stepsfood.diary's Profile

呢間 omakase 真係要瘋狂推薦! 暫時係一間我會想係香港Encore嘅廚師發辦 - 銅鑼灣「重房」，真係要bookmark低！師傅即場發辦，成餐飯食足17-18品，仲要每道菜都係驚喜，完全無菜單，根據時令食材製作，靠晒師傅嘅創意同手藝！最鍾意佢哋嘅互動體驗，師傅會逐道菜講解做法同產地，仲好幽默，成餐飯食得好開心！食材新鮮到不得了，刀工仲一流，估唔到香港都有咁高質素嘅Omakase～🌟必試highlight：主食➡️"金鯛立鱗燒"外脆內嫩，碟邊嘅紫椰菜醬汁加左檸汁，味道好夾又岩打卡!➡️沖繩水雲配蟹肉超開胃➡️北海道帆立貝柚子啫喱勁鮮甜，擺盤精緻到唔捨得食！➡️白津魚刺身，油香超濃郁，面頭嘅自家醃製魚籽甜中帶鹹，同一般死鹹嘅魚籽完全唔同，連魚籽都令人驚艷！➡️拖羅生死戀 - 火炙kama拖羅＋生赤身，炙燒香氣超誘人，赤身鮮甜，夾住紫蘇葉一啖咬落去，層次豐富到爆！一次咁樣食拖羅，創新得嚟又好好味～➡️岩手縣石垣貝刺身鮮甜到爆➡️自家製磯煮鮑魚配鮑魚肝醬，鮮味提升到另一個層次！壽司部分唔續一介紹，呢2款➡️白拖羅同馬糞海膽都係超正，白拖羅油份重而不膩! 馬糞海膽完全唔腥, 好creamy!最後碗魚湯熬足七個鐘，暖胃又鮮甜，靜岡哈密瓜為成餐畫上完美句號～💰$1580一位有呢個質素，絕對值回票價！岩晒慶祝活動黎食！…Read More

工廠大廈藏住超邪惡黑炭炸雞同雙層芝士蛋糕！仲要每枱必叫😍唔講唔知荔枝角工廠區真係好多寶藏餐廳✨今次發現呢間主打日式定食同甜品嘅日西cafe 「小念頭」，店內其實唔細，但星期六去到下午真係好爆，星期六下晝1點都要排半個鐘，想食真係要早少少衝過去‼️必試推薦👇🔸唏！炸雞丼 （黑炭炸雞配 香橙沙律醬 ($77) (+$8麻醬凍豆腐 +$12涼拌蒜蓉麻醬油麥菜 +$12 日式牛肉薯餅)特色嘅黑炭炸雞，首先份量真係多到滿瀉，成座山咁高嘅炸雞超誇張，打卡一流！唔好以為佢係燒到燶晒，其實外皮脆到不得了，咬落去仲爆汁💦 配埋獨家香橙沙律醬 清新又解膩，勁開胃😍跟餐仲可以加配好多抵食小菜，麻醬凍豆腐、涼拌蒜蓉麻醬油麥菜都好好食架😝🔹香煎牛舌芯(極) 配手漬貢菜 ($92) 雖然比較薄切但超彈牙！蔥粒同醬汁撈埋一齊食真係無得輸，配埋手漬貢菜，口感層次即刻升Level👌🏻老闆話個餐對比之前增量有20%，多幾塊牛舌食😍😍🔸觀音芝士蛋糕 (+$36)呢個真係全場MVP🏆 基本每枱都叫起碼一份芝士蛋糕，真係比定食耽誤咗嘅甜品店🤣雙層芝士蛋糕+茶凍 打卡一流！茶味清新，芝士味濃郁、口感綿滑又唔會太膩，真係要試下😋😋…Read More

