YAMMMMMM's Profile

夏天是玩水加燒烤嘅好季節，鴻運燒烤煌兩樣都有齊，場內可租借水上活動物品，如單或雙人獨木舟，直立版等，收費亦相當公道（新張期內還有半價優惠），玩完鹹水當然想沖下身，淡水沖身和更衣室都係免費的。情侶打卡放閃當然唔小得，燒烤場有唔少影靚相嘅擺設，一定影到靚相。如帶小朋友的話，燒烤場內有好多小朋友嘅玩樂設施，例如充氣彈床，單車，滑板車，千秋，各式各樣，免費提供，完全滿足精力充沛嘅小朋友。而食物方種類繁多，豬，牛，雞，魷魚，多春魚應有盡有，本人覺得最好食莫過於雞扒，肉汁豐富而且滑溜，而牛扒肉質柔軟唔多筋，豬扒口感豐富，魷魚鮮味絕佳，多春魚不過不失啦，還有各種丸類，如牛丸，龍蝦丸，燒賣，魚蛋，豆卜等等重點一提場內飲品係任飲，喺炎炎夏日尤其重要…Read More

疫情期間去唔到日本旅行但又想食日本野，不經意揾到間係尖沙咀厚福街叫 令和鍋物酒場，約埋三五知己一齊去試試，去到唔洗等位就入得，可能係閒日關係，食店地方闊落，坐起上黎唔會太逼，環境乾淨，食物款式多，有爐端燒、刺身、丼飯、火鍋、天婦羅、石板燒、一品料理等…尖沙咀店限定豆乳鍋，湯底香甜美味，配搭豬肉同野菜豆腐鍋，另加A4日本黑毛和牛，滑溜可口，入口重牛味，是巴拉斯！薩摩赤雞，鮮嫩彈牙，肉感爆燈！令和刺身爆丼（師傅發板）當日比左三文魚、油甘魚、八爪魚、帶子、鯛魚、三文魚子、蝦、吞拿魚碎，新鮮唔洗講，賣相好睇，份量適中。鹽燒白鱔，爽口彈牙，有魚油香。價錢唔算太貴，朋友聚會之選。…Read More

今日難得放長假同朋友入咗大埔踩單車，踩完單車之後好肚餓就想搵吓有冇啲放題可以食，比我哋搵到呢一間喺大埔舊墟直街嘅火鍋站落放題，我哋三個人就入去一齊食🥰我哋三個人就叫咗一個澳洲M7和牛放題，每位328，可以食120分鐘，呢個價錢已經包晒所有無限飲品、沙律吧以及雪糕！我哋就冇食到最貴嘅日本和牛，我哋就叫咗我哋最鍾意嘅壽喜燒湯底，叫完湯底我哋好快就係QR code落單，個湯底同埋食物都好快嚟到！第一轉佢哋就俾咗三個澳洲M7和牛、盛盒豚肉、雞肉，羊肉，牛肉都非常新鮮，色澤非常鮮紅而且油脂分布非常平均，好快就可以食得，就咁食都好友牛肉味都唔使點樣點調味料！佢哋嘅雞肉都令到我好有驚喜，就算滾咗好耐但係雞肉都會好嫩滑！去到後尾我哋就叫多咗個麻辣鴨血芫荽湯，成個湯底都係草綠色嘅，超級香芫荽味非常推介鍾意食芫荽嘅人去食😍但係就唔係所有肉都夾芫荽嘅味道🤤好鍾意試芫荽嘅人就可以去試吓🥰除咗好多入嘅質素都好好之外佢哋嘅沙律吧都有好多選擇有唔同嘅菜、丸，面類可以選擇，好似蟹子院、芝士丸等等。加入去受喜燒湯底同埋麻辣鴨血芫荽湯底都非常好味😋唔單止配菜多選擇佢哋嘅飲品都好多選擇，連平時好少見嘅西柚汽水都有🤩😆最後佢爹哋雪糕都有兩款牌子可以俾你自己揀…Read More

一年一度既母親節就同媽媽出去食番餐，唔使佢煮咁辛苦啦，其實簡簡單單一家人食飯，已經好開心好滿足❤️。由於唔想出去同人迫，只係去咗屋企附近既餐廳食。媽媽鍾意食辣，所以同佢食啲佢自己煮唔到既菜式。我地四個人叫左辣既酸菜魚、期間限定既小龍蝦🦞同埋四季豆。由於份量都多，再加白飯就已經夠食。酸菜魚同我之前去深圳玩既時候食，味道一樣，感覺好正宗，不過都幾辣，媽媽話好正，同自己煮唔同。另外，我地意想不到有小龍蝦食，其實我一向都覺得幾好味。小龍蝦肉質好爽，沾辣汁索味一流，手指都舔埋。最後，四季豆都好食，叫做係菜中和下。…Read More

