terrence2018's Profile

尋日諗住試下新嘢去家樂坊呢間好多KOL大推嘅酒家重溫下懷舊茶樓嘅感覺點知⋯⋯食咗個寂寞佢係玩蓮香樓嗰種推車仔嘅懷舊都冇問題嘅，好細個都係咁飲茶好彩都係排隊入去，唔使企喺人哋嗰枱後面搶位嗰款點知入到去咁大個場百幾二日人得嗰兩架餐車一架係蒸點，另一架係煎點煎點係逐舊逐舊慢慢煎（姐姐係煎得好用心嘅），所以排隊等拎嗰條龍就長到high high我心諗細個飲茶都未試過排點心車㗎喎我依家變咗食自助餐咩？最過份係蒸點嘅餐車完全出唔切貨啲點心一拎過嚟就俾人搶光基本上啲人都唔關心有咩食有嘢食拎返位就算諗住等一等廚房蒸好就會有新嘢拎出嚟啦點知3點半佢就話廚房要收爐大佬呀我知你4點落場但你出面班客飢寒交迫咁款你係咪應該努力出多幾輪先呀？客你就識放入嚟，點心你就話落場唔再蒸焗啲人叫炒粉麵飯 咁我唔好去食茶餐廳？仲夠膽死收人$16/位茶芥老實講啲點心就唔難食嘅（咁新鮮搶番嚟好食都係應該？！）不過真係唔建議大家咁早去朝聖話晒人哋試業緊要累積經驗三五七年後仲未執嘅話，我覺得可以一試嘅希望老闆睇到呢個comment認真反省吓啲人成日話喺香港消費係交智商稅我真心唔認同嘅俾得錢租個場番 希望係認真做唔好純粹諗住靠宣傳谷一浸人流番嚟Cap咗舊錢就算…Read More

嘉堡聽就聽得多，終於有機會去朝聖下。相比其他漢堡店，相信大家多數會聽過啲人形容嘉堡超抵食，但除此之外，其實佢都好有港式小店feel，同其他漢堡店偏向西化嘅風格好唔同香辣煙肉磨菇芝士牛堡 $44個牛堡咬落好juicy，雖然肉味唔濃，但滿滿嘅芝士同煙肉同免治牛肉好夾，好豐富嘅感覺，包都好鬆化。呢個價錢嚟講已經係超值泰式蝦堡 $38蝦堡都完全冇伏正正常常，蝦餅煎落都香口，同泰式醬汁都夾，只係食落就冇牛堡咁驚喜升級咗兩個套餐，各加$15，跟一款小食+飲品炸燒賣（跟餐小食）炸燒賣就正正常常，可能唔係即炸，有少少硬同唔太熱番薯條 （跟餐小食，另+$4）番薯條就真係食唔停口，啱啱炸起熱辣辣之餘，係好有番薯嗰種甜味…Read More

幾次經過廣華附近都唔係好覺眼，同事介紹終於搵到呢區少數嘅漢堡店一試龍與鳳！佢呢間舖頭係包嘅選擇方面係有少少心思，牛堡會配黑糖麥包，雞堡同海鮮堡就會配芝麻水泡包。黑糖麥包首選就當然係Outback啦，佢雖然冇Outback咁好食，但都略帶甜味同鬆軟，其實不錯。反而芝麻水泡包就比較平實，冇伏冇驚喜經典澳洲牛堡 $65睇menu我估佢啲牛分咗兩種，普通手打牛肉同澳洲和牛，咁我今次就先試多人踩嘅普通手打牛先。反而出奇地肉味好濃好多汁，完全冇之前睇comment講嘅好乾/ 未熟。咁可能反映出餐廳水準起伏不定，但今次呢個經典澳洲牛堡就真係水準不錯。再值得一讚嘅係，佢嘅配料用量絕對唔吝嗇，可以話係啖啖都好豐富牛油果軟殼蟹堡 $98軟殼蟹係原隻上，炸得好鬆脆，連包連菜一咬層次感好分明，同佢自家製醬汁好夾。如果鍾意牛油果同軟殼蟹，十分推薦…Read More