難得放假要好好慰勞下自己😌，去咗Nissa la Bella呢間法式小館，餐廳位於上環，裝潢好有巴黎情調，好岩黎慶祝/ chill下🔸Smoked Sardines 煙燻沙甸魚 ($158)前菜點咗"煙燻沙甸魚"，好有驚喜，本身擔心沙甸魚會唔會偏鹹同多細骨，但完全冇呢個問題! 沙甸魚煙燻得剛剛好，配搭上麝香葡萄，有甜甜地嘅果味清新感，加埋ajo blanco白杏仁醬，鹹甜平衡得岩岩好，醬汁仲好岩沾包食😋🔹Chicken Liver Parfait 法式雞肝醬配脆麵包 ($148)雞肝醬味道濃郁順滑，帶有啲香草嘅香氣，配上脆脆嘅麵包，好有香脆感，不過醬有少少多，食落會有d鹹🔸Rigatoni Carabineros 紅蝦龍蝦汁扁意大利麵 ($328)呢個份量超多，完住係2人份，紅蝦肉質鮮甜彈牙，意大利麵口感有嚼勁，加上濃郁嘅龍蝦汁，每一啖都索龍蝦汁，充滿鮮味! 👍🏻🔹Profiteroles ($108)外層脆脆嘅法式泡芙包住雲呢拿雪糕，唔會太甜，加上香滑嘅cream，口感更加豐富，面頭淋上朱古力醬，甜中帶有一點苦味，兩個人share食唔會覺得好漏~ 如果生日/ 慶祝仲可以remark叫餐廳係碟到寫低祝福語❤️…Read More

呢間餐廳嘅西班牙菜同cocktail都好推介!👍🏻 餐廳位於柯士甸站同佐敦港鐵站附近，主打西班牙菜，裝修好有格調，帶有工業風嘅水泥牆設計，掛左唔少油畫，入到去成個氣氛感覺好relax好chill~🔹西班牙海鮮飯 ($298)米飯煮得岩岩好，口感軟硬適中，吸收咗海鮮同番茄嘅鮮味😋 配料有大蝦、魷魚、青口同帶子都好新靚，鮮味十足，加入檸檬汁，酸酸甜甜~🔸明太子蟹肉西班牙蛋餅 ($118)蟹肉西班牙蛋餅係西班牙經典菜式，蛋餅鬆軟，有濃郁蛋香，裡面有薯仔，蟹肉同明太子醬，伴碟有牛油果醬，味道豐富又唔會過於油膩👍🏻 明太子嘅鹹香配合蟹肉嘅鮮甜好夾!🔹伊比利亞黑毛豬柳伴蘋果醬 ($288)呢個最驚喜！豬柳煎得恰到好處，煎得外脆內嫩，肉味濃郁，配上有埋果肉嘅蘋果醬，果酸果甜正好中和咗豬肉嘅油膩，味道非常平衡！👍🏻👍🏻🔸Lychee Kaoliang Cooler (HK$58 - Happy Hour)黎到梗係要點杯cocktail，呢杯首先賣相已經好吸睛，打卡一流! 上枱時會先用火燒個酒壺，入口有濃厚vodka味道，玫瑰糖漿，同淡淡荔枝清香，唔會好甜或好苦~🔹Purple Rain ($58 - Happy Hour)如果想要甜身d, 呢杯相對地甜身又好fresh! Vodka, 藍莓, Ginger Beer, 藍橙酒同Grenadine製作, 入口柔滑，藍莓果肉同 Ginger Beer嘅氣泡結合，有清新感, 加入Vodka 提供了適度嘅酒精刺激,搭配 Ginger Beer 的辛辣，令整體口感層次分明~…Read More

