niac8's Profile

未到晚飯時間，又想飲杯咖啡食少少野，就隨便揀左間餐廳坐底。 由於係星期日，所以晚市前都只有A La Carte，其實每樣野都唔平，但既然都坐底左，一次半次都冇所謂啦，照叫左杯玫瑰泡沫咖啡，一份海鮮釀牛油果沙律，同一份香煎阿拉斯加比目魚。 咖啡首先上檯，哇個賣相真係好醜，灑滿晒朱古力粉同玫瑰乾花，真係毫無美憑可言，又飲到成口都係乾花瓣😒玫瑰香氣都係來自玫瑰糖漿，唔明灑到咁個意義係邊度，搞到口感勁差 跟住比目魚上檯，魚上面有一大塊牛油，底下配菜係紅甜椒，青瓜同黃瓜，呢碟野由件魚到d配菜都完全係冇味道，好似唔記得調味咁，d青瓜仲有苦味，食材又唔新鮮，賣到$295俾咁既質素，咁既價錢出面好多餐廳已經食到不錯既牛扒添啦！真係茶記都整得好食過你最後牛油果海鮮沙律，擺盤就真係0分，擺到食淨既菜咁，海鮮沙律，牛油果同底下果d茄醬，成個組合勁怪，d海鮮沙律又係冇味，成碟野係凍到冰，唔係冷盤沙律咁簡單連埋加一咁就成6百蚊，食完得後悔同憤怒，咁既質素係而家咁既餐飲業環境下仲想生存落去？…Read More

沙嗲王原來而家開左副線做白咖哩，其實餐牌幾有驚喜，少有食咖哩飯既餐廳有椰菜花飯可以選擇，照顧唔同飲食模式既人需要，本來都幾加分。 呢兩個星期總共幫襯左兩次Lunch，12點後已經開始多人等位，今次我一個人黎食，都好快入坐，由於上次點左白咖哩漢堡扒椰菜花飯，都等左幾耐，所以今次一坐底就即刻點餐，點知今次仲慘過上次期間人開始多都要同其他3位食客搭檯，結果後來既食客都已經陸續上菜，我點既蔥油雞扒椰菜花飯都未見影蹤，最後由坐底到食物上檯要等成45分鐘！ 味道來講正正常常，本來諗住lunch time可以多個選擇，但呢個出餐時間真係好難再有下次，其實餐廳唔ready做椰菜花飯呢條流水線真係唔好夾硬做，都知唔係主流飯麵要多d時間，但要等足成個lunch既時間真係太過份，或者考慮下peak hour唔好做椰菜花飯，廚房應付唔到真係唔好勉強…Read More

今日出開尖沙咀，想坐底一個人chill下，飲杯咖啡食少少野，平日晏晝都唔算多人，坐底左用QR code落單，到上菜都係十零分鐘左右都幾快。叫左牛油果+煙三文魚多士同一杯Latte兩份多士味道都唔錯，煙三文魚多士都幾豐富，有少少牛油果醬同沙律菜，加上漬醃洋蔥同刁草，都幾fresh，牛油果多士除左牛油果同topping沙律菜之外，就連醬料底都欠奉，就比較寡左d，另外配一小份藜麥沙律，淋上少少欖欖油，比起用沙律醬都light d既，做下午茶都幾好。至於杯Latte就真係有d失望，無論係去連鎖cafe定小店cafe我都會叫Latte，今次都如常叫左一杯既Latte，但呢杯Latte既奶泡打得好粗⋯影完張相，飲左一啖前後都唔夠10分鐘，成個Latte Art消失左🫠相比平時係出面飲開既Latte，可以飲到最後一啖都仲見到個靚花紋，今次都幾impress⋯…Read More

呢頭茶記都多，今次呢間係男朋友猛話好食所以帶我黎試，一入黎店面都好大，望落都幾光鮮，大部分都係卡位，坐落都舒服，menu選擇都幾多，除左港式常餐野，仲有好多西式呀、馬拉呀，小菜咁，而每晚都會有一款晚餐，日日唔同款，寫呢個食評既時候我都食左3次，係少數我會主動翻噱既茶記😂 講返野食，食過好多呃like all day breakfast ，呢度都有一個all day $65連飲品，睇落都幾豐富，而味道都唔錯另外再叫左當晚晚餐，雞扒拼雞髀菇，$79有湯、餐包同飲品，晚餐黎講都算抵食，塊雞扒又大又厚，個汁食落都幾好，唔會太咸，主菜可以揀飯/意粉/薯菜，佢個薯菜唔係急凍薯條，而係焗薯墊係底既菜係西蘭花同椰菜花而且份量都唔少！同一般茶記既薯菜比相對高質之後再食左兩次晚餐，第二次食香煎盲曹魚柳，本身冇咩期望，但呢個魚柳真係幾出色魚皮煎到脆卜卜而且d粉都薄身，魚肉食落軟滑，忌廉汁同魚柳都幾夾而再之後食既晚餐就係牛柳拼豬扒，係茶記要食到好味既牛都真係可遇不可求，呢個牛柳水準只屬一般，而豬扒都比較咸，翻噱第三次係有d失望既區內茶記黎講都算係前列，下次再食想試埋咖喱同小菜…Read More

