頁

午市套餐前菜 餐湯/沙律 Soup/ Salad分別叫左一個餐湯及沙律。椰菜花餐湯配上一片十分香脆的多士包。而沙律除了新鮮蔬菜、小蕃茄，仲有好正嘅拉絲水牛芝士。香烤牛內裙肉•自家醃製沙律•香滑薯蓉 Grilled Beef inside Skirt • Pickled salad • Mashed Potatoes $198店員告知當日會轉為西冷牛扒🥩，反正牛都係好味！一上到枱，發現有兩塊西冷，仲要已經切好曬，非常方便即刻食。沙律係奇異果沙沙，比較小見，吃上去偏酸一點，同牛扒夾起來剛剛好，唔會覺飽滯。香烤時令魚。羅蔅蒔蘿忌廉汁•炒雜蔬菜 Daily Fish • Basil Dill Cream Sauce • SauteVegs $168當日的時令魚係盲曹魚，魚皮非常香脆，魚肉濕潤滑嫩。同朋友share一人一舊，眨吓眼就食曬了。Set Dessert 朱古力布朗尼配雪糕 Brownie +$35奶茶焦糖燉蛋 Milk tea Cream Brulee +$35朱古力布朗尼不會太甜，入面亦有粒粒果仁。還附有一件綠茶馬卡龍，大滿足！焦糖燉蛋亦口感軟滑，帶有淡淡的奶茶味。玫瑰綠茶拿鐵 Rose Matcha Latte 🍵 $62焙茶拿鐵 Hojicha Latte ☕️ $62兩杯拿鐵都有十分漂亮嘅拉花；很打卡able。味道都同出面專業做cafe嘅一樣！…查看更多

中環收工之後夜晚plan左同朋友去chill drink 🍹 飲嘢之前當然要填飽肚子先！同埋都心掛掛住好味越南菜～另外發現佢午餐原來都好抵食呢！越式炸春卷 $68馬拉盞炒通菜 $68春卷新鮮炸起，即時上菜，十分熱辣辣。外皮香脆，內裏除了肉、還有木耳、蘿蔔絲等等，味道酸酸甜甜。另外，這款通菜適合不吃辣的人，都依然好惹味。份量很多，抵食！蕃茄蟹肉湯檬 $80湯底用了不同的調味料熬煮而成，帶有濃濃的蕃茄及蟹香味。配有非常足料的配料；蟹肉蟹餅、鮮蝦、扎肉餅。吃每一口都有蟹肉的鮮香味，十分滋味。香茅雞翼撈檬 $68香茅雞翼炸得香脆可口，帶有微微焦香。配以加上魚露的檬粉，酸酸甜甜，夏天吃更是清爽開胃。…查看更多