之前放假去啟德AIRSIDE行下街, 發現呢間中菜餐廳-嵐月🌕餐廳主打新派中菜，裝潢好雅緻，好啱打卡，食物好似中菜版嘅fine dining~🔸咖啡燻20日初鴿 ($118) 係一道極具創意的菜品，外皮烤得金黃酥脆而不柴，鴿肉鮮嫩, 加入咗咖啡燻製味道好特別~🔹LUNA Chef's Set Dinner ($698/ person)有選擇困難症嘅我直接揀呢個set dinner, 有前菜、湯、主菜、主食、甜品前菜係"法國邊豆素羊肚拌油雞樅菌、昆布龍眼蜜燴金蠔、梅酒鵝肝凍", 我最鍾意"梅酒鵝肝凍", 鵝肝凍好creamy，加入梅酒後完全唔膩，仲好開胃而黎到主菜有"若竹虎蝦、金不換頭抽嘉美雞配蘿蔔糕、忌廉魚子醬浸白蘆筍"，"若竹虎蝦"擺盤精美 都幾大隻，蝦肉鮮甜彈牙，加入胡椒粒口感好豐富"金不換頭抽嘉美雞配蘿蔔糕"，呢個配搭幾新奇，嘉美雞肉質嫰滑，蘿蔔糕吸晒頭抽汁，鮮味更出~”特濃朱古力慕絲配辣味朱古力曲奇"，最後嘅甜品估唔到最有驚喜! 慕絲入口即化，口感細膩，朱古力似dark chocolate超濃味，唔甜，配上金黃酥脆的辣味朱古力曲奇，整體感覺奢華又有層次感~…Read More

去完泰國返黎都係要繼續食泰國野😂 最近去左位於金鐘嘅Apinara餐廳,想試吓佢哋嘅特色泰國菜!環境寬敞明亮,裝修以淺色木系為主,食物選擇多, 價錢亦合理🔹Coconut Chicken Soup 泰式椰子雞湯 ($128)首先登場嘅就係泰式椰子雞湯, 加入香濃泰式香料, 味道酸酸辣辣, 椰奶味湯頭濃郁香濃, 入口即感到椰香撲鼻,有泰國地道嘅味道。雞肉嫩滑多汁, 加埋幾粒新鮮菇菌, 提升咗湯頭嘅鮮味, 簡直係暖胃又開胃嘅完美組合!🔸Grilled Pork Neck 燒豬頸肉配青木瓜沙律 ($158)豬頸肉配青木瓜沙律, 豬頸肉肥瘦相間, 外表焦脆, 加上有青檸香味嘅酸辣汁, 好食！搭配青脆爽口嘅青木瓜沙律, 酸甜滋味恰到好處, 清新解膩, 完全中和咗豬頸肉嘅肥膩。🔹Papaya Salad Soft Shell Crab 黃咖哩軟殼蟹 ($258)軟殼蟹大大隻, 外酥內嫩, 蟹肉鮮甜彈牙, 加埋濃郁醇厚嘅黃咖哩醬汁, 香味四溢!😋📍Apinara - 地址：金鐘金鐘道88號太古廣場L2樓205號舖 …Read More

最近去了位於尖沙咀這間bar & lounge，想飲野relax下，佢做緊happy hour 第二杯半價，岩晒一班朋友黎飲野聚下～一入到去見到超大個酒架，有各式各樣嘅酒，另一邊係書櫃，仲有個大落地玻璃窗，設計幾古典，比人一種好chill嘅感覺！🔹 Carbonara ($158)先點了Carbonara, 麵條煮得剛好，彈牙有嚼勁，搭配著濃郁的奶油醬和煙肉，味道豐富。醬汁的口感非常順滑，完美地融合在麵條上，每一口都帶來濃厚的奶油和煙肉的風味，值得推薦👍🏻🔸 Slow-Roast Beef Set ($388)呢個set可以揀食肉眼扒/ 羊架，我揀左慢煮澳洲M4 燒肉眼扒，配龍蝦湯同薯蓉，龍蝦湯好濃郁👍🏻 散發著龍蝦的美味香氣，入口時帶來豐富的海鮮風味。而慢煮澳洲M4燒肉眼扒，肉質鮮嫩多汁，有濃郁的牛肉香，不過比較多筋，搭配薯蓉的綿密口感，和肉眼扒的口感形成了對比。呢個set仲可以揀飲品，我揀左玫瑰花茶，好香🔹Pop-Star ($88)由Anise, pineapple juice同soda組合而成，茴香帶有清新甜味，類似甘草的味道，與甜美的菠蘿汁和清新的蘇打水相結合，帶來獨特的香味和口感…Read More

