wkk2018's Profile

上到疑似商場5樓 搵唔到間餐廳, anyway其實係要上多層樓梯先到今次星期日2個人食2:30pm, 大約坐左40%客, 所以即時有位, 佢寫限食90分鐘, openrice訂唔到枱。叫左2份 柞木特選燒烤定食$165+, 4揀2 揀左汁燒黑毛豬五花肉、和牛上肋肉。只係影左食物相, 佢另外包左前菜、1碗韓牛飯。前菜有芝士粟米(唔知有無得添加)、泡菜、辣芥菜、芽菜、八爪魚(疑似生的)、生的菜(呢堆可以re-fill)。主菜係長方碟果張相, 發現牛只係有各3件, 開左爐比你慢慢燒。牛係幾好味的, 但就偏鹹。南瓜、蓮藕、冬菇正常, 落埋檸檬汁 就更惹味...韓牛飯的面有隻類似溫泉蛋黃, 撈勻來食好味呀, 唔知有無得re-fill。我地坐近玻璃的卡位 望正外面的平台位, 有大量疑似菲籍人士 坐近玻璃外, 你知咩事架啦但位置係舒服的, 望正外面的陽光。見到仲有一定數量的戶外位, 未及查詢店員。最後坐左近2個鐘埋單, 洗手間要落返樓下。感謝觀看, 喜歡請比like and subscribe, 你的支持是我寫食評的動力。:)…Read More

感謝fans 繼續睇我的食評:)今日來到毗鄰荃灣西站的海之戀商埸，發現最少有2個出口連接商場。星期日1400呢個鐘數 都算幾多人下，商場有扶手梯、升降機，升降機感覺要等3-5分鐘，外面無顯示部lift 去到咩樓層:(餐廳在3樓，門口有個小雪櫃，我預先買左件蛋糕慶祝朋友生日。職員幾有禮貌的，話額外收切餅費$100，想預先放蛋糕的朋友，建議預先度下雪櫃size先餐廳的室內位有冷氣，室外位有遮蓋唔洗淋雨，外國人中意室外。(忘記影內在環境，乾淨的地板)我地2個人入座都2:30pm坐室內，已經坐滿80%人，有位唔洗等，係等職員帶位等左1-2分鐘，3-5個樓面都好忙。坐唔到卡位了，4座卡位只係坐左1對情侶或者2個女仔我叫左lunch menu P 北海檸檬黑豚豬柳太陽漢堡配薯條，薯條炸得好香 有茄汁。漢堡包的包係軟熟熱既，太陽蛋半生熟 合格咁啦。豬柳就一塊仔咁，佢夠熱切得開，但就好煙韌，唔知係咪黑豚豬的特色呢跟住的2塊蕃茄同蔬菜都係新鮮既。Lunch set 包湯叫左龍蝦湯，一小碗係熱既，但唔多覺有龍蝦味。包飲品叫左熱咖啡，落唒另上的奶 同落左黃糖後 都係覺得苦，咁呢個係我的個人口味啦。然後加點左1份3件炸雞翼，感覺似麥當勞細細隻的蜜糖雞翼，無大特別。因為我地2個人，base on 主食加點食物 只當係1個人的餐，第2個人最小都要叫$18或以上 的食物或飲品，不足$18 都當$18計，叫左杯熱朱古力。朋友話淡淡地岩佢wo但我望落就唔算幾啡色lo商場外面有個平台花園，可以坐陣吹下自然風最後請看相片，可能要轉下角度來睇啦…Read More

最近的平日去食晚飯，喺openrice訂抬有8折食7:00都唔會話特別爆人，女店員 態度好，喺門口已經問定我地飲咩茶。佢環境顏色幾多元化，同其他人影的一樣，感覺開心。佢四周地板都乾淨，呢樣我重視。1壺茶1壺熱水，同茶樓一樣，洗下筷子同杯。似係菊普，茶味清新。點心 好夠熱，小心辣親蕃茄春卷 有多少蝦的成份，朋友有點敏感。鹹水角 有4個圓波波幾打意粉紅色皮的蝦粒腸粉肉鬆馬拉糕d肉鬆 一夾就跌唒出來，出唒煙下次想約多一兩個人，咁就可以試多幾款～洗手間喺外面近處，問店員拿匙卡嘟。待續～睇相…Read More