呢間任食燒蝦場鄰近錦上路站大約行15分鍾左右 入口有個好大嘅停車場 好像是free 零零些些有間露天似私人場地 岩岩黎到見到有一班人包咗下層開派對 我哋就係上層燒蝦 個缸d蝦都係店員間唔中refill 大頭蝦都算生猛嘅 佢地會比個冰桶我哋自己夾蝦 冰震住d蝦燒果陣就唔會跳黎跳去 個爐用環保炭 食物唔易燶 需要耐心靜侯 除咗主打大頭蝦  任食區肉類凍櫃有豬扒雞扒牛扒金沙骨豬頸肉雞翼腸仔 蔬菜類翠玉瓜白菜茄子青椒 飲品區都有5，6款凍飲 醬料也有數款選擇 總結 不過不失 希望能改善如廁能有水源沖廁…Read More

新一年又到啦！當然要揾啲新野試試啦，去到大埔個間稲八日式火鍋炸物放題，試佢新推出嘅頂級澳洲和牛放題，有特選M9和牛牛小排、海鮮盛合同埋刺身都係$318一位，睇到依到就知唔食對唔住自己啦。先講個環境乾淨企理，通風都唔錯唔怕食完一身邊爐味，食物自選吧應有盡有，飲品都款式齊全，而炸物唔洗講又有得玩有得食，黎到都一定要試。坐底第一時間當然睇下咩湯底啦，有成八款一家有款合你心意，如個想要多個味可另加$18蚊要個鴛鴦，咁就食得更開心啦嚴選M6和牛盛盒和牛脂肪分佈平均，肉與油香平衡，牛味香濃，但記得唔好掛著同朋友傾計唔記得佢啊！！！到時老咗就唗咗啲咁好味嘅和牛特級美國穀飼牛美國牛重濃味，賣點是油花豐富、口感軟滑同埋濃濃的原始牛味，真係食過返尋味啊！極上安格斯牛小排肉質鮮美滑嫩、油花分布均勻，鮮嫩多汁的肉質，搭配豐富大理石花紋，特性與其他部位的牛排不同之處，不論您希望品嚐幾分熟的牛排口感，甚至是煎烤至全熟，都能滿足您的味蕾啊！一個字正食到最後記得叫埋個雪糕先好走啊，本人覺得朱古力係最好食！…Read More

今日約左一班好姊妹出黎行街食飯,五條友要約齊真係好難,去到淘大行街街,順便搵下有咩好食啦!!好奇怪我地五個口味都好一致,大家都鐘意食泰國菜,終於俾我地搵到一間食泰國野既餐廳.門口睇落已經覺得好大,位置又闊,岩曬我地慢慢吹水.入到黎就見到枱上有呢個套餐既餐牌,感覺好似知我地黎咁,放好係到等我地叫,當然我地二話不說,直接叫呢個套餐啦,又平D野又岩食,我地一人選擇一個.當中我想介紹其中三款超好味既菜,第一道－大頭蝦冬蔭湯(大)－通常去食泰國菜,呢個湯都必定會叫,但呢到個味道真係不得了,首先唔會太辣又唔會太酸,反而椰味又岩岩好!!材料多到爆,大頭蝦不大隻,仲要唔只一兩隻,好抵飲!!－花膠蟹肉海鮮粉絲煲－嘩.....聽個名都勁豐富,重點係黎到D材料真係有齊嫁!!最鐘意佢仲有個煲係下面,一直熱住,等我地慢慢吹水,慢慢食,都唔怕凍曬.粉絲加左D醬汁去炒,超級入味呀!!甜品有兩款,我比較鐘意呢個芒果糯米飯,糯米非常香,口感軟熟，煙韌,加D椰汁真係一流!!芒果勁甜勁香,好味到停唔到口!!五個人食呢個套餐先6百幾蚊,真係抵食夾大件~~…Read More