原來The One新開左一間高級fusion菜，主打意大利x日本菜式。門口低調而且私隱度高，等我先試為快先！8 courses tasting menu $788 p.p.Amuse Bouche 開胃菜🥣Zuppa - Kyuuri - Mentaiko明太子日本青瓜凍湯🥣Akaebi - Burrata - Tsukudani赤海蝦昆布の佃煮意大利水牛芝士🥣Carpaccio - Parmigiano - Nori紫菜巴馬臣芝士薄切牛柳上菜時店員會介紹每道菜式，三份前菜食嘅次序係先喝湯、食赤海蝦，最後才吃薄切牛柳。湯上面有一片塗上了明太子醬及鋪上芝麻、紫菜的多士，就咁食落去明太子醬會偏辣一點，沾上creamy的湯汁就剛剛好。而赤海蝦的表面鋪上了芝士，而底部有一片蝦片，方便拎起來吃。赤海蝦都十分鮮甜美味。薄切牛柳中間包住日式蕃茄醬，這道菜就稍為開胃一點，酸酸甜甜。Entrée 前菜🥣Veal tongue - Shimeji - Shallot牛仔舌姬菇沙律 配了青醬、炸紫洋蔥及姬菇吃的牛舌並沒有被蓋過了味道。入口彈牙有咬口但又不會過韌。Main 主菜🥣Livornese - Anguilla Anago - Sansho利洪內塞式烤白穴子燒白鱔外皮十分香脆，跟了酸酸甜甜的日本蕃茄醬，店員都貼心提醒我哋小心碎骨。🥣Stella Trippa - Pomodoro - Miso托斯卡納炆牛肚意大利牛肚配布丁麵包。混合了蕃茄醬、味噌醬及紫蘇花的牛肚十分入味，而且爽口得來又不會太難咬。🥣FuFuFu Risotto - Kabocha - Black Truffle鮮黑松露日本南瓜富山米意大利飯餐廳選用了富富富米。係日本富山的特有品種，種植於肥沃的富山平野，以號稱日本屋頂的立山連峰之雪水灌溉。米粒飽滿透明度高，口感鬆軟甜度高，令人印象深刻。🥣Prime Angus Tenderloin - Daikon - Asparagus美國頂級安格斯牛柳配大根蘆筍加$90 仲可以升級為日本A5和牛呢。安格斯牛配以蠔豉及蘆筍醬，另外配菜係大根(=白蘿蔔)。每塊牛柳的熟度都剛剛好，內層都係粉紅色，咬下去鮮嫩美味。而白蘿蔔十分軟冧，入口即化。Dessert 甜品🥣Pistachio Gelato - Meringue - Chita Whiskey自家製開心果意大利雪糕配日本至多威士忌吃過主菜後，甜品胃又出來了。開心果雪糕搭以蜜糖果仁及餅乾碎，三兩口就吃光了呢。🥣Semifreddo - Borghetti - TiramisuCaprese - Chocolate - WalnutHojicha - Yorkshire Pudding - AlmondCannele - Kuri - Rum四小味甜品這款Menu會有2道甜品，很適合喜歡甜品的人，亦可以平衡剛才食嘅鹹點。焙茶布丁麵包：濃濃的焙茶cream以及面頭的焙茶粉，相對上甜味比茶味重一點，很解飽濟。可麗露糖漬粟子：可麗露外脆內軟，充滿蛋味。反沙合桃朱古力布朗尼：反沙合桃脆口，而布朗尼質感軟糯，吃上去上脆下軟，味道平衡。士多啤梨醬撻：士多啤梨醬是餐廳自家製，有薄荷及大量果肉，味道亦不會太甜。…查看更多

香港嘅主題餐廳都越開越多，今日就去左食新沙洞大排檔，一入到都就覺得佢裝修環境好靚，係照住韓國嘅大排檔黎做主題，menu選擇好多，有醬油蟹、燒肉、燒鰻魚等等。鐵板燒濟州黑毛豬配生菜拼盤 $188店員送上石鍋，黑毛豬係由自己燒，望住啲肉慢慢變熟好療癒！黑毛豬油脂感較重，食落更加香口，加上生菜可以解膩，份量剛剛好，食完仲可以食其他野～脆炸年糕配韓式辣醬 $68十分推介！呢一款年糕係外皮脆口，但內裏煙韌口感嘅韓國年糕，加埋醬汁很是惹味。韓式水冷麵 $98水冷麵麵質彈牙，吃完燒肉後配上一口冰涼得水冷麵，十分清爽。黑糖蜜黃豆粉麻薯刨冰 $68刨冰完全係夏天甜品嘅好選擇，相對上黃豆粉味道淡一點，每一啖都係濃濃嘅黑糖味，配上麻糬，好夾。招牌原粒蜂巢蜜米洒(二人份) $98飲品都有好多選擇，最後揀了招牌米酒，賣相十分地道，而且配了甜甜的原粒蜂巢，更容易入口。…查看更多

喜來稀肉一直都出名韓燒，之前食過都唔錯，平日再去，仍然係差唔多滿座。不過要注意用餐時間係90分鐘喔。店面有自助的生菜及配菜吧。當中最鐘意就係泡菜，頗辣，但又幾惹味，一食就停唔到口。晚市的menu有燒肉set都很吸引，但因為想食多點唔同的餐點，所以選擇了單點。海鮮泡菜餅 $90每次食韓國菜都必點的泡菜煎餅！份量好夠，煎餅上有好多魷魚，配上沾醬就味道剛剛好。大醬湯 $85係有蟹肉蟹鉗的大醬湯，很多湯料；翠肉瓜、金菇、泡菜、蟹肉等等。雖然佢望落好像很辣的紅色湯底，但其實唔食辣嘅人(我)都飲到，而且唔會太鹹。特殊背花肉 $188牛護心肉 $160背花肉唔肥而且夠厚，包在生菜入面，再配上醬汁，仍然食到啖啖肉，好滿足！而牛護心肉就有油脂得黎薄薄地，燒一陣，好快可以食。鍋邊上還有兩邊的蒸蛋；一邊原味，另一邊則是泡菜味，泡菜味的那邊相對上濃味一點。香蕉米酒 $90香蕉味較重的米酒，很適合女仔飲。…查看更多