第一次光顧呢間茶餐廳, 本身無特別期望。如果由銀鑛灣渡假酒店出發, 慢步只需5分鐘, 好近。:)我去到的時間係1:30pm 星期一, 竟然坐滿人, 岩岩好有一家大細5-6個食完, 估計係因為暑假學生放假, 等幾分鐘就坐到卡位(睇圖)。講食物先吧, $40無加一, 叫左「全餐」(睇menu圖)蕃茄湯火腿通(我轉左普通公仔麵, 唔洗加錢)配2隻煎荷包蛋+ 茄汁豆+ 牛油多士, 包熱飲1杯, 要左熱檸水。(睇食物圖)蕃茄湯底 出奇地幾有蕃茄味, 碗麵上臺熱到食唔到。荷包蛋 的圓邊煎到燶燶地幾正, 蛋黃半生熟一咬就漏。我無特別叫佢咁煮的啊...茄汁豆少量啦, 成個餐$40無加一 你仲想點。牛油多士真係有搽牛油, 輕輕烘過, 少少硬唔會太乾。熱檸水 佢問落埋糖好唔好, 我話好, 無特別。臺面又真係無糖樽, 其他臺都無。(另外, 同行的人叫左「特餐」鮑魚火腿通 配栗米奄列+ 牛油多士, $37無加一, 佢無投訴。)內在環境呢...牆貼住幾張懷舊圖片, 聽講話間茶記歷史悠久。地上有少量紙碎垃圾, 接受到既(本人係驗屍官:()。地面好像有點黏住我隻波鞋底, 我覺得可以洗洗地lo。見食客可能係街坊, 有2個貌似文青後生女, 揸拐杖的阿伯, 踼拖的婦人。我比現金, 唔記得有無八達通機。多謝大家睇到尾！以下請看圖…Read More

朋友話FB 有人推介wo, 咪去試下lo我地2個去果日係星期四晚, 朋友先拿位。我大約7:30到, 有4-5個客在外等位。鋪頭在以前奇趣天地果條巷, 佢門口寫住「試業中」, 入面寫暫時只收現金, 正在申請緊其他付款方法, 所以大家唔好咁高要求吧。靚女朋友揀 吉列豬扒咖哩飯(忘拍照), 呢隻係白飯+咖哩汁+切件豬扒一齊上碟, 所以要趁豬扒脆就食。我揀 燒咖哩芝士牛肉飯, 係比較香口, 同埋貪佢有芝士似係肥牛但不會太肥。點餐紙可以揀 甘口或激辛, 我本身唔多食得辣, 所以揀甘口, 但都接受到。飲品如果跟餐叫就平$8, 朋友飲凍小丸牛乳抹茶, 小丸質感似甜品店的芋圓。我凍底,  揀左熱朱古力肉桂抹茶, 有肉桂粉味, 唔會太濃既, 朱古力味就ok鋪頭望落有40個位吧, 有透明膠板隔開。洗手間就要去外面商場搵...餐牌請看附圖, 無需+10%, 輕鬆小聚, 可以試一試…Read More