今個星期日黎到大圍食晏，試下呢間搬咗新舖嘅人氣cafe。可惜店舖size都只係容納到20人左右，遲咗一步來到都等咗接近30分鐘先入得。嗰日正午時間，太陽都幾猛，店員好好咁問在場等候嘅食客要唔要飲凍水。呢個細心位真係好值得加分！煙三文魚芝士滑蛋盒子多士 $65賣相一流，十分igable。滑蛋炒得好香滑，配埋特質Honey Mustard沙律醬，再加上充滿牛油香而鬆軟嘅丹麥多士，意想不到地match。就算唔加煙三文魚都係一道好出色嘅「蛋治」Double芝士豬柳盒子多士 $55 同上面嘅盒子多士一樣色香味俱全，唯一分別係煙三文魚就只係放喺個丹麥多士盒上面，食落係有少少分離。但Double芝士豬柳盒子多士嘅豬柳就係釀入咗多士盒裏面同啲蛋一齊，變相口感更加豐富，就更加似係「一道餸」。另外每款盒子多士都會加配番薯條同沙律，都係有質素嘅伴菜特濃朱古力 $41 朱古力味相當濃厚，面頭有層鮮奶+cream唔會太膩得仲有陣清新嘅感覺…Read More

今次去到筲箕灣一間望個名以為係日本菜，點知係多國菜嘅餐廳。去到嘅時間已經晏，雖然唔使排隊但依然人頭湧湧，不自覺地對呢間舖頭有所期望，心諗夜媽媽都咁多人應該好食啦！先講裝修同間格，睇得出舖頭係有返心機去營造一個有格調嘅環境，但奈何主力做街坊街里生意，座位難免有啲迫夾。不過都擺明唔係打卡餐廳就冇所謂啦不得不讚就係個餐牌，真係要俾啲掌聲設計師！佢係少數令到食客食慾大增嘅餐牌，每道菜全部都影得好igable！其實睇樣真係好難揀，樣樣都好食咁。最後揀咗一款吸引我到黎開餐嘅籠仔糯米飯同石鍋飯蒲燒鰻魚籠仔糯米飯 $78 Cross-over有時係好，但事實證明真係唔係樣樣嘢夾。好食嘅糯米飯應該係軟身得黎帶點煙韌，味道上如果係荷葉包就最好有陣清幽嘅荷香味。可惜呢個糯米飯兩樣都冇，剩番嘅係一舊膠咁嘅冇味糯米飯。蒲燒鰻魚就正正常常完全合格，呢個價錢都係但求正常。但個汁本身係濃味嘢，配合埋個糯米飯就係食緊一個濃味嘅膠，感覺有啲奇怪黑松露蟹肉石鍋炒飯 $78 有咩慘得過中一次伏，就係中兩次伏。一睇個賣相就知道同menu有出入，說好的蟹肉碎變成咗一塊煎好嘅蟹肉（仲要個樣好似薯餅），食落係有少少蟹味，但質感完全唔似蟹肉，似係一塊蟹味嘅薯餅。其次就係黑松露，通常呢類型平價餐廳叫得黑松露嘅都預咗唔會比真正黑松露你，最多比醬你。但呢個炒飯好嘢喎，完全食唔出有黑松露。不過其實都幾好嘅，黑松露同炒飯本身都未必夾😂 反而飯係炒得幾甘香，粒粒分明仲有啲咬口，就咁蛋炒飯係幾好食。但最致命嘅係我叫嘅係炒飯，顧名思義即係炒埋一碟。但你而家飯還飯，蟹餅還蟹餅，咁我不如叫碟頭飯啦，食乜鬼炒飯喎總括而言，俾得呢個價錢其實都唔應該有咁多投訴，因為真係平同都食得落口嘅，創意係有，但實力就暫時未跟得上。呢間餐廳喺marketing上係做得幾好，餐牌/ 食物賣相真係有下心思。如果可以喺食飯上加多啲苦工，會更加做到性格比高嘅效果…Read More

