星期五晚七點來到，客人唔多，無需等位。
兩個人點了三個餸，分別是口水雞、蝦醬炒通菜和薑蔥炒豬膶。
口水雞：個醬汁係花生醬加辣油，期望中應該係辣，但花生醬太多，辣係完全欠奉，同埋雞肉雪到好實，無雞味，失望！
蝦醬炒通菜：餐牌入面有菜san個樣做推介，炒得都算唔錯，好香，幾惹味，不過通菜就老左少少，但都唔錯唔錯。
薑蔥炒豬膶：豬膶煮得剛剛好，幾嫩，有肉汁，火喉控制得唔錯，加上大量薑蔥同埋個醬汁，惹味開胃，不過雖然上來熱辣辣冒住煙，但豬膶裡面就唔係好熱（奇怪！）。但味道都係值得推介。
雖然食物唔算好出色，但值得一讚係出菜快！點完菜十分鐘，所有菜都上齊，讚！