我又去左打邊爐啦😂 前排凍返🥶, 我去左銅鑼灣呢間好有香港特色既火鍋店 -- 去滾 (雖然天氣冷暖都唔影響我想打邊爐既興致😌)一去到門口已經見到有「老香港」嘅味道😂 入到去仲見到好多80年代霓虹燈設計，夠哂有地道feel👍🏻👍🏻🔹秘製沙嗲湯, 滋味胡椒豬肚雞 鴛鴦鍋 ($296)呢個湯底係亮點之一，有獨特的風味，呢個組合可以同時品嚐到兩種唔同口味的湯底，秘製沙嗲湯帶有香辣口感，而滋味胡椒豬肚雞湯更加濃郁🔸魷魚片 ($68) 、手打蝦滑 ($98)都是鮮味的海鮮選擇，蝦滑好爽彈，為火鍋增添豐富嘅口感🔹美國手切牛頸脊($228)值得一提係呢個"美國手切牛頸脊"，如果你鍾情牛肉係必食，肉質鮮嫩，牛味比較特出，同沙嗲鍋好夾😋🔸金甲脆魚皮 ($98)平時打邊爐都會點脆魚皮，但呢款好唔同，表面充滿咸蛋黃，非常香脆可口，浸下湯底食/ 直接食都一樣咁正!🔹繽紛鮮果涼粉鍋 ($108)外觀鮮豔多彩，一上枱仲冒晒仙氣，打卡一流! 口感清爽，涼粉柔軟爽滑，涼粉周圍擺滿了各種甜美鮮果，有西瓜、芒果、蜜瓜等。仲加入了其他的配料，如紅豆、糖水等。紅豆帶出一種濃郁的甜味，與鮮果的爽甜味好夾，整道菜好清涼可口👍🏻 好有驚喜！📍去滾 - 地址：銅鑼灣登龍街1-29號金朝陽中心二期 - Midtown 27樓 …Read More

年又過年🧧新年同朋友聚會食飯少不了會食炸雞，最近去咗「李家」到食，相信大家對李家都唔陌生，見到佢出咗個新年炸雞set，都幾抵食! 😆餐廳先上前菜，有沙律同酸蘿蔔，幾開胃！套餐有半隻炸雞、韓式炒粉絲、紫菜粉絲卷x8、年糕香腸串、汽水x2新年炸雞2人套餐 - 無骨雞 $358起😋👍🏻🔹半隻炸雞可以自選1款口味，我就揀咗最鍾意食嘅 - 粟米炸雞，半份差唔多有5-6隻雞件，炸到好外皮金黃酥脆，咬落幾juicy，雞肉保持多汁嫩滑嘅口感，調味香甜，超推介👍🏻🔸韓式炒粉絲呢個份量多到4人食咁，我地直頭要打包走😂 粉絲本身柔軟爽滑，配料好豐富，有蔬菜、牛肉、香料，口感豐富！🔹紫菜粉絲卷x8每個粉絲卷都包住蔬菜同彈牙嘅粉絲，再加上海苔味道，入口幾清新😋 一口咬落去，有脆脆嘅口感🔸 年糕香腸串年糕同香腸串埋一齊，經過烤製後，年糕外層香脆，內裡保持柔軟嘅口感，而香腸肉質鮮嫩多汁，同年糕嘅口感形成對比，口感獨特，非常值得嚐試👍🏻🔹韓式魚糕湯 $168以為2人餐唔夠食，仲叫埋魚糕湯😂 結果飽到傻😂湯底鮮美清爽，魚糕一樣鮮嫩彈牙，湯中添加咗蔬菜同其他配料，增添風味，又好暖胃，咁凍嘅天氣食啱！…Read More