今日去咗渡船角食晏，嗰度不嬲都有好多臥虎藏龍嘅小店，但估唔到連中東菜都有。之前食晏試過Walk in一次，但全場爆滿，所以今次一早透過OpenRice預訂咗。有興趣嘅朋友都記得一早預約定。其實門面一眼睇晒，唔算好大，都係坐到10鬆人左右。左邊幾張枱，右邊一個半開放式廚房，佈置簡單。但裝修絕對有花心機，大至燈光，細至枱面嘅餐墊。雖然未去到美輪美奐，但絕對感受到異國風情。細心一睇，其實menu未至於清一色好中東化，都配搭左幾道常見嘅西餐菜式。可能係店主知道中東菜口味比較偏鋒，未必個個啱食。但一場嚟到，就揀咗兩個比較中東嘅菜式試吓。中東串燒（羊+雞）配中東皮塔餅 $78兩款串燒非常入味，配搭咗中東菜特有嘅香料，十分惹味。可能比較少食中東菜，總係覺得皮塔餅Pita同印度烤餅Naan分別不大。後來google先知有咩分別：// 印度的naan多年前由中東波斯傳入，因此它跟pita的確十分相似，同樣是以麵粉加酵母經發酵後製成。然而pita所有材料比naan簡單，而且沒用印度的傳統tandoor烤爐烤焗，只在一塊圓拱形的石板上隔火烤成，pita因此沒有naan的鬆化，加上其餅身一般較厚，吃起來更具質感。烤焗後的pita，形成中空，中東人多把pita切開，然後將菜和肉放入兩層麵包皮中，做成一種「袋式三文治」，吃法跟naan明顯不同。 // 所以我估正確食法應該要將串燒嘅肉放入Pita包起食？（當然我係冇咁做啦）除咗中東皮塔餅，亦有沙律配搭秋葵燴羊配中東米 $78 羊十分之羶，同秋葵係一膩一爽嘅配搭。燴羊嘅獻汁冇得輸，濃得黎唔會太咸，好適合送飯。呢道菜可以配皮塔餅，但因為第二道菜已經有，所以就選擇咗中東米。中東米係「長米」，同香港嘅好不同，食落很鬆、完全唔黏又冇乜味道，但配合埋燴羊嘅獻汁就完全合拍！燴羊嘅獻汁冇得輸，濃得黎唔會太咸，好適合送飯。呢道菜可以配皮塔餅，但因為第二道菜已經有，所以就選擇咗中東米。中東米係「長米」，同香港嘅好不同，食落很鬆、完全唔黏又冇乜味道，但配合埋燴羊嘅獻汁就完全合拍！題外話，因為本人十分之喜愛食羊，所以對於兩道菜嘅羊都比較羶，覺得好好食😋 但怕羊太羶嘅朋友就要斟酌一下…Read More

元朗出位嘅黃店，就算星期日6點左右去到都已經要等位。店面較細，門外排隊等外賣嘅人都不少。好在大多數人等堂食嘅人都唔係太有耐性，拎咗飛未叫到就走咗，所以差不多半個小時就入得店面裝修正常，未算精緻又未算完全簡陋。不過明顯店面空間所限，坐得比較逼夾。可能我比較少食宜蘭菜，所以店面上張貼咗好多講解令下單少好多煩惱今晚晚餐冇叫主食，反而叫咗幾樣網民熱捧嘅：芋見紫薯多士 $45全晚最期待，但亦係最失望。麵包比較乾身，好似放咗好耐咁樣。而更重要嘅係不論係芋泥抑或紫薯，都食唔出芋頭/紫薯嘅香味、甜味，令到呢個多士變成一個乾爭爭、又冇乜味嘅麵包。最後我都係堅持唔到食完佢仙草芋圓2號（三色芋圓、白色小丸子、海燥水晶）$35 用料豐富，對得住價錢。但同芋見紫薯多士一樣，三色芋圓口感、味道相似，比起其更出色嘅芋圓大有人在羅東肉焿湯 $47 作為鎮店之寶，梗係要試吓啦。店舖亦都好貼心，有張貼告示作專門講解咩黎、食用方法。湯飲落係好重豬骨味，一讚。但肉質感覺鬆散，有啲梅梅地嘅口感。可能呢碗野係我唔識欣賞，覺得有啲名大於實古早冬瓜茶 $15 正常嘢冇伏冇驚喜其實都唔知係宜蘭唔啱我食，定係舖頭水準飄忽。所以今次有啲大失所望，有名大於實嘅感覺。如果每次都要等半個鐘先食到，就未必會再幫襯…Read More

