shouson's Profile

首次食阿叔牛肉麵，當然要試吓佢哋嘅signature阿叔牛肉船面，佢哋有幾種面底可以選擇，首先試一試選擇金邊粉，等到一陣船麵上枱，眼睇頗為足料，面底超多，但湯底出奇地少，初頭以為係佢哋真正嘅特色，食咗兩口之後湯汁越嚟越少，最終更變為撈麵！相信係個份量出咗問題出於好奇，於是問吓職員佢話因為新鮮製嘅金邊粉比較吸湯汁？！可以再次補上湯汁的，可惜本身粉面已吸了大量湯，額外的湯只會令整體鹹味再上一個層次只好放棄吃不下了，又鹹又撈麵搞唔掂 …Read More

大坑區大大小小嘅餐館里，港式、日式、越式各有特式，呢間 NOCINO 近期最火熱，不論 lunch 或者 dinner 時段都要預約大概兩個月。咁啱呢個 weekend 落住毛毛雨，點知仲有feel ，沿着銅鑼灣道行入去，街道上清靜休閒很有外國的味道。餐廳內只有少量餐枱，大約容納20人左右。今次試咗兩道菜式嘅 Menu ，前菜分別有和牛他他同埋意大利飯炸球，牛肉他他輕輕煮熟少少入口較全生嘅肉更容易接受，好味。意大利飯炸球屬於農村菜，有家常的感覺。主菜，鴨肉意麵，肉質軟腍腍，手工面彈口，掛上汁醬很入味！青醬意麵，味道很濃郁，再加上芝士粉，比較重身，所以見仁見智。總括而言，很有外國風味的餐館，價錢都尚算合理，進餐時間只限1小時，實在有啲趕。所以想享受食物與朋友相聚，此地方未必太理想。…Read More

間吾中都會經過呢一帶，通常都會係前面既健威坊搵餐廳食，今次行入少少一條街，無意中發現呢個台式餐廳。台東縣呢個地方未曾去過，地道美食較少接觸，但係呢個米苔目，一試之下覺得很有台灣的感覺，好似老鼠粉既麵條相當彈牙爽口又有懷舊小食嘅感覺肉丸同埋肉碎湯混在一起食，好飽啊。蚵仔麵線，蚵仔滑口冇腥，最重要湯底絕冇杰撻撻，好易入口椒鹽甜不辣，用咗椒鹽粉所以連醬都唔使點已經好味。至於飲品就一般普通，重點都係放喺食物，推薦…Read More

二刷食店！第一次試左牛雜撈粗／魚肉春卷河，覺得好味又抵食。今次又再經過呢間係和富薈入面food court嘅 ［潮周人］又再試下其他粉面先坑腩撈粗，牛腩肉質軟腍肉味濃，食落口滑嫩，冇柴口，正呀！粗麵沾上自家製醬汁及芽菜，清爽墨魚丸米粉，米粉正常，墨魚丸彈口，肉質實淨好味，分量十足，絕對飽肚。另外嗌咗蠔油芥蘭，綠油油新鮮清甜冇苦澀。晚餐嘅時候都有好多人落單，不過只需等10分鐘左右已經可以取餐！如果有人試過佢哋嘅沙瓜，可以喺下便留言分享係咪好好食？…Read More

富麗敦酒店臨海風景絕對一流，尤其係日光之下望住海景食飯十分寫意嘅。今次想試多啲，叫左午市點心套餐，共有六款。“玉”點心拼盤 包括［紅菜頭帶子餃］皮薄晶瑩剔透，略帶粉紅色視覺吸引 ［肉骨茶小籠包]相當有星馬菜特色，湯汁飽滿濃郁，味道出色 ［香芋天鵝酥］芋泥太小，味道OK。紅燒竹笙海皇羹，質地輕薄，口感豐富。青檸柚子脆蝦球，兩隻蝦球好足料肉身清甜爽口，炸漿輕薄唔油膩，再配上青檸點綴十分開胃杏汁百合杞子浸菜苗，杏汁調配得好好，飲落非常順滑，唔嚡口鍋燒完隻鮑魚燴絲苗，熱辣辣上枱一定好食醬汁充滿飯粒，剛剛好，唔會太鹹“玉” 甜品拼盤 包括有［桃膠薑汁奶凍］［酥皮蛋撻］［奶黃煎堆仔］沒有什麼特別，唔太多講。整體呢個套餐都尚算抵食…Read More