呢間餐廳-- Trattoria Kagawa by Mihara 環境好浪漫，燈光昏暗得黎有情調，主打意日 fusion 菜式，仲有bar枱可以睇住師傅整鐵板燒😃🔸Black Truffle, Unagi & Foie Gras Risotto ($208)鵝肝好厚肉，煎到兩邊焦脆香甜，加埋鰻魚嘅肥美，不過就有少少細骨，而Risotto飯粒粒粒分明又好煙韌，沾滿醬汁，食落好香口👍🏻🔸Fettucine Uni Carbonara ($258)寬條意粉好煙韌有咬口，重點海膽好香濃鮮甜，每啖都好掛汁，勁creamy!🔹Mussels in White Wine Broth ($158)青口冇腥味好新鮮，仲要好肥美，配上白酒同蒜蓉醬汁更加提鮮!📍Trattoria Kagawa by Mihara - 地址：灣仔船街18號地下4號舖…Read More

身為牛舌控嘅我bookmark咗呢間餐廳好耐，見到牛舌關注組大推，終於黎試下 - Gyutan Toku牛舌專門店😍😍餐廳距離土瓜灣地鐵站約5分鐘路程，裝潢有日式小店風格，好岩同一班朋友聚會小酌，店面唔算太大，想食最好提早預訂位~牛舌嚟講性價比幾高，仲有定食，值得一試😉🔸 熟成牛舌定食 - 1倍 ($148)牛舌有分1、1.5、2倍，我揀咗1倍都覺得已經好夠, 有成足足有5條厚切牛舌！厚切牛舌芯外層微微嘅焦香味，熟成牛舌肉質韌而唔會太腍口，咬落去好有彈性。佢哋嘅熟成方法令牛舌嘅味道更濃郁，熟成的過程可以提升牛舌的風味和嫩度👍🏻👍🏻定食套餐仲有味噌湯、勁大碗茶碗蒸、前菜海蜇青瓜，食到好飽!😌🔹 汁燒牛舌定食 - 1倍 ($148)汁燒牛舌著重於特製燒汁嘅調味同燒烤風味，將牛舌煮熟後，再以特製嘅燒汁進行燒烤處理。燒汁由醬油、糖和其他調味料組成，令到牛舌有獨特甜鹹味道同燒烤香氣。牛舌煮得好入味，每一啖都係滑嫩多汁，吸收晒燒汁風味，增添豐富嘅口感層次👍🏻🔸 土佐豆腐 ($68)土佐豆腐口感好滑嫩，外層輕輕炸脆，配上一啲醬汁同埋調味料，吸收醬汁味道，食落好開胃~🔹 燒鱈魚干 ($38)有煙燻嘅味道同埋鹹香味，好適合用嚟搭配土佐豆腐。鱈魚干本身質地脆口，食落去好有咬勁，同埋豆腐嘅柔軟口感形成對比。用黎佐酒食一流!📍Gyutan Toku牛舌專門店 - 地址：土瓜灣天光道44號天光大樓地舖…Read More