典型小店格局，全舖應該唔超過12個位。一入門口見到牆上嘅連儂牆同埋文宣，就覺得好熟悉。睇完餐牌，內心不期然充滿驚喜餐廳主打食米粉，基本上所有面都係米粉底（都可以轉湯飯）。另外有幾款小食，出奇地係主打海鮮，都有雞腎、雞翼同糖心蛋今晚晚餐叫咗兩個湯麵+一款小食手切肥牛米粉 $53- 雖然名就比較普通，但係啲牛肉食落充滿驚喜。係打邊爐食本地手切肥牛嘅感覺，有咬口亦都有肥膏，雖然厚切但食落都係爽嘅- 個湯飲落鹹鹹地，都算夠味，但就唔會令人好難忘。配米粉綽綽有餘師傅醉雞翼米粉 $42- 肥牛咁出色，醉雞翼就屬於正正常常。醉雞翼一早整定就無可厚非，不過上菜嘅時候可能就有少少攪唔清楚究竟係熱上定係凍上。搞到放湯嘅時候雞翼表面就熱，不過咬落裏面就凍- 雞翼味道可以，都算入味- 湯就比肥牛米線更加濃郁，不過都係得個鹹字蔥油廣島蠔 $62 - 老實講係呢啲小店食號本身都唔會太大期望，事實上呢道菜又真係冇乜令人失望，不過都冇乜驚喜- 蠔算係中小型size，有蠔味，不過唔算肥美- 食食下就會覺得其實三款湯可能都係同一個湯底。有少少dry總括來講，大致上不過不失。價錢來講，喺深水埗食一碗米粉要差不多$50都算貴。不過用料方面確實不錯，當一餐半餐食豪少少都抵嘅。餐廳屬於食完就要走嘅類型，雖然地點比較隔涉，不過都值得一試…Read More

餐廳比一般餃子店設計有心思同埋寬敞，算係食完飯都可以打下牙胶唔使即刻走嗰啲類型裝修比較新潮，餐具桌面座椅等等都比較新淨。睇嚟係決定走別樹一幟嘅新派餃子路線，同傳統餃子店大有不同反而食物嘅選擇上就比較傳統，餃子餡都係韭菜、雲耳、椰菜、芹菜、芫荽呢啲傳統野今次晚餐叫咗兩款餃子同埋蘋果雪梨山楂水：湯餃子- 野菌豬肉 6隻 $46- 一咬落口嘅感覺真係好驚喜。首先餃子餡好飽滿，完全係童叟無欺- 野菌選用野生松茸，老實講係咪野生就食唔出。不過從松茸好香好濃郁，同豬肉配搭比例適中，咬落口淡淡香濃嘅感覺- 同有一代「食神」蔡瀾加持嘅「餃掂」可謂不相伯仲，價錢仲稍為平少少- 湯係粉葛鯪魚湯，粉葛味就好出，魚嘅甜味就略嫌差少少煎餃子 - 韭菜豬肉 10隻 $50- 韭菜豬肉餃就相比之下比較平庸- 餃子餡依舊好飽滿，真材實料- 個底都煎得比較香口。不過佢就底面都有煎一煎，個人就比較喜歡只煎一面- 味道正常蘋果雪梨山楂水（熱）$15- 雪梨同蘋果甜味濃，山楂味好突出。真係鍾意山楂先先叫總括嚟講餃子質素非常不錯，大大隻得來都幾抵食。而且座位寬敞坐得舒服、裝修新潮值得加分美中不足係全店只有蘋果雪梨山楂水係熱飲，連豆漿都只有凍…Read More

餐廳裝修格局走簡約小清新風，餐具、裝修、座椅、桌面等都算新淨可能因為肺炎緣故，坐位間隔都算寬敞，方便閑談傾偈先講菜色賣相，其實都幾吸引。睇得出上碟嘅時候唔係直接畢落碟就算，呢一個心思位要讚題外話，個人幾鍾意餐具嘅色系配搭。令到菜式有啲藝術氣息今日食晏叫咗兩道菜：香茅汁魚柳配白飯 $78 - 香茅汁少少酸帶甜味，感覺清新。適合口味清清地嘅食客。不過食慣重口味嘅，就可能覺得唔夠味- 除咗魚之外加咗幾隻蝦仁，都算爽口，增加左豐富感黃咖喱牛腩配白飯 $78- 個汁係唔辣，咖喱味濃郁幾香，撈飯一流- 牛腩方面就比較失望。淋係蚊得淋，但就比較「鞋」口，而且脂肪比例比較少總括來講，餐廳食物質素正常偏好，裝修簡潔舒服。午市嘅價錢算中高，適合星期五放鬆一下同三五知己、同事唞一唞傾下計。唯一缺點就係地點比較隔涉…Read More