richardbamboo's Profile

唔知係我有要求，定係已經係常態⋯⋯🤦🏻‍♂️星期五晚6:30入座，8點要交枱，ok👌🏻點咗大蝦沙律、燒肉炒芥蘭、船麵、泰茶6:40上菜後，6:50開始，三位侍應，每隔兩三分鐘就想埋嚟收嘢，足足15分鐘，收晒！俾埋錢7:11⋯⋯撇！食物方面，性價比唔高，沙律個汁好好味，蝦好彈牙兼大隻。芥蘭正常，燒肉夠入味。個船麵⋯⋯似係淥定好耐，摷極都係一舊。泰茶正正常常。咁嘅價錢，咁嘅質素，咁嘅態度，真係無其他選擇咩？🤔…Read More

星期日中午買個咸蛋肉餅飯外賣，等咗20分鐘，返到屋企打開見到鮮嫩粉紅，仲以為叫錯咗韃靼牛肉😓測試口感應該7成熟，豬肉唔熟真係無謂搵命搏，結果用咸蛋豉油撈飯！🤬*唯一可取係奶茶好大杯…Read More

香港火鍋文化已經百花齊放，遍地開花（唔計蔡生個人意見），好友介紹有新火鍋店開張，立即相約試一試。七點零未齊人先叫個鬼馬油條做小食，表面加咗蟹籽，口感同坊間有啲唔同-好味。人齊order個魚湯底，侍應叮囑必先飲啖湯-鮮甜、足料。牛頸脊-比坊間一般的略厚，淥完唔會散晒，牛味濃手打四寶丸-新鮮足料，爽口彈牙黑松露餃-芳香撲鼻，值得encore豬柳條-第一次食，爽滑，有𡁻頭田七苗-聽都未聽過，甘甘地，好特別響鈴-即叫即炸，可灼可唔灼，口感太不同蜂巢豆腐-索滿湯汁，入口即溶花彫醉雞-稍為失色，唔夠入味，未試過果盤係龍眼，清甜好味！招呼週到，地方闊落，價錢公道，奈何戰鬥力不足，下次先試埋個海鮮拼盤。…Read More

好友介紹，荃灣新開咗間美式工業風嘅cafe，嗱嗱聲相約飯局，遠少少都無所謂啦！餐廳走kidult路線，滿壁限量版玩具，裝修都值80分。落單，點咗：牛油果蟹肉沙律-蟹肉份量略少，但係配上羽衣甘藍，超健康呀！蜜糖雞翼-正常水準白酒藍青口-配上大量洋蔥、茄乾，精彩！煙三文魚意粉-意粉略嫌太淋，無乜咬口，可能迎合大眾口味香草羊架-火喉控制得宜，鮮嫩juice炸豬手-皮脆肉嫩，送啤酒一流（可惜未有酒牌，要行幾步去幫襯惠康）配菜燒菠蘿極之出色，早知單點一客。反而原粒蒜頭未焗至變蓉，仍帶苦澀味。最後加杯焦糖咖啡（焦糖味太搶，冚咗唔少咖啡味）同牛乳蛋榚作完美句號。整體嚟講，勝價比極高嘅餐廳，遠少少都會再嚟！…Read More

九點四十分入座，一位貌似部長人士放低menu話十點last order，轉頭叫落單，佢隔住張枱企晌收銀處問要乜，要乜無乜，我嚟消費，你唔想做生意不如唔俾我入啦，今時今日仲有啲咁嘅服務！…Read More

經過灣仔，想起標榜健康的原汁原味，晌門口見到「米芝蓮」推介，諗住食餐好，點知。。。點了茄子班腩飯，鹽燒鯖魚飯先唔講食物質素，兩位經理係咁sell套餐、加湯、加嘢飲，仲以為自己去咗做facial.茄子班腩飯先到，四五件鮮班腩同茄子，不過係皮包骨，炸粉獻汁撈飯，88蚊呀大佬！等咗20分鐘，終於等到鹽燒鯖魚飯，乜鯖魚唔係熟㗎咩！原來要响隔離舖拎過嚟，30幾度，沙塵滾滾，拎到嚟感覺真係有啲委屈，真係唔明「米芝蓮」推介啲乜！不如出本「咪食推介」好過。…Read More