今日又到左歡樂串燒嘅日子～平日夜晚呢間居酒居都好full，建議大家可以book定位。一坐底，店員就即刻幫我同朋友斟水及加上醬料；分別係自家製麵豉醬和用黎點串燒的醬汁。生野菜沙律 $28每張枱都會附上一個生野菜沙律作為開胃菜，有椰菜、紅蘿蔔、白蘿蔔及青瓜～可以留作之後串燒與串燒之間解滯而食。横格肌SET $158Set入面有4種唔同口味嘅牛串燒，分別係黑燒(芝麻醬)、蜜糖芥辣、芥辣及蒜香。横格肌除左富含纖維質，都略帶油脂感，店員建議我哋由左至右，淡味至濃味嘅享受。牛沙瓜(串) $42牛沙瓜係指牛嘅第四個胃，而且因為係最細嗰個胃，因此坊間較難見到。牛沙瓜吃下去十分爽口呢，很特別。雞翼(串）$40白鱔(串）$62雞鎚唐揚 $78雞翼及白鱔燒得十分香口，外脆內軟，一點都唔乾。雞鎚入面都十分Juicy，沾上沙律醬令人引唔住一口接一口。銀鱈魚西京燒 $178銀鱈魚十分滑嫩，入口即溶。而且食落口最暖暖的，很是舒服，推介！羊扒 $68羊扒亦是另一道好驚喜的菜式。本身我不是特別喜歡羊，因為之前有食過一啲很重羊羶味，很腥的。但這餐廳的羊是很易入口，完全冇腥味，但又會知道自己係食緊羊，熟嘅程度亦剛剛好。日本北寄貝 $228最後都忍唔住叫了一個刺身，北客貝刺身新鮮又爽口。Suntory Draft $69 p.p.食串燒點小得啤酒呢～…查看更多

平時食開嘅omakase都係壽司類別，今次發現新開張嘅日本過江龍店舖，主打日本鹿兒島黑薩摩走地雞肉，串燒包含雞嘅不同部位，仲要係刺身級，可以生食，就即刻book左位了。塚田燒雞10串 $698·濃香雞湯配免治雞肉：雞湯係用雞肉足料熬製五至六小時，入面有一大粒免治漢堡雞肉，雞肉口感軟糯。鹽燒串燒·雞柳：滑嫩雞柳上面放有魚子醬，咬下去雞肉係粉紅色的～·黑薩摩雞肉：雞肉包上了紫蘇葉。·雞頸：係雞入面最嫩滑嘅部份，入邊帶有少少軟骨，口感煙靭·雞腎：店員提醒了我們食嘅時候可以加點七味粉，會把雞味吊出來。· 黑薩摩雞腿肉：雞腿肉十分軟滑清舌餐點吃了六款串燒後，店員送上了蔬菜漬。這個時間剛剛好，吃了幾款串燒後，來點酸酸的蔬菜清理口腔嘅味道。蔬菜漬：有白蘿蔔、紅蘿蔔、紅椒、黃椒及青瓜， 剛才食的串燒都是鹽燒，之後的串燒就會轉為汁燒～汁燒串燒·雞尾：是油份最重嘅位置，比較重油香感，好邪惡但幸福～· 生麩磯邊燒：係雞嘅生根，食落去口感好似芝士年糕，幾特別。·本日之推薦燒鳥：係雞嘅橫膈膜，姐係心胸附近位置，有咬口。時令蔬菜：汁燒冬菇，燒完之後嘅冬菇完全唔乾，十分Juicy!和牛西冷：呢一間專賣雞肉串嘅餐廳，估唔到和牛都十分好食！用了海鹽及wasabi配搭而食，好味道。自家製月見免治雞肉：最後一串串燒了，已經十分滿足。塚田特製雞白湯拉麵雞肉茶泡飯甜品前來兩碗細嘅暖食，真係分量準備得好好，各自叫了一款分享食。雖然好飽，但都係忍唔住食曬。甜品一樣各自叫左一款甜品；分別係紅豆脆餅雪糕同焦糖布丁杯加抹茶蕨餅。…查看更多

