一舊雞的个人专页

看到其他客人的雞鍋十分吸引，細問下原來是雷州雞煲，一於嘗試！這是半隻雞份量的，大大個鍋連爐一併上檯，乍看好像沒有幾件雞，誰知愈吃愈來，直至二人都捧腹吃飽還未吃完！初上時雞件尚未算十分入味，但滾上一段時間後，雞件充分汲收湯底味道，非常入味！又香又辣，加上大量配料，豬紅，蘿蔔等等，外加大大碟生菜，份量十足！蜆肉菜甫炒蛋，這是外邊較少吃到的菜式，這樣的配搭有趣而且好味，蛋汁味濃，只略嫌蜆肉較少和蛋略乾身。美極鮮魷，很惹味的一道小菜，味道調得剛好，但鮮魷炒得火喉有點老了而顯得韌口。但整體來講這裡是小炒水準不錯，值得光顧！…查看更多

今晚兩個人去到apm鱷魚恤大廈搵食，掃下水牌，發現呢一間北斗翁新開架喎。上到去門口望入去裝修乾淨企理，環境舒適。雖然餐牌價錢睇落唔便宜，但一於give it a try！點一個花蛤海鮮湯底，一盤大手切牛肉（脊肉）、脆肉鱔片、手打四寶丸，再加一大盤雜菜。兩個人食，應已足夠。首先請根據個人口味調製屬於你既醬汁先啦！我個人口味喜歡清一點的湯底，好帶出生料原來的鮮味。這花蛤海鮮湯底，材料有花蛤、青口、魷魚鬚，但就略嫌味道稍濃。手切牛肉單看賣相已經吸引，表面布滿雪花，稍焯即食，牛味非常濃郁。（其實在家打邊爐我都會去街市買呢款牛肉，所以我知街市價約200多百一斤）鱔片肉質爽脆鮮甜，但有少少魚刺；手打四寶丸全部人手打造，口感一流，爽口彈牙，特別係墨魚丸蝦丸特別出色。而呢盤雜菜，但我去過唔同既火鍋裡面，最最最特別既一盤，雜菜種類多不在話下，最特別佢砌到好似一盤盆栽咁，好得意！值得一提，伙計服務態度殷勤，食到一半佢地主動過來「筆」走湯面的油泡，令湯底保持乾淨，值得一讚！:)最後埋單，渣打或匯豐卡有九折，埋單計數$718，兩個人食火鍋來講，都幾貴！…查看更多

上次兩個人嚟食，點得兩三個菜，但記得水準唔錯，尤其蟹粉獅子頭，今次於是叫埋朋友，拉大隊嚟試多啲菜式。蟹粉獅子頭：係嚟呢度必吃菜式，湯清甜，獅子頭肉質鬆軟，入面肉汁又多！底部啲粉絲索咗湯，更正！蟹粉豆腐：蟹粉多，豆腐滑，中規中矩！蔥油蟹：膏勁多，但好實，蟹肉，OK，都算清甜，但香口的蔥油汁係精髓，令到個菜式變得惹味！樟茶鴨：好似有啲煙薰味，鴨肉都算滑，而且鹹鹹的幾好味！小籠包：不過不失，唔算特別精彩，因為吃過比呢度更好的！瑤柱豆苗：遜色在瑤柱得兩條……但收$98，以價錢而論，有點不合格！生煎包：包上軟底部煎得香，肉汁唔算濃，但都幾好食！招牌炒飯：入口鹹鹹地，飯又夠乾身，幾香幾好食！總括而言，都唔錯，難怪平日都全店滿座啦！…查看更多

Steamers一向係我西貢至愛餐廳之一。先推介All Day Breakfast，大大份豐富「早餐」當午餐，厚煎蛋，煙肉，脆皮腸仔，茄汁焗豆再加炸薯條，份量同味道都一流，真係食到飽飽。另外，最近發現燒牛肉又係好正，牛肉嫩而肉味濃郁，燒得剛剛好，不過燒牛肉只有星期日供應，想食好野記住星期日入來。…查看更多

來到漢堡店，唔係食漢堡，而更加估唔到既係，呢度的香脆雞翼真係超級好食！即叫即炸，脆！雞翼有五件，件件大大隻，抵！雞肉嫩滑，外脆內嫩，讚！最難得係，有齊以上優點之餘，雞肉仲要好入味！Monster Burger 的香脆雞翼堪稱我試過最好味的炸雞翼之一！超級給力！仲唔至，下午茶套餐只賣$26，有五大件雞翼、即炸薯格，連汽水，真係超抵食！咁既價錢，茶餐廳都做唔到啦！誠意推介！…查看更多