接觸生酮後其中一間想去好耐既cafe，主打生酮/低碳/無糖餐單，Cafe走純白風格，店內以黑白色為主調，簡約的氛圍，好適合慢活放空☁️由於佢地間中就有新菜式，所以都要去到先知個menu有冇轉到👀一睇menu見到用草飼牛已經決定要一份Steak & Egg，開放式廚房飄來陣陣牛扒香氣，西冷牛扒比預期大件，比一般牛扒厚身，熟度剛剛好，容易切開之餘，極少筋位真係啖啖肉，又嫩又Juicy，食落同一般穀飼牛真係唔同🤤雖然menu上好多選擇，但最後都係揀左All Day Breakfast，只要同佢地講聲就可以做成keto版，有牛油果、鴨胸、煙三文魚、大啡菇、番茄同沙律之外，仲有一小份keto granola配greek yogurt，種類豐富份量亦都好飽肚🧡最後一定要試埋呢個Egg Latte，雞蛋調製既奶泡非常香滑，杯邊醮上自家製無糖煉奶（生酮🆗！），味道同真煉奶冇分別😍，試完蛋奶既細滑口感之後，再倒入espresso攪勻，變成充滿蛋香既Latte，呢杯真係誠意之作👍🏻…Read More

本來對素食冇咩興趣，但見到menu有keto options就黎試下👀呢間wanaka位於灣仔藍屋，主打本地有機菜，店外有一片小草地，放左一d田園風餐檯，室內位置不多，有個非常打卡able既窗邊位置😌今次同朋友揀左其中一款有keto option既台式藥膳蕎麥麵，同埋all day breakfast試試，all day breakfast 非常精緻，除左有牛油果，三文魚，新鮮水果等等，仲有一份酸種Bagel🥯，台式藥膳既當歸香氣撲鼻，配搭本地有機白菜，蟲草花同養顏桃膠，望住窗外既藍屋景觀，一邊嘆住咖啡，非常愜意☕️不過以我認知蕎麥麵並不是keto選擇，有興趣既生酮朋友要斟酌選擇😊如果keto option可以轉用烘乾蒟蒻麵我諗會更加夾藥膳湯底😋…Read More

森屋係灣仔一個隱蔽既角落，唔係同事帶我黎都唔知 店面唔算大，有大約十張四人檯左右，如果lunch hour想食都真係要早啲過黎，因為呢度雖然隱蔽但非常受歡迎，如果晏左就要等位喇每次黎森屋都必食網燒牛定食，其實有幾次都想試下其他，不過每次都係返尋味，最後都係揀返網燒牛！定食配有沙律同味噌湯，而網燒牛仲有一隻鮮蛋黃俾你撈飯食，我每次都會加錢要多一隻蛋黃，因為d飯撈滿晒蛋黃再夾埋燒牛肉食真係very good架網燒牛燒到岩岩好，有些少焦香，每一次都係光盤既大滿足另外佢既鯛魚腹都好推薦，魚腹油香四溢，伴飯入口又係一流 不過呢度午市真係好熱門架，食到差不多就會有signal俾你埋單😂，我地都明白既:)希望小店可以一直經營落去…Read More

年三十想食餐好啲，於是成班同事一齊黎個快閃邊爐，牛陣係一人火鍋模式，大家都可以揀自己鐘意既湯底由於同檯都必需揀一樣既套餐，咁我地就平平哋揀左60分鐘穀飼牛套餐，除左鰹魚湯底，其他都要加$5👌🏻我就揀左壽喜燒湯底，牛方面有兩款牛肉、牛舌同豚肉，我地都係主力食牛肉。牛肉黎講都不過不失，唔算好出色，叫做睇餸食飯，呢個價錢都收貨架喇，始終放題食既係爽感，想食高質會去返d單點既火鍋餐廳自助吧都幾多蔬菜，今次主要食翡翠苗，另外見到有花生苗都幾特別，仲有各式各樣既丸都好多款式醬料吧都好多款，個人偏好胡麻醬溝各種蒜另外都有少量既熟食，有炸物薯條，同埋關東煮，大根同年糕都幾入味60分鐘其實都食得幾趕，好在追加肥牛既上菜速度都好快，最後留返幾分鐘食埋雪糕就滿足晒…Read More

