毫無準備，無睇過呢間野既食評就走上去，係6點左右，入面一個客都冇。我地兩個人上去打邊爐，入到去原本感覺良好，裝修都叫可以啦，好多調料品任你溝，而且ｄ野食上既速度都幾快，係一次過一碟上晒，唔駛咁多細碟阻住，幾方便。原本都知道兩個人應該冇片皮鴨送，但係個侍應話有，要遲ｄ先有。果時係六點十分左右，佢地規定我地食火煱只可以食兩個半鐘，咁我估最遲八點都應該有掛。好啦，ｄ火煱料一次過上晒，都好似幾新鮮：肥牛：份量都ｏｋ，都幾新鮮墨魚仔：都幾好味墨魚丸：幾新鮮鱔：幾肥美總之，總括ｄ料都唔錯。標榜68元一個人，不過上到去要計埋20元豉油錢，20元nuts，茶酸8元，搞搞埋埋要128元一個人，其實有ｄ狗賤，不過問心間間酒樓任食火煱都係咁架啦！任食任飲喎，你想點呀？問題係態度同處事方式既問題。你規定我火煱只係得兩個半鐘，我見八點都未送片皮鴨，但係佢之前都片左好多隻，當然我明白要照顧左ｄ真金白銀買既客人，但係我就嚟兩個半鐘啦喎，唔走係到等片皮鴨好似唔係幾好，雖然佢半個場都係空了了。真係唔出聲唔得，因為小弟等時間行街，八點三咪問問佢幾時有咯，佢話要遲ｄ。果時基本上我地已經熄左個火，等埋單咁款，好心你都快ｄ送鬼左比我，等我騰空張枱，比你做多轉生意啦！好啦！終於都嚟啦！等左兩個半鐘！原來係每人一片。咁都算，因為佢唔係official列明會送既，食落去！哇，經典呀，好凍！好鞋！唔脆！好勒！兩個半鐘，換嚟係一種乞食既感覺！你如果覺得兩條友應該係冇得送既，大可以話唔好意思，我地寫明四個人先有得送，你地兩位真係冇架喎，咁我反而冇野！送兩件咁既垃圾，要等兩個半鐘？come on baby！你以為係中銀奧運鈔呀？同場加演，係七時左右，一對男女叫小菜，男既食食下突然發難，喂！點解碟嘢一半熱一半凍架？佢叫咗幾條友嚟理論，我冇留意係咩餸，但係初時我都以為係果條友麻煩，嫌三嫌四，不過，當我領嘢後，我終於明白，為何呢間嘢去到八點半，竟然係半個場都坐唔滿！唉，早知上嚟openrice睇咗師兄姐ｄ「包膠」先上嚟，咁就唔會落得咁既下場！正是：睇咗openrice包膠，食嘢就唔會硬膠。下面餐廳特色係，我選咗適合大夥人，因為係唔需要等位既。…Read More