初四到將軍澳探朋友，就近新都城找地方飲茶。先上OpenRice看看新都城的酒樓，看到海港笑臉多於喊臉，於是就決定試一試這裡。由於仍然是農曆假期，新都城內各酒樓門口都堆滿輪候的人龍。我們是二位，在海港拿到籌，還要等上半小時才有一張跟別人搭檯的位子，接著就是狂風掃落葉式的揀選點心：海哲是塊狀而不是條狀的，熏蹄除表面幾片像樣，下面全都像豬皮，都是切得大大件的，看到賣相已經不大想吃。菠菜蝦腸，腸粉尚算嫩滑，蝦肉彈牙。XO醬蘿蔔糕是凍的，而且味道不算惹味。煎釀茄子，茄子超大件，但沒有味道，而且太大件很難咬，中間的釀魚肉不錯。鳳爪，不錯。燒賣很大粒，味道OK。南瓜排骨，全是肥膩的肥肉，吃不了多少。這裡的點心，除了份量夠大，實在沒有可取之處，真的，真的需要更多喊臉去平衡一下。…查看更多

初三晚在家，不想外出吃飯，想起Pizza Box的外賣。以前曾試過Pizza Hut的外賣，但試過一次就不打算再幫襯，因為外賣的質素比堂食差太多。由於新年期間，Pizza Box的柯打非常忙碌，網上外賣不知為何不能下單，電話也打了很久才接通。天天套餐價錢$133，包括：任選Pizza一個、任選小食一客、湯或汽水兩罐。香辣多寶Pizza，餅底煙韌，配料有洋蔥、紅腸、意大利腸、蘑菇等，辣味幾夠，芝士味濃、兩個人食晒成個批都唔覺膩喎！不過可惜外賣時間太耐啦，送到來個批已經凍晒啦。香蒜雞翼，雞翼入味，香蒜味香，好吃！不過，一份天天套餐，兩個人吃好像有點點不夠飽呢。試過Pizza Box，任何一方面都好過Pizza Hut外賣，以後都唔會再叫Pizza Hut了，要選Pizza外賣，首選Pizza Box！…查看更多

說實在的，我真怕出外打邊爐，因為大部份都是百多元任飲任食的所謂自助火鍋，實際卻沒有一款像樣的東西可吃！第一次到真味鮮廚打邊爐，就是因為它沒有提供自助火鍋！在選火鍋前先吃過前菜，口水雞！這個前菜是真的差，醬汁無味，雞肉質孱孱；皮蛋仲有少少「拿」口！選了個螺片花膠雞湯底，看！單是名稱也大勝什麼皮蛋芫茜、駌鴦湯底之類的湯式吧。而且，湯底的配料還是獨立奉上的，是看得見的真材實料哩！魚片頭腩，魚片肉脆，頭腩味鮮甜，好食！但份量太少了！（價錢約$70）餃子拼盤，共有四款不同的餃子，每款四粒，合共十六粒，多得吃不下。。。肥牛，牛味幾濃，厚薄切得剛剛好！潮式四拼，有魚皮餃、魚蛋、牛丸、魚角，全晚最失色要算它，魚角淋巴巴的，不好吃！但整體來說，這裡的火鍋質素已經合格有餘，價錢二人共花費四百蚊！…查看更多

二男三女，午餐點份四人小菜套餐，大家都吃得飽飽的，除開每位不過四十幾蚊，抵啦！可選的小菜有二十多款，我們選了：1) 燒味雙拼，選了燒鴨叉燒，叉燒略略甜了點，燒鴨差不多是四份一隻的份量。2) 栗米斑塊，斑塊厚肉，相比好多地方只有炸粉沒有魚肉，這裡合格有餘！3) 漁香茄子煲，茄子煮得爽口又入味，惹味好食！4) 金銀蛋浸菠菜，菠菜仍青嫩可口，除皮蛋咸蛋外，好像還加入了雞蛋呢。此外，套餐包四碗白飯，四杯餐飲，仲有各人一碗例湯呢！…查看更多

自從某次嚐過Ben & Jerry's的雪糕，便一試傾心。天寒地凍的天氣下，經過中環閣麟街Ben & Jerry's，又忍不住要光顧。今次捨棄了我至愛，朱古力味極香濃的Cholocate Fudge Brownie，轉戰試試從未試過的Cookie Affairs。Ben & Jerry's的雪糕不是著重質感的那種，所以不算幼滑，但卻有一份粗糙扎實的口感，加上你吃得到的百份百足料的感覺，愛雪糕的不應錯過。話說回來，論味道之香濃程度，Cookie Affairs實在不及Cholocate Fudge Brownie，唯有粒粒曲奇碎稍稍補回了一點點層次感。我想，下次再來的話，還是Cholocate Fudge Brownie吧。…查看更多

