白桃綠茶的个人专页

之前經過呢間店，見$38一碗價錢都幾抵，就一試愛上了食過佢既大腸桂林米粉，平時好驚出去食大腸洗得唔乾淨，或者有陣味。但呢度既大腸完全唔腥，仲好有咬口不過最近見佢出返螺螄粉，我係螺螄粉fans就梗係試下啦！係香港真係未見過有得食。湯底微辣，好香，而d人話好臭的酸笋一d都唔會臭，有少少甜，好食！其他配料都好足，包括腐竹、酸豆角、雲耳同埋花生想試下螺螄粉既人可以試下呢間~不過美中不足既係因為我叫外賣，拎到返去d湯都差唔多冇晒，希望店家可以出分湯既選擇…查看更多

第一次食呢間已經要比個讚了份量超級多，都係$42，而且質素都好好！推薦佢個沙嗲汁，唔辣，超香，同麵底好夾麵就揀左淮山麵，好彈牙，索晒d湯既味道！餸方面就揀左豬手、豬紅、豬皮、醬汁魷魚、雞翼同蘿白。平時唔食豬手，但呢個未食已經聞到陣醋香味，食落酸酸甜甜好開胃！令我對豬手有d改觀豬紅入味，份量都好多。豬皮好好食！處理得好乾淨，完全唔會有毛係上面。而食落好爽口，正雞翼既味道好入味，就算浸左一陣湯，佢個味道都唔會淡左！蘿白真係好甜，一d渣都冇，不愧係推介呢！但美中不足既係最想試既魷魚竟然變左紅腸，就有d失望，份量不多，亦係普通野同埋外賣唔記得比吸管，不過呢個好少問題，支持環保下次都會再去食！希望試到魷魚啦，哈哈！…查看更多

之前係富匯居既時候已經食過，都大約年幾之前了，最近知道原來係欽洲街開返，就去左試以前只有原味，而家多左咖哩同埋炸蛋，仲有牛丸，都好似好吸引咁，下次再試。今次都係要返份原味魚蛋先($20/16粒)味道同以前一樣咁好味，食落口係彈牙爽口既，都幾香，同一般魚蛋好唔同。下次再黎試牛丸啦…查看更多

係台灣九份食過好好味既芋圓，返到黎香港突然心思思好想食近近地見到太子有一間芋圓店，經過附近就買左碗"九份芋圓冰"返屋企食因為天氣都幾熱，返到去都預左d冰會溶，但最失望既係我黎係想食芋圓，全碗得3粒芋圓，3粒地瓜圓，咁就28蚊...我覺得比較似黑糖仙草冰唔係話唔好食，都ok既，但真係太失望，點解份量會咁少，我見其他客人都好似幾足料架唉…查看更多

未食過醬油蟹，見到groupon上面呢間韓國料理有醬油蟹餐，只係百幾蚊，就心郁郁想試，買左兩個套餐前菜兩個餐既碟數唔同，第二次少左，泡菜同豆腐味道唔錯。其實百幾蚊包埋飯同湯鍋本身都唔要求太多，湯鍋係幾好味既，有豆腐同蝦&蜆個d海鮮。重點係醬油蟹，雖然期望唔高，但冇諗過係苦既！！朋友話同佢係韓國食既完全唔同味，呢隻似係霉左。好後悔點解個陣冇即時投訴，店員行過仲叫我地撈飯食，但重點係已經食唔到，最後我地決定唔食剩低幾件，怕肚痛...仲有送既柚子梳打係甜到苦。本身都諗住食完冇咩野就算，但尋日四個人食完今日兩個肚痾仲有一個腸胃唔舒服睇醫生，真人真事，大家真係要諗下食唔食呢間，估唔到第一次團購就伏到咁。…查看更多