食Omakase真係會食到上癮，今日我又忍唔住去食了！今次簡左銅鑼灣的Sushi N，係主張創新同獨特的廚師發板，仲有素食version的omakase呢。$698 per person前菜清新開胃的沙律，有生菜、青瓜、小蕃茄及蘿蔔。茶碗蒸乚蒸蛋上面鋪滿了三文魚子，蒸蛋入面有蟹柳及冬菇，再配上紫菜醬，口感軟滑。旬の牡蠣係岩手縣嘅大樹渡真蠔。有半隻手掌咁大！海水味同蠔味比較重，食落十分滑身同creamy呢。 旬の书造の二品 甜蝦他他：比較小見的甜蝦他他，廚師加上了岩鹽及柚子皮，旁邊更放了紫蘇花作點綴。間八刺身：間八本身油香豐富，脂肪含量唔太高。碗底裝有黑松露酸汁，而且配上了一條精美的紫蘇花，師傅都提到此花是可以連莖食。刺身配上此花一齊食帶有完全不同的感覺，很特別。和食燒銀鱈魚：醬汁係由黃椒、煙肉及洋蔥混合而成，魚皮很香脆，魚肉亦十分Juicy。握の五貫石門鯛：石門鯛油香感重，師傅加了柚子皮在表層，吃上來有清新的感覺。新鮮帶子：加上青檸汁調味，入口鮮甜。親子鯛：魚肉鮮嫩，配上四季紅增添清香。醋漬鯖魚：魚肉表面放上醋漬了的蘋果蓉，由於經過醋漬，所以完全吃不到腥味的。炙燒左口魚邊 蝦夷盤鮑用清酒蒸的鮑魚，是用慢火煮了三個小時，十分爽口彈牙。雲丹北海道馬糞海膽十分鮮甜creamy，分量亦好多，鋪滿整舊壽司，很滿足。吞拿大拖羅壽司上面加了芥末子。好滑及好重油脂感，入口即化。和牛卷和牛海膽壽司是即時用火槍燒和牛，配合海膽而吃十分美味。師傅仲貼心提示要趁紫菜仍然脆的時候就要吃了。吸物味增甜湯，清甜解油膩。甜品最後來一個很濃抹茶味的抹茶奶凍，十分滿足。…查看更多

一直見到呢間蒸氣海鮮火鍋好多好評，今次決定同最鐘意食海鮮嘅父親大人去食～店員都有提到餐廳老闆自己係做海鮮入口，所有入口香港嘅海鮮都一定冇問題，宜家都冇再入口日本海鮮，可以安心食用～尊貴海鮮套餐 每位$419店員會幫我哋煮，當中佢哋會計埋時間，我哋坐底等食就可以了，好正！野生膏仔蟹
太平洋饅頭蟹
龍蝦台灣九孔鮑魚野生大赤蝦大西洋野生青口深海白刀具黃金翡翠螺韓國斧山珍珠蠔有機蔬菜籃食左好多海鮮！雖然有醬油提供，但我都冇乜點到，始終我覺得新鮮最好食～當中嘅野生大長蝦係阿根廷取貨，入口十分彈牙。另外饅頭蟹原來係季節性海鮮， 本身體型唔大。最大五吋半，已經拎到世界紀錄了。佢地本身係生活係深海石縫之中，繁殖先會上淺水區域。蟹膏十分滑，亦有深海海水嘅鮮味。另外青口入邊仍然有海藻，令佢保持新鮮，十分鮮甜美味。食完海鮮後再來個粥底，加上香蔥菜脯更顯滋味。最後仲有贈送嘅椰汁雪燕，十分滋補滿足～…查看更多

