小秋香's Profile

收工經過IFC看見此店甜品, 看似好味便買回家品嚐,花多眼亂,買了三件艾草麩抹茶忌廉蛋卷 - 自覺艾草是中藥, 平時艾草條是用來燒的, 從未食過, 便買了這件來試, 抹茶蛋糕包著艾草麩很好味, 再加上鮮忌廉, 味道一流.鮮士多啤梨撻 - 士多啤梨是來自日本的, 肥大鮮甜! 起碼有6個, 撻皮鬆化, 超好食.抹茶幻想曲 - 一件甜點有七層, 睇出做餅師傅的堅持, 當中抹茶蛋糕和忌廉很好味.下次經過一定會再試其他款式.…Read More

去澳門前係網上搵到此餐廳,評價都幾好,便出發前早兩日打電話去訂位,也預定了半隻乳豬焗飯,本想指明要下半部,不過阿姐話無得指定,無所謂啦,聽天由命.準時6:30到達,可能是平日餐廳內比較少人,同外面比較真係好唔同,好似去到另一個世界咁, 好舒服.我們四人共點了:原隻乳豬焗飯(半隻) - 聽個名都知係乳豬裡包住d飯焗, 乳豬皮很脆, 一d都唔膩, 半隻乳豬切到四件, 剛好每人一件, 其餘部份會拎入廚房等師傅再切件出來食.脆皮柚子手撕雞(半隻) - 是燒雞去了骨, 再加柚子一齊食, 酸酸地, 好好味, 雞皮就淨係放上面, d皮好脆, 又唔肥.貝絲白玉脆茄子 - 是炸脆了切件的茄子, 蛋白炒熟放上面, 再加d炸脆了的乾貝絲, 全部炸得很乾身.還有附送的餐前小食和餐後的迷你葡撻加熱奶茶, 也是非常好味.侍應服務很好, 整體來說都有滿分.下次去澳門也會再來.…Read More

由於親戚剛從外國回來,想帶他品嚐一頓老字號的晚餐,決定太子鳳城啦,星期四(6月9日)打去訂星期六(6月11日)七點八位,可惜已滿, 要八點才有位, 無問題,預訂了順德彭公鵝, 上湯粉果和蓮蓉西米焗布甸,本來想預定百花鮮蟹箝, 不過聽電話的亞姐說"無喇",其實我也不知是因季節限定或是其他原因.6月11日需然訂了晚上八點,因家中有兩位老人家,不想他們來到還要等位,自己一人七點十五便到達鳳城,本來即刻有位,不過自己知親友一定要八點才到,在不要令人做少了生意為原則,說不要了,接待的女侍應也很有禮貌,他將我名字放在第一位,時間也越來越近也有擔心家人來到未有位,不過真是奇蹟在八點前剛好有張八人枱埋單,我剛入座親友便到達,時間剛剛好.說到菜式:- 乳豬拼生腸海蜇 - 招牌菜, 有一定水準. 蝦多士 - 炸得麵包鬆化, 都ok, 不過真係好想食蟹箝. 順德彭公鵝 - 要預定, 此菜式無得彈, 超好味, 用醋煮鵝, 再加鵝旁的子薑, 不油不膩. 生炒骨 - 雖然都係黎度招牌菜, 無諗住叫, 不過亞媽行入黎時見到其他食客食, 好似好味, 老人家想食當然要叫啦, 不過問了我哋覺得係專家議見, 係排骨唔夠脆, 不過酸酸地都ok. 家鄉炒班球 - 班球很滑, 夠味, 都有幾多班球, 無叫錯. 枝竹炆頭腩 - 黎個就麻麻, 頭腩用厚厚的粉漿炸, 勁多枝竹, 反而頭腩唔係咁多. 上湯粉果 - 好味, 不過有d粉果炸起已爆開. 蓮蓉西米焗布甸 - 又係招牌菜, 好味到硬係無彈啦.服務ok,上菜速度快, 由於是尾圍可以慢慢食,感覺舒服.…Read More

三八婦女節緊係唔會在家煮飯啦,去了美心皇宮食晚飯,兩人共點了: 半份濃湯雞煲翅 - 168元, 講到用濃湯緊係夠味啦, 翅份量都ok. 貴妃脆蝦球 - 78元, 一碟只有六隻, 大大隻, 再加上蝦子, 很好食. 蕃薯芋頭菜煲 - 68元, 全餐最失望的一個菜, 蕃薯硬和無甜味, 芋頭還可接受, 有芋香, 看似簡單的一道菜都做得不好. 上湯煎粉果(半打) - 48元, 夠香口, 但有d油膩, 都好味.服務很好,埋單432元.…Read More

