呢兩個星期總共幫襯左兩次Lunch，12點後已經開始多人等位，今次我一個人黎食，都好快入坐，由於上次點左白咖哩漢堡扒椰菜花飯，都等左幾耐，所以今次一坐底就即刻點餐，點知今次仲慘過上次
期間人開始多都要同其他3位食客搭檯，結果後來既食客都已經陸續上菜，我點既蔥油雞扒椰菜花飯都未見影蹤，最後由坐底到食物上檯要等成45分鐘！味道來講正正常常，本來諗住lunch time可以多個選擇，但呢個出餐時間真係好難再有下次，其實餐廳唔ready做椰菜花飯呢條流水線真係唔好夾硬做，都知唔係主流飯麵要多d時間，但要等足成個lunch既時間真係太過份，或者考慮下peak hour唔好做椰菜花飯，廚房應付唔到真係唔好勉強