SIGNATURE PIGGIE (M) $198叫左M size嘅pizza，都有15吋長，適合幾個人share～選擇了他們招牌的豬肉pizza，除了手撕豬手，還有意大利香草肉腸、辣肉腸、火腿等作為肉類。啖啖都係肉的感覺好滿足！Pizza上還放了一些十分脆口的豬皮增加口感呢。蒜辣白酒煮蜆 (S) $138每隻蜆都很飽滿，而且沒有沙。鮮甜的蜆浸上充滿牛油香及淡淡白酒的湯，再用麵包沾上而吃，很是美味。吞拿魚他他 $148這個吞拿魚他他，是不同於出邊其他餐廳吃到的味道。用上了墨西哥辣椒，牛油果及蓮藕脆片。帶些辣味，而又有不同口感的食物作襯托。Tiramisu $88Tiramisu 十分綿滑，帶有很濃的咖啡味及淡淡酒味，很適合香港人的口味。…查看更多

燒肉定食（豬肉片＆肥牛片）$88明太子飯 +$18南蠻炸雞 +$28今日突然好想食燒肉，見到餐廳又有一人嘅燒肉set，賣相仲好吸引咁添！Set入面已經配了麵豉湯、同埋兩個配菜(當日係酸蘿白同牛膀絲），酸酸甜甜好開胃。炸雞都十分大件而且新鮮炸起，配試蛋黃醬很是惹味。定食嘅牛同豬肉片切得夠薄，放上爐等數秒就可以入口了～仲保證啖啖肉都係熱辣辣呢。朴葉味噌牛柳定食 $98叫了一道飛彈地區的鄉士料理試試～意指將蘑菇及其他食材混合味噌放在朴葉上燒製。燒製後的食材和味噌完美融合，非常適合搭配白飯。而且這份定食的牛肉份量十分之多，抵食！加配 沙律及飲品吧 $20p.p.飲品都有好多選擇；除了罐裝飲品、都有不同果汁例如白桃汁、提子汁等等。而且有健康的新鮮水果茶，例如菠蘿青瓜美人水、美人果茶等等。試左美人水及白桃汁，都唔會太甜，可以解渴👍🏻…查看更多

終於去到Openrice好多好評之一嘅串燒餐廳，有選擇困難症的我總是要糾結很久才選擇到。今次搵到間有omakese版嘅串燒店了。Mori Omakase $680未開始叫野食之前，店員會上前菜，有好健康嘅蔬菜，分別係甘旬、西芹、椰菜、青瓜，十分解滯。精選燒鳥8本之後師傅就會隨機燒8串雞串燒給我們🤣 就是Omakase的感覺。蛋黃免治雞肉串：蛋黃經過醃製，免治雞肉串帶有軟骨增添口感。雞腳筋：第一次食！感覺特別，脆口但都冧，相比雞軟骨冇咁爽口。雞心、雞軟骨：十分爽口入味，肉質有咬口，而且沒有腥味。梅子雞胸： 包住紫蘇葉，再沾上梅子醬的雞胸肉好惹味。酸酸甜甜中和了吃串燒時會有的油膩感。雞翼：雞翼燒得剛好外皮香脆，肉汁鮮嫩。燒物 (四選一）* 白鱔* 厚燒牛舌芯* 蛋黃漬虎蝦* 伊比利亞豬肋條和友人選擇了牛舌芯及豬肋骨。厚燒牛舌芯火候掌握得很好，十分嫩滑。伊比利亞豬肋條則充滿肉香，令人回味。食事（二選一）* 惠比壽炭火親子丼* 安格斯稻庭烏冬每人都選擇了一款，大家可以分享吃。雞肉跟滑蛋十分嫩滑，而安格斯牛肉牛味很濃，烏冬比較幼而且彈牙。吸物&甘物松茸湯：飲一碗暖湯很是舒服。紅豆蛋白牛奶布丁：最後甜品是牛奶布丁，解膩得黎分量都唔會過多，十分滿足。…查看更多