上網睇左好多食評，決定到呢間樂天大喜屋試下 諗左好耐比ok定負評，但好可惜要比負評，因為整體感覺實在不太好 早兩日訂左位，所以今日一尼就有位了，唔洗等~ 兩人枱位置，個人覺得非常細，擺一碟刺身已經滿晒張枱，感覺不太好，好迫 雪糕同埋飲品都係自助區自己任攞，都幾方便~ 飲品種類十分多，有我地最愛的忌廉溝鮮奶 雪糕有大腳板，haagen daz既咖啡味雪糕同埋一種綠茶雪條，建議可以出返d大路既口味(例如朱古力/雲呢嗱之類)我地一尼就點刺身同埋壽司(各種冷盤)喇~ 溫泉蛋不過不失~ ok的。值得一讚既係刺身擺得好靚，有冰托住凍冰冰好正! 但刺身好細件:( 特別係帶子，唔係講笑，應該點4份先=1粒..:(:( 因為佢將一粒切到好薄好薄。慶幸既係都幾新鮮，好甜~ 鮑片、象拔蚌個啲都有相似既情況，建議真係唔需要切咁細 反而三文魚真係厚切，好鮮! 今日冇晒特大赤蝦好可惜，因為其中一個原因尼食都係因為佢~ 換左蟹腳，但可能會比較難進食。啲甜蝦好大條，新鮮。壽司細細件，一啖一件~ 食完唔會好飽，讚! 同埋味道都幾好~ 熟食比較少影相~有啲會憑記憶講。燒蝦好味鮑魚其實我覺得冇咩味..有個係年糕+魷魚我覺得幾好，仲有蝦天婦羅同吉列蠔~炸得好食，唔會話炸粉太多，份量岩岩好。總括尼講，食物只係不過不失，未算有驚喜，可以接受~令我比負評除左係刺身既不愉快之外，仲有佢上菜既速度。其實食放題最怕就係上菜慢，因為點完一大輪，一啲野都見唔到都唔記得自己叫過咩。我地呢枱好似特別慢，同隔離枱一齊遞單，結果人地成枱野我地張枱仲係冇野..15分鐘都係空既 催左兩次先有野食~ 不過店員真係有幫我地check既，只係我覺得實在太慢..等都等到有啲悶  食到8點半，7點就叫我地買左張單先，之後冇找錢比我 雖然都係幾蚊好少，但態度係有少少令人不滿。上次食過另外一間大喜屋感覺非常好，但呢間大喜屋放題我唔會再尼了，亦都唔會推介比其他朋友。…查看更多

偶然間見到有人介紹Pure cafe&patisserie既爆炸星球，覺得好得意，尋日終於相約友人入元朗一嚐。元朗站B出口其實沿天橋行好快就到，但我地兜左超大個圈，好彩最後都成功到達。個鐘好靚! 係用投影機投影既鐘檸檬王($18): 店員話點兩款甜品可以用半價叫一杯飲品，於是我地揀左檸檬王，係檸檬水+青檸雪葩，因為感覺其他特飲配搭都有d奇怪，可能好好飲但唔太敢試 呢杯檸檬王我覺得非常酸，但朋友覺得好飲~可能我飲唔慣酸野XD 雪葩都係偏酸的~香蕉朱古力雪糕窩夫($68): 一共有四件窩夫，大大件好岩share食，有焦糖脆脆~ 味道不過不失。朱古力雪糕同豆奶(?)雪糕味道好好，前者非常濃滑，後者幾特別~爆炸星球($58): 終於到左爆炸星球! 淋落去個下感覺真係好得意 味道好豐富，有爆炸糖haha~ 朱古力好濃，士多啤梨醬有d酸，但配埋雪糕食好正 呢間店既雪糕都好抵讚! 勁好食咖啡店比我既感覺係d甜品都有用心設計過，而且細節位都會做到足，非常細心。價錢亦唔貴，下次有機會入元朗再尼試其他野先~…查看更多

已經唔記得第幾次尼食甜入心喇，但每次尼都會有驚喜  朋友突然話想食朱古力甜品，又建議去呢間食。點知我地尼到發現有夏日限定既餐牌，一於試試!  真係睇得出有用心設計過既各款甜品~ 榴槤迷萬勿錯過!! 飄香槤花($42): 非常大推呢款甜品! 中間好大舊榴槤肉伴隨住碎冰粒，食落好透心涼，而且榴槤好甜好香，朋友食完覺得非常滿足!! 周圍既係豆花，出奇地覺得味道好襯，可能係因為榴槤比較重味，而豆花清甜，完全係中和左西瓜中豆花($45): 最上層係甜甜的雲呢拿雪糕，跟住有一層煙煙UNUN既粒粒同埋啲爆爆珠，增加左甜品既口感。跟住有西瓜啫喱，好濃西瓜味，但陣味完全唔假，好清甜! 最底係豆花，加埋西瓜啫喱一齊食更加好味~ 食完仲有得刮旁邊既西瓜肉食，一樣係好甜好好食。回想起數年前去過明朝食既西瓜盅，同呢個實在係一個天一個地，明朝既西瓜盅只是虛有其表，用一個西瓜裝住各種生果同大量涼粉，實在唔會有下次 相反，甜入心的心思令人不得不大讚呀。價錢尼講都算合理，水準亦都令人滿意。店員好有禮貌，都會問返我地意見。希望下次尼仲會有驚喜…查看更多

