Kona (Closed)

想吃一頓寧靜舒適既晚餐，好快聯想到去大坑一帶，呢區餐廳眾多，食品種類各有不同特色，呢間係較隱蔽街角，門面低調帶出舒服的感覺。當日食客不多，店內佈局以餐檯為主，數個高檯位置，坐落來算得上寛鬆。侍應推介了一下食物後，叫左前菜- 海葡萄沙律，始終不及係日本當地吃得鮮味，中規中矩。冷盤- 鰤魚刺身，豐富魚油香味，配上自家醬汁，十分配合 ! 燒物- 銀杏，表皮微脆，內軟淋，最重要不苦澀，沾上少許鹽，相當好吃。鹿兒島A4和牛，由於不想吃太肥，沒有選擇A5，可惜呢個A4有少許失望，肉味係好，但肉部位不太好，吃落有筋，仲有牛肉切割得馬虎，切不斷每片之間，形狀又不一，水平之下。天婦羅舞茸，炸醬薄身爽口不油膩，不錯的。甜點- 紅豆春卷，普普通通的。總結，食物一般，但員工服務態度很好。