星期天工作完,要慰勞一下自己,去了銅鑼灣西苑,兩人點了: 西苑大哥叉燒 - $118, 係招牌業當然好食, 肉質鬆軟, 送來時還是熱的. 當紅炸子雞(半隻) - $180, 餐牌寫要預定, 不過佢地會炸多幾隻, 預備即場有人客點, 但可能好早會賣晒, 所以最好預定, 是用新鮮雞做的, 皮脆肉滑, 連雞胸都好食. 百搭蔥爆帶子皇 - $188, 炒得夠惹味, 帶子大大粒, 一碟有八粒. 砵酒焗澳洲石蠔(兩隻) - $58(每隻計), 石蠔很大隻, 是炸完再加酸的醬汁, 很惹味, 夠新鮮, 要用刀叉品嚐. 乾燒伊麵 - $98, 夠乾身, 唔油膩, 很好食.埋單是$758,侍應服務和食物都一流, 一定會再去.…Read More

每次假日想去飲茶都會想起這裡,交通方便,比起其他美心酒樓比較少人,兩人食了: 牛肉腸粉 - 牛肉好味, 粉皮軟滑. 燒賣 - 是最傳統, 味道當然有保證. 牛肉球 - 必食之選, 大大粒, 好食. 蝦餃 - 好好味, 大大隻蝦在內. 春卷 - 夠鬆脆, 很好食. 义燒包 - 內裡是半肥瘦义燒, 夠味道. 芝麻卷 - 今次之重點推介, 夠芝麻味, 重好似紙咁薄, 一定要試.服務好, 一定再來.…Read More

是日秋高氣爽,又去行山,又想飲茶,便出發去川龍,行了3小時終於行到彩龍,不過今日可能遲o左少少,店內人山人海,行到行唔到,兩人食了:埋單127元,食物味道ok,尤其西洋菜...正呀....不過取食物就麻煩d,好似搶咁.…Read More

係9月14日見晨早免費報紙有現金券送,每食滿150元可作50元用,剛好放假,虛榮心作祟,想望靚景食飯,決定去貪便宜.11:00去到,剛營業,坐到落地玻璃前,景觀真係一流,兩人共點了: 一口潮州粉果 - 一籠五只, 細細隻, 都幾別緻, 味道ok. 豆蔻海斑腸粉 - 腸粉都幾滑, 份量少, 味道也可以. 山竹牛肉球 - 一般貨色, 一般味道, 但真係超細粒. 泰汁脆雲吞 - 個人最愛, 雲吞皮鬆脆, 個汁都好味, 又係超細. 自家醬义燒包 - 個皮就一般, 唔夠美心酒樓發得好, 但個醬真係幾好味. 蝦餃 - 免費送的, 每人一隻, 試食, 反而大大隻, 味道ok.唔夠飽, 因菜牌內大中小點無價錢,唔知夠150元未,追加: 蝦子遼參伊麵 - 88元, 都幾大碟, 夠味道, 好食.埋單: 260元,減了50元現金券,實收: 210元,整體來說份量少, 價錢比較貴.…Read More

約了一班好朋友一齊食晚飯,最終又是美心集團的潮江春,此店在新都會是新開張的,一行七人共點了: 鹵水鵝片 - 啖啖肉, 好好食. 香露肉排 - 雖然話係小食, 其實都大碟, 看樣子本以為很肥膩, 但食落ok. 蒜片牛柳粒 - 牛柳粒入口溶化, 夠入味. 椒鹽九肚魚 - 炸得夠乾身, 放了一段時間也不軟, 好食. 煎蠔烙 - 夠乾身, 香口, 唔多粉, 好食. 海鮮粉絲煲 - 大大隻蝦, 大大件魚柳, 足料, 粉絲入味. 梅子炒烏魚柳 - 成條烏頭起肉, 無骨, 不過個人覺得加梅子時重手了一點, 好酸, 不過席中有朋友說可接受. 腿茸扒津白 - 腿茸很出味, 令津白好食. 乾燒牛坑腩 - 看似多肉很膩, 但坑腩不硬, 又夠味, 好食. 潮州煎伊麵 - 又是乾身之作, 朋友的女兒一人食了半碟, 一面食一面說好好食, 佩服. 蠔仔肉碎粥(窩) - 足料, 蠔仔大大隻, 好味.埋單1,020元,價錢合理,服務ok,但人手不夠,看到服務生個個都很忙,跑來跑去,很辛苦.一定再來食.…Read More

晨早起床很想食粥和腸粉,便出發去永利,去到時只是一般多人.點了: 碎牛粥 - 12元, 多料, 粥底很綿, 不像其他集團式粥店, 攪兩攪便變水, 又便宜, 又好味. 腸粉 - 7元, 是在店面即做的, 當然軟滑, 再加上秘制豉油, 無得彈.食物有水準,但地方不要有要求,店內細, 食飽飽後便要立即離開,讓坐其他食客,免影響做生意.…Read More