最近去咗尖沙咀嘅"花月宮"打邊爐，餐廳環境好寬敞，坐得舒服，先揀咗個湯底🔹 花月宮特色四格鍋 ($268)可以一次過試晒4款唔同嘅湯底，包括：藥膳花雕花膠醉雞鍋、黑松露野菌鍋、蕃茄濃湯海鮮鍋、四川麻辣鍋~一次過滿足你4個願望! 🤩🤩1️⃣藥膳花雕花膠醉雞鍋: 鍋裡配有1/4隻雞，醉雞鮮美，肉質鮮嫩多汁，搭配住花雕酒香氣，令整個湯底更加濃郁。加入花膠都提升了整體口感，帶來了一種滑嫩嘅質感，口感豐富和藥膳味重！2️⃣黑松露野菌鍋：以大量的野菌製成，野菌種類好多，有松茸、香菇、金針菇等，每一種都散發出濃郁香氣，黑松露令湯底更加豐富！👍🏻3️⃣蕃茄濃湯海鮮鍋：鍋裡有蝦、青口、小墨魚同蜆，搭配上新鮮蕃茄。湯底濃郁嘅蕃茄味道帶來了一種清爽感覺，而海鮮鮮味更突出。蝦、青口、小墨魚同蜆嘅口感都幾鮮嫩，同蕃茄酸甜味好夾!👍🏻4️⃣四川麻辣鍋：鍋裡面有豆皮同鴨血。麻辣湯底幾開胃，辣味十足，食落會嘴巴發麻，但同時都非常香辣。豆皮爽脆，鴨血滑嫩，好岩鍾意食辣同試新口味嘅人😂🔸 手打魚麵 ($58)第一次食手打魚麵，麵條好有彈性和嚼勁，口感好獨特。麵條細而長，有傳統手工麵質感，每一啖都感受到佢地嘅彈性和韌度，好有驚喜!😋😋🔹 北海道花豚豬卷 ($128)北海道花豚豬肉經過烹煮後，肉質變得軟嫩多汁~🔸 豬頸肉 ($58)擺盤好精緻，有仙氣比人打卡😂😂📸 豬頸肉肥瘦相間，肉質鮮美~🔹 珊瑚桂花雙拼 ($138)由珊瑚蚌和桂花蚌組成，珊瑚蚌鮮嫩爽脆，帶有淡淡海洋風味，而桂花蚌則帶有芳香桂花香氣，入口都幾爽口~📍花月宮 - 地址：尖沙咀金巴利道68號2樓 (仲有屯門分店)…Read More

最近去咗蘭桂坊搵串燒食，呢間餐廳係榮華里轉入去 (Google Map locate錯位🙈)，主打串燒、燒物、炸物，仲有唔少日本酒，好岩同朋友黎食野飲返杯🍻佢有一人啤酒餐，有前菜+炸物+串燒5串+啤酒 $198～🔸 蟹籽沙律 ($58)先來蟹籽沙律，口感好fresh，幾開胃🔹 三文魚水撥 ($68)第一次食三文魚水撥，幾鮮味，肥美鮮嫩，完全冇腥味～🔸 雞軟骨兩串、豬頸肉串 (各$38) 雞軟骨燒到幾香脆，啖落去有啲嚼勁，外脆內軟，好開胃！雞軟骨嘅肉質都好嫩滑又唔會太油膩！至於豬頸肉串，個肉質鮮嫩多汁，炭燒過之後，更加帶出咗豬肉嘅香味同焦糖化嘅香脆口感👍🏻🔹 炸雞軟骨 ($48)炸雞軟骨炸得剛剛好，香脆可口，帶有微微嘅香氣同埋鹹香味，真係好開胃！🔸 炸豆腐 ($38)炸豆腐係外酥內軟，豆腐嘅鮮味同炸至金黃嘅薄薄嘅外層好夾！🔹 最中餅雪糕 ($38)最後嘅甜品都好推介👍🏻 滑順嘅雪糕，配合香脆最中餅一齊食，冰涼嘅雪糕同最中餅嘅溫暖感覺相互融合，仲配有紅豆同蕨餅👍🏻📍椈 - 地址：中環榮華里13號榮華大廈A座地下G號舖…Read More