上網見到推介，於是同朋友相約尼呢度食飯 交通非常方便，係太子站D出口行兩分鐘就可以到達。本來係想食下午茶，但係尼到呢度既時候只係2點幾，原來下午茶時間係3點開始~ 但都無妨，一於試下呢度既lunch。餐廳環境都幾靚，以啡色系為主。牆上貼左一啲雨傘運動的支持字句。一坐低，侍應就遞左檸檬水比我地。 lunch都幾多選擇，一共大約有10個set左右，食物種類多: 包、沙律、pizza、焗飯等等的都可以選擇。我地叫左照燒野菜烏冬($45)、忌廉汁火腿吞拿魚焗飯($48)同埋TC薄餅($55)，其中Pizza跟餐送餐湯，我地揀左雜菜湯，好快就送左尼，仲有一塊蒜蓉包，兩者味道不過不失。另外，等餐時間略長。凍朱古力: 跟餐送的凍朱古力，上面有超可愛的小豬圖案! 唔捨得整散佢 味道不太甜，好濃的朱古力味。而且唔會有冰粒係入面佔晒啲位同埋分淡左陣味，讚薄荷朱古力: 跟餐+$4，朋友點既。不得不說薄荷同朱古力陣味好夾，又係唔太甜，好飲!TC薄餅($55): 餅底係薄既酥皮，對於我呢種唔太鐘意厚底既人尼講呢款Pizza真係好正 好重芝士味，而且分好晒一舊舊容易食。店員亦有主動問洗唔洗比碟我地share尼食:)照燒野菜烏冬($45): 好濃照燒汁味，每一條烏冬都入晒味! 朋友覺得太甜，仲講笑問係咪一碟用一枝燒汁 不過我覺得幾好味呀。:(:(唔太滿意既就係店員落錯單，送左兩碟野菜烏冬尼問我地介唔介意...但慶幸野菜烏冬都合我地口味:):)因為都等左一段時間，費事要再等換餐，所以都照食。我地坐左兩個鐘，期間店員都有主動添水，值得一讚店員既服務態度都好好~ 最後$149埋單，唔洗加一，每一除返開只係$48，非常抵食，而且約三五知己來一聚，真係一個寫意既下午。…查看更多

今次同二十幾位同學聚會，有人建議新星任食火鍋，話好抵食。位置係深水埗運動場附近，荔枝角地鐵站行5分鐘左右就到，非常方便呢。當晚見到既飲品有啤酒、百事、七喜同埋夏枯草，我飲左三罐百事湯底試左鴛鴦(沙嗲/清湯)，沙嗲當然比較濃湯，灼完之後唔洗再加其他醬汁已經好夠味。而清湯比較淡，我會點豉油食。 今次掛住食野，冇咩點影相，在此介紹幾款我認為值得推介既食物。魷魚鬚、墨魚仔: 呢兩款大愛! 好鮮，其中魷魚鬚唔係水魷，而係平時燒魷魚個種魷魚鬚，加分加分! 象拔蚌: 竟然有呢款配料，食唔停口 牛柳粒: 唔洗灼太耐，有牛味，肉質嫩滑，亦都食左幾輪豬潤: 好大片! 口感好滑。任食火鍋尼講，新星質素好，而且食物種類多，多人聚會就唔洗怕難遷啦~ …查看更多