路經中環，在蘭芳園對面看到這家六十多年老店。既有如此悠久歷史，相信水準必定不會太差。看看店內的雜誌報道，知道這裡的魚蛋採用傳統手打方法製作，並表明因為拒絕加入化學劑，所以不像外間的機製魚蛋般彈牙，OK，既然講到明唔爽口彈牙，又即管看看你還有什麼利害！點了一碗淨魚蛋，$20。魚蛋魚味的確幾濃，而且真係唔彈牙，唔單止唔彈牙，內裡仲充滿很多小氣孔，一咬開就有「散收收」的感覺，差勁！這種口感質感，就算魚味再濃也算不上好吃吧！魚片賣相亦頗醜樣，而質感也是跟魚蛋一樣的差！雖然店裡吹噓自己六十多年的老字號，但端上這樣的招牌菜，真對得起自己的歷史嗎？唯一的例外，是這裡辣椒油真係夠香夠辣，吃得過癮！…查看更多

粗菜館可謂聞名已久啦，今次終於能夠有機一嘗它。星期五晚七點來到，客人唔多，無需等位。兩個人點了三個餸，分別是口水雞、蝦醬炒通菜和薑蔥炒豬膶。口水雞：個醬汁係花生醬加辣油，期望中應該係辣，但花生醬太多，辣係完全欠奉，同埋雞肉雪到好實，無雞味，失望！蝦醬炒通菜：餐牌入面有菜san個樣做推介，炒得都算唔錯，好香，幾惹味，不過通菜就老左少少，但都唔錯唔錯。薑蔥炒豬膶：豬膶煮得剛剛好，幾嫩，有肉汁，火喉控制得唔錯，加上大量薑蔥同埋個醬汁，惹味開胃，不過雖然上來熱辣辣冒住煙，但豬膶裡面就唔係好熱（奇怪！）。但味道都係值得推介。雖然食物唔算好出色，但值得一讚係出菜快！點完菜十分鐘，所有菜都上齊，讚！…查看更多

去到鯉魚門，居然唔係食海鮮？冇錯，去鯉魚門真係唔係食海鮮，只係去鯉魚門運動場打波，跟住順便食個晏。$23的常餐有雪菜肉絲米、火腿奄列、多士，以及飲品，完全係正常茶餐廳格局。雪菜肉絲米大大碗，而且雪菜肉絲放唔少，唔似有些茶記只放一小撮雪菜肉絲咁孤寒。火腿奄列雞蛋炒得幾滑，包著裡面大大條的火腿絲，總括而言就係份量足料。但係同行老友就唔好彩，叫碟洋蔥豬扒飯，$25，據佢講只有一小塊腌到過晒龍的豬扒，而且仲唔跟飲品，熱飲加$6凍飲$8，完全唔抵。不過呢間茶餐廳貼著市政街市，所以全店充滿一陣街市胜味，頗難頂，食完要急急腳離開。…查看更多

是日肚仔唔算太餓，求其搵少少野食當晚餐。香格格的所謂套餐，只有米線一碗，連飲品都唔包（熱飲加$5，凍飲加$7），咁都可以叫套餐咩？我點左一碗香茅豬扒酸辣湯公仔麵（中辣），價錢$26，今時今日來講真係唔算貴。之但係，只得一塊超細塊既香茅豬扒，乾乾硬硬，彷彿係隔夜翻炸的，失敗！公仔麵上檯尚未淋開，明顯未經明火煮過，只係用熱湯浸熟，失敗！雖叫中辣，但完全唔覺有辣味，又失敗！如此質素，真係唔會再回頭。…查看更多

檀香不及咖啡香島國今成蛋撻國以上呢對既不通順，亦不押韻，甚至語意不通既無厘頭對聯，就係我在檀島咖啡發現的。閒話休提。今天下午在坑口逛，行得攰攰地，去左檀島幫襯件窩夫。$10一件的奶油窩夫即叫即製，大大份，熱辣辣剛剛烘起的窩夫，真係寧舍好食。味道絕對令人有意外驚喜！可惜座位設在路旁，是連理街通往南豐中心的通道，旁邊人來人往，十分open，如此環境根本坐唔得耐。…查看更多