係灣仔想食雞白湯拉麵，鳥華亭可以話係首選雖然鳥華亭既位置比較隱蔽，但如果Lunch Time想食既話都要早d黎！因為呢度坐位唔多，繁忙時間都要排下隊填好晒要咩麵，親切既姐姐就好快會送上拉麵，我覺得呢位姐姐都係鳥華亭既招牌之一😂 今次食辛辣雞白湯拉麵，同平時一樣都係揀比較硬既直身麵，濃郁既雞湯加上辛辣既刺激感，味道更加豐富，鳥華亭既雞胸肉同樣非常出色，無論黎食幾多次，都係咁腍咁滑，從未係其他地方食過咁好味既雞胸肉再加埋辣芽菜一齊食，滿分…Read More

呢日一個人係朗豪坊，諗住食個快飯再去整指甲，就見到呢間一汁一菜，睇睇menu除左指定course套餐之外，基本上所有菜品都可以單點，於是就決定係度食居酒屋風雞鎚蒟蒻甜辛煮 $35味道方面不過不失，雞鎚有3件，蘿蔔同蒟蒻都幾入味，但如果可以俾筷子就會食得舒服啲西蘭花吞拿玉子沙律 $25西蘭花可能係凍既關係都比較硬身而且有草青味，撈左吞拿蛋沙律，但個人覺得比較乾身 由於我本身唔太食澱粉質，呢度可以自己配搭一個岩食既組合，都幾滿足到我需求，而單點既價錢都可以接受，不過份量方面就真係比較細份，一般人配埋飯食就會好d既。…Read More

朋友介紹呢間由韓國人主理既餐廳，食完一次真係念念不忘今次已經係第三次回訪，由於夜晚係好難book位，所以我地都係lunch time過黎同好多韓國餐廳一樣，上菜前都會送上前菜，有泡菜、火腿醃青瓜、炒粉絲、辣炒年糕、薯仔沙律，食完可以refill首先係呢個必食既水冷面一邊食烤肉一邊食呢個冰涼既水冷麵就係爽麵質彈牙，湯汁酸酸甜甜好開胃，每次都忍唔住飲埋d湯海鮮大醬湯，上檯仲滾住咁真係睇見都流口水湯料足，又夠辣，拌飯食真係大滿足醬油蟹配飯糰，呢度唔需要預訂就有得食比較以食過其他餐廳既醬油蟹，呢度整得冇咁咸，仲有小小甜味，將米飯加係蟹蓋上面，同蟹膏拌勻黎食真係冇得頂炸醬麵都非常出色，人多既話大家分黎食都幾滋味，麵身好有彈性，加上炸醬同芝士真係一流，但食多就會有少少膩烤肉方面，店家真係非常周到，佢地會幫客人燒埋先上檯，但如果喜歡打卡既朋友就睇唔到好吸精既生肉盤喇，燒豬皮食過咁多間，呢度燒得最好味，一般自己操作燒豬皮都比較靱同會孿埋一舊，但呢度既豬皮又厚又長，而且口感好腍身，好似果凍咁配上蒜片、韓國辣醬、柚子蒜蓉醬、等等配料，包住生菜食味道更加昇華，而呢度既生菜亦都係無限免費refill…Read More

同朋友約係荔枝角區食飯，搵下openrice有咩好食，見到呢間工廈cafe做緊一個5 Courses二人餐，睇落環境唔錯，食評既相又幾靚，而且幾抵食，就即時預付套餐book左。有別於一般工廈樓上cafe，店面以歐陸風格設計，燈光氛圍都小浪漫。二人套餐都幾豐富，揀好晒options就好快上菜蟹⾁⿓蝦湯 由於龍蝦湯唔駛加錢，我地兩個都揀左龍蝦湯，雖然只係一個湯，但飲落好足料，味道好濃郁大蝦蛋沙律牛油果多士 頭盤黎講賣相都幾精緻，女仔食就有d難搞，事關比較大件，大蝦都幾新鮮，烤得剛好，同蛋沙律牛油果醬好夾燒⻄班⽛⼋⽖⿂墨汁意⼤利飯 整條八瓜魚腳，食落都幾腍滑，risotto 濃得黎唔膩口，可以加少少辣更正燒安格斯⻄冷⽜扒8安⼠ 牛扒一上檯非常吸引，預先幫客人切件，牛扒都幾厚身，我地要求medium，熟度剛好，肉質鮮嫩，食落好juicy餐茶同甜品係either one，我地揀左飲嘢，分別係白桃茶同牛油果奶昔，牛油果奶昔幾fresh，甜度適中，白桃茶都好香桃味整個用餐體驗都好滿意，食物質素及擺盤亦睇到餐廳有用心，下次有新menu會再試…Read More