學校係石硤尾，所以間中都會尼品香樓食飯，質素同附近餐廳相比已經算上品(當然價錢亦成正比)。今次適逢朋友生日，聽講品香晚市同午市係唔同主廚，而晚市質素更好，於是我地就book左位晚上7點去品香食生日飯~是次一共點左6道小菜：咕嚕肉、椒鹽豆腐、魚香茄子煲、中式牛柳、蝦醬通菜炒鮮魷同埋賽螃蟹。咕嚕肉: 好好味! 平時都已經好鐘意食咕嚕肉，真係冇得彈呀。絕對唔會好似食緊粉團咁，啖啖肉不過唔知係咪因為我地多人，覺得肉塊偏少，我地好快就搶完喇，哈哈。椒鹽豆腐: 推介! 尤其是岩岩上菜既時候一定要趁熱食(小心辣口XD)，因為真係外脆內滑，食到停唔到口，唔洗點醬都咁好食~魚香茄子煲: 因為平時都唔食魚香茄子，所以不作評論。   蝦醬通菜炒鮮魷: 每條通菜都入晒蝦醬味! 真係好耐冇食過蝦醬炒通菜喇，用尼送飯一流呀 魷魚我最愛!! 好滑好好味。中式牛柳: 一件件好大塊既牛柳又係入晒味，肉質嫩滑稔軟。一碟都有好多件，勁抵食。賽螃蟹: 第一次食，撈飯絕配，啲蛋白好滑呀，又真係幾似食緊蟹咁我地差唔多個個都叫左呢度招牌既凍朱古力($16)，見到樓面姐姐一杯又一杯咁拎出去就知道真係好高人氣呀晚市既朱古力係有忌廉係上面既，為平凡既朱古力添上好睇既外型，亦都更加好飲呀呢餐飯過左幾日，我已經開始掛住品香既凍朱，下次一定要再去飲。今次一行十個人，除返開每個人只係$76，完全唔貴但係高質素，絕對值得大力推介!…查看更多

之前睇PND已經好想去呢間試下，畢竟呢區既CAFE真係少之又少呀。適逢小妹生日，幾位朋友終於帶左我尼呢間餐廳食飯喇。餐廳樓高兩層，個人感覺地下比較嘈，而樓上真係完全隔晒音，比較靜。而朋友今次BOOK左樓上  佈置都好靚，主要係暖色系。今次點餐後好快就送上餐湯(忌廉湯)同埋蒜蓉包~三文魚闊條麵。朋友讚好食，三文魚超級多，食晒d麵都仲有好多不過單食有d咸，但加埋闊條麵就岩岩好中和左陣咸味。我點的墨魚仔意大利麵。底下全部都係油，可能係我唔太鐘意呢種煮法。不過墨魚仔真係好好味整體味道偏淡。朋友點的韓式燒鵝烏冬。佢話分開食既話好好味，但合埋一齊食就有d奇怪。我試左一條烏冬，感覺OK的。炸魚薯條。等候時間比較耐，但係岩岩炸好既魚同埋熱辣辣的薯條真係好好食!! 魚柳炸到外脆內軟，令人忍唔住食完又食。建議真係要趁熱食，擺耐左就冇咁好味喇。朋友跟餐點既是日特飲，如果冇記錯係啤梨百香果綠茶~聽落去好似好伏，但其實原來陣味都幾夾，驚喜地好飲喎。芒果綠茶。好清新，甜甜地又唔會太膩，我好鐘意呢種味道，同埋個器皿都好靚。卡布奇諾。我唔飲咖啡的，但係兩杯拉花拉得好靚，係唔同圖案既XD呢個價錢呢種食物，真係物超所值呀，以後一定會再尼~…查看更多

看到網上介紹，才發現根本沒有嘗過港式菠蘿油，突然心血來潮想試一試。在深水埗舊區中成長，這一區的美食也實在不少。與友人也是第一次來到九龍餐室，環境乾淨也算寬敞，先給個讚。 特大菠蘿油餐($36) 餐牌上只有特大菠蘿包餐($32)，細問之下加牛油的話+$4，也可接受。一看到這個菠蘿油的時候實在是嚇到了，因為真的是名乎其實的大！菠蘿油尺寸大概有手掌般大，哈哈。 口感鬆化，雖然真的很大，但是吃完一整個也不會很膩。但是可能因為我們來得比較晚，已經接近晚市，所以菠蘿油是冷的，希望下次可以趕上新鮮出爐的時段~ 另外還有鮮奶火腿炒蛋，實在是太喜歡吃炒蛋了！口感很滑嫩，我這裏給滿分 沙嗲牛肉麵($34) 友人所點的是沙嗲牛肉麵餐。牛肉不知道為甚麼很酸，大大扣分 不過煎蛋是流心的，友人很滿意，說煎蛋十分好吃。跟餐送一杯飲品，我倆也選了熱奶茶，不錯不錯。總結來說，食物可以一試，不過不失。值得一提的是餐室門外有售賣各種包，價錢便宜，大約$4-$7不等，不過這次我們吃得夠飽了，有機會再來。…查看更多