知道此店剛新開,又是美心集團擁有,當然有信心,晚上九時才到,當然不用等位啦.兩人點了: 欖角豉蒜蒸扁魚 - 看到佢菜牌張相, 好似好味, 所以點了, 蒸出來的賣相同張相一樣, 雖然師傅切到薄薄一片片, 但對不喜歡食骨的人, 真是有難度, 此菜式味道一流, 全無問題. 二蝦鍋塌豆腐 - 是先炸了豆腐炆一炆, 上面放大蝦, 再加一層蝦子, 豆腐很滑, 蝦亦很爽, 好味. 小蔥蛋炒飯 - 即蔥粒加蛋炒飯, 雖然沒有特別, 勝在炒得夠乾身, ok.埋單: 355.3元招呼一流,飽到連甜品都食唔到,下次要試拔絲香蕉.…Read More

朋友生日有75折優惠,所以一試,兩人點了:"星級推介套餐": 鮮茴香海鮮忌廉湯(兩客) - 好一般的罐頭湯, 普通. 香芒煙三文魚鮮果沙律 - 鮮果新鮮, 好食. 醬燒豬仔骨配美國瘋薯條 - 味道還可以, 但其中一件豬仔骨燒得過火了, 比較乾. 即磨咖啡(兩杯) - 非常好飲.套餐價錢: 263元另外加了: 海鮮拿玻崙意大利粉 - 108元, 好味, 汁醬剛好掛在意粉上. 法式焗檸檬班戟 - 跟套餐只需加20元, 好味, 班戟浸在溶牛油中.埋單: 341元.侍應全是年青人,服務好,手腳快.…Read More

經過看到"夏日限定"被它吸引,買了三款蛋糕, 脆脆木糠布丁新地 - $16, 以為好似澳門的木糠蛋糕, 內裡只有少量蛋糕, 但有大量忌廉. 芒果意式奶凍 - $18, 內裡分三層, 上面是芒果茸啫喱, 中間是芒果慕絲, 最下面是意式奶凍, 好味, 有芒果香甜. 草莓意式奶凍 - $18, 內裡和芒果意式奶凍一樣分三層, 果茸由芒果改為草莓, 但比較酸, 是另一種味道, 也好食.職員工作態度好,眼明手快, 下次會試其他麵包和蛋糕.…Read More

1:30來到此店,原先以為唔會人多,因這天不是假期,但竟然滿座.由於此店中午時段設最底消費每人85元,兩人都點了"四季平安"午餐,剛好是每位85元,包括: 明火靚湯 - 是日是茶花菇煲節瓜湯, 本以為清淡, 實際很濃郁, 好飲. 五彩薯條 - 是將炸好的薯條加入蕃茄汁內, 很醒胃. 陳菇煮豆腐 - 豆腐很滑, 好味. 莧菜卷 - 可能要蒸, 是最遲一碟上枱的, 用腐皮包莧菜蒸, 很有心思, 又是好味之作. 金絲扒時蔬 - 最普通的 一味, 也ok. 白飯或粥 - 我們都要了白飯, 白飯內加入粗米, 感覺很健康. 時果 - 這天是蜜瓜.白飯, 粥 和湯都是任食,服務很好,不收加一和茶錢,一定會再去.…Read More

中午12:30來到, 不用等便立即有位,我們一行五人,分兩轉叫食物,狂風掃落葉後,個個飽到連晚飯都食唔落.第一轉: 特色小籠包 - $48/6隻, 真係唔洗講, 正... 菜肉蒸餃 - $45/6隻, 皮薄餡靘. 排骨蛋炒飯 - $55, 話就話排骨, 其實好似件豬扒, 好大塊, 炒飯就無得彈啦. 紅燒牛肉湯麵 - $58, 湯好重味, 但牛肉比較實. 台式擔擔撈麵 - $30, 花生醬味重, 很好食. 酸菜肉絲拌麵 - $35, 酸酸地, 很開胃. 鮮肉飽(2個) - $15/1個, 飽裡有肉汁, 好味.第二轉: 台式酸辣湯 - $32, 酸味ok, 但辣味唔夠. 上海燻魚 - $48, 夠味, 連骨都食晒. 牛肉湯麵 - $35, 同紅燒牛肉麵一樣, 只係無晒d牛肉. 蔥花蛋炒飯 - $30, 同排骨蛋炒飯一樣, 無咗件排骨. 鮮肉飽(1個) - 追加的. 八寶飯 - $38, 糯米飯裡有豆沙, 好好食. 迷你荔芋飽 - $30/3個, 都ok, 但芋頭味唔夠. 迷你芝麻飽 - $30/3個, 好味, 麻蓉很香.埋單: $643服務無得彈,上菜很快.…Read More