Search 寵物友善 見到呢間, 打電話去訂臺就ok 了:)。佢現在開1200-1800, 話如果政府政策改的話 會收夜D。我本身訂4點, 佢話留臺10分鐘, 我改後到4半, 店員態度都幾nice~Lift 按3樓就得, 要在門口除鞋放鞋櫃, 因為入面地面係坐cushion, 可以坐在凳仔除鞋。整間店大約350呎左右。店員建議掛背包或者袋在牆上的鈎, 因為驚貓在你的衣物小便呀。1小時的收費係每人$68 無+10% 包1杯飲品。唔記得影菜單, 同其他人寫食評的菜單一樣。我同朋友各叫左1杯飲品, 我係凍蜂蜜柚子紅茶, 朋友係凍的水蜜桃紅茶。甜甜地唔太淡, 我自己覺得岩岩好, 下次有機會試下佢D蛋糕。佢都有5隻貓以上, 無特別數。初頭都訓唒, 就無話怕陌生人。大家食客都知道唔會大聲講野, 岩唒同朋友傾計呀。過左陣D貓都會行來行去巡視地盤, 輕輕力摸下都ok 的, 總之溫柔D。我朋友都會摸下貓貓。洗手間都幾乾淨, 無異味, 好似只有1格。大家亙相注重公德吧。…Read More

今日係10月26日（一）紅日，晚飯6點幾揀左呢間酒樓食火鍋。🍲🔥影左幾張相jar, 因為掛住食，請見諒。🙇‍♂️火鍋的話，佢寫逢星期五六 及公眾假期前夕就+$20，但呢日佢計正常價$199+10%，唔洗附加費$20。🥳地點喺尖東科學館行過少少的半島中心商場樓上，廳面好開揚，夠唒1.5m。火鍋用插入式gas罐，無電線。6～11pm 任食任點，不限時係重點，暢所欲言。6點幾只有幾臺，冷氣超凍，8點開始爆唒棚🥺，愈食愈熱😓火鍋湯底揀左最正常的花膠豬骨，忘記影餐紙添...牛肉片上臺凍冰冰，有冰在牛面😳未溶，叫左好多蝦🦐同帶子。豉油+炸蒜醬汁perfect match。以下睇相⬇️，謝謝觀看！仲有個雪櫃無影，有隻Sonderxxx的啤酒🍻完🐖…Read More

果日係1月17日(五)夜晚7:30左右, 我們共2人。餐店在時代廣場附近幾分鐘路程, 喺單棟式大廈百樂中心樓上。我地到已經有幾十人排隊等升降機, 分2條隊。大家睇清楚隊列, 因為升降機係去特定樓層。基本上全層都係屬於呢間餐店, 外面有男女洗手間。晚上7:30 已經座無虛席, 幸好只係等大約5分鐘就有位。:)我們點了吉列牛定食 ($148+10%) 和帶子蜆肉蟹籽釜飯 ($128+10%)。帶子飯很精緻, 睇得到廚師的心思。蜆肉先放旁邊, 蟹籽均勻放在頂呈圓形, 紫菜則鋪在外圍。 朋友的帶子飯我只係食左一口, 感覺很燙嘴, 好有鮮味。朋友最後食唒整個飯, 沒剩一粒米, 沒投訴。既然是招牌菜式, 我點左吉列牛定食。完整一塊吉列牛已被炸至外圍脆身, 並切件上桌, 但內層仍然係鮮嫩紅色, 就是生的。另外有個正方體黑色鐵板爐, 可以平放牛件燒熟。不用另外放油, 溫度很高。牛件已醃, 鹹味適中。建議唔好放手機在桌上, 因為油點都會彈出。另外有沙律菜、豆腐、蕃茄、飯和麵豉湯。小吃都無特別, 飯好細碗, 感覺男生應該可另叫小食。…Read More

剛發的食評忘了上載相片, 現補回給各位食家。另加一個建議, 就是大家可以考慮坐外面的座位, 反正也是商場室內, 是有空調的。多人用餐的時候, 內在環境比較嘈吵。…Read More

