3
香港嘅主題餐廳都越開越多，今日就去左食新沙洞大排檔，一入到都就覺得佢裝修環境好靚，係照住韓國嘅大排檔黎做主題，menu選擇好多，有醬油蟹、燒肉、燒鰻魚等等。
鐵板燒濟州黑毛豬配生菜拼盤 $188
店員送上石鍋，黑毛豬係由自己燒，望住啲肉慢慢變熟好療癒！黑毛豬油脂感較重，食落更加香口，加上生菜可以解膩，份量剛剛好，食完仲可以食其他野～
脆炸年糕配韓式辣醬 $68
十分推介！呢一款年糕係外皮脆口，但內裏煙韌口感嘅韓國年糕，加埋醬汁很是惹味。
韓式水冷麵 $98
水冷麵麵質彈牙，吃完燒肉後配上一口冰涼得水冷麵，十分清爽。
黑糖蜜黃豆粉麻薯刨冰 $68
刨冰完全係夏天甜品嘅好選擇，相對上黃豆粉味道淡一點，每一啖都係濃濃嘅黑糖味，配上麻糬，好夾。
招牌原粒蜂巢蜜米洒(二人份) $98
飲品都有好多選擇，最後揀了招牌米酒，賣相十分地道，而且配了甜甜的原粒蜂巢，更容易入口。