有冇人都好鍾意食蒸氣海鮮鍋? 呢間一定要bookmark，好高性價比! 😍 呢排我地去咗銅鑼灣呢間 -- 船渦，試下佢招牌嘅一人蒸氣海鮮鍋，好有驚喜!🤩我地點咗➡️"八府巡按套餐" 同 "內務總管套餐"，餐廳設計係一人一個蒸氣鍋，最細心係枱面有提示，教你每款海鮮要蒸幾耐，個鍋仲有得set計時，唔洗驚高質嘅海鮮蒸過龍會浪費咗或唔夠熟，好方便！👍🏻2款套餐都有➡️"三點刺身"，有北寄貝、帶子同甜蝦，雖然係配菜但都唔hea，幾鮮甜! 😋小食就有➡️"日式炸雞、芝麻雞翼、雞軟骨餃子"，都幾酥脆香口!👍🏻配有➡️"三寶丸 (牛骨濃汁牛丸、薑汁皮蛋貢丸、招牌墨魚丸)"同"時蔬拼盤"🔶"八府巡按套餐" 嘅海鮮有➡️"白蜆、蝦、鮮魚片、鮑魚、龍蝦(半隻)、元貝、蟶子皇、時令海鮮"全部都好新鮮，先蒸嘅➡️"白蜆"，一入口好鮮味多汁，食落好爽口!👍🏻➡️"鮑魚"同"元貝"好大隻，肉質鮮嫩爽滑又肥美，而且蒸煮後啲鮮味更加突出!😋➡️"龍蝦"好新鮮彈牙，半身已經開咗邊，好易進食，仲有龍蝦膏😍 ➡️"蟶子皇"完全冇沙，肉質鮮甜，食落爽口，要好新鮮先達到嘅口感!呢個套餐嘅肉類就揀咗➡️"安格斯牛肉、豚肉片"，當然同日本A5和牛冇得比啦，但安格斯牛肉都唔會好肥膩，蒸煮後牛味都突出~🔷"內務總管套餐"嘅海鮮大致差唔多，有➡️"白蜆、蝦、鮑魚、蟹(半隻)、元貝、大蜆、時令海鮮"➡️"蟹"一樣好鮮味，蟹肉鮮嫩彈牙，仲有蟹膏😍 肉類就揀咗➡️"豚肉片、雞腿肉"，雞腿肉肉質爽滑👍🏻我地2款都揀咗"南瓜芋頭粥底"，好香南瓜味，有好多芋頭粒，加埋頭先蒸煮海鮮嘅精華吸入晒粥底，啖啖都好鮮甜，超推介大家揀粥底!餐廳另外都可以比大家揀麵底，就會配有4款湯底選擇~ 最後仲有雪米糍粒~ 鍾意食蒸氣海鮮鍋嘅朋友一定唔可以錯過呢間餐廳，以海鮮質素黎講算係幾抵食，海鮮包羅萬有，我地要放入回訪list先~😎🔸八府巡按套餐 ($398)🔹內務總管套餐 ($288)…Read More

打邊爐係一連四季都岩食嘅活動黎😆最近去到旺角呢間"八幡屋涮涮鍋"，見佢做緊半價任食4小時就試下，仲有自助吧/ Asahi啤酒/ 清酒任飲!😍餐廳主打日式放題，我叫咗個D4餐係"A4日本和牛生蠔盛宴"，先黎頭盤有生蠔+刺身+海鮮，生蠔幾鮮甜肥美，刺身有大隻赤蝦、 珍寶帶子、吞拿魚等，而海鮮種類都好多，可以任食鮑魚、蜆、海蝦、帆立貝、蟶子等，食落幾鮮味~黎到重點邊爐就揀咗豬骨湯底， 有得任食來自日本岩手縣嘅A4黑毛和牛， 口感柔軟!😋另外仲有黑豚肉、豚腩片、牛肩胛等選擇，自助吧仲有少量熟食， 同埋火鍋丸類、雞肉、蔬菜雜菌、麵類等~其他小食就叫咗天婦羅系列，例如炸蝦、 金菇肥牛卷、網絲春捲等炸物，仲有唔少燒物例如焦糖菠蘿、汁燒菇牛卷~最後仲試咗唔少甜品同埋雪糕，可以任食Haagen Dazs 杯裝雪糕，食到捧住個肚走!☺️…Read More