竟然俾我係Openrice發現到新嘅火鍋店，最鐘意做先頭部隊的我當然要試下。咁岩最近又母親節，當然帶埋家人一同試試。餐廳位置闊落，卡位可以坐6人以上，而且環境舒適，配上淡淡嘅音樂。鴛鴦鍋 每位$48叫左金腿蟲草花花膠雞湯同滿粥鍋，粥底會跟埋2碗飯，粟米粒、南瓜粒同菜脯。美國桶蠔(一份）$188桶蠔十份抵食！有8隻大大隻嘅蠔，即使落左火鍋，煮熟後都仍然係十分大隻，鮮甜可口。沙白蜆(半份）$58鮮龍躉片(半份）$78食粥底火鍋就一定要叫海鮮加係湯底度。沙白蜆完全沒有沙，食下去爽口彈牙。而龍躉片都十分新鮮，煮到魚肉變白色便可。鹿兒島黑豚肉(半份）$48手切嫩牛肉（半份）$48雪花肥牛（一份）$148蝦滑（一份）$88吃過海鮮，將滿粥鍋嘅湯底加上了海鮮的鮮味後，再來就係火鍋的主場。叫了不同肉試試，當中牛肉每片沒有太多脂肪，牛味亦濃郁。田園蔬菜籃（一份）$88冬瓜片(一份）$28響鈴（半份）$28去到蔬菜方面，如果1-2人，幾推介田園蔬菜籃。當日有2款菜；油麥菜及椰菜，同埋粟米、冬菇等等。紅糖果仁冰粉最尾仲有甜品(◐‿◑) 經openrice訂座，2-3位會送紅糖冰粉，4位以上就送百花小魚兒。紅糖冰粉口感特別，冰粉有啫喱嘅感覺，底下有紅糖，面層有果仁及葡萄乾，特別～…查看更多

食Omakase從來都唔會嫌多，今次就去左銅鑼灣一間樓上Omakase鋪頭。餐廳位置都係十多個，想食記得早啲訂枱啦！悠 $988/ head前菜三品清湯蟹羊羮：其實就是有蟹肉及秋葵的清湯啫喱，吃下去十分清甜。日本仙人掌：肉食植物見得多，但食落口都係第一次。原來味道帶酸，所以碗底配有黑糖蜜，沾點而食。合桃配沙甸魚乾：香脆可口，魚乾亦十分有營養。刺身四款深海池魚：配以酸汁，師傅亦仔細介紹食法，指出將配料放上刺身上面食就可以。赤貝：十分新鮮爽口，簡簡單單點上wasabi及豉油即可。獅魚：獅魚即是油甘魚，配上柚子胡椒，吃下去帶有滿滿的油脂感～ 螢光魷魚：配上醋面豉，咬下去外層爽口，內層軟冧。和食鱈魚西京燒：配菜有葫蘆瓜及芥末魚子醬。雖係係芥末醬，但完全唔辣，反而帶點甜味，不吃辣的朋友不用擔心～鱈魚亦燒得剛剛好，很滑，入口即化。手握壽司八貫石鯛：肉質爽脆彈性，富有膠質的口感。北海道帆立貝：很厚肉的帆立貝，鮮甜美味。羽太： 即是石斑類嘅魚，口感清甜。梳子魚：第一次試這種魚，師傅加了芝士碎，但完全沒有把味道搶過，梳子魚的魚味較濃。金目鯛：肉質鮮嫩甘甜。中拖羅： 好重的油脂感！口感順滑，很肥美。碎蔥吞拿魚腩軍艦：吞拿魚腩蓉魚油滿滿，配上香碎蔥， 十分惹味。北海道馬糞海膽軍艦：壓軸的海膽軍艦，果然最令人回味，鋪上了滿滿金黃色的新鮮海膽，入口即化。吸物櫻花蝦麵豉湯：吃完新鮮的壽司後喝一碗暖湯，暖胃舒服。甘物北海道紅豆雪糕…查看更多

牛肉壽喜燒定食 $168有多塊牛肉的壽喜燒！牛肉比較厚身，牛肉味濃。配菜有椰菜、豆腐同菇，偏甜的湯底跟飯一齊食就剛剛好。火炙海鮮丼定食 $218 有6種刺身嘅豐盛海鮮丼；分別係左口魚、酒甘魚、刺身帶子、鰹魚、三文魚同三文魚子。微微火炙嘅刺身更加Juicy。每個定食都配有漬物(當日係中華沙律)、沙律、麵豉湯同和菓子。😎😎清酒煮蜆 $108飲呢個湯好舒服，帶有淡淡嘅清酒味。而且啲蜆完全冇沙，煮得剛好，滑口。…查看更多