係呢條充滿各式美食既小巷入面，蕃喜工房都食過好幾次，湯面係主角，但係每次都額外必定會叫埋涼麵，尤其是喺悶熱嘅天氣下胃口唔太好，食依個涼麵就岩數啦麵身清爽硬度適中，簡單的配搭青瓜絲粟米粒已經足夠價錢合理…Read More

以價格來說都算是抵食，吉列炸物種類多，而且餐廳每隔一陣子就轉一些限定套餐，保持新鮮感。叫左一客吉列三重奏定食，配上日式miso 湯，有兩隻炸蝦🍤炸豬柳及炸牛肉薯蓉，份量充足，吉列炸物保持水準，配上熱飯😋😋 yum 🤤 連菜絲都吾放過，喜歡沾上炸豬扒醬，好清新。另外，武士漢堡吉列雞扒丼，點餐時員工提示漢堡為牛肉，內裏會有一點粉嫩，意想不到地細心，漢堡肉處理得很好，加上半熟既蛋汁，送飯一流啊！👍🏻👍🏻…Read More

天氣開始變冷，好想食個熱食暖下個身，經過呢間粥店，拿拿聲入去坐低先。其實呢間餐廳不單止粥麵咁簡單，餐牌上還見到西式早餐，碟頭飯，祕制咖哩套餐，最爆係熱石燒都有得食，追得上潮流趨勢 😃 今次主要食番粥麵，下次先再試一下其他。生滾粥套餐，包括一小鍋豬潤粥，粥底非常綿，又不會太過水，豬潤滑，雪雪聲清曬！炒麵炒得乾身吾油膩，當麵沾上粥混合一起食就是滿足！跟餐一小碟油炸鬼，吾靭薄切一口食岩岩好既。呢個餐食完都夠飽肚。仲有一份炸兩，加入大量甜醬及芝麻醬，冇得頂啦⋯⋯…Read More

想吃一頓寧靜舒適既晚餐，好快聯想到去大坑一帶，呢區餐廳眾多，食品種類各有不同特色，呢間係較隱蔽街角，門面低調帶出舒服的感覺。當日食客不多，店內佈局以餐檯為主，數個高檯位置，坐落來算得上寛鬆。侍應推介了一下食物後，叫左前菜- 海葡萄沙律，始終不及係日本當地吃得鮮味，中規中矩。冷盤- 鰤魚刺身，豐富魚油香味，配上自家醬汁，十分配合 ! 燒物- 銀杏，表皮微脆，內軟淋，最重要不苦澀，沾上少許鹽，相當好吃。鹿兒島A4和牛，由於不想吃太肥，沒有選擇A5，可惜呢個A4有少許失望，肉味係好，但肉部位不太好，吃落有筋，仲有牛肉切割得馬虎，切不斷每片之間，形狀又不一，水平之下。天婦羅舞茸，炸醬薄身爽口不油膩，不錯的。甜點- 紅豆春卷，普普通通的。總結，食物一般，但員工服務態度很好。…Read More

越南餐廳芽莊絕對不會陌生，新店開係北角匯商場，面向街中心，光線透過大玻璃引進室內，好舒服。其實係呢個商場搵位食飯係非常吾容易，每間食店都人頭湧現，所以有多一間選擇真的太好了。職員態度有善，安排了靠窗邊位置，很快就下單。燒牛肉撈檬，將檬粉及酸汁混在一起實在很開胃，燒牛肉烤得十分好，保持肉汁之餘仲好軟熟，檬粉多到飽。手撕雞湯粉，首先要讃一下個湯頭，清澈鮮甜😋雞絲粗幼亦好，吃落有口感，本人喜歡加砂糖混入湯來食，味道會更多層次，可惜呢度冇提供。…Read More