係灣仔想食拉麵，即刻諗起風龍風龍有兩款拉麵，強烈推薦蝦味噌湯底拉麵！套餐仲有一個小食，可以揀日式煎餃/芥辣蝦沙律/小龍蝦沙律，小龍蝦沙律係不二之選小龍蝦沙律配紫菜，個人認為呢個擺法係幾有心思，可以順住紫菜一塊一塊咁簡單捲起包住沙律一齊入口等左一陣拉麵就做好喇香濃既蝦湯底，配有溏心蛋、粟米、櫻花蝦、香蔥、竹筍同叉燒湯底真係濃而不膩，每次食都幾乎飲晒d湯！麵身彈牙，軟硬度剛剛好，另外檯上仲有必食既辣芽菜！每次食完都好滿足風龍係間唔中就要回訪既拉麵店之一，呢次來都相隔左一段長時間，水準仍然keep到…Read More

今晚想食下小菜，路經此地入黎試吓，一行五人叫左8個餸潮州蠔餅👌🏻首先上檯既蠔餅，賣相睇落都幾靚，食落蠔仔唔算多，蠔餅蛋漿少厚，但炸得幾酥脆蒜蓉炒豆苗👌🏻份量幾多，味道ok豆苗幾嫩潮州咸雞👌🏻姐姐話係用新鮮雞整，仲有雞肝雞心一齊上碟，雞肉都幾滑，跟沙薑醬，味道ok黃金鮮魷呢個鮮魷無論係咸蛋黃定係鮮魷本身都係淡而無味⋯椒鹽九肚魚呢個椒鹽九肚魚都係一樣，淡而無味，賣相亦好奇怪，同認知中既椒鹽九肚魚係兩樣野黎白菜豆腐魚雲湯呢個湯，其實本身係勝瓜，但佢話冇晒，轉左用白菜，呢個湯好重味精，又甜又咸，飲完好口渴枝竹魚腩煲一上檯都幾吸精，但食落真係唔掂，d魚裹粉好厚，而所謂魚腩，全部都好多骨，似係魚背，本來叫魚腩就係想啖啖肉，點個啖啖都要輪骨，食得好冇癮豉椒鵝腸唯一覺得ok既一個餸，鵝腸幾爽口，不過成餐飯都好失望今次叫既餸大部分都係好基本既小菜，一行五人都食得好唔開心，冇下次…Read More

除夕同屋企人小聚，見Airside內有如此經濟的京川菜，就同家人試試，當日因為擔心人潮，都預早book定位，到店表示book左檯，並且見職員在訂位簿上搵到我地既booking，但竟然被其他人冒認並入座左，簡直係匪夷所思！😓由於當時尚未到最旺既晚市時間，餐廳都安排到一張大檯俾我地，咁就算啦⋯⋯擔擔麵，辣度夠，不過略嫌唔夠香，花生唔夠多，麵身都尚算軟糯，味道一般炸鮮奶，香脆濃郁，奶餡濃而不膩陽春麵，正常水準，不過不失鍋包肉，略嫌甜膩，由於沾滿了莞茜，只食了半件肉三鮮，湯汁唔算多，餃皮略厚，味道尚算唔錯，肉餡香濃白菜豬肉煎餃，煎香後帶酥脆口感，味道不錯辣子雞，辣度足，但雞丁略細，雞肉份量偏少片皮鴨，味道不錯，鴨肉有油脂但不油膩，厚薄均勻，配有京蔥青瓜及甜醬，唯一挑剔是餅皮，由於每張都冇用油紙分隔開，最後每取一張都要用手慢慢地小心撕開，如同檯飯腳唔係咁熟都幾尷尬。係Airside黎講都算係經濟實惠之選，若對菜式有要求既話可能會有少少失望:)…Read More