又在來多次啦!!呢間野真係超級好味~好想介紹多D人黎試下!!一間真心經營既日本火鍋店,而家呢個世界,俾得起錢都未必有好野食!!呢間最起碼我食過,價錢合理,食物質素好高,款式又多既餐廳~今次黎到有特別既湯或,新款湯底多左幾個(海老湯,黑松露牛乳湯,山盛香菜,廣島蠔,赤豚(辣豬肉),黑豚(黑蒜油豬肉),聽日就係萬聖節,所以呢間餐廳都好識做,即刻新加一個特別既新款湯底(香芧培根南瓜湯),呢D全部都要加錢,因為一個鍋可以有兩個湯底,所以加錢都可以一半湯底同全煲既價錢.當然都會有套餐包既免費湯底,最多人選擇同我最鐘意食既甜豉油,當然有份啦.我就叫左甜豉油,媽咪就選擇左牛乳,最岩就係咁樣,一人一半,自己鐘意邊款就選擇邊款,唔洗就住其他人.另外醬料同其他食物,飲品都係出面自己拎,鐘意食咩?食幾多次係自己話事!!最好仲有甜品,都係任食呀!!!當中我最鐘意食朱古力雪糕,佢個甜味岩岩好,又唔會去到太甜,又唔會苦.佢仲有小小既朱古力粒係入面,有小小口感,好正!!!3百幾蚊食到飽飽,仲有好多款都食,下次又要在黎了~~…Read More

今日有野做去左黃金海岸 同同事收工之後捉左佢陪我食飯 因佢就黎生日當慶祝佢生日吧 由於我想食海鮮 佢建議話去三聖食 近近地 佢話佢同朋友去過 唔錯喎… 見到係冬菇亭 心想得唔得架 入到餐廳 服務員見到我地望住個風口 就轉第二張比我地我同朋友對望笑一笑 個餐廳環境唔錯架 唔好比佢外表呃左 我朋友發板叫左幾個餸 呢個冬蔭功湯 佢話呢個湯 試過你會停唔到 由於我平時唔太鐘意飲冬蔭功 我先試飲 嘩。真係一飲停唔到。D 湯濃味 又夠辣 仲有d蜆鮮甜到呢 我最後飲左幾碗 呢個蟹都不得了  會唔會太多呀？ 我地2個人之喎 蟹肉味道鮮甜 肉質爽口 個汁又夠味 送飯一流 配菜又正個龍蝦芝心丸 係呢間餐廳出名既小食 每粒大大粒 外層係面包糠 炸到好脆冇油膩感 記得要咬左一半先好食 入面係流心芝士 小心辣到咀整體黎講 食物 服務都唔錯 都會再黎食…Read More

荃灣火鍋有很多很多,有便宜有高價位,有好食,有難食,有兩食等等,基本上什麼類型都有,但我最想食的就是這家,在大鴻輝21樓的相馬日式火鍋,因為價錢可以自己選擇,有不同級數的牛肉跟部位,地方又大又乾淨又舒服,食物種類有好多,甜品都有幾十款.今天我跟朋友又一齊來食,爽一下.每次都是先食甜品,因為種類真的有好多,雪糕有芝麻味跟呍呢拿味,還有巧克力噴泉,已經有6種東西可以給你搭配,真的是有夠爽,另外水果都有幾款,西瓜是必備的,天氣這麼熱.食下去真的好涼快,在來才食真正的去食火鍋,我個人覺得最好食是豉油跟豬骨湯底,豉油配烏冬真的是沒話說,好食到爆.豬骨湯就比較百搭,味道比較濃,食什麼都好像重口味一點.總括來說,又便宜又好食又舒服,超級推薦.…Read More

今日食左一間老闆介紹既餐廳，地點都比較偏遠，仲一定要訂位，客人非常多，好快爆滿，一定要早一兩個星期前訂位，最好就係可以同餐廳傾要咩菜款，一早預定當晚既餸菜。地方唔大，但裝飾得好靚，整個地方既感覺非常舒服。佢每一樣野都係師傅用心自創既菜款，絕對不能係外面食到，首先第一個道菜叫黃金一口鮑，黃金原來係海膽，下面係一隻新鮮冰震凍鮑魚，甜甜地既醬汁，上面既海膽超級新鮮，兩樣加起非常夾。第二道－龍皇多士V3.0見到個名個時已經有好多問號，問老闆先知原來係改良版第三次，一直都會聽客人既意見，不停為每位食客做到最好，非常專業，呢個主要係大頭紅蝦，在用勁脆既多士包住隻蝦，整個變得非常豐富，啖啖又脆又爽口，勁正。第三道－上湯農家雜菜呢個真係非常非常有創意，入面包括有好多紫薯，蛋黃薯，蕃茄，菜芯，生菜等，令到整個湯超級甜，蛋黃薯好難搵到咁甜，全部都係健康既食材。第四道－邪惡炒麵呢個基本上真係必食，叫邪惡係因為呢個炒麵用豬油炒出黎，所以令到呢個麵超級香，仲有D肉絲同芝麻，成個配合得天衣無縫！最後仲會有甜品－朱古力慕斯杯朱古力唔會太甜，食個時要加碟邊個D開心果碎碎，咁先最夾。絕對推介既一間私房菜，呢間真係好特別，同其他既完全唔同。…Read More