呢間大快活旗下既日式休閒餐廳，店內空間感十足，牆壁設計行年輕風格，絕對舒適的用餐空間。餐牌上提供碟頭飯，意粉，漢堡及小食等等，種類多。叫左一份吉列西班牙豚肉滑蛋蓋飯，吉列豬肉汁多，炸得不錯，又沒有多餘的脂肪，吃落爽口。濃汁咖喱汁，色澤濃郁卻沒有太大咖喱味道，少少失色。另外一個黑松露野菌意粉，上碟份量望落很足，實情菇類佔上大部分，意粉略欠少少🤏，松露汁味不夠，似磨菇汁。喜歡菇的可以接受。小食叫了柚子雞翼，呢個幾開胃，吃落雞翼中心部分好夠溫度，不錯的選擇。跟主食有橙汁及可樂選擇，可樂用罐裝，比汽水機更有誠意。…Read More

天氣凍凍地經過就入去食過輕便晚餐，羅宋湯係自己覺得好傳統又有點懷舊的菜式，味道總有點兒時吃西餐的回憶。首先叫左一碗豬髀肉羅宋湯螺絲粉，份量大大碗，味道很好，開胃！豬髀肉切片，質感軟熟，有點兒似日式拉麵的叉燒:）熱辣辣的螺絲湯粉好滿足。又叫左一容雞扒套餐配海派牛腩羅宋湯，雞扒不算太大塊，煎得很香，但有少許過油，只好將雞皮切去。牛腩肉燘煮得好，一囗雞扒飯一囗熱湯，好飽。跟餐熱飲一杯。期間不斷有人落外賣，員工效率很高，亦有禮貌，稱讚一下 …Read More

呢間居酒屋食物性價比不錯，價格不是太貴，但比到水準，而店內以一個個小間隔作用餐區，空間感足夠，坐得舒適嘅。員工們亦很友善，主動作出餐牌推介。叫左一份魚生拼盤，只有四款刺身，種類不多但份量很足！魚生厚切吃落有口感，滿足嘅！可惜有些部份切得不太平均，甚至有些部分還未切斷，只好靠你既筷子功力喇！！串燒，必叫阿波雞心／雞皮！雞皮脆香，極邪惡：）雞心內軟有口感，好味。牛舌味道不錯，不過叫得厚切牛舌就吾好切片啦，要注意一下喔⋯⋯雞軟骨／芝士年糕，不會出錯的item，不過不失。…Read More

有日經過北角，記得有推薦過呢間餐廳，咁就入去試一試啦，門面牆身壁畫很有特色，可惜其他地方混亂，枱旁雜物堆積不太衛生。食物種類唔算多，叫咗一個驚青豬飯，一上枱嚇你一驚，頹個茶餐廳！！！未食已經覺得唔好食，最重要係醬汁之下嘅飯係完全吾熱！！！咁嘅質素完全係過分。仲嗌左一份Roti烤餅，落單時候講明配咖喱，侍應覆單時亦再確定多一次，偏偏上枱就變成了咖央醬，亦因為啲飯已經冇水準唔想再逗留，唯有照食烤餅真係浪費了quota⋯飲品算正常，不過都係麻麻，叫咗一個羅漢果龍眼冰，其實似整杯羅漢水！斑蘭奶茶，得個賣相，冇班蘭味道，普通奶茶味。最重要係成餐飯去到最尾先上飲品，只因佢哋發覺忘記咗，嗱嗱臨沖返，其實當日食客不多佢哋喺旁邊嘻嘻哈哈玩樂，完全冇服務態度，不值一試。…Read More

又來馬來西亞餐廳用膳，馬六食過好幾次，食物水準一直保持良好，除咗海南雞飯之外今次仲叫咗佢哋嘅娘惹煙燻鴨雞油飯試一試，鴨肉油脂比較高，肉質實淨，配上魚乾花生混入雞油飯一起一啖一啖咁食，非常滿足。另外叫咗幾份小食，松露流心蛋，松露味濃，蛋黃流心程度屬於黏口，個人比較喜歡這一種。巴生肉骨茶，非常喜歡這裏嘅肉骨茶，藥材味適中不至於濃郁，但有足料的感覺！自家製娘惹班蘭糕，呢一個甜品就比較像啫喱加大菜糕的模樣，清爽有咬口。當然佢哋嘅拉茶同埋白咖啡相信係必飲啦 :）…Read More