那天是星期四, 我們2人相約晚上7:30 去吃飯。餐廳在九龍塘又一城有美食廣場的樓層, 地點方便。本身選星期四是因為那是平日, 但事實上拿票後等了約15分鐘才有位。然而也不用擔心, 因為餐廳在門口旁有櫥窗, 擺放着各款麵飽、西餅和蛋糕可供單點出售。我倆傾傾講講也差不多時間。我們被安排了1張圓臺, 椅是有椅背的。我的第一個感覺是有點嘈吵, 因為都滿人。店鋪外亦有餐桌, 站立可以俯瞰樓下的溜冰場, 景觀開揚。:)桌面有1個小小的蠟燭, 燈光不算是光猛, 增添了一份情調。首先上桌的是幾片厚法包配牛油, 牛油不是獨立包裝的, 法包就是很硬。我們各叫1個主餐, 另外加$30 可以有「是日餐湯 或 是日沙律」加熱或凍飲。將法包浸一下湯再吃是上策。朋友點了忌廉蛋汁煙肉手製意大利粉$118, 她覺得那個汁很濃厚, 我也有同感。我點了車打芝士煙肉牛肉漢堡$138, 是加大版的巨無霸。包面口感軟熟, 煙肉有2大片。敗筆在牛肉漢堡, 餐單沒寫錯, 是「漢堡」, 所以不是原塊牛扒。薯條炸得很脆, 我吃了幾條, 但友人卻很喜歡吃。自家製冰茶有半片檸檬, 應該是紅茶, 甜度不算太甜, 我覺得很適合。朋友也沒有對飲品有投訴。整體來說, 環境和食物, 加上沒有限時用餐, 我認為可以接受。我是推薦的, 下次可以試餐單的其他款式。結帳有+10%服務費。…Read More

食店位於尖沙咀亞士厘道近盡頭地鋪, 旁邊有樓梯直達海防道, 所以地點也算是方便。:)那天同事介紹, 便去了午飯。內裏以長方臺為主, 幾張臺可以推在一起成為大臺, 另外亦有卡位, 但不是全部椅都有椅背。整體環境和洗手間也乾淨。我們到店時約是1310, 不需等位。同事和我總共有4人, 坐下便即送上6款小食, 是可以不斷叫店員重新裝滿的。分別是紅色的泡菜、芽菜、菠菜、沙律栗米, 另外2款不記得了。我選了第807號的石鍋雜錦飯。她們先奉送一碗白蘿蔔豬骨清湯。上臺時的石鍋很熱, 「咋咋」聲。我倒了小量湯到石鍋, 然後便趕緊把配料和飯伴勻。最後還是剩下了飯焦在石鍋底, 但同事的石鍋卻沒有形成飯焦。$65 沒有加一, 整體來說, 有小食和湯, 價錢算是公道的。其他罐裝飲品要另外加錢, 請看相片的餐牌。午飯1小時只拍了2張照, 請多多見諒。…Read More

在星期四的下午茶時段, 我和友人在尖沙咀尋找這間傳說中的甜品。^_^餐廳在扶手電梯旁邊, 有一個排隊的地方, 不要傻傻的站在門口啊。我們拿着餐牌看了一會就有位置了。坐位的地上有個籃子, 用作放女生的包包。餐桌和餐具是整潔的, 這是讚。我們點了Original souffle 和士多啤梨pancake。Souffle 的中文可能是奶蛋酥吧, 她是熱騰騰, 很軟的感覺。可以根據自己吃甜的濃度加點糖醬。再來的士多啤梨pancake 比較有口感, 果醬混合了新鮮的士多啤梨和調較過的果醬。個人感覺這果醬不算很酸, 還有一點甜。但女友人覺得比較酸。店員說每人最低消費一個項目, 可以坐2個小時。其實這份量的食物立刻就吃完了, 除非你想繼續跟友人談心, 哈哈。(85+88) x 1.1 = $190.3…Read More

日期：10月21時間：晚上約7時我在回家路上有點睏，經過甜品店時剛巧看到簡約的菜單，因為價位都算還可以，所以決定試一試。米有澱粉質，就吃了一碗椰汁紫米露。碟和器皿都乾淨，小匙沒有水漬。紫米有點軟，適合我口味，椰汁甜度適中。結帳$23。我離開時有5個客人，可能未到黃金時段吧，老闆和職員仍在旁邊吃飯。…Read More