一位台灣朋友黎到香港入住左紅磡一間叫逸·酒店。見到酒店內既餐廳門面都不錯，就入去試試。玻璃窗望出去就係高樓大廈同五光十色招牌，樓下人來人往，對於台灣朋友黎講，都算係個特色既景觀。台灣黎既朋友最愛手工啤，去到咩地方有手工啤一定要試，而且一入門見到個bar ，已經有點興奮。經店員推薦 試左Brewdog punk IPA，通常見到IPA都係d較苦既野，呢個竟然冇苦 仲好fruit 好香 超易入口 好正！我就見到花茶系列被吸引，Mona Lisa蒙羅麗莎呢個名好靚，紅茶+萬壽菊+士多啤梨+桑葉，可惜佢已經預浸好拎出黎，見唔到d花果盛放既樣子，不過都好飲。食物方面叫左燒牛舌，個醬同d香草一整食個牛舌好正，牛舌夠淋，香口，配啤酒一流。加燒日本活性水飼有骨豬鞍，聽個名好似好勁。事實上都好好食，豬鞍好淋多肉汁，厚厚的肉好滿足，表皮燒得夠焦脆。除左經理細細聲望住d客講壞話大聲笑既行為好嘔心外。其餘都好舒適，手工啤值得再飲，想試哂其他款。店員很有禮貌 令人輕鬆的服務態度。…Read More

Notte 很久沒有享受美食，網上一找就看到這家很有感覺的。很漂亮的食物令人口水流，現在都是相機先食的時代，就決定這裡吧！以黑色主打的裝潢，很有神秘的力量，看似會變魔術，會嚐到不一樣食餐的驚喜。頭盤是布拉塔芝士配番茄；加巴拿馬火腿配哈蜜瓜。簡單而高貴。西餐中，這是我最喜歡的兩樣食材，今天竟然放在一起享受🤤再來是鮑魚配白蘿蔔，鮑魚入味好淋，甜甜蜜蜜的。用花作點綴，將中式鮑魚變成了洋人的藝術。再發現原來桌上的碟子是六角型雲石印圖的地磚，真是千奇百趣，什麼都有可能。煎牛扒看得出廚師的技術，簡單不用調味的一片肉，只靠師傅煎煮過程的細心與經驗。這肉剛剛好粉紅；肉汁完全鎖入牛中，不用再多解釋👍🏻鴨胸肉同一道理，原材料最為重要的關鍵，這鴨胸一絕，鴨肉味十足，香滑。…Read More

先來說一下 Futago HK的情況，這裏是一家日式燒肉店，但這裏卻又同時混合了韓國的元素，所以也算是日韓混合 。「馬格利韓國糯米酒（1L）」，金銅色的酒煲加上兩個大碗，就跟我在RM上看到的情節有點相似，而拿着大碗喝米酒的影響是這1L喝了很久。這米酒的味道沒有很強的酒味，反而更多是糯米香味，酒精的量看來不多。「大得驚人牛小排」是石先生覺得到此必定要吃的菜式，而當中的主因來自其只有點這個才搭配上菜的特製Wasabi醬料，這Wasabi醬料也是碎料般端上來的，只要加一點點在牛肉上即可，其味道不會很嗆喉，也不會太猛壓到牛肉的味道，較桌上本來安排好的特製醬油更出色。…Read More

雖然這裡位於旺區，但每次路過，總沒有什麼興趣再來吃。這裡大大話話也是幾十年的老招牌，以「蛇王」為名，但總覺得這裡的其他食物較出色。其他食物包括臘腸臘肉、燉品、蒸飯等等，不說不知，以前這裡以賣蛤蚧馳名。而價錢不便宜的，或許這就是不常來這裡吃的原因。先來潤腸飯，就這樣簡簡單單的一「孖」潤腸，放在熱飯上，再加一點醬油就是了。先吃潤腸，仍然出色，咬下去腸衣真的是「卜」一聲爆開的。鮮油及鴨潤香味併發出來，甘香豐腴，十分不錯。只需要一點的醬油去調味，一碗白飯，就此清掉。有時吃東西也不需要大費周章，有好材料，配合好時間，如在凍凍的天氣吃一碗潤腸飯，絕對令人吃得滿足。蛇羹送來，杰身，而可能因為時間關係，薄脆及檸檬葉絲也已代下了，還有菊花瓣呢。材料有蛇肉絲、冬菇絲、筍絲、木耳絲等等，落足料的，賣50蚊一碗的，算是毫不欺場。…Read More