黃雨剛除，相約好友一聚，據聞此乃星級食堂，一行六人，去吧！先點一鍋霸王花煲豬𦟌及三前菜（义燒，皮蛋醬豆腐，去骨沙薑雞中翼）再點神仙鴨，鯪魚餅，陳皮骨，梅菜蒸節瓜，楊州炒飯湯：正常燉湯，足料，湯渣好味。义燒，皮蛋醬豆腐，去骨沙薑雞中翼共二百大元！义燒，少！雜亂堆砌！韌！皮蛋醬豆腐，少！味怪！去骨沙薑雞中翼，經典！四隻雞中翼加四隻雞翼尖！直情想打俾海關！失實陳述，誤導，欺詐消售手法！神仙鴨，各位看圖自己判斷，一隻白灼模樣，再加侍應用匙舀加剪刀弄到這樣子，神仙難救！鯪魚餅，八件，好味！陳皮骨，八件，重陳皮香！梅菜蒸節瓜，色，香，味俱無楊州炒飯，配料十足，粒粒分明，全晚最出色！以此等食品質素，不禁懷疑星從何來，亦概嘆中菜的傳承。…Read More

觀塘工廈臥虎藏龍，亦良莠不齊，是晚二人同行，點了一個晚餐加串燒拼盤。晚餐包括：雜錦刺身，麵包，湯，羊架，甜品，加$15有飲品。雜錦刺身：正常5件麵包：全晚最好食湯：全晚最熱羊架：無問幾成熟，嚟到九成（你估按揭咩！）焗薯微溫，放棄甜品：一球雪糕加一格意大利聖誕蛋糕！！！加$15飲品：熱香橙朱古力，又係微溫最後要講是晚重點：串燒拼盤帶子（外暖內冷，多重口感，一灘水浸住，各位想象下）、蝦（微溫）、豚肉車厘茄（凍）、金菇牛肉卷（韌）、煙肉蘆筍（凍）、冬菇（凍，生，我要串燒，唔係刺身呀！）四舊幾落樓，難食，唔飽，當買個教訓！…Read More

剛踏進四月，雨仍落過不停，好奄悶！知道囍點新推私房菜，兩公婆就訂位一試！七點零上到去，原來兩位都會間個小屏風，自成一角慢慢嘆！通常掛住食唔記得食咗D乜，好在有菜單。蜜椒煙鴨胸：甜中帶點黑椒香，正！芥末雲耳：吃了一口，很嗆！交俾老婆。黑醋茄子：微酸，醒胃。原盅杏汁燉豬肺湯：對於杏仁味十分抗拒的我，此湯味道剛好，老婆就話濃D仲正！鮑羅萬有：山根釀入所有材料，略嫌螺肉太硬，轉鮑魚就正啦！群龍聚首：黃金煎及沙律汁燴，甘香味濃，無得輸！涼瓜菜甫肉鬆煎封海英䱽：估唔到個汁同條魚咁夾，互相交纏，好複雜！鮮蟹肉南瓜蓉蒸蛋白：每層味覺，口感，都有驚喜！至此，老婆已經飽到投降。翡翠田園：小唐菜加杏鮑菇，正好清一清味蕾。馬拉盞排骨蒸籠仔飯：雖然好飽，但一打開個蒸籠，果陣荷香，馬拉盞香，排骨香，飯香，撲鼻而來，唔食對唔住自己，餘下打包（真惜食）。精美甜品：當然整碗薑汁湯圓驅寒啦，真係好辣！雞蛋迷你馬拉糕：鬆軟彈滑，完美結局。食飽埋單，不經不覺食咗兩粒鐘，下次試埋另一款先。兩公婆趁無落雨帶埋個飯盒散下步。…Read More

見新開張無耐，抱著一試無妨的心態，兩口子叫了過橋米線餐，香草烤雞翼，油菜，柚子蜜。過橋米線：料夠多，米線亦多，味道不錯，一個大男人都未必能K.O.香草烤雞翼：香料味濃，乾身，微辣，亦不錯。油菜：正常，但附送橡筋半條。柚子蜜：超甜，可沖兩杯。接著要說重點：落單後不久，望見隔鄰檯面有六至七隻蚊滋，侍應見狀一手抺掉。。。已覺倒胃！望望其他桌面亦同樣，只是多寡問題，更覺嘔心。全餐飯不消二十分鐘便匆匆完事。有蚊燈不著，有空調不開，這樣的食肆能撐多久？…Read More

相約舊同事敘舊，才發現囍點從地舖進駐附近的工廠大廈，依舊由強哥主理，小菜吃得多，膽粗粗一試他們的私房菜！比想像中的工廠大廈，乾淨，企理，比舊址大一陪有多。因為沒有菜單，同埋掛住食，菜式名字可能有出入及遺漏，菜式如下：芥末黑木耳（少少辣，有嚼勁）辣醬東風螺（辣味掩不了螺的鮮味）黑糖醋生炒骨（有驚喜）炒蟹（肉鮮殼酥）芝士蝦球（惹味，彈牙，未見過用烏冬墊底）蒸班（火喉剛好，街巿買一定過兩舊）薑汁芥蘭（多啲薑會好啲）胡椒魚雲（魚雲炸得酥，骨都𠼱埋）三色蛋唐生菜（較平庸）雞（外層炸得香脆，肉質鮮嫩）咸魚鷄粒焗飯（可能太好味，感覺細兜咗啲，嘻嘻）蒸蛋糕（兒時的住家風味）湯圓（芝麻餡配豆漿底，我like薑湯多啲）免茶芥加一，無得碌卡，滿足！…Read More

經過此小店，心想，日本的拉麵小店也極用心，如有一半水準也不錯，結果.............如標題一樣！豬骨湯底义燒拉麵：只有咸味的湯底，配上厚切且硬蹦蹦的义燒，拉麵也太硬了。豚肉生薑燒飯：小弟從懂事開始，從未見過（或聽聞）此飯會用"豬柳“，對，是至少一厘米厚的豬柳，煎熟切件淋上生薑汁！看罷還有甚麼期望可言！晚上還要吃餅充饑！！！！！…Read More

尋尋覓覓，終於找到隱蔽的英倫小店。點了沙律，炸魚薯條，羊肩肉薯蓉（大概沒翻譯錯吧！）加杯 Tetley's （夠正宗！）沙律新鮮，惹味，開胃。炸魚薯條的炸漿做得不錯，炸魚和薯條還滲有微微香草味。羊肩肉薯蓉焗得剛好，有點點羊羶味，有嚼勁，薯蓉有蓉有粒，有誠意。餐牌選擇雖不多，但專注遠比款式重要。結賬後走出船街，一時間忘卻了自己身在香港，哈哈。…Read More

跟太座看完電影節，想來一個完美的句號！甫進店，看了一下餐牌跟推介，點了三心兩意及酒釀明珠。三心兩意：南瓜麥米露$11：不太甜，有南瓜香。法式燉蛋$13：香滑微焦。朱古力慕絲$13：濃香朱古力。三款甜品都有水準，但份量實在少得嚇人，只有西餐盛牛油的碟子份量!!!我吃完之後，酒釀明珠還未出現，由落單至追單，相隔十五分鐘（明顯漏單）再等六、七分鐘，終於出現，有酒香，明珠亦有咬口，可是太座吃著、吃著...........發現一隻米般大的蟻，頓時掃興兼火滾，通知侍應及收銀，埋單走人。收銀還要我提才免收酒釀明珠，還解釋桂花糖經常會有蟻！我沒甚好氣，聽了便算。但這是你的問題，若然桂花糖裡有隻獅子，你會給我嗎？我相信明星效應下，此店還可繼續生存，況且附近沒有競爭者。…Read More

中午買個飯盒，竟有如此遭如：落了單，付了費，等了又等，終於看見飯盒出現於吧檯面，通知他們飯盒巳出現，卻將我化身成隱形奇俠，再三催促，才見有人理下我個飯盒！但疑似用罄了膠蓋，再將我的飯盒換成了紙盒，經過十五分鐘的糾纏，終於拿到又冷又凍又不是味兒的煎豬肉餅飯盒了！當然飯是保持一